CLOSE WINDOW

D2443
བོད་ཡིག

@##/ /rgya gar skad du/ tsit+ta gu h+ya do ha nA ma/ bod skad du/ thugs kyi gsang ba glur blangs pa zhes bya ba/ 'jam dpal gzhon nur gyur pa la phyag 'tshal lo/ /bram ze chen po sa ra has thugs kyi rtogs pa mgur du bzhengs pa/ kye ho 'khor 'das kun gyi rtsa ba sems kyi rang bzhin te//rtogs na sgom du med kyi ma bcos lhug par zhog /rang la bzhag nas gzhan las 'tshol ba a re 'khrul/ /'di yin 'di min med do thams cad gnyug ma'i ngang / /zhes gsungs so/ /klu sgrub kyis gsungs pa/ rtogs na gang gis 'ching bar nus pa khyod kyis smros/ /'ching ba gang yin de ni ye nas grol ba nyid//gang la bcings dang 'ching bar bya ba ma grub na/ /nags la gnas pa'i glang po gang bde rgyug tu chug /gsung ba// //pradz+nyA pha las smras pa/ rtogs dang ma rtogs gnyis kyi bar na su 'dus pa/ /de ni nga yin gzhan du ci yang yod ma yin/ / de la gang mthong de ni bde chen rang byung ste/ /thams cad thams cad de nyid yin par shes par bya/ /gsung ngo // //zhi ba 'tshos gsungs pa/ mnyam nyid dbyings las mi g.yo tsho 'phrul sna tshogs ston/ /chu bran sna tshogs rgya mtshor gcig go lan tshA'i ro/ /du ma ro gcig 'di la tha dad yod ma yin//thams cad thams cad gnyug ma'i ro yis khyab na bde/ /gsung ngo // //blo gros brtan pas gsungs pa/ gza' rgyal mkha' la shar bas rgyu skar zil non ltar/ /gnyis med ye shes chen pos rtog tshogs nyams par byas/ /'dis ni 'khor ba'i sa bon ma lus bcom zin gyis//da ni mya ngan 'das pa gzhan du ma tshol cig /gsung ngo // //ngag gi dbang phyug gis gsungs pa/ snang srid chos dbyings pho brang na/ /rig pa'i ye shes lham me ba/ /bde gsal stong pa'i gdan la bzhugs/ /'dod yon sna tshogs mchod par 'bul/ / dgag sgrub med par rol du gsol/ /gsung ngo // //rdo rje dril bu bas gsungs pa/ sems kyi de nyid mthong 'dod cing / /bdag gzhan 'dod pa bsgrub 'dod pas/ /spyi bo'i nor bu mchod par bya/ /dngos grub thams cad de las 'byung / /gsung ngo // //shang ka ras gsungs ba/dri med shel sgong dag pa gcig /tshon gyi rkyen gyis sna tshogs 'char/ /bar snang khams su 'jog shes na/ /gtan gyi bde ba de las 'byung / /gsung ngo // //shAn+ti bas gsungs pa/ gnas na zhog la 'gro na thong / /gnyer ka ma byed yan du chug /ched du gang 'dzin 'khrul pa yin//gzings la 'phur ba'i bya rog ltos/ /gsung ngo // //biR+Wa pas gsungs pa/ gang gang mthong ba de de nyid/ /dran pa'i rtsi dang ma bral bar/ /ci rigs par ni nyams su long / /gser 'gyur rtsi yi mkhan po ltos/ /gsung ngo // // ye shes zhabs kyis gsungs pa/ /snying phyung skyes bus yan lag g.yob par mi nus bzhin/ /sems nyid rtsa ba bral na rtog pas bcing du med/ dug gi sngags can du gnyid sman du 'gyur ba bzhin/ /thabs dang ldan pas nyon mongs nyid ni byang chub rgyu/ /gsung ngo // //shAn+ta de bas gsungs pa/'khor 'das gnyis kyi rtsa ba la/ /byang sems rnam gnyis sdong po rgyas/ /'di phyi gnyis kyi me tog shar/ /bdag gzhan gnyis kyi 'bras bu smin/ /gsung ngo // //ye shes snying pos gsungs pa/ chu shing snying po bral ba bzhin/ /sems kyi de nyid btsal gyi stor//sgyu mkhan ri mo ji bzhin du/ /sna tshogs snang la ngos gzung med/ /gsung ngo // //ni ru pas gsungs pa/ mar me rang gsal gcig pur zhog /chu dang rlabs ni tha dad min/ /bya yi rjes la btsal mi dgos/ /gnyid sad skyes bu blo sems bde/ /gsung ngo // // tog tse bas gsungs pa/ gang la nges shes skyes pas rtsa ba zin/ /de bas lhag pa'i ngo sprod gzhan yod min/ /snang dang srid pa'i chos rnams thams cad la/ /bla mar ma gyur pa ni yod ma yin/ /gsung ngo // //nag po zhabs kyis gsungs pa/ me tog sna tshogs du ma'i ro//bung bas gcig tu sdud pa ltar/ /chos rnams sna tshogs du ma'i ro/ /rtogs dang ldan pas gcig tu bsdus/ /ro ni skye ba med pa'i ro/ /myong ni ngos gzung med par myong / /gsung ngo // //nA ga b+hu su kas gsungs pa/ myong ba med pa'i nyams myong la/ /blo dang bral bas nyams su blangs//rtogs su med par gtan la phab/ /thob tu med par mngon du 'gyur/ /gsung ngo // //lU yi pas gsungs pa/ gnyug ma'i shes pa 'gyur med mngon du gyur nas kyang / /rtsol bas sangs rgyas logs su tshol ba ngal ba ste/ /glang po rnyed nas glang po'i rjes tshol ji bzhin no//nga ni sangs rgyas med par shes pas 'dod blo bral/ /gsung ngo // //kr-iSh+Na pas gsungs pa/ ngos gzung med par ngo sprad pas/ /stong nyid dang du nyams su myong / /dran pa'i mel tshe srung mkhas pas/ /'khrul pa'i rkun mos glags ma rnyed/ /rgyun chad med par nyams blangs pas//'du 'bral med par mngon du gyur/ /gsung ngo // //in+d+ra b+hu tis gsungs pa/ skyes bu gnyid log 'khrul pas non gyur kyang / /gnyid sad dus na 'khrul pa yul na med/ /de bzhin ma rtogs 'khor bar sdug bsngal kyang / /rtogs dang ldan la 'khor ba'i yul na med//gsung ngo // //rat+na kIrtis gsungs pa/ nyi ma'i 'od zer kun nas rgyas pa'i dra ba can/ /mun pa'i tshogs rnams 'joms mdzad ngo mtshar che/ /rtogs ldan bla ma thugs rje'i 'od zer dra ba can/ /gdul bya'i blo yi mun sel 'di ni ngo mtshar che/ /gsung ngo // // kau ka tas gsungs pa/ dbang bzhis smin pa'i bu la nyams kyi gdams pa yod/ /thos pas sgro 'dogs chod la tshig gi gdams pa yod/ /bla mas thugs la btags la gnad kyi gdams pa yod/ /'khrul pa gong du bshig la mtshang gi gdams pa yod/ /gsung ngo // // sa ha dzas gsungs pa/ bu nyon khyod kyis nam mkha'i dkyil du ltos/ /lho sprin mi dga' 'di ni nam mkha'i cho 'phrul yin/ /'ja' tshon 'di la bden par ma 'dzin par/ /chu bo chen po'i rgyun la zhon la shar du rgyug/ /gsung ngo // //glang chen gos kyis gsungs pa/ rtsi yi rgyal pos 'bru rnams bcud du 'gyur ba bzhin//nyams myong rtsi yis snang srid bde ba chen por 'bar/ /gang gang mthong ba de de skye med spros dang bral/ /'di la ngos 'dzin med pas stong pa btsal mi dgos/ /gsung ngo // //b+ha su d+ha ris gsungs pa/ 'gro ba thams cad bde bar gshegs//snang ba thams cad chos kyi sku/ /'dod yon thams cad sems kyi rgyan/ /rtog tshogs thams cad ye shes che/ /gsung ngo // //he ru ka pas gsungs pa/ lus la ye shes chen po gnas/ /bla ma'i kha las gsal bar rtogs/ /gzhan gyis brjod min gnyug ma'i don//'di ni ma bcos rang byung ba'o/ /gsung ngo // //ka na ko tis gsungs pa/ srid pa'i me yis dngos po thams cad bsregs pa ltar/ /rtogs pa'i me yis bdag tu 'dzin pa bsregs nas kyang / /'khor ba'i bud shing ma lus gtan nas 'joms par byed/ / de nas 'gro ba'i don du ci bder gshegs pa yin/ /gsung ngo // //nyi ma'i rtsal gyis gsungs pa/ sna tshogs sems kyi cho 'phrul te/ /sems ni 'di zhes mtshon du med/ /de phyir 'khor 'das rtsa ba bral/ /de nyid chos skur shes par gyis/ /gsung ngo // //rin chen rdo rjes gsungs pa/nges shes las ni don mthong 'gyur/ /mos gus las ni byin rlabs 'byung / /brtson 'grus kyis ni dgos pa grub/ /gsung ngo // //tre'u tra bas gsungs pa/ rig pa khong nas ma sad na/ /'di zhes bstan pas rtogs mi 'gyur/ /mig nad can gyi snang ba bzhin/ / thog mar rang rgyud bsal bar bya/ /gsung ngo // //yan lag med pa'i rdo rjes gsungs pa/ mthong ba mngon du ma gyur na/ /mig gi dbang pos yul mthong bzhin/ /'dod pa'i 'bras bu mi 'byung bas/ /goms par bya ba shin tu gces/ /gsung ngo // //dza ba ri pas gsungs pa/sku gsum phyi rol yul na med/ /rig pa'i ye shes dngas pa las/ /gzugs brnyan tsam du nang nas 'char/ /rnam par rtog pas rnyog mi bya/ /gsung ngo // //gu d+ha ri pas gsungs pa/ snang srid ye grol chos kyi dbyings/ /phyag rgya chen po spang thob med//nam mkha'i bya yis gar ma phyin/ /byis pa'i rtsol ba sha thang chad/ /gsung ngo // //lwa ba'i na bza' can gyis gsungs pa/ gang du'ang ma mthong long ba'i mig /ci yang mi sems gti mug dang / /gang du ma phyin 'phye bo'i 'gros/ /ci yang ma thob dbul mo'i gter//gsung ngo // //Dom+bi he ru kas gsungs pa/ srid zhi mnyam nyid spros bral la/ /rtsol sgrub byed pa sha thang chad/ /yul sems gnyis med zang thal la/ /tha dad 'dzin pa nyon re mongs/ /bdag gzhan gnyis med chos sku la/ /bzang ngan 'dzin pa snying re rje/ / gsung ngo // //nyi ma sbas pas gsungs pa/ yul la ltos pas skye ba med/ /sems la ltos pas spros dang bral/ /gnyis med don 'di blo las 'das/ /ngas ni ci yang ma shes so/ /gsung ngo // //gu Na tis gsungs pa/ ma skyes mi g.yo nam mkha'i dang / / gzugs brnyan sna tshogs cho 'phrul te/ /snyems med rig pa rang sar zhog /chos kyis bcings pa snying re rje/ /gsung ngo // //pad+ma'i rdo rjes gsungs pa/ bya ba thams cad yongs btang ste/ /sems kyi glang po rang sar zhog /gnyis med ye shes btsal du med/ /thams cad thams cad de de nyid//gsung ngo // //ti lo pas gsungs ba/ kun gzhi zang thal zhabs phyung la/ /bdag tu 'dzin pa dbyings su bskyur/ /yid kyi rnam shes stod la non/ /sgo lnga rang grol lhag par zhog /gsung ngo // //shes rab 'byung gnas kyis gsungs pa/ spros dang bral la rtog pas 'ching mi nus//sgyu mar mthong la yul gyis 'ching mi nus/ /zhe 'dod bral la spyod pas 'ching mi nus/ /sangs rgyas 'dod la 'khor bas 'ching mi nus/ /gsung ngo // //dz+nyA na shI sa gsungs pa/ rtsa ba bral ba'i sdong po bzhin/ /nga yi sems nyid nam mkhar stor//'khrul snang ji ltar dgyes dgyes mdzod/ /da ni nam mkha'i rnal 'byor yin/ /gsung ngo // //pa ra he tas gsungs pa/ kang ka mkha' la lding ba bzhin/ /'khor 'das ro mnyam dbyings su grol/ /re dang dogs pa kun bral te/ /bde ba chen po nam mkha'i dang / / gsung ngo // //kA ma shrIs gsungs pa/ lus med lus kyi nang na gnas/ /rten med mkha' la bya bzhin rgyu/ /dmigs med smra bsam yul las 'das/ /'gyu med rang byung ye shes cha/ /gsung ngo // //mi thub zla bas gsungs pa/ sgron me zla ba tshol ba bzhin/ /rtog pa de nyid mi rtog pa//nam mkhas nam mkha' tshol ba bzhin/ /mi rtog pa nyid blo las 'das/ /gsung ngo // //dzA lan+d+ha ras gsungs pa/ ye shes med na mthong ba che/ /rtog pa med na gsal ba che/ /zhen pa med na bde ba che/ /gang du'ang mi gnas gnas pa che/ /gsung ngo / / me tri ka ma las gsungs pa/ sems nyid gzhi stong rtsa ba bral/ /las kyis 'ching bar mi nus te/ dngos por zhen pas de ltar min/ /de ltar rtag tu rang sems ltos/ /gsung ngo / // pad+ma badzra gsungs pa/ nam mkha'i dbyings kyi b+ha ga ru/ /rig pa'i rdo rje gsor nas kyang //gnyis med dang du sbyar byas nas/ /bde chen lhan cig skyes pa 'chang / /gsung ngo // //klu'i byang chub kyis gsungs pa/ mkha' la rlung 'phyo srab kyis gzung / /khang stong khyi yis spyod pa ltos/ /nam mkha'i 'a ma sus mthong ba/ /bu ni bad du rgyug par nges/ /gsung ngo // //'jam dpal bshes gnyen gyis gsungs pa/ rin chen gling du phyin na dbul dang bral/ /bla ma'i bka' drin thob na 'khrul pa zhig /sems kyi de nyid mthong na 'khor ba med/ /byang sems nang du 'byongs na 'gro don 'byung / /gsung ngo // //rA dzA ha stis gsungs ba/ / rtogs nas gzhan don mi byed par/ /de ni sa yi gter srung bzhin/ /'di na tshogs pa'i rnal 'byor ba/ /thugs rjes sems can mi 'dzin nam/ /gsung ngo // //bzang po dpal gyis gsungs pa/ bdag dang sems can dbyer med kyang / /'gro ba las kyis sdug bsngal bas//rgyun chad med pa'i thugs rje yis/ /'gro ba'i don la rol tu gsol/ /gsung ngo // //li la'i bzang pos gsungs pa/ rang la yod kyang ngo ma shes/ /dbul mo gter gyis bslus pa bzhin/ /de nyid ma mthong sems can la/ /thugs rjes sgron me gdeg tu gsol//gsung ngo // //rnal 'byor ma dU ti mas gsungs pa/ chab dang chab rom tha dad min/ /snang dang stong pa dbyer mi phyed/ /mkha' dang rlung la bye brag med/ /sems dang sems byung de bzhin no/ /gsung ngo // //shing lo mas gsungs pa/ brag ca'i sgra 'di su yis smras//me long gzugs brnyan su yis bris/ /rmi lam ltad mo gang du gyes/ /gang na'ang med do sems kyi ngang / /gsung ngo // //dur khrod mas gsungs pa/ kun gzhi dag pa chos dbyings yin/ /yin ngo shes pa ye shes yin/ /bdag 'dzin zhig na rtsa bral yin//sgo lnga rang grol lam khyer yin/ /gsung ngo // //gcer bu mas gsungs pa/ rang grol blo dang bral ba la/ /mi bcos sgo gsum lhag par zhog /mi zhen dgag bsgrub med par zhog /mi g.yo mnyam nyid chen por bzhag /gsung ngo // //ro langs mas gsungs pa/ma yengs bsgom du med pa la/ /nyams su len na mkhas pa yin/ /sna tshogs rjes med chen po ru/ /lam du 'khyer na grol ba yin/ /gsung ngo // //ma hA sid+d+has gsungs pa/ ma bsgom ma bsgom blo ma bsgom/ /blo sgom rtog pa'i 'khrul 'khor yin/ rtog pas 'khor bar 'ching ba ste/ /blo dang bral la sgom du med/ /gsung ngo // //dri med mas gsungs pa/ sems nyid ye stong ye bral la/ /skye med bsgom pas ci zhig bya/ /sems byung rang shar rang grol lo/ /rtog pa spangs pas ci zhig bya/ /gsung ngo // //blo gros dbyangs mas gsungs pa/nam mkha'i ye shes kun la khyab/ /ye grol chen po mchog gis las/ /mi g.yo mi 'gyur bsam las 'das/ /rtog med rang rig ye shes che/ /gsung ngo // //bdag med mas gsungs pa/ nam mkha' nam mkha' mnyam nyid che/ /nyi ma nyi ma ye gsal che//chu bo chu bo rgyun chad med/ /'ja' tshon rang grol bde ba che/ /gsung ngo // //gsal byed mas gsungs pa/ /go ru med pa'i don rtogs na/ /brjod du med pa'i gleng gzhi 'byung / /bsam du med pa'i don bsgoms na/ /thob tu med pa'i 'bras bu 'byung / /gsung ngo // //bye ma lung pas gsungs pa/gnyis med bde chen don gyi mchog /rang la yod pas gzhan du tshol/ /mi shes rtsol bas sgra phyir 'brang / /'khrul pa'i sems can snying re rje/ /gsung ngo // //rdo rje gcig mas gsungs pa/ stong nyid nam mkha'i glegs bam la/ /rang rig ye shes yi ger bris/ / sna tshogs thabs kyi gdams pa bkod/ /rgyun chad med pa'i bstan pa sgrogs/ /gsung ngo // //sngo bsangs mas gsungs pa/ /mi 'gyur nam mkha'i rdo rje la/ /g.yo 'gul 'byung ba'i cho 'phrul shar/ /sna tshogs skye 'gro'i bya ba byas/ /rang grol nam mkha'i dbyings su yal//gsung ngo // //gri skor mas gsungs pa/ ming dang bral ba'i ming mang pos/ /der 'dzin zhig pa'i blo bral po/ /yongs su grol ba'i byar med bo/ /ye yin chen por rtogs par gyis/ /gsung ngo // //lam skyes mas gsungs pa/ dmigs bya dmigs byed mtha' spangs te//ting 'dzin rten dang bral ba la/ /chu bo chen po'i rgyun bzhin du/ /ma yengs nyams su blang bar bya/ /gsung ngo // //bshes gnyen mas gsungs pa/ nam mkha'i bya lam rjes med bzhin/ /rnal 'byor spyod pa rjes med yin/ /rang rgyud 'dzin pa med gyur na/ / mi dge bcus kyang 'ching mi nus/ /gsung ngo // //ro zan mas gsungs pa/ gser 'gyur rtsi dang phrad pa bzhin/ /snang srid bde stong ngor shar bas/ /dngos bor 'dzin pa kun las grol/ /snang srid spros bral ye shes che/ /gsung ngo // //pad+mo shrIs gsungs pa/ gnyug ma lhag cig skyes pa de//bsam sgom blo yis ma bcos na/ /chos sku gzhan nas btsal mi dgos/ /rang chad yin no lhug par zhog /gsung ngo // //pad+ma'i rgyal mos gsungs pa/ rang rig ye shes 'di rnyed na/ /bskal pa'i mun pa sgron me bzhin/ /las kyi 'khrul pa gtan nas bcom//skyes bu gnyid sad ji bzhin no/ /gsung ngo // //mkha' 'gro ma dkar mos gsungs pa/ las zin skyes bu de ci sems/ /bram ze skud pa 'khal la ltos/ /nam mkha' gang gis za bar nus/ /khyod dang nga la tha dad med/ /gsung ngo // //lha sras dpal gzher gyis gsungs pa/ stong nyid snying rje'i snying po can/ /bde bar gshegs pa'i shul yin te/ /gol sa med par gsungs pas na/ /thabs dang shes rab ldan par bya/ /gsung ngo // //rdo rje bde bas gsungs pa/ mi g.yo bsam gtan rgya chen po//g.yo 'gul sna tshogs kun gyi gzhi/ /g.yo dang mi g.yo dbyer med pas/ /bsgom dang mi bsgom 'di la med/ /gsung ngo // //ye shes zhabs kyis gsungs pa/ gang du chos rnams ma mthong ba/ /de yis chos kun mthong ba ste/ /mthong bya mthong byed kun las 'das//rang rig ye shes chen po yin/ /gsung ngo // //g+ha g+ha dpal gyis gsungs pa/ gang du mthong tshor myong ba kun/ /de de'i ngo bos stong shes na/ /'dod yon sems kyi rgyan yin te/ /'ching bar mi 'gyur grol bar 'gyur/ /gsung ngo // //las kyi 'byung gnas kyis gsungs pa/sems kyi ye shes gang mthong ba/ /chos kyi de nyid rtogs 'gyur te/ /chos rtogs pas ni bde ba thob/ /gsung ngo // //rgyan gyi rgyal mos gsungs pa/ /dbyibs dang bral ba'i mdog med po/ /ming dang bral ba'i don med po/ /sna tshogs rig pa'i bsam med po//spangs pa med pa'i thob med po/ /gsung ngo // //mkha' 'gro ma la ba can gyis gsungs pa/ dmigs med ye shes chen po ni/ tshig gis mtshon par mi nus te/ /bla ma'i dus thabs bstan pa las/ /gzhan gyis rtogs pa ma yin no/ /gsung ngo // // thig le dag pa'i phreng ba zhes bya ba grub thob pho mo brgyad cu'i rtogs pa brjod pa mkha' 'gro mas yi ger btab ste gsang mdzod na gnas pa las/ dbyings kyi gtso mo rnams kyis bka' bgros nas rje dam pa rgya gar la gnang ba zha ma lo tsA bas legs par bsgyur ba'o// //