CLOSE WINDOW

D2440
བོད་ཡིག

bla ma byang chub sems dpa' kun dga' la gtad pa rdzogs so//[ ]@##/ /rgya gar skad du/ ma hA mu dra u pa badzra gu h+ya gI ti/ bod skad du/ phyag rgya chen po'i man ngag rdo rje gsang ba'i glu/ /bcom ldan 'das ma shes rab kyi pha rol tu phyin ma la phyag 'tshal lo//kye ho rgyal po'i rigs rgyud bu yis 'dzin 'gyur gyi/ /gser 'gyur rtsi yi rig byed 'chang gis rtogs/ /rgya mtsho'i lam rgyus rig ldan ded dpon mkhas/ /khri snyan mig gis nor bu'i nus pa lta//ri lu grub pas bram ze'i bya ba rdzogs/ /gangs las bab pa'i chu la dri ma med/ /mu dra las bton gzugs rnams tha mi dad/ /gser la dngul gyi ra med sa le sbram/ /mkhan bzos ma byas bse ru gshags pa'i gzugs/ /rdzings kyi thag pa lu gu rgyud du sbrel//ma gad+hA pa dkor mdzod bu la 'bogs/ /mnga' bdag tshig la btsun mo zur mi g.yo/ /mtshang shes dka' ba ma yin sgyu ma'i 'phrul/ /sbrang rgod 'thungs pa'i nus pas yun mi thogs/ /ka 'ji mi dgos rang gis bsags pa'i gser/ /dmus long mig phye yul rnams rang ngos zin//rin chen gser gyi skud pa khab shul 'grim/ /gling las skyol ba'i ded dpon the tshom bral/ /drang srong gis ni gso rig mtshang rnams go / zla ba mthong ba'i ri bong snyems las grol/ /lam nor ngo shes de dus gnyid du ldog /ga bur nus pa tshad pa'i steng du rgyug /nor bu lus la btags na 'du ba 'byung / /lto 'gros dri tsher ma gi ta la 'bros/ /phyugs bdag mthong bas u ma cod pan bkrol/ /rma bya'i phru gu dang po'i tshang mi 'dod/ /ded dpon gling lon nor la zhe mi gdung / /'dza' bo'i brtse gdung grogs kyis bslus tshe zhig / ngal bar mi 'dug gser tshon rnyed pa'i mi/ /ded dpon rgan po'i gling don gzhan gyis phyed/ /zur ma mig nas bton pa'i nyag thag mnyen/ /rba las 'byol ba'i gru pa yan lag brel/ /nor bu'i 'od la rlung gis gnod mi 'gyur/ /nags la gnas pa'i glang po rang dbang thob/ /'chi ba'i dus der rgyal srid cung zhig bya//gdan sar byung ba'i lha sras rgyal sa thob/ /dri ma dag pa'i gser bum gang na mdzes/ /khong gzer bral ba'i ded dpon la ltos dang / /gar chang 'thungs pa'i gyad kyi yang stor/ /rlom sems mi skye rgyal ngo shes pa'i mi/ /dad pa rkyen gyis bskul ba bu shi'i ma//khri mon nang du gser sgrog ci zhig bya/ /gzings kyi steng du ded dpon mig bas gces/ /gling las blangs pa'i nor bu gces spras thob/ /gzings kyi gtso tshar ded dpon shol mi thebs/ /cha grangs gnyis ka sel ba seng ge'i sku/ /bza' btung mi dran dgun chu 'thungs pa'i sprul//so btang bum par gser gyi snod kyang btub/ /ri brags bar gyi seng ge zla mi snyag /khyu mchog thong mkhan zhing gi mtha' mi mthong / /gcig pur gnas pa'i bse ru sdug bsngal bral/ /drang srong rgyal mtshan mgon bsrung sdom med/ /'gro bar ma chad gling las bod mi 'gyur//rnyong la brtse ba'i spre'u snying re rje/ /'dab gshog rgyas pa'i phru gu nang nas 'phur/ /skyug nad can des zas kyi 'khri ba chod/ /rab tu byung tshe bya ba dman pa 'dor/ /ri dgas nad pa khyu nas 'gar na bde/ /rigs ngan bu mos 'jo sgeg spangs nas 'dug /dur srung mi la mdza' bos ci zhig bya//rab zhub ma bcas dpa' bos g.yul mi ldog/ /ljon shing grib la dub pa'i sems ngal sos/ /rgyan gyis spras pa'i btsun mos gzhan yid 'phrog /'dod dgu'i 'byung gnas rin chen gter gyi sgrom/ /thabs la mi re dz+wa la 'bar ba'i nad/ /dpon la mi brten rig byed tshar ba'i mi//rang gi mtheb mdzub gzhan gyi lag pa min/ /gar yang bde ba lang tsho rgyas pa'i lus/ /mthong bas chog pa rtsi mchog gser 'gyur bzo/ /khyim la mi dga' bu mo'i blo mi 'phrogs/ /u rgyan dur khrod srin mo khros pa'i sa/ /thub pa'i bzhugs sa mi nub rdo rje'i gdan//dgos pa'i rkyen tshogs kA ling ka yi gnas/ /rgya mtsho'i bas mthar sbrul gyi dug mi 'byung / /rin chen rdzong la 'jigs pa'i yang bral/ /g.yo sgyu spangs pa ma ga d+hA pa'i mi/ /smra bar mi phod btsun mo bsnol gyi mtshang / /gding la ngar thogs gcan gzan seng ge'i bu//thur gzhol lam du shing rta 'gro bar brtson/ /mel rtse'i bar med bu gcig pha yi ma/ /rgya mtsho'i lam brgyags ded dpon nyams la dris/ /gso ras char bsrung gling lon khom par gces/ /gzings kyi cha rkyen ded dpon kho tshags byed/ /yul gyi 'khri ba nyag thag bcad dus zhig /'dod pa'i rlung byung ded dpon blo sems bde/ /gling don ma grub ded dpon phyir mi ldog /'gyur ba med pa rgyal pos gsungs pa'i tshig /sbrang tshang 'bebs dus yid la go cha byed/ /gar chang blud pa'i glang po 'cham pa'i rtags/ /mig gser mthong ba'i las mis bde sdug spangs//dar gyi srin bu kha chu zags pas phung / /de ni gzhan gyis ma lan rang las skyes/ /chang la nyes skyon yod pa ma yin no/ /ma rig stobs kyis kha chu mang du skyug /rang nyid phung bar bas kyis gzhan du min/ /lcags sreg sa gzhi me tshogs rgyus ma bskyed//'byar rtsi ngo shes ched du rtse ba glen/ /smig rgyu chur mthong ri dgas snying re rje/ /thig le ma yal rgya khol dal mi 'gyur/ /ber ka gnyis phog mi de ci ru rung / /gter gyi bdag po mi re rigs ngan bu/ /dud pas mi 'jigs rtsi med sbrang ma'i tshad//'chi bdag kha ru ma tshud skye 'gro gang / /lus la 'byung ba ma 'khrugs rdo yi mi/ /ming nas bos pas shi ba ldog gam ci/ /mthong snang dgra ru red pa dug sbrul mig /khyod la shing los gnod pa skyal ba med/ /brag ca'i sgra la bus pa snyan sdug rtsis/ /rmi lam gter rnyed sad tshe mya ngan byed//gyod khengs langs pa'i spyang ki ra la rmugs/ /'phags pa'i rigs can dgra la bu ru lta/ /gnod pa skyal dus slar la gces par 'dzin/ /phan len ma btags skye 'gro rnams kyis med/ /khyi khros rdo la 'cha' ba snying rje'i yul/ /rtswa mre rum du bsad dus du ba 'chad//mthong snang log pa'i ri dgas bde ba stor/ /lus la rang dbang ma thob sdug bsngal brten/ /tshe mtha' ring pas phung ba dmyal ba'i lus/ /'di la bde ba'i bar mtshams 'dug gam ci/ /sa bon ma rul n+ya gro lo 'bras rgyu/ /ded dpon snying khrag 'thungs pa skal bar ldan//thigs pa bsags pa'i rgya mtsho ngo mtshar che/ /nam mkha' mthong bas dbyings kyi phyogs 'dzin zhig /yud tsam mthud pas bskal pa 'dzad par ltos/ /rgyus skud lam sna 'khrid pa phag rgod spu/ /khri snyan pags pa ma gon drang srong min/ /grub yan lag brel ba rang gi ched//'dab gshog rgyas tshe tshang na 'dug kyang mkha'/ /yid bzhin nor bu'i dgos pa gang yin ltos/ /me tog las byung sgang bu dus su smin/ /bum pa bzang po dgos 'dod 'byung ba'i snod/ /mar gyi rgyu ni 'o ma yin par nges/ /rnyed par mi 'gyur ser po dor ba'i gser//nyi ma'i zer gyis mun pa'i gya rum 'joms/ /gser du snang ba'i dngul chu gzhan du min/ /chu la chu bzhag tha dad mi snang ngo / /mar la mar bzhag de bzhin nyid du bas/ /mtha' than na ra gnyis su gang gis 'byed/ /rgya mtsho'i rlangs pa sprin gyi ngo bor gcig /mkha' la lcags dbyug shul la khyad par med//rtsi len pa yi sbrang ma la ltos dang / /glang po'i rgyab khal grog ma'i lto ru 'dzad/ /rgyal po'i sku la dri mas gang tshe 'gos/ /phra rab rdul gyi nus pa ngo mtshar che/ /mkhas pa'i bzo ni rim pa bzhin du tshar/ /thabs ldan zhing pa rigs sna mchu ru bsring //khyod kyis yur ba 'gags pa phyir sol cig /'dus pa'i kham shing 'bras bu la ltos dang / /tsan+dan sdong po sbrul gyi skyabs gnas sa/ /chu thigs rgya mtshor bor bskam mi 'gyur/ /rgyan rnams 'byung ba zhun sbyangs tshar ba'i gser/ /bu tshis mi dran rgya mtsho'i gru zhig mi//sgra mi snyan pa nor la zhe mi gdung / /gling don mi gnyer ded dpon ci ru rung / /su zhig bde 'dod rgyab kyi khur tsha bor/ /dmus long phye ba'i mi la drin bzo rigs/ /rba 'khor phyogs nas bzlog pa'i ded dpon bkur/ /mun rum nang du mkha' la zla ba gces//'dam nas 'don pa'i mi la su zhig rgol/ /gling blan ded dpon spyi bor long shig dang / /shar nas na bun ut+pal chu la med/ /thad kar mi gnas mkha' la shar ba'i 'ja'/ /rdzing gi chu ni phig par gyur tshe 'dzad/ /chu ni thur gzhol gyen la bzlog mi 'gyur//'gro don mi mdzad thub pa ci phyir 'da'/ /smig rgyu'i klung la chu yi 'du shes bor/ /bden pa ma yin rmi lam gter rnyed bus/ /'khrul gyi bu mo 'di la ma chags shig /mtshang can gshed mas zin pa'i sems de ltos/ /gser dang gres ma sgrog gi ngo bor mnyam/ / ma zos bu ram mthong bas mngar mi 'gyur/ /ma dkrogs zho yi nang nas mar mi rnyed/ /ma 'thungs ga bur tshad pa sal lam ci/ /mchog gi nor bu sba bar bya ba min/ /rdum po'i lag tu ste re'i nus pa stor/ /phol 'bras rma la dgos par mthong bsu/ / chu shing snying po rnyed pa'i mi de gang / /gser med pa yi las ka dgos pa med/ /mthong bzhin du ni dong du 'gro mi rigs/ /dug chu 'thung 'phro ma chad bde mi 'gyur/ /ha la song ba'i sman mar ci ru rung / /dus de nyid du sbrang chad 'thungs pas bzi/ /'gro dus phung po rnyi yi gzan len byas//rmongs pa srin mos cod pan bcings la dga'/ /mchil pas zin pas nya yi bde ba stor/ /'chi 'dod nad la drang srong ngag mi nyan/ /de ni gnod pa'i kha zas bsten la dga'/ /phan pa'i sman la gces pa'i 'du shes bor/ /'du ba bskyed pa'i spyod lam ched du byed/ /sman la nus pa med ces rmongs pa smra//mi grub khas blangs rgyal po'i bka' chad gnas/ /bshal rjes mi srung rang la gnod par bas/ /nor bu'i nus pa thal bas byibs che stor/ /seng ge'i 'o ma rdza yi nang du min/ /chad med du ba'i bus pa sha re chad/ /bsten 'phro bcad par mi rigs phan pa'i sman//stong log mi bya rin chen gling gi mi/ /'gal du mi rung 'khor los sgyur rgyal gnya'/ /mtshur med gser gyis dngul chu lcags mi 'gyur/ /rang nyams ma lon gyad la bsngo mi rigs/ /'bras bu smin pas gnyug ma'i rtsa ba brlag /phyugs bdag ling+ga mchod pa'i dri mas khyer//'khrul pa'i rgyal po 'bangs kyi g.yog tu rgas/ /ngo mtshar che ba gser mchog gser 'gyur rtsi/ /mdongs la lta ba'i rma bya gud nas 'chi/ /dug gi chu ni btung bar bya ba min/ /bram ze chang gis bzi bcom byas dus lad/ /mig gi rin la ci btub soms dang kye//rgyus med tshong ldong lus la ber ka 'phog /bzo yi rig byed tshong la gzhug pa min/ /stag gi ri mo bkra bas gyod la gtugs/ /lus la rlung mkhris phyi nas zhugs pa min/ /rtsal gsum rdzogs pas phung ba seng ge'i lus/ /dom gyi sdug bsngal sbrang rtsi rnyed dus blang //tshong dus dbus su don stor don mi 'grub/ /bse ru tshol ba'i mi de sdug bsngal che/ /dogs pas na ba'i khong du dug yod min/ /klu mchog mgo bo de nyid sdug bsngal rten/ /dri za'i bu ni rgyud mangs sgra yis bcings/ /sbrang ma'i tshang ni rtsi mang sogs pas phung / /thar lam 'dod pas khyi yi snying phyung cig /lcags kyu dang bral glang po bde bar gnas/ /rgyal po'i zhabs tog bsngo bgrang byas tshe yal/ /bya yi phru gru'i gces 'dzin dgos pa gang / /dngul chu snod du zags par gyur ta re/ /srin bu me khyer dregs pas rgyal rin med/ /de tsho'i phru gu smra ma shes pas mtshang //sbrang tshang mthong ba'i dom mig mkha' la lta/ /de dus zim bum myong sdug bsngal rgyu/ /kha brag lam du rgyus med mi the tshom/ /chu klung mu ran sdong gru nyal ba'i sngas/ /sbrang rtsi myos pas rnga mo gyod la gtugs/ /bag mas ltad mo ma mthong tshong dus dbus/ /sos bzhin bsten na sman mchog dug tu 'gyur//don gcig mi 'grub gnyis 'dzin can gyi blo/ /khyim las ma 'phags ded dpon gling mi lon/ /brtag pa'i mtshang med nor bu dbyig la bdar/ /stod la mnan pa'i spre'u rkang lag brel/ /nad ngos ma zin bcos ka khro log bsgyur/ /ded dpon mdzod mthong khyim bdag rdang ngo ldang //seng ge'i mgo bo mthur gyi phyir mi 'brang / /mkha' lding gshog rdzogs tshang la mig mi lta/ /zla bo mthong dus bse ru gud du gab/ /grong las 'grings pa'i ce spyang lus sems bde/ /dgra yi sdug bsngal bral ba gcer bu'i lus/ / 'bag gi rig byed gso yi bzo la gnod/ /ma he'i sgyid la byol 'gro lam thur gzhol bde/ /mkhas pas mi chun blun pos sbyangs pa'i glang / /lho ru dug zos zhu rjes bde mi 'gyur/ /rmongs pa'i ngag la nyan pas 'tshengs pa gang / /thar nas btso nar ra snyags pa snying rje'i yul/ / lu gu rgyud kyi khong sgril bcad par dka'/ /lha yi zhe sdang skyes rtsub 'gyur tshal/ /dge slong 'dug sa btsun mo'i khrod ma yin/ /zhags pas thebs dus spre'u nags dang bral/ /sun bzhin dang du len pa sde pa'i dpon/ /gser mgar mgul du rang gi rgyan ma thogs/ /bran mos rnyed kyang nor bu rje bos 'khyer//na so rgas pa'i ded dpon gling mi lon/ /bu yis brdungs kyang tsha bo gcis par 'dzin/ /dur khrod nang du seng ge'i rtsal mi 'byongs/ /wa dom spyod pas sder chags zil mi non/ /grum pa dang 'grogs snying stobs nyams gyur nas//byi mos mig 'brangs pha yi yul mi zin/ /gangs dang bral bas khyi yis mche ba gnyer/ /khra yis ded pa'i skyar mo nya yis lan/ /dri ma mi chags lhung bzed stong pa'i snod/ /'khor lo'i [(]sgram [,]sgrom [)]gyis shing rta dal mi ster/ /rgyal po dmangs spyod su yi mig sngar mdzes//rtsi la chags pa'i sbrang ma dud pas 'tshal/ /pad+ma'i steng na 'phrul gyi bum pa mdzes/ /rdul gyis ma gos g.ya' med dngas pa ni/ /skyon dang bral ba'i 'od zer ra ba can/ /lung thag ma btags nyi zla'i rgyan gyis spras/ /rnyed par dka' phyir btsong bar phongs pa yin/ / pad+ma'i lba ba thur la kha mi 'bye/ /tsan+dan chu ni skyon bral snod du blugs/ /dngul gzhong ma phyis rgyal po'i gsang mi 'dren/ /mkhar ma'i spyang du so ba blugs mi bya/ /chu bo bzhi 'bab rgya mtsho ngoms mi 'gyur/ /ded dpon rnyed dus gling don bsgrub par bya/ /bzhi mdo'i tshong 'di gzings kyi 'gros la gnod//tshes gsum zla ba rgas pa'i dus la bsnyen/ /chu gang 'khor mas ded dpon don stabs gcog /khri mon kha ru lha yi sras mo byur/ /gling la rtol ba'i tshong pa'i blo mi brtan/ /dug sbrul gtsug gi nor bu blang mi bya/ /gyad phrug rtsal sbyong sems de dor cig dang / / btsun mo'i bsrung mtshon ma la bcol ba min/ /thar pa 'dod na mtshal gyi thig le bsrubs/ /'dam yod chu la rnyog pas dngas mi 'gyur/ /khyi rgod mthong dus mi srog rang bcom skyung / /dri za'i grong khyer blta bar bya ba min/ /grog ma'i spyod pa bor na nges par bde/ /til gyi me tog mi btog bcad par phangs//shing lo'i steng na dur srung yan lag dal/ /bud med khyim gyis sun pa de la ltos/ /stobs kyis 'khrul pa'i 'khor lo'i gshog pa brel/ /rtsi yis zin pa'i lcags 'di gser du 'gyur/ /gser langs sa bon yongs su bsngo mi bya/ / nam mkha'i ngang la shar lho phyogs mtshams med/ /dar gyi tshes kyis shel gong kha dog bsgyur/ /mdog dbyibs tha dad sprin gyi yal sa mkha'/ /mo gsham bu yi bag mangs ma mthong / /kAR+ShA pa Ni sa dung gi kha dog mtshon/ /nam mkha' skyed par byed pa'i 'am su/ /'jig chags bskal bas nam mkha' g.yo mi 'gyur//dkar nag tshon gyis mkha' la gos pa min/ /nam gyi tshe nas nam mkha' yod pa min/ /nam mkha' gang nas blangs pa khyod kyis smros/ /'ja' yi kha dog rgyang nas 'od du gsal/ /gam du phyin nas btsal bas ma rnyed do//yod med gnyis su smra ba gang gis nus/ /lcags kyi thob gang gis phig pa yin/ /dra ba dbang po'i gzhu 'di mkha' la yal/ /sbal ba'i spu yi la bsu la yod/ /brag ca'i sgra 'di gang gi kha nas brjod/ /chu zla tshol ba'i sbre'u snying re rje/ /ku ba'i nang 'di ci yis brus pa yin//mkha' la 'ja' shar chos rnams bstan nas song / /nam mkha' 'phel du ma song ltos dang kye/ /e ma nub par kyang ni gyur ma yin/ /chags pa'i rten sa gang las byas par 'gyur/ /'di yi rgyu rkyen ci las byas pa yin/ /phan tshun tha dad med par ngo mtshar che/ /kye ho sgyu ma'i skyes bu'i 'du shes stor//don byed mi nus rmi lam nor gyi gzeb/ /rdo yi mi yi rig byed gang du song / /glang po'i mgo la rwa med chag dogs bral/ /chu shing snying po phyi nang gnyis kar med/ /dug sbu la ma bltas sgong blang mi rung / /drang srong nad kyi grogs dang gnyen po soms//ded dpon bu ni yab la gling rgyus 'dri/ /gru chen la gnod dgra rnams phyi ru sel/ /dgos pa'i rkyen dang mi 'bral tshar gri mas/ /nya sbrul sha ni nor nyen che bas brtag /'gro mgon gyis kyang nam mkha'i mu ma gzigs/ /dmyal ba'i lus la tsha grang go skabs med/ / kha dog bsgyur zin mtshur du spangs na ldang / /gso ras thal khur 'jug pa dri ma med/ /khri shing lo 'bras smin par gyur tshe rtsog /gal nang zas len de dus nyid du phung / /tshong khang nang gi 'gron po snga rim 'gyes/ /srid kyi kha chus rang nyid 'ching bar 'gyur/ /rtswa yi sgron me mched pa rab tu rkyen//rgya mtsho sgrol ba'i gru la zag lhan gces/ /dregs pas myos par mi 'gyur nad pa'i lus/ /rang srog ster ba'i drang srong lan lon cig /phan pa'i sman mar 'bor bar bya ba min/ /rgya mtsho'i lbu ba yal ba'i rjes mi lta/ /gdan sa ma spangs rgyal pos chos mi 'grub//khyim dor nags su 'dug pa'i mi de bde/ /dom gyi snying khrag ma 'thung kha la ltos/ /me tog rtsi yis sbrang ma dal mi ster/ /bu rum mur ba'i lkugs ma kha dog 'dug /gling la dbang ba'i rgyal po bu dang 'grogs/ /'khor los btsal ba'i lam la zhugs par bya//khang bzang rin chen spang du mi rung ngo / /dri ma can gyi zas skom mi brten cing / /khyim bdag dpa' bo phyi ru mi bskrad do/ /tshe 'di'i che thabs bshig pa dur srung mi/ /gdol ba'i mgul du rin chen rgyan mi 'dogs/ /yab kyi spyod lam snyag pa ded dpon bu//smyon pa'i spyod pa gzabs gtad bral nas 'dug /lkugs ma'i gsang tshig kha ru mi 'don no/ /nye ba dgrar gyur blo gros dri yul zhig /gzugs kyi rtsol sgrub mi byed long ba'i grogs/ /phyag dar khrod pa thong gshol nyo mi 'gyur/ /nad pa chu skyug gang+gA la mi lta//gser gyi ma gar ba bya ba gzhan mi sgrub/ /dar chen dar zab phag rdzi gon mi 'gyur/ /tshangs spyod mi nus smyug ma mkhan gyi khyim/ /smra mkhas thabs ldan ne tsho khyu nas 'byol/ /'phyes pa'i glang po bur shing bres mi snyegs/ /gser sgrog bcug kyang 'cham 'gros byed mi nus//ded dpon bu ni bre srong la mi lta/ /gling don khar bton shi yang khyim mi 'dug /tshong phrug 'dus tshe na yang rdzing sa la snyag /'dod pa'i rlung ni res gsor dag gis 'gugs/ /ji srid nor bu ma lon phyir mi 'byung / /brag las skyes pa'i chu bya ma tshol snyag /nags byi phra ba dgun gyi rtswa mi sog /gdon gyis brlams tshe don de lam du stor/ /nya yis brnangs pa'i skyar mo dgra la 'byol/ /gcig tu mi gnas sta mo grus ma'i tshang / /'gron po lam zhugs gser rkyal phyir mi 'khur/ /gtso bo'i gsang gros khrom du brjod mi 'gyur/ / skrag par mi byed par mdzod brkus pa'i mi/ /bram ze'i rig byed bu las gzhan du min/ /yon ngor mi ster rtsi mchog gser 'gyur thabs/ /mtshan dpes rab spras 'khor los sgyur rgyal lus/ /tshangs pa'i dbyangs la yan lag drug cur ldan/ /thub pa'i thugs ni yon tan kun gyi mdzod//nor bu rin chen dgos 'dod 'byung ba'i rten/ /rgyal po'i bshul sna gser gyi 'khor los 'dren/ /gin rdza'i me tog rlung gis bskyod par sla/ /dus su smin pa'i pad+ma kha dog gsal/ /'byung ba'i dgra rnams bcom pa rdo rje'i sku/ /'grangs par skyen pa bus la chung ba'i lto//rgas dang bral ba dngul chu 'thungs pa'i lus/ /sman mchog bsil mngar thun la che mi dgos/ /ci smras don du 'gyur ba drang srong tshig /gling las blangs pa'i me tog dgos med min/ /dge slong tshig la gtam gyi don mi 'byung / /sman gyi gnas su dug gi skye drungs 'gags//'phrul gyi me long phyi nang gnyis kar gsal/ /mang du brtsegs kyang gzugs brnyan 'grib mi 'gyur/ /bug pa yod bzhin zang thal yul mi 'gag /sgyu rtsal 'byongs pa'i gyad ni phyi phyir rem/ /smig rgyu'i mtshang shes chu yi 'du shes zhig /shing la me yod de tshe du ba 'byung //kha rlangs sgron mer gyur pa me khyer yin/ /ri phrag bar na smig rgyu yod ma yin/ /nya rgyas zla ba nyi ma'i 'od dang bral/ /reg bya gzugs kyis stong pa khol ma'i nang / /snga ltas shar ba'i bu mo btsun mor 'gyur/ /bi rtsi 'thungs pa'i mig la mtshan mo med//lha khang sgo phye de dus sku gzugs mthong / /phyugs rdzi'i lag brda gang+gA'i phyogs su byed/ /sbrang rtsis bsings pa'i chang 'thungs lus po sbrid/ /gshor la bsigs pa'i sbo ga gting mi 'dzul/ /'phyong rdo btags pa'i gzings la g.yo ldeg med/ /dngul gyi me long phyis na gsal bar 'gyur//zhal ta tshud pa'i mi de sngar spyod 'dor/ /phyogs mtshams kun du 'phur kyang nyal sar tshang / /zo ba khengs dus de tshe dpyang thag 'dren/ /sha chags mis zin de yi shes pa ltos/ /phrin yig lags pa mthong dus sems ngal sos/ /mi 'gyur mkha' la ldeng ba'i gshog pa brel//dregs par gzo ba'i bzhin de khong du chud/ /byang chub shing du thub pa'i spyod lam bde/ /zhus la bab pa'i gser mgar g.yengs dang bral/ /g.yul du dul ba'i glang po ltos dang kye/ /'ba' yis non pa'i ri bong can mi mthong //khog tses bkab pa'i me yi dud pa subs/ /spra bzo tshar dus mkhan po yang yang lta/ /bar ti ka na grogs po mdza' dus 'bral/ /sman gyi tshong pa'i 'gro phyogs ltos shig dang / /rgun 'brus thang ma mi spud phyogs bzhir brdal/ /bya ba zin pa'i rdza spyad phyi tshis min//skyed med nad pa sman gzhan bsten par rigs/ /mkhas pa glang po drag dal gnyis su sbyong / /bus pa mi sad zhun mar sbyin mi bya/ /phag gi lce yis kha mngar spangs nas 'dug /bram ze skud pa 'khal ba ltos shig dang / /dba' klong 'khrugs dus thabs ldan 'phyong rdo 'dogs//su zhig bde 'dod sbrang ma'i spyod pa bor/ /rgyal khrims chos tshe blon po'i rtsol ba zhig /nor bu lon pa'i ded dpon sems las bral/ /rgyal po'i bu mo gzhan gyi rgyan mi lta/ /sdong dum ma bsal shing rta 'gror mi btub/ /sman gyi lo 'bras drang srong bu la ston/ /btso ma'i 'od la gser mkhan mdog mi 'don//spu gri til la dar blud mig mi 'dod/ /bu yi srid zin rgyal po'i bya ba rdzogs/ /dug tshor mi de lhag ma za mi 'gyur/ /bram ze'i rig byed slob dus bya gzhan 'dor/ /brtse med bsrub ma bskor bar mi bya'o/ /rgyal po 'chi dus khrims yig la mi lta//nor ba'i lam du 'dug par mi rigs so/ /nag tshur mi dgos 'dzam bu chu bo'i gser/ /pad+ma 'dam gyi skyon dang bral nas 'dug /dgra med rang dbang thob pa seng ge'i bu/ /gnya' shing bkrol ba'i ma he gar dgar 'gro/ /ram zhugs pa'i gser ni gu lang ma/ tsher ma phyin pa'i shul de bru ba min/ /cor sgo byed pa'i mi de srog mi 'dod/ /she sge zho yis 'grangs pa la ltos shig /gso ras rnga bal bsdams pa drags pas 'ching / /sgra nyan pa yi phag rgod gdams pa ston/ /ngan smras bstod tshig khyad med rdo yi mi/ /smig rgyu'i klung na chu thigs yod ma yin//skye dang 'chi ba mo gsham bus ma byas/ /mdog dbyibs tha dad chu bran rgya mtshor grol/ /nam mkha' la ni dbus dang mu ma mchis/ /ro gnyis mthong ba'i kang+ka mkha' la lding / /stobs ldan seng ge srog gi me la tshe stor/ /kye ho smyon ba'i so skos sems dang kya//ce spyang mig 'di ngo mtshar che ba yin/ /mal ya na tsan+dan me ru 'bud/ /seng ge gangs dang bral bar mi bya'o/ /sman pa'i rgyal po gso rig lung dang 'grogs/ /mkhan pos legs gsungs dge slong gis mi gtong / /dpa' bo g.yul du 'jug tsho go mi 'bud/ /'gro ba bzang mos nye ba so sor 'dzin//g.yeng ba med pa dur khrod dbus kyi mi/ /dur khrod mi yi lus ngag tha mal spangs/ /lto rgyab shugs las 'byung ba dur khrod mi/ /dur khrod mi la phra ma kha mchu med/ /dgos pa mdun du 'grub pa dur khrod mi/ /glang po'i 'gro sa gram ba'i gseb ma yin//me chu'i dgra la tshod yod byar mi rung / /zhing pas sa yi mdog la lud rigs sbyor/ /rgyal po'i zhabs nas bteg tshe bka' la 'dogs/ /kye ho stag tshang yod pa'i sar mi 'gro/ /rgyal po'i bka' btags thob dus dgra dang bral/ /na tsha med pa'i dus de bde bar gnas//bzang ngan gnyis la zas kyi ma chun med/ /mya ngan gdung bas shi ba'i bu de mthong / /brdzun spangs drang srong dag gi phrin las grub/ /gyad la ral gri btags te rgyal po mnyes/ /nags kyi sbrang ma gi wang dri la snom/ /ma gi ta la bsil drod nus ba tshang / / rtsi sbyor 'thungs pas lus kyi zo mdog bde/ /til chang ltor grod rig pa dar gyis khyogs/ /yid bzhin nor bu kun gyis lta bar mdzes/ /rgyal po la ni su zhig rgol bar nus/ /bu gcig pa la ma sring gdung sems ldan/ /zhus tshe mgron la bos pa gang mi 'ong / /pang du 'ong dus bul 'a ma dga'//nam mkha' dngas pa'i ngang la dri ma med/ /tshegs med gnang 'phrod rig byed gser 'gyur rtsi/ /glang po ma mthong phag pa'i lus dbyibs ltos/ /dman pa'i las la mi zhugs rgyal po'i lugs/ /be da'i 'bras bu sa bon dus su 'grub/ /rma bya'i mdongs la 'dri mkhan yod ma yin//thub dbang lag gi rdo rje bskyod mi nus/ /'dam nas bton pa'i ut+pal ltos dang kye/ /bde ba dang ldan ser skyar gnyid log dus/ /rang kha thon pa 'dzam bu chu bo'i gser/ /chab rom rang bzhin chu yi ngo bo yin/ /sbal pa'i spu yi la ba gsar rnying bral//'dam gyi rkyen gyis pad+ma kha dog grungs/ /thabs kyis chun tshe de dus dgra de bshes/ /rgyal mo ka ra'i gzugs la tha dad med/ /chu nyid rgya mtsho'i rgya mtsho'i dang nyid chu/ /rtsi yis zin pa'i mi de ri bo mgul/ /dba' rlabs che 'bring gtsang po'i dbyings la thim//mun pa dag par byed pa mar me'i 'od/ /zhag mig pa la nyi ma mun par bsros/ /smad 'tshong bu de su yi rigs rgyud yin/ /dur khrod ce spyang tshang la mngon zhen med/ /gdon gyis brlams pa'i gtam de sna tshogs smra/ /byis pa'i rang bzhin gcig tu 'dug mi 'gyur//nags kyi ri dgas shing 'bru'i phyogs ris spangs/ /lha rdzas rin chen nus pa su yis byin/ /nor bu rin chen thog mar gang nas 'ongs/ /yid bzhin nor bus dgos 'dod ster ma myong / /mchog gi nor bu'i rin thang smos kyang kye/ /nor bu'i bdag po dbul ba'i sdug bsngal bral//phyag rgya chen po'i man ngag rdo rje gsang pa'i mgur zhes bya ba rnal 'byor gyi dbang phyug dang la sa ra ha pa'i zhal nas gsungs pa rdzogs so/ /rgya gar gyi mkhan po ka ma la shI la dang / bod kyi ban+de lo tsA ba zha ma ston pa seng ge rgyal pos bsgyur cing zhus te gtan la phab pa'o/