CLOSE WINDOW

D2439
བོད་ཡིག

de bzhin nyid kyi lta ba zhes bya ba slob dpon dA ri ka pas mdzad pa rdzogs so//[ ]@##/ /rgya gar skad du/ ma hA mu dra pra gI ti/ bod skad du/ phyag rgya chen po brda'i brgyud pa/ bla ma yi dam mkha' 'gro dang / /skyabs gnas rnams la phyag 'tshal lo/ /gyad kyi lus la dngul gyi ya lad gyon pa kun gyis lta bar mdzes//ta la'i mgo bcad rtsa ba de las myu gu skye mi 'gyur/ /ro ni sa yi 'og nas kang ka'i skad kyis 'byin par nus/ /gang+gA sgrol ba'i rkyal ba 'di la ces sbras bya bar rigs/ /skyes bu seng ge'i gsob mthong ba ni skal bar ldan/ /ging pa rang gis byed pa dar gyi srin bu snying re rje//ji ltar bros kyang grib ma 'di la gzugs kyis thar pa med/ /spu gri'i so la chags pa'i sbrang rtsi bldags nas phung bar nges/ /rdo yi mi 'di srin mo'i gling du bskyal kyang mi dga' med/ /gnyen po phyir 'phel 'dab chags skye ga go cha bzang / /rin chen gter gyi thad kar nyal ba'i dbul mo snying re rje//shing rta brel pa'i rgyu ni 'khor lo'i [(]sgram [,]sgrom [)]du chud pas len/ /rgyal po'i rjes gnang thob pa'i mi de gshed ma la mi 'jigs/ /rnga yab lag na thogs bzhin 'ja' ti dug sbrang phyir mi skrod/ /'brug gi sgra med rma bya'i mngal du sgo nga chags mi 'gyur//ma ga d+hA ru dngul chu 'thungs pa des ni gang+gA rgal/ /li khri kha ru chud pa'i bsil ba thams cad mtshal du 'bab/ /gzeb nas thon nas gshed ma'i lag tu 'gro bar ma byed cig /lho ru rkun mo'i snying sha zo la drang srong rgyal mtshan phyi ru phud/ /ro la gser gyi phreng ba btags pa de yi gan du 'gro bar mi bya'o//sman mchog bsil mngar mi btsong min lus kyis btung bar bya/ /glang po'i rgyu she lcags kyus phrogs pa 'di ni ngo mtshar che ba yin/ /gdan sar bton pa rgyal bu'i lag nas tshangs pa'i skud pa da long cig /dmus long mig gis do lo ci 'dra'i lan ni thebs par mi 'gyur ro//dgos 'dod sna tshogs 'byung ba'i nor bu'i nus pa su las blangs pa yin/ /skom pa'i phyir ni lan tshwa'i chu rgod 'thung ba'i mi de ltas ngan yin/ /dug las skyes pa'i srin bu 'di yis da khos man ngag bstan nas song / /mu dra a ga la btab pa'i gzugs de gan+d+ha log tu shes par byos//ku ru kul+le'i gnas su sgrol mas gsungs so// //sgyu rtsal lus la med pa'i mi yis gyad kyi spyod pa dor ba rung / /dri ma can gyi lus kyis tshangs pa'i sgo lnga nam yang mthong mi 'gyur/ /chu srin kha ru gru chu ded dpon 'di yi spyod pa da ltos dang / /mu tig phreng ba pad+ma'i skud pas zla ba'i dbus su sgyur par bya//shul dkar u shug la tshogs 'dron po'i don ni nyi ma rgas pas shor/ /de mthong bdud ni mig phyis phyogs bzhir gad mo rta skad 'tsher/ /mkha' la 'phur ba'i nus pa 'das pa'i dus der bskams/ /mkhregs la mthur gzhol grung de shing rta brel ba gang gi stobs las byung //dug sbrul rke bcad nus pa med pa rnal 'byor pa yis gzigs/ /rnyog ma'i chu la bzhin gyi dkyil 'khor 'char ba rab tu dka'/ /rkang pa chag pa'i rma dkris mgo la 'ching ba'i mi de 'ja' tri yin/ /rdza ba las rkang pa bkrus nas do la'i steng du 'dzegs pa bzang //rus sbal khog pa pha lam rdzas kyi rdo rjes bcag pa ngo mtshar che/ /ma gi ta yongs la brang 'gros lta bar mi nus so/ /rgya mtsho chen po'i chu ni ro dang lhan cig 'grogs pa min/ /nags la me mched phyogs bzhi'i rlung ni grogs su 'gyur/ /rgyal po'i btsun mo lha sras la ni skyo bar 'gyur ma yin//kA ma rU ru smyon pa'i chu la su yis 'thung bar nus/ /so ma btang ba'i rdza ni chu la skol bar mi bya'o/ /stag ni ri mo yod pas lan te rtag tu dgra dang 'grogs/ /b+han+d+ha med par gser 'gyur rtsi mchog rang dgar shes pa min/ /chung dus mi 'dzin bco lnga'i zla ba rgyas pa 'di la sgra gcan dbang //bu shi'i ma bu mthong ba'i 'gro ba bzang mo mya ngan rem/ /zhing pas chu lud brten las bon skyon med gdab par bya/ /ngar mchog dug la blud pa'i ral gri 'di la brdeg sa yod/ /smyon pa'i shul du 'brangs na snying gar yi ge sna tshogs 'char/ /mi 'gyur mkha' la lding ba'i bya tri 'di la gdams pa yod//byang phyogs kha ba can du phyin na 'gro la phan par 'gyur/ /dpal 'bras phung rang byung gi rtsar 'jam dpal gyis gsungs pa'o// //yi ge'i phreng ba nyi zla'i bar du dpa' bo'i spyan gyis blta bar gyis/ /rma bya'i mdongs kyi kha dog nam bris 'di yi mkhan po su zhig yin//khab len rdo yi phyogs der lcags bran rgyug ste de la rig byed med/ /glang po'i mgo la rwa med chag gis dogs pa'i sdug bsngal skye mi 'gyur/ /rgyal po'i gzeb tu tshud pa'i mid thar ram lde mig yid la bgyis//ging pa'i las byas sgyu ma'i dge slong la ni ltung bas gos mi 'gyur/ /wa dang glang po bung ba sha za seng ge smyon pa'i spyod 'gros ltos/ /skyon gyis ma gos dngul chu sta rus 'thung bar byed/ /gcig cig gcig la gcig pa nyid du shes par gyis/ /gzan du pha lam sgug pa'i bya de gang yin su yis mthong bar 'gyur//mtshan ldan lus la sgyu rtsal ma sbyangs gyad du 'gyur ma yin/ /wa ti'i wa la grungs yun ring na chu nyid drag par 'gyur/ /dang la spu gris lce chod de dus khyod kyi kha nas rig byed thon/ /'khri shing lo 'bras smin cing lci pas rgyas su ma 'jug cig / rtsal gsum lus la rdzogs pa'i seng ge 'di la yang cung zad med/ /rgun 'brum tshal nas gram pa snyag pa'i spre'u snying re rje/ /chu nang rdo bor tshe na de dus zla ba gud du song ba med/ /dur ba gzeb kyi ri bong 'di yi spyod 'gros blta bar bya/ /rdo yi mi la ngan du smras dang bsngags pa khyad par yod dam ci//lha rdzas shel la me chu gnyis ka 'byung ba ngo mtshar che/ /gal nad zas la rgyug pa'i sems can de ni snying rje'i yul/ /gyad kyis khrid kyang 'khor lo dang bral shing rtas lam mi chod/ /rkang la khong dril bud pa'i mi de blo sems bde/ /las su 'phangs pas zil gyis mi skyug go la phyir mi 'bod//dal ba'i dbang med rdza mkhan 'khor lo srub thag chod na bde/ /skyon gyis ma gos ut+pal chu nang skyes pa rang sar zhog /gshed mas bzung ba'i ltas ngan mi de rgyab tu mig mi blta/ /dud 'gro'i rgyal po'i gtsug gi nor bu'i thog ma gnas 'ong / / ri bo bya rkang du spyan ras gzigs kyis gsungs ba'o// //tsan+dan chus bkrus lus kyi sprin med mkha' la gza' bral nyi ma ltos/ /srin mo'i bang du bu shor nye zho med par log pa'i mi de gang / /nam zhig byi ba'i dug dang ma bral thar pa thob mi 'gyur/ /lag pa re rer me long gnyis phyar byad de gang la lta ba yin//stod la mnan pa'i seng ge'i gam du spos kyi glang po ga chad du/ /mchil lha ma steng du rkang bzhags steng thams cad de dus ko bas g.yogs/ /'khor los sgyur rgyal gang du gshegs pa'i lam du rin chen gzhan rnams 'brang / /pe ta ming gis bslus te bsgo ba nyan dus de dus de tshe gces par dor//bu ram tshal mthong rkang la khong sgril grol ba'i glang po sdod pa min/ /'dzam bu chu bo'i gser la mu tig gis spras btsun mos btsongs na rin thang che/ /rlan can shing la rtsol bas srub pa'i mi de blun po yin/ /bye phrug lus la khrag chags de dus rma bya'i gnod yun ran//'gro bar ma nus khar gzhong nang gi rus sbal tshi chad 'gyur/ /gcig la gcig brtan gshog pa med kyang gser sbrul mkha' la 'phur/ /shi yang bla yi nor bu ma len rgya mtsho'i phyir mi 'byung / /b+ha yi drungs su myu gus bon bcad kyi rjes la bzang bar 'gyur//dmus long lag na me long phyar ba 'di la btsun mo bltas kyi dga'/ /snum gyis btsos pa'i ras la tshon gyi rtsi ni chags mi 'gyur/ /ti tsha byugs pa'i rdza ni so btang da ni bskol bas chog /mkhas pa yis ni stag gi tshang mthong de nas 'byol/ /rtsi mchog gser 'gyur bslabs pa'i drin can brjod par bya ba min//tshes gcig zla ba mi chung bco lnga'i dus na skyes pa med/ /bus pa g.yang khar song ba ma yi spyod 'gros ltos/ /mig 'di mgo la dgos pas phyung nas bza' bar mi bya'o/ /sha chags mi byung dus su gser gyi ral gri da phyung cig /rdo yi mi la 'gran dus de tshe snying la yi ge sna tshogs 'jug /gar mkhan spyod pa 'di yis man ngag thams cad bstan nas song / /byang phyogs par ta ni ru phyin na 'gro la phan par 'gyur/ /'byung po'i grong khyer tri stag tshang du phyag na rdo rjes gsungs pa'o// //gyad dang sbrags pa'i mi de shul du tsau ra'i yang bral//ma tshig rdza la la cha mi 'go tsan+dan me la bsro bar bya/ /rtsa ba bral ba'i sdong po lo 'dab rgyas kyang don la skam po yin/ /gser gyi rtsa'u mkha' la phyar ba 'di la glang po smyon pa 'bros/ /til mar rtse la dngul chu'i rgyun 'dzag 'di la seng ge bltas kyis dga'/ /ging pa srog la mkhas pa'i sgyu ma'i skyes bu sdig mi sog /dur khrod nang du ce spyang ro dang phrad pa phyir mi ldog /sgeg mo rgyan gyis sbras pa me long lta ba rab tu brtson/ /rdo yi mi la su nye kho yi dgra bo gang yin khyod kyis smros/ /pad+ma'i ge ser lag tu thogs la dus mtha'i nam mkha' ltos//ka la ping+ka'i sgra gdangs gter gyi steng du sgrogs na snyan/ /wa chu ma zad bar du chu 'thags 'khor lo 'di la bsdad dbang med/ /gling gcig dag tu 'khor los sgyur rgyal gnyis su tshogs pa min/ /mkha' la nyi ma shar dus mun pa gud du yib bam ci/ /rin chen dngul gyi me long g.ya' ma dag par ci ru rung //ma ga d+hA ru btsos pa'i ras ni kha dog gzhan bas gsal/ /rgyal po'i gam nas gshed ma'i phyogs su 'gro ba ltas ngan yin/ /mo gsham bu yi mdza' sde gang yin de yi bud med su/ /bzo yi sngon du thog mar zhun spyang gtong ba'i gser mkhan thabs la mkhas//mngal du mches pa'i glang po mche ba drug pa rgun 'brum mi 'dod la/ /rgyal po blta zhing rtse pa'i sems kyis spyan nas mchi ma yang yang 'dzag /dus mtha'i nam mkha' 'di la shar lho phyogs mtshams gang gis shes par 'gyur/ /yin par shes pa'i blo yis mon mo'i dug gi nus pa med par byed//zla ba bco lnga ma rgyas bar du rus wal las skyes sgong smin mi 'gyur/ /rkun po mdzod khang nang du rgyal po'i nyul mos bzung ba de ci sems/ /mig gi dbang po btsums nas mthong byed snying gi dbus su sad nas lta/ /brag las byung ba'i seng ge'i skad kyis chos rnams ma lus bstan nas song //rtsi mchog gser 'gyur shes pa'i mi de rlom sems sa khong du da chud cig/ /lang tang rtse ru gshin rje gshed kyis gsungs pa'o// //gyad kyi sgyu rtsal 'di la dri ma'i zas gnod mkhas bas spangs bar bya'o/ /chu bo bzhi 'bab rgya mtsho phyir mi ldud pa ngo mtshar che ba yin//skyed du 'dzom pa'i glang po seng ge'i 'o ma 'thungs pas su yis thub par 'gyur/ /rlan bral rus sbal rgya mtsho mthong tshe de dus gzhan mi dran/ /sgyu ma'i skyes bu'i sbyin gtong las byung 'bras bu gang du smin bar 'gyur/ /ma drug bu yi phyogs der tshangs dbang khyab 'jug rnams kyi cod pan 'dud//seng ge'i mig gi dbus na yi ge a yod pa de ltos dad kyi/ /'ja' tri rin chen mchan du bcug nas chos bzang drag por 'jog /dug sbrul pang du byung tshe dog la yod par sbang bar bya/ /me long g.ya' dag gzugs brnyan 'char gyis rgyab tu min//ka ta ri las thar nas dong du zhugs pa'i mi de shin tu blun/ /rgya las grol nas 'dab chags rma bya rjes su zlog mi 'gyur/ /yan lag nang du bskums pas phyi ru dgra dang bral ba'i rus sbal thabs la mkhas/ /rtsi mchog spri yang 'thungs pa'i sbrul sha zos na bcud du 'gyur/ / rgya mtsho'i gling du ma phyin nor bu la ni blun pos cir mi mthong / /pad+mas khrag ngoms chu yi nang 'dug sha yi phyir mi 'brang / /khab tu byon pa'i btsun mos sngar gyi spyod pa dor bar bya/ /bu ram chu yis ras kyi dri ma rnams ni gting nas 'don par byed/ /gangs kyi ri yi snum ma zos na 'o ma mar du 'gyur//stag 'di ded pas mi zin bsdad kyi steng nas dgug par bya/ /bar ti ka na gser 'gyur rtse yi lo ma me ru 'bud/ /chu snod 'bum du zla ba 'bum 'char de dus zla ba gcig las med/ /byis pa a ma mthong tshe bad du rgyug bas a lu bor/ /yib sa med pa'i gser la ra yod ka 'ji'i rdo la snod//srin mo'i ral gri gyad kyis thogs pa de la pha rol 'jigs/ /nam mkha'i gos su gyon na snying gi dkyil du nyi ma 'char/ /rta mchog thur du rgyug pa skyes bu 'di yis gdams ngag bstan nas song / /mdzes sdug rma bya'i thul pa phud na de yis thar pa thob par 'gyur/ /bya rgod phung po'i ri la khad+ma pA Nis gsungs so// //gyad kyis ma brgyugs phra mo'i pang la rgyal po bltas kyis dga'/ /tshos ma yis ni skyon med ras la kha dog tha dad ci 'dod shes/ /nyi ma mun par mthong ba'i mi de'i mig de cis lan de'o khyod kyis smros/ /phru gu mi dran sbrang rtsi mthong ba'i don la gnyid mi 'ong //khyu mchog 'og tu zhon nas seng ge'i 'o ma da 'thung shig/ /mdzes mas g.yos pa'i zas la dug mthong bzhin du ma 'thung dang / /byis pa dang ni rgan pos chu nang zla ba 'di la so sor mthong bar 'gyur/ /nam mkhas btson du gzung ba'i skyes bu 'di la gud na bros sa med//skad gsang mthon po'i sgra yis ye shes 'char dus khyod kyis bris/ /shel gong g.ya' dag gang gi steng du bzhag pa de yi mdog tu 'gyur/ /'dul sbyong mkhan gyi gan du bu ram tshal nas bros pa'i glang po 'ja' tri yin/ /sbrul gyi tshong mthong len mkhan tsan+dan la ni ser sna skye mi 'gyur//rgyal po'i bka' rtags gnang ba'i mi de su la'ang de mi 'jigs/ /bung ba'i sgra la phag rgod nyan pa 'di ni phyag rgya che/ /rgyal mtshan rtse mo'i nor bu 'di la mchod dang dgos 'dod 'byung bar 'gyur/ /phabs kyis gang la reg pa'i chen ni glum du 'gyur bar the tshom med//btsun mo'i mdza' sder gyur pa ma gsang gshed ma'i lag tu 'gro/ /dpag chen skyes bus gnam du mda' 'phangs 'di yi mgo la phog /rin po ches spras btsun mo'i sku la rgyan gyis sbud pa gnad mi 'gyur/ /sprin med mkha' la shar ba'i gza' skar phyogs der rgyal mo ka ra khyod kyis phyor//spre'u yi sder mo rnyed ba'i rus sbal lan tshwa'i chu la lto 'gal med/ /tshal med sa la rtsol ba'i las rnams sdong 'dab yin te gser med phyir/ /smyug ma'i rtse la 'bras bu chags tshe des ni rtsa ba rlag par gdon mi za/ /sgra rnams snying gi dbus na nyan pa'i phag rgod 'di yi spyod 'gros khyod kyis ltos//rkyal ma 'byongs pa'i skyes bus rgya mtsho'i nang du 'gro bar mi bya'o/ /sa le sbram ni mtshur gyis gos tshe sngar gyi kha dog 'dor bar byed/ /seng ge'i rlid bus chos rnams ma lus bstan nas song ba ngo mtshar che/ /mun pa'i rum du me long ngos la byad kyi gzugs brnyan 'char mi 'gyur//klu sgrub kyi phug par sgrib pa rnam par sel bas gsungs pa'o// //skom pas mchu dang mgul pa skams pa'i glang po chu dang phrad pas gzhan mi sems/ /til mar gyis bskus skra la me shor de dus sgeg mo bya gzhan dor/ /lus la lcags dbyug bsnun kyang rdo yi mi la mi dga'i rtog pa skye mi 'gyur//mnyen pa dgras ded gtsang po'i 'gram du gru dang phrad pa de ci sems/ /seng ge'i 'o ma rin chen snod las phal gyis thub mi 'gyur/ /thabs 'khyer mi de gang du blo ldan gyis zin de dus sems ngal sos/ /sgeg mo yid 'phrog rmi lam bud med gang nas 'ongs nas gang du song //lan tshwa chu la thim pas gzugs med ro yi dngos po stor mi 'gyur/ /sgo nga'i nang nas byung ba'i bye phrug mkha' la lta ba de ci sems/ /gling bzhi'i bya ba byas kyang nyi zla gnyis la skyo ngas dar cig med/ /rin chen bai DU R+ya dang mching bu khyod kyis brje bar ma byed cig /rma bya btsan dug za ba bya gzhan rnams kyis thun mong ma yin no/ /rus sbal rlan las skyes kyang rgya mtsho mthong na de dus rab tu dga'/ /bor ba'i phyir skogs la ni ltos 'gro chags pa'i blo mi skya/ /thams la mkhas pa'i ded dpon rgya mtsho'i lam srang mkha' la 'tshol bar byed//lus la rme ba yong pa'i ri dgas gcig pur sdod la ltos/ /rgun 'brum chang gis bzhi tshe btsun mo drung mi 'gro/ /mtshur gyis spangs pa'i ras ni kha dog bsgyur bar shes/ /'o ma'i chu rgyun 'di la su 'thung mi de skal bar ldan par shes/ /sgong skyes tshang du bskyur nas phru gu mi gso 'dab chags khu byug drung //don gnyis mi byed gser 'gyur rtsi 'di shes pa'i dgos pa de dus stor/ /lang tsho bcu drug lon pa'i bu mo de yis bde ba smra ma shes/ /dug sbrul phag dang glang po'i spyod 'gros khyod kyis da ltos shig /chu yis chu ded bsdad dbang med de de la dal bar gang gis mthong //smyon pa'i lag nas ral gri 'brel pa'i mi de dba' bo yin/ /seng ge'i gsob mthong tshe na de dus snying la yi ge sna tshogs 'char/ /gri skor mkhan po de yis da res man ngag thams cad bstan nas song / /dpal gyi ri la yi ge bsubs nas thabs des bden pa mthong bar 'gyur//u rgyan tshab la'i gling du dpal rang byung gi rgyal mos gsungs pa'o// //bil ba'i gong bu de ni gyad kyis brdabs na 'jig par gdon mi za/ /pha wang dred dang sha dag byed pa'i dgos pa gang yin khyod kyis smros/ /gar chang 'thung ba'i glang po smyon pa rang sar bzhag na srun//sman pa'i ngag la mi nyan nad pa gang gis gso bar nu sa ma yin/ /seng ge'i 'o ma 'thung tshe mchu la 'byar rtsi byugs na bcud du 'gyur/ /dug tshor zas la skyes bu chags pa'i blo ni skye mi 'gyur/ /ce spyang mig la nyin mtshan med de de yis dor bya sbangs pa yin//nom ba lus la med pa'i skyes bu gcer bu pa la dgra mi yong / /dur khrod dbus kyi rdo yi mi de sha za'i ya nga bral nas 'dug /chu shing snying po rnyed pa'i mi de skyes bu su yis mthong bar 'gyur/ /gter mdzod dbyig gis khengs tshe de dus ded dpon blo sems bde bar snang //dbul pos nor bu rgyal po'i phyag tu phul ba 'di ni ngo mtshar che/ /skyes bu rtsol ba med pa'i pi wang la ni sgra skad 'byung mi 'gyur/ /gzings la gnas pa'i bya rog 'di las 'phur sa gud na med/ /mgo la mig phyung snying gi dkyil du sbas na phyi rol yi ger 'gyur/ /sems can rus sbal mig 'di btsums na gsal bas dbye bar 'phangs pa yin//sgyu ma'i gter mdzod 'di la mkhan po chags pa'i blo ni skye mi 'gyur/ /gser 'gyur rtsi yi rig byed 'di ni kun la mi ston mkhan po'i snying la sbed/ /chu 'khyags chab rom du gyur zhu tshe chu rang yin te go bar gyis/ / mkha' la 'char ba'i 'ja' yi mkhan po su yin 'di yi kha dog su yis bris/ /chu la chu bzhag gnyis su mi snang gang gis 'byed par nus pa mkhas/ /mkha' lding 'dab gshog rgyas pa'i ro de su yis 'phur bar nus/ /gang tshe gzings kyi thag pa brtul tshe de tshe ded dpon dgra gnyen gnyis dang bral//'khor lo'i rgyug phyogs grib ma'i mtshams las 'da' mi 'gyur/ /mun rum nang du me bus 'od ni thog mar rang la 'char bar 'gyur/ /skom du seng ge'i snying khrag 'thungs pa'i mi de su yi rigs rgyud yin/ /jag rtsed mkhan po de yis man ngag thams cad bstan nas song //gru gnyis sna la rdog pa bzhag pa'i mi de 'gyel bar 'gyur/ /lho phyogs kA ma rU ru lha mo mA ri ts+yes gsungs pa'o// //gser gling yid la bcangs pa'i ded dpon bong rdo'i khrod du sdod mi 'gyur/ /rdo yi shul du 'brang ba'i khyi yi spyod 'gros 'di la khyod kyis yang yang ltos//tshong khang du tshogs 'gron bo thad kar mi 'grogs rang rang gud du 'gro/ /nor bu'i phung po mthong tshe rus sbal la ni gces par 'dzin pa'i blo mi skye/ /klu mchog rnams kyi mgo bo ji snyed klad gzer skye ba'i rten/ /nang gi 'du ba gang yin rang srong gis ni phyi nas shes/ /rgyal po'i dkor mdzod brkus pa mi smra 'chab pas kha tshags bsdams//snal chu mthong tshe thag pa sprul du 'dzin pa'i 'khrul pa ldog /sbrang rtsi'i ro mchog myong ba'i rnga mo rtswa yi zhen pa bral/ /sa yi 'og tu rno yi ngar blud spu gri sba bar 'phangs pa yin/ /nyi zla gza' skar rnams ni rgya mtsho dang ba'i ngang du 'char//khri snyan pags pa gyon pa'i mi des bgegs rnams bran du khol bar 'gyur/ /phyogs bzhir co do gshed mas zin pa'i mi de de dus gang la chags/ /skyes bu mdza' bos bslus pa'i mi de khong dub yid ches 'jig /shing gi skyes bus glang po'i mgo bcang de yi sdig pa gang du smin//mdongs rgyas pa yi rma bya dregs pas myos pa 'di ni ting 'dzin bzang / /rgyal sras 'khrungs pa'i btsun mo la ni de dus lha rnams re ba che/ /na ga ra yis yi ge chu la bris ba su yis lhogs par 'gyur/ /lhung bzed khengs na rigs ngan bzhag la da ni seng ge'i bu dang sbrag / ci yang mi dgos shing skogs bar gyi sdom gyi spyod 'gros khyod kyis ltos/ /gser 'gyur rtsi shes dbul bar gnas ba'i mi de su yi rigs rgyud yin/ /rus sbal spu yi kha dog ci 'dra da res khyod kyis mo gsham bu la dris/ /me long nang gi byad de gzugs brnyan yin gyi rtog pa bral/ / gser 'di bzang po yin min ra 'di ka 'jis gsal bar 'dug /gang la rgyab pa mi sdug chod pa lha dbang lag gi sta re rno/ /mchil lham lag na thogs na dus der lham gyi dgos pa stor/ /dra ba dbang po'i gzhu yis chos rnams ma lus bstan nas song / /mu tig phreng ba lto ru zo shig 'di yis don gnyis 'grub par 'gyur//sing ga la'i tshal du kun du bzang pos gsungs pa'o// //gyad kyi dpral ba'i nor bu ma mthong bzo rig mkhan pos bstan dus rnyed/ /chu bya'i phru gu 'di la sgo nga'i nang du rgya mtsho'i snang ba 'char bar 'gyur/ /tsan+dan me yis tshig pa'i sman du rma la de nyid bzang ba yin//shing rnams thams cad grib ma'i ngo bor gcig pas 'di la tha dad med/ /spos kyi glang po ste ka zos pa seng ge'i gdong du blta/ /'dab bzangs rgyal po'i mchu la rtsi yod chu bo'i nang gi'i ma 'du/ /gsal shing rtse yi mi de nor la chags pa'i blo mi skye//sngags kyis zin pa'i ha la sman rnams kun gyi mchog tu 'gyur/ /rdo yi mi yi rig byed 'di la ltos dang ngo mtshar che ba yin/ /dug mda' snying la phog pa'i mi de su yis sos par 'gyur/ /sen mo'i bar du seng ldeng tsher ma zug pa'i mi de ting 'dzin bzang //mi ro mkha' la lta ba'i snying la ci sems khyod kyis da smros dang / /skam du smyo chu 'thungs ba 'di yis rgyal po'i 'khor mi 'ong / /nam mkha'i nu ma la ni 'o ma 'dod pa da bzhos shig /nor bu rin chen gang nas rnyed pa'i dus der dbul dang bral/ /gcig tu gyur pas ri rab drung du rma bya'i mdongs mi gsal//skyes bu gshed mas btang ba'i blo sems 'di la blta bar bya/ /dud 'gro'i khong du gser 'gyur rtsi zos rtswa gzhan dag dang khyad par med/ /do thag thams cad rtsal gyi phur pa 'di yis bzung ba yin/ /stobs ldan ded dpon gyis ni glang bo'i rgyab tu da khol cig /srin po'i kha nas rlung gis bskyod pa'i me ni rdo rje'i gdan la 'bar bar byed/ /'di yis gdol pa'i grong rnams 'tshig par 'gyur bar gdon mi za/ /rnam pa du mar gyur kyang gar mkhan lus su gcig pa yin/ /gril nas lam du bum pa dngul chu'i thigs pas khengs pa'i tshe//de dus 'khor lo'i steng du dpa' bo rnams ni bzi ru chug /rgya mtsho'i rba rlabs 'khrugs dus thabs ldan rus sbal gting du 'bros/ /glang po'i mgul gyi dril bu 'di yis man ngag thams cad bstan nas song / /sman gyi nags der drang srong gis ni dor bya rnyed mi 'gyur//dur khrod u tsa lar badzra bA rA hI sa gsungs pa'o// //gter gyi nang du gter tshud de dus mkha' la 'ja' tshon sna tshogs 'char/ /mthong dus de tshe khyod kyis khong du gzhu yi srad bu da phung cig /rang gis bcag pa'i gser la ka 'ji'i dgos pa mi bdog go//mthong snang dgra ru red pa gter srung mkhan po mel tse rab tu brtson/ /rgyal pos ma tshor ba la dur ba gseb tu bdud rtsi'i bum pa rang gis btung / /sbrang rgod lto ru zos nas 'bras bu med par 'dod pa de ni shin tu blun/ /rdzi das la gnas pa'i ded dpon 'dod rlung byung ba de dus rgyal mtshan 'phyar//bu ram shun pa 'di la yang yang bshus na mngar ba'i snying po rnyed mi 'gyur/ /rmi lam du ni gter gyi bum pa rnyed pa de las da nas blun po du/ /gzan la bcum ba rgya khra 'di yis man ngag thams cad bstan nas song / /gter mdzod rnyed pa'i mi des mdza' bo shi ba'i mya ngan dus der brjed//sha chags mis ded rkyal shes skyes bu gang+gA'i phyogs su 'bros/ /rus sbal rgyab kyi ri mos sus bris 'di yi mkhan po gang yin lo/ /ded dpon kha la mi nyan blo chung skal med nor bu rba dor len/ /nya btang ba yi skyar mo de dus mkha' la dgra yi 'jigs pa bral//rig byed gnod par mthong ba'i skal med de 'og rang sar zhog /khab len rdo 'di nam zhig btsun mo'i dgra ru ldang bas sa yi 'og tu sbos/ /gnad du mtshon phog dus der ri dgas khyu nas dgar/ /nor bu gling la sa rdo btsal bas mi rnyed a rangs rin po che/ /mkha' la rgyu skar gang yin lta na seng ge'i g.yang gzhi gon//gser 'gyur rtsi ngo ston pa'i drin can gang gis mnyes par byed par nus/ /thabs gzhan ma mchis rdzas chag dum bur bza' btung slong na dgyes/ /chu yi ro rnams rgya mtsho chen po der ni tha dad med de gcig /ro la mtshon gyis bsnun kyang de la mi dga'i rtog pa med//g.yul ngo nam sprod tshe na glang po'i mchu la ral gri gdags/ /ri brags bar du sdod pa'i gcan gzan seng ge 'di la gdams pa yod/ /zo chu 'khor lo 'di yis man ngag thams cad dus dar bstan/ /srin mo'i sogs pa mgul du thogs na mkha' la 'phur bar 'gyur//rdo rje gdan du mi g.yo bas gsungs pa'o/ /bde bar gshegs pa lung gi brgyud pa yi dam gyi lhas bstan pa 'dzam bu'i gling du sngon chad ma grags pa'o/ /sangs rgyas gnyis pa ltar grags pa bla ma rgya gar nag gu'i zhal snga nas bod kyi ban+de zha ma lo tsA bas byin rlabs kyi gnas mchog ding rir bsgyur te/