48b4 sre mi li bshags b+ha hu ri bsad/ /kye ma bla ma'i sku dgra bsgral/ /bdag cag mkha' spyod gnas su 'gro/ /mya ngan gyi lta ba zhes bya ba slob dpon ma hi la nas brgyud pa d+ha'u ris mdzad pa rdzogs so//[ ]@##/ /rgya gar skad du/ tsit+ta ma tra dr-iSh+Ti nA ma/ bod skad du/
48b5 sems tsam gyi lta ba zhes bya ba/ dpal dgyes pa'i rdo rje la phyag 'tshal lo/ /nam mkha' zhes bya'i gru la ni/ /lus ngag yid gsum dkrugs shing byas/ /bla ma'i man ngag gzhung shing btsugs/ /sems kyi brtan pa grum nan zhing / /pha rol sgrol bar byas pa las/ /
48b6 'di las thabs gzhan rnal 'byor pa/ /yod pa dag ni ma yin no/ /'di las rnam rtog yod min la/ /dkrugs shing dag kyang yod ma yin/ /rlung gnyis kyis ni ded nas 'gro/ /thabs kyis de ru brtol te gnas/ /gru 'di myur bar ma bskyod na/ /bar nas chom po'i 'jigs
48b7 pa che//rgya mtsho'i chu rlabs g.yos pa yis/ /srid gsum g.yang sar rnal 'byor lhung / /sems kyi gru 'di brtan bzung ba/ /pha rol dag tu sgrol bar bya/ /'di las thabs gzhan rnal 'byor pa/ /yod pa dag ni ma yin no/ /ma rtogs pa ni thams cad kyis/ /bye brag
49a1 tu ni smra bar byed//brtags shing lta drug thams cad kyang / /gru 'di gcig tu 'dus par 'gyur/ /sems kyi gru 'di brtan bzung la/ /pha rol dag tu sgrol bar bya/ /'di las thabs gzhan rnal 'byor pa/ /yod pa dag ni ma yin no/ /mtha' gcig
49a2 nas ni drangs byas nas//gru 'di gyen la bgrod par bya/ /sa ra ha ni smra bar byed/ /sems ni stong nyid gnas su thim/ /sems kyi gru 'di brtan bzung la/ /pha rol dag tu bgrod par bya/ /'di las thabs gzhan rnal 'byor ba/ /yod pa dag ni ma yin no/ /sems tsam gyi lta
ba zhes bya ba slob dpon sa ra ha nas brgyud pa slob dpon mai tri pas gsungs pa rdzogs so/