CLOSE WINDOW

D2433
བོད་ཡིག

/de nyid brgyad kyi lta ba zhes bya ba slob dpon in+d+ra b+hU tis mdzad pa rdzogs so//[ ]@##/ /rgya gar skad du/ tsit+ta kalpa pa ri ha ra dr-iSh+Ti nA ma/ bod skad du/ sems nyid kyi rtog pa 'joms pa'i lta ba zhes bya ba/ gshin rje gshed la phyag 'tshal lo//mar sar mgo bo bcad ba yis/ /sta re'i so ni 'chag par byed/ /sbal pas glang po mid par 'gyur/ /kye ma shing thun dgod par byed/ /kye ma ngo mtshar me go kye/ /sems la the tshom ma byed cig /mtshar na a ba d+hU tI pa/ /sems la rtog pa ma byed cig / kho yis ma bshad 'di ma go / nam mkha' las ni me tog 'byung / /kye ma ngo mtshar me go kye/ /sems la the tshom ma byed cig /mtshar na a ba d+hU tI pa/ /sems kyi the tshom ci zhig bya/ /kye ma mo gsham bu skyes na/ /khri yang gar ni byed par 'gyur/ /ras bal dkon par thob 'gyur bas//nam mkha'i gos can du bar byed/ /kye ma ngo mtshar me go kye/ /sems kyi the tshom ci zhig bya/ /mtshar na a ba d+hU tI pa/ /sems la the tshom ma byed cig /kye ma glang chen khri la 'dug /sbrang bu gnyis kyis 'degs par byed/ /dmus long lam ston ngo mtshar che//lkugs pas gtam ni smra bar byed/ /kye ma ngo mtshar me go kye/ /sems la the tshom ma byed cig /mtshar na a ba d+hU tI pa/ /sems kyi the tshom ci zhig bya/ /byi bas byi la 'ded pa mtshar/ /de mthong ngo mtshar skye bar 'gyur/ /bong bu myos pa mthong 'gyur bas//glang po rnams kyang bros par byed/ /kye ma ngo mtshar me go kye/ /sems la the tshom ma byed cig /mtshar na a wa d+hU tI pa/ /sems kyi the tshom ci zhig bya/ /kye ma spre'u ltogs pa ni/ /rdo ba kham gyis za bar byed/ /kye ma sems kyi nyams myong ni/ /sus kyang brjod par nus ma yin//kye ma ngo mtshar me go kye/ /sems la the tshom ma byed cig /mtshar na a wa d+hU tI pa/ /sems kyi the tshom ci zhig bya/ /sems nyid kyi rtog pa 'joms par byed pa zhes bya ba kaM ka la dang me kha la nas brgyud pa slob dpon la k+Sha mI yis gsungs pa rdzogs so/