CLOSE WINDOW

D2423
བོད་ཡིག

/[ ]@##/ /rgya gar skad du/ suk+Sh+ma yo gaM nA ma/ bod skad du/ phra ba'i rnal 'byor zhes bya ba/ dpal gshin rje'i gshed la phyag 'tshal lo/ /khyim du khyim bdag rnal 'byor pa//gsang 'khyud gnyis med bsgom par bya/ /'jigs pa can gyi rnam rtog 'di/ /khyod kyis 'di kun sba bar gyis/ /tshad kyang gzung du med pa la/ /de yi rigs kyang rtogs pa med/ /sa mu dra yi dge sbyong ni/ /sa gsum grags pas khyab par 'gyur/ /bdag nyid myos pa'i cha lugs kyis//dug lnga khrus shing dag par 'gyur/ /'jigs pa can gyi rnam rtog 'di/ /nang du mnan nas bsad par gyis/ /rigs kyi nga rgyal spang byas nas/ /dge slong bdag gis smras pa yin/ /dbang po sna tshogs mthong 'gyur kyang / /dus kyi pho nyas dran pa yis//ci phyir bdag nyid 'gro 'ong byed/ /mtha' gnyis bral na don rnams grub/ /'jigs pa can gyi rnam rtog 'di/ /sems 'di mnan nas spang bar gyis/ /rnal 'byor rnam rtog gcod pa yis/ /sa mu dra dag dngos med 'gyur/ /phra ba'i rnal 'byor bsgom pa yis/ /bdag nyid gnyis med grub pa thob/