CLOSE WINDOW

D2406
བོད་ཡིག

/nam mkhar thim 'gyur the tshom med/ /ka phreng bsgom pa'i lam zhes bya ba slob dpon d+ha ma d+hu mas mdzad pa rdzogs so//[ ]@##/ /rgya gar skad du/ sam+pa ra tsakra A li kA li mahA yo ga b+ha ba na nA ma/ bod skad du/ a phreng ka phreng bde mchog 'khor lo'i rnal 'byor chen po bsgom pa zhes bya ba/dpal he ru ka la phyag 'tshal lo/ /'khor ba'i thog mtha'i tshad nad ni/ /bde ba chen po'i bdag nyid kyi/ /rgya mtsho lta bu'i bdud rtsis sel/ /dga' chen de la phyag 'tshal lo/ /dpal ldan phag mo'i snying po yis/ /bde chen dkyil 'khor shin tu mdzes/ /dpa' bo dpa' mo nyi shu bzhis//sa mu dra yi lus nyid la/ /go cha drug gi rgyas btab la/ /yi ge bdun pa'i rna rgyan can/ /dpal ldan phreng ba'i sngags kyis ni/ /mgo phreng bzhi bcu rtsa dgus brgyan/ /glang po che yi ga yang gzhi ni/ /sangs rgyas kun gyi mkha' 'gro 'dzin/ /rnal 'byor ma yi rig pa ni/ /rnal 'byor rgya mtshos rked rgyan byas//thod phreng ye shes lnga yin te/ /bde gshegs lnga yis spyi bor brgyan/ /sA ga ra bdag gar byed do/ /tshangs spyod rtag tu bsrung byas nas/ /rnal 'byor chen po gnyis med bsam/ /rkang pa brgyad pa'i sngags mchod bya/ /bdag nyid rnal 'byor sA ga ra/ /dur khrod brgyad du gnas byed kyang //'jigs pa rnams dang bral ba yin/ /de phyir rnal 'byor dbang phyug rnams/ /bde mchog 'khor lor rtag tu mchod/ /kye ho rigs lnga'i spyod pa 'di/ /rnal 'byor pa yis tag tu rtogs/ /rtog pa med pa'i sems kyis ni/ /'dod yon lnga ni spyod par gyis//rgyan drug gis ni brgyan pa'i sku/ /seng ge bzhin du rtag tu spyod/ /a phreng ka phreng rnal 'byor che/ /mdun du bsam zhing gnyis med skye/ /rnal 'byor chen po bsre byas nas/ /bdag gi lte ba'i khung bu la/ /zla ba'i thig le rgyas par bsam/ /yang dag pa yi yi ge ni//bdud rtsi'i rgya mtsho'i dbus bsams nas/ /dbang po zhi zhing gnyis med 'grub/ /bsam gtan bsam med 'grub rgyu med/ /bsam med bsams na grub pa thob/ /sA ga ra bdag smra bar byed/ /grub pa'i rtags ni glang chen thul/ /rnal 'byor chen po gnyis med do/ /