27a5 /[ ]@##/ /rgya gar skad du/ sa hA dza a nan+ta A bA yaM nA ma/ bod skad du/ lhan cig skyes pa'i gdams pa zhes bya ba/ byang chub sems dpa' rnams la phyag 'tshal lo/ /snying ga'i kha sbyor dbus su ni/ /gnyis med thig le yungs kar
27a6 tshad//de yang 'o ma'i rgya mtsho ltar/ /rim gyis rgyas pa bsam par bya/ /bdag dang gzhan gyi lus nyid ni/ /dri med bdud rtsis zho ltar gang / /rlung nad sel zhing sems nyid bcing / /me d+hi bdag ni smra bar byed/ /dngos por sems gtad dngos med rtogs/ /
27a7 kye ho ma yengs rang sems zung / /rnal 'byor grub rtags dngos med pa/ /phan tshun gnyis kyi 'brel pa bcad/ /dngos dang dngos med rang bzhin la/ /mtha' gnyis mi gnas lhan skyes grub/ /dngos po thams cad skye med de/ /bsgribs pas bdag gis ma rtogs
27b1 so//snang ba thams cad sems ngo bo/ /sems nyid ma grub sems nyid de/ /bdag nyid snying rje kun du khyab/ /nam mkha' lta bur 'gyur ba med/ /gnyis la mi gnas sems nyid yin/ /me d+hi bdag ni smra bar byed/ /rang rig ma bcos bya ba thong / /'dzin med dran med
27b2 sems nyid de//chad par mi 'gyur rang rig rtogs/ /rtag par mi 'gyur sgo 'dogs bcad/ /stong pa'i rang bzhin rtag chad med/ /me d+hi bdag ni smra bar byed/ /lta ba bsgom med 'bras bu med/ /snang la rang bzhin dngos po med/ /rnam rtog sprul gyi mdud pa ltar/ /rang grol
27b3 zung 'jug tha snyad med//de ltar bsgoms pas stong nyid rtogs/ /me d+hi bdag ni smra bar byed/ /lhan skyes zung 'jug stong nyid de/ /rnal 'byor bdag gis rtogs pa'o/ /lhan skyes zung 'jug gi gdams pa slob dpon me d+hi nis mdzad pa rdzogs so// //