| བོད་ཡིག |
25b3 gcig tu mgo la bkur byas te/ /bde bas gar ni byed par 'gyur/ /sems nyid kyi thig le'i hUM nyid bsgom pa'i rim pa zhes bya ba slob dpon dzA lan+d+ha ras mdzad pa rdzogs so//[ ]@##/ /rgya gar skad du/ a tsin+ta b+ha ba ti pa ri b+hA ba na nA ma/ /bod skad du/
25b4 bsam gyis mi khyab pa bsgom pa zhes bya ba/ byang chub sems dpa' rnams la phyag 'tshal lo/ /bla ma rnams la phyag 'tshal lo/ /dgongs pa mdor bsdus rnal 'byor gyi/ /tshad med bzhi yi nyams len ni/ /bsam gyis mi khyab bshad par bya/ /rgyu 'bras stong pa'i rang bzhin la/ /
25b5 dngos med gzugs dang gnyis med smra/ /dmigs med 'bras bu 'bad med 'gyur/ /dper na 'brug med char bzhin no/ /de phyir rang bzhin bdag med kyi/ /brtul zhugs skal ldan rnal 'byor pas/ /snang zhing srid pa sna tshogs 'di/ /dngos po stong pa bdag med de/ /
25b6 ngo bo nyid kyis rnam par dag /de lta bu yi snying rje la/ /sangs rgyas sems can gnyis su med/ /mi bsgom mi rtog rang bzhin gsal/ /mtha' dbus bral ba dbu ma'i don/ /de lta'i sems kyi rang bzhin bsgom/ /ma rtogs pa yi sems can la/ /nad 'don snying rje bsgom
25b7 par bya//bdag gi mdun du gang zhig kyang / /mnyam par bzhag ste mnyam par bsgom/ /de la rnam pa thams cad kyi/ /gnyis med don ni 'grub 'gyur ro/ /dgon pa'i snyan rgyud gdams ngag ni/ /sangs rgyas thams cad 'dus pa'i sku/ /kun gyi sems nyid hUM yig
26a1 yig dkar//bdag dang gzhan gyi snying gar bsgom/ /nyi ma'i gdan steng thig ler bsgom/ /de nyid kyi ni 'phro 'du las/ /nyon mongs thams cad spyang bar bsam/ /de ni gnyis med don yin te/ /lha yi de nyid rang bzhin med/ /de ltar snying rje
26a2 bsgom byas nas//bsam mi khyab pa'i bsam pa ni/ /phan phyir bde ltar bsam par bya/ /rnal 'byor bdag nyid snying ga ru/ /pad+ma 'dab brgyad sran ma'i tshad/ /de nas 'od gsal dkar dmar te/ /bar du me lha'i aM yig ni/ /dngos po'i rnal 'byor gang yang
26a3 med//de las ci yang bsam mi khyab/ /gang zhig sgom pa'i rnal 'byor de/ /gnyis med ye shes 'grub 'gyur ro/ /gsal rig med pa chos sku de/ /de ltar phra ba'i rnal 'byor pas/ /mngon shes shar te gnyis med rtogs/ /dga' ba'i rang bzhin 'byung 'gyur la/ /
26a4 btang snyoms 'bras bu thob pa'o/ /kha cig lha mo bzhi bsgoms nas/ /kha cig dag gi don la brten/ /gnyis med bsgom pa mi shes so/ /zhal nas zhal du brgyud pa yi/ /zhal gdams gzhan la phan phyir ni/ /rA hu las ni bshad par byas/ /tshad med bzhi bsam
gyis mi khyab pa bsgom pa zhes bya ba slob dpon rA hu las mdzad pa rdzogs so/