CLOSE WINDOW

D2394
བོད་ཡིག

@##/ /rgya gar skad du/ d+hA tur pA da nA ma/ bod skad du/ gser 'gyur gyi rtsi zhes bya ba/ yum rdo rje phag mo la phyag 'tshal lo/ /sbyin pa'i pha rol rdzogs pa'i phyir/ /gser 'gyur rtsi yi gdams pa ni/ /nyams su len pa'i gang zag la/ /tshogs ni bsag phyir bshad par bya//bal po se'u sman tshe dang / /sa 'u ra bsre ka ka si sa/ /chang skyur dang ni sbyar bar bya/ /zangs kyi snod du zhag gsum bzhag /de nas bdun gsum nyi shu gcig /zhal gyi gdams pa'i sman rtsi yis/ /srab mo'i lcags rnams zangs su 'gyur/ /dngul chu dang ni khams dang //sen rtsi dang ni lci ba ni/ /sde gur byas nas de yi dbus/ /zangs dmar bzhag na dngul du 'gyur/ /rta rmig dang ni lug ru dang / /rus sbal shun spangs shi lar bcas/ /bzhus pa'i gser la dngul btab nas/ /de rnams bsdus pa'i cha brgyad kyis//bzhus pa'i zha nye btab byas nas/ /zla ba lngar ni dngul 'gyur ro/ /dngul dang khar ba mnyam byas nas/ /zha nye'i tshad du bsre bar bya/ /phyi lta'i snod kyi nang du ni/ /zhu bas thams cad dngul du 'gyur/ /sha chen srang ni brgyad dang ni/ /zha nye dkar po de dang mnyam/ /sa dzI srang gnyis sman tsha dang //dug srang gcig dang dngul chu mnyam/ /gangs can sman ni khu ba yis/ /snga ma'i sman rnams mnye bar bya/ /thams cad rwa dkar nang du bcug /yang na rdza sa'i snod du ni/ /kha sbyor byas nas bsreg par bya/ /sman thal bar du bzhag nas bton/ /dngul ni zla ltar grub par 'gyur//skyes pa tsam gyis she'u yi/ /bu ri sha na blang byas nas/ /nyi ma zhu nas btab par bya/ /de ni bzhi 'gyur phye yis ni/ /zha nye dkar po'i zhun mar la/ /btab nas chu skams dngul du 'gyur/ /sman tsha dang ni tsha la dang / ya bak+Sha ra sa rdzi ka /rtsi dkar sman ni khu ba dang //dug dang ha nu ma sha ti'i/ /chu ni ma he'i zho dang sbyar/ /zhag gsum zha nye'i nang du bzhag /du ba mi 'byung thabs kyis bsreg /dngul 'gyur phongs pa'i sdug bsngal sel/ /dngul 'gyur sbyor ba bshad byas nas/ /gser 'gyur bdud rtsi bshad par bya//gangs can ri bo rnams la ni/ /ro dan ti zhes sman mchog grags/ /lo mas sa phyogs zil mi bral/ /gser gyi mdog can khu ba 'dzag /zha nye dkar po dngul chu ldan/ /thal sbyor zhal gyi gdams pa yis/ /reg pas dngul zangs gser du 'gyur/ /dang po me yis dngul chu yi//mi 'chor ba yi sbyor ba bya/ /de nas sman gyi rtsi shes nas/ /rnal 'byor gser 'gyur 'grub 'gyur ro/ /mi dang lhan cig ma gnas na/ /gser 'gyur 'grub par mi 'gyur ro/ /de'i phyir kha sbyor 'khor lo yis/ /ci nas dngul chu bcing bar bya/ /