19a3 /chos rnams rang bzhin rtogs gyur na/ /bde dang sdug bsngal gnyis med rtogs/ /de ltar rtogs pas rang grol 'gyur/ /rin chen phreng ba zhes bya ba slob dpon si la a lis mdzad pa rdzogs so//[ ]@##/ /rgya gar skad du/ kA ru Na a d+hi Sh+ThA na b+hA ba na
19a4 nA ma/bod skad du/ snying rje bsgom pa'i byin rlabs zhes bya ba/ bla ma dam pa rnams la phyag 'tshal lo/ /bla ma'i byin rlabs thob gyur pas/ /skad cig gcig la mnyam par rtogs/ /rgyud sde rnams la mi gsal bas/ /snying rje bsgom pa'i nyams len bshad/ /rnal 'byor
19a5 de nyid dran byas nas//mtshan bcas mtshan med rang bzhin gyis/ /snying ga'i dbus su thig le ni/ /mun pa'i rab rib bsal gyur ba/ /zla rtse'i steng du bsam par bya/ /rang bzhin bdag po rol mdzad pa/ /drag po'i gzi brjid phreng bas brgyan/ /he ru ka dpal mgon po che/ /
19a6 bdud bzhi las ni rnam par rgyal/ /lhan cig skyes pa'i dur khrod gnas/ /bde ba chen po dga' ba'i mchog /ro myang longs sku byang sems ldan/ /yi ge rgyu med yang dag gsungs/ /lha sgom phreng sngags mtshams gcod dang / /sbyin sreg klog sogs dgos pa med/ /rtog
19a7 pa rnams ni spangs byas nas//'jigs med snying rje bskyed byas la/ /slob ma dang ni bdag nyid kyi/ /snying gar bsgoms pas ye shes ni/ /thams cad mkhyen dang mnyam par 'gyur/ /de nyid rtogs pas yang dag phrad/ /rdzu 'phrul bzhi dang sa bcu thob/ /nam mkhar spyod
19b1 de mi snang 'grub//skye ba dran zhing rang sems rtogs/ /'das dang ma 'ongs da ltar ni/ /rang rig gzhan rig thams cad skye/ /mgal me'i 'khor lo bskor ba ltar/ /sna tshogs sems kyi rang bzhin gyi/ /nyams skyes rnal 'byor grub pa thob/ /snying rje bsgom pa'i man ngag
19b2 ces bya ba slob dpon te lo pas mdzad pa rdzogs so//[ ]@##/ /rgya gar skad du/ ma hA yA na a pa tA ra nA ma/ bod skad du/ theg pa chen po'i gnas lugs gtan la 'bebs pa zhes bya ba/ dpal he ru ka la phyag 'tshal lo/ /theg pa chen po'i bdag nyid ni/ /