CLOSE WINDOW

D2378
བོད་ཡིག

/nyi ma zos pa ngo mtshar che/ /rlung gi de nyid bsgom pa'i man ngag ces bya ba slob dpon g+ho ra khas mdzad pa rdzogs so//[ ]@##/ /rgya gar skad du/ bA yu ta t+t+waM b+hA ba na nA ma/ bod skad du/ rlung gi de nyid bsgom pa'i man ngag ces bya ba/ bla ma rnams la phyag 'tshal lo//dur khrod ma ni lhan skyes rtogs pa med/ /phra zhing mi dmigs rang bzhin yid 'ong ba/ /pad+ma'i dbus 'gyur sna tshogs rol mdzad de/ /dus kyi stobs kyis dpa' bo gnyis med pa/ /nam mkhar khyab cing thim par dmigs pa med/ /mnyam pa'i bde rtogs skad cig gcig la ni//khams gsum g.yo zhing bde lta rtogs pa ste/ /bla ma'i bka' yis gang yang lhan skyes so/ /bla mas ma rtogs lhan skyes gzhan du min/ /yon tan rnams la nga rgyal ma byed kye/ /lhan cig skyes pa'i gnyid log myos 'gyur ba/ / dam tshig glang chen lta bur spyod/ /dbang po sgo dgu'i sngags kyis lam bkag pas/ /brtan pa'i bum pas de ni mya ngan 'das/ /pad+ma'i ge sar rlung gi 'byung 'jug 'di/ /brtan par bcings na mgon po 'chags par 'gyur/ /rlung nyid thim pas mi 'gyur kha dog med/ / 'brel med dran sems nyid ni stong pa la/ /bsgoms dang bsgom rgyu sgom byed de la med/ /g.yo ba'i sems nyid ting nge 'dzin gyis ni/ /sems kyi rgyal po brtan med mkha' la lding / /mnyam par non cig lus kyi 'khrul 'khor bya/ /sems nyid bde chen bkram pas mya ngan 'das//gti mug zhags pas bcings shing gzhan dag spongs/ /skad cig gcig la 'khor ba'i chags pa bral/ /de nyid bcings pas bya ba bral 'gyur ba/ /'gro ba drug tu yang dag skye mi len/ /gang zhig rtsa sgor ma yengs gnas pa des/ /drag po'i rkun mas de la 'jigs pa med//gang zhig brdzun rku brdzun mi mya ngan med/ /sngags nyid rang gi lus la gnas pa ste/ /bde ba thams cad rnal 'byor dran par gyis/ /bde ba rtogs pas rnal 'byor skyes 'gyur ba/ /khyim gyi bdag mo rang lus rang bzhin tshim gnas la/ rlung gi sems nyid pad+ma'i chu dang 'dra/ /'byung ba rnams ni de yis myong 'gyur bas/ /de phyir g.yo ba'i sems la rnal 'byor pa'i/ /sgo dgu bkag nas nan tan gyis/ /rnal 'byor gyis ni gti mug bcad byas la/ /gnas kyi yon tan rtogs pas chags med 'gyur/ / sprin ltar cho 'phrul rang bzhin kun brtags kyi/ /gti mug gnas kyi gti mug bsregs byas nas/ /lhan cig skyes pa'i gnas la rnal 'byor thim/ /thams cad nub pas steng 'og lam 'gags pas/ /gnas kyi nyams kyis 'khor ba mya ngan 'das/ /de ni rnal 'byor bla ma'i drin gyis rtogs//nyin mtshan bla ma spyi bor bsgom byas nas/ /lhan cig skyes pa nyid du gnas 'gyur ba/ /yang nas yang du nam mkha'i bdud rtsi rngub/ /rjes 'brang bkur sti dri med sku thob pas/ /ka ba gcig la gzhal yas sgo dgu ste/ /lam gyi sgyu lus bdag gis gcig tu rtogs//de yis bdud bzhi bar gcod sel bar 'gyur/ /de phyir dge sbyin khrims sogs dgos mi 'gyur/ /dge sbyong chos smras lha nyid bsgom pa ste/ /chos kyi ro ni sus kyang rtogs pa med/ /sku gsum brtan par 'dod na rnal 'byor kye/ /phyi nang byang chub sems kyi rlung nyid bsgom//dug lnga'i yan lag bcad pas myur du ni/ /byang chub sems kyi lam la legs par 'jug /rnal 'byor brtan pa thob ste skye mi 'gyur/ /rlung gi de nyid bsgom pa'i man ngag ces bya ba slob dpon tso ra g+hi sa mdzad pa rdzogs so// //