CLOSE WINDOW

D2344
བོད་ཡིག

/rnam rtog spang ba'i glu zhes bya ba slob dpon li la pas mdzad pa rdzogs so//[ ]@##/ /rgya gar skad du/ karma tsaN+Da lI ka do ha gI ti nA ma/ bod skad du/ las kyi gtum mo'i do ha mdzod kyi glu zhes bya ba/ don thams cad grub pa la phyag 'tshal lo/ / nang nas gtum mo'i me sbar bas/ /dbus nas bdud rtsi 'bab par byed/ /rang byung sdong bu skyes pa yis/ /rtse mo'i ri la phyin te gnas/ /mgon po'i bdud rtsi 'bab par byed/ /'khor ba'i sdug bsngal yun ring bcom/ /gshin rjer 'gro ba'i 'jigs pa spangs//sangs rgyas yon tan phreng ba 'byung / /bde ba chen po rgyas pa yis/ /thams cad kyis ni khyab par 'gyur/ /'khor ba'i sdug bsngal yun ring bcom/ /gshin rjer 'gro ba'i 'jigs pa spangs/ /rdo rjes brkos shing bgos pa la/ /nyi zla gnyis ni bsres byas nas//nam mkha'i dbyings su thim par 'gyur/ /bde ba chen po'i grong du phyin/ /kun dbus sangs rgyas yon tan gyis/ /rin chen 'byung ba'i gnas su brtol/ /'khor ba'i sdug bsngal yun ring bcom/ /gshin rjer 'gro ba'i 'jigs pa spangs/ /'byung rgyu'i rlung ni bkag pa yis//rin chen gsal ba'i gnas su phyin/ /brtags shing brtags shing dpyad pa yis/ /bi rU bdag gis 'grub par 'gyur/ /'khor ba'i sdug bsngal yun ring bcom/ /gshin rjer 'gro ba'i 'jigs pa spangs/ /las kyi gtum mo'i do ha mdzod kyi glu zhes bya ba slob dpon bi rU pas mdzad pa rdzogs so/