CLOSE WINDOW

D2338
བོད་ཡིག

/[ ]@##/ /rgya gar skad du/ kar+Na tan+t+ra badzra pa da nA ma/ bod skad du/ snyan brgyud rdo rje'i tshig rkang zhes bya ba/ bcom ldan 'das dpal rdo rje 'chang la phyag 'tshal lo/ /e ma ho/ sangs rgyas kun gyi yang dag gsang ba'i mchog /ye shes rgyal po thig le mchog gi lam/ /tshig tu brjod pa kun dang bral ba'i don/ /theg chen skye med rang sgra 'di skad thos/ /rdo rje 'chang ngas skal ldan don du bshad/ /gus btud nas ni ye shes mkha' 'gro nyon/ /bslab gsum rgyan ldan nyams myong bla ma'i mchog /dad brtson shes rab snying rje slob ma'o/ /nyes dmigs dran pas tshe 'di'i bya ba btang / /thog mar 'khor lo sdom pa la brten nas/ /drug cu rtsa gnyis dkyil 'khor dbang bzhi bskur/ /lha mo bco lnga dbang bzhi brda yis mtshon//smin par byas nas thabs shes zung du sbrel/ /rgyal po blon sogs rnal 'byor bdun la 'bad/ /bsre ba ro snyoms dam tshig gsum la sbyar/ /gtum mo bde drod rang 'bar lam gyi gzhung / /lus gnad bdun ldan lha sku'i stong ra gnad//d+hU tI la la ra sa 'khor lo bzhi/ /a haM 'bar 'dzag srog rtsol thur sel gcud/ /rdo rje bzlas pa rtsa ba'i rlung lnga bsgom/ /zin dang brtan pa shes rab snyoms par 'jug /dga' bzhi goms pas rtsa rlung thig le 'dres/ /d+hU tIr rlung sems tshud pas mi rtog pa//nyon mongs rang zhi bde gsal rgyun mi 'chad/ /ngo bo mthong nas chos sku'i ngang du gnas/ /bogs 'don sgyu lus chos brgyad rang grol la/ /'khor 'das thams cad sgyu mar shes byas te/ /sgyu ma'ang 'ja' tshon chu zla lta bu'o/ /da ltar snang ba dngos po'i chos rnams ni//bden cing rtag na 'gyur bar ga la rigs/ /'khrul gzugs yin phyir don la grub pa med/ /gzugs rnams snang stong sgra rnams brag car ltos/ /gnyis 'dzin zhig pas chags sdang kun dang bral/ /de ltar shes pas sna tshogs zhen med spyod/ /'ja' lus chos sku thob par 'gyur ro kye//mtshan dus rmi lam 'khrul pa rang sangs la/ /sgo gsum 'bad pa dran pa'i lcags kyus gzung / /'dzin sbyangs spel bsgyur sprul cing gegs rnams sel/ /nyi zla zhon dang zhing khams mtha' dag bgrod/ /bzang ngan sgyu ma cir snang rang grol ltos/ / mthar phyin sa bcu non nas don chen thob/ /khyad par 'od gsal ma rig mun bral la/ /lus gnad thabs ldan ting 'dzin bzhi la sbyor/ /thig le gus ldan dug gsum 'dzin med ltos/ /gnyid dang rmi lam rnam rtog bar nas bzung / /rim pa bzhi dang nyin mtshan bsre zhing goms//gsal stong 'dzin bral lhan skyes ye shes de/ /brjod du med pa 'od gsal rgyun mi 'chad/ /ma rtogs sbyang zhing phyag rgya chen por blta/ /'pho ba gser 'gyur ma bsgoms sangs rgyas ni/ /'chi ltas shar tshe dga' zhing zhen pa btang / /sgo dgu bkag la rdzas dang smon lam rgyan//hUM dang rlung sems dbyer med d+hU tIr drang / /k+Sha yig gsal la tshangs pa'i lam nas 'phang / /chos sku bla ma rgyal ba'i zhing du 'pho/ /lhag par grong 'jug sprul lpags 'dor len ni/ /rlung sems dbang thob bskyed rdzogs brtan pa yis/ /skyon med rol rnam shes yig 'bru 'phang //dus yul rdzas dang gnad shes mngon du gyur/ /the tshom bral ba'i skyes bu gzhan don spyod/ /mkha' 'gro'i gsang ba bde ba chen po ni/ /bcu drug nyer lnga'i bar gyi rig ma ni/ /pad+ma ri dgas dung can la sogs pa/ /phyag rgya mtshan ldan rdo rje rnal 'byor ma//skal ldan skyes bu he ru ka lta bu/ /gnyis med 'khril sbyor zag bcas zag med rol/ /thig le dbab bzung bzlog dgram gnas su spel/ /bya rgod gcud la seng ge glang chen dang / /rma bya stag mo rus sbal la sogs bya/ /dga' ba bzhi gsum bcu gnyis don la blta//lhan skyes ye shes rang bzhin dbyer med ston/ /snang srid thams cad zag med bde bar 'char/ /gsang dbang phyag rgya bdud rtsi ril bu'i phyir/ /thig le bcu drug phyed phyed bzhi cha sbyin/ /bzhi gsum 'khor lo dag la dgram par bya/ /bag med 'dod sred gzhan dbang chang gis myos//don la nyams shing slar yang ngan song ltung / /des na rdo rje'i lus la gnad du bsnun/ /tshe 'dir sangs rgyas ster bar the tshom med/ /phyag rgya chen po ye shes gsal byed ni/ /sgo gsum g.yo med sgo lnga ha dngas gzhag /bltas pas mthong med sems kyi mtshan nyid ltos//dmigs su med pas ma bcos rang sor gzhag /gzhan du ma tshol ngo bo rtogs par gyis/ /gzhi nas ma bcos ye nas lhun grub la/ /tha mal rang lugs chen por bzhag pa na/ /'pho 'gyur med pa nam mkha'i klong yangs su/ / skye shi med pa chos sku'i lus mthong 'gyur/ /phyi rol yul sems chos rnams ji snyed pa/ /rang sems yin phyir gzhan na grub pa med/ /'khrul rtog gnyis 'dzin sna tshogs gang shar rnams/ /cir snang gzhi med rang byung rang brlag ltas/ /sems nyid skye med stong pa chos kyi sku//'gag med gsal dngas gang shar sprul pa'i sku/ /gnas med bde chen zung 'jug longs spyod rdzogs/ /phyag ni gnyis med ye shes ngo yis zin/ /rgya ni 'khor ba'i mdud pa dral bas bde/ /chen po zung 'jug sgron me bltams pa las/ / gzhan gyis ma yin rang grol chos sku'o/ /sgrib gnyis rang dag gzung 'dzin mtha' dang bral/ /'du shes blo dang 'khor 'das chos rnams zad/ /mkhyen tshad yon tan ji snyed rang la rdzogs/ /bsam brjod blo 'das sangs rgyas rang 'khrungs yin/ /bar do ngo sprod yang dag zab don bstan//skye shi rmi lam srid pa'i bar do gcod/ /bltar med bltas pas mthong med mthong ba'i mchog /rang rig gsal stong mi rtog sgrib g.yogs bral/ /bde chen chos dbyings ye shes rnam par dag /rang bzhin dbyer med sku gsum rang shar ltos/ /ma rtogs lus ldan bar do rnam gsum la//bskyed rim sgyu lus 'od gsal chos sku 'dre/ /sa chu me rlung 'byung ba rim gyis thim/ /brgyad cu 'gags nas snang ba gsum 'das te/ /dkar dmar sems gsum chu skyes nang du 'dzom/ /'od gsal ngos 'dzin ma bu dbyer med 'dre/ /chos sku sangs rgyas dbang po yang rab bo//de ma zin na rlung gsum rkyen gyis 'ching / /'bring po chu la nya ltar longs skur 'gyur/ /rtsal lnga zer lnga dug gsum las kyi dbang / /chags sdang gnyis kyis mngal du 'jug 'gyur bas/ /bsre ba lnga ldan lam khyer phyag rgya bzhi/ / sngar sbyangs ldan pas bar do rang grol 'gyur/ /tha mas chags sdang grol nas sprul sku thob/ /gdams pa spyi la gegs bsal bdud dngos bzung / /rtsa ba drug la yan lag so dgu yi/ /rdo rje lus kyi 'khrul 'khor gnad du bsnun/ /bya spyod thams cad tshogs su bsgyur bar bya//go rims ma nor nyams su blangs gyur na/ /skad cig bzhi la dga' ba gsum ston te/ /dngas ma yas byon 'gyu ba mas brten pa/ /rtsa mdud rim pas grol nas d+hU tIr 'gyur/ /nyi khri chig stong drug brgya rtsa ba lnga/ /rlung dang nyon mongs 'gags nas ye shes 'gyur//gnas dang nye gnas nyi shu bzhi la sogs/ /pUl+li ma ru yar chad gang bar 'gyur/ /sprul sku longs spyod rdzogs pa'i zhal ston cing / /mngon shes yon tan brgya dang ther 'bum thob/ /dus 'dir sa lam rim pa sgrod byed de//rdo rje 'dzin pa'i go 'phang thob par 'gyur/ /bcu gsum bar du tshig rgyud rgya yis gdab/ /mdo rgyud kun gyi snying po 'di yin pas/ /skal ldan grol phyir gsang ba'i nges don mdzod/ /ces ye shes mkha' 'gro ma la gdams pa/ snyan brgyud rdo rje'i tshig rkang rdzogs so/