299b6 /yo gI bi bud+d+ha ka ra'i man ngag ste/ rgya gar shar phyogs sang+na ga ra'i paN+Di ta chen po dpal nags kyi rin po che'i spyan sngar dge slong chos smra ba bsod nams rgya mtsho'i sdes bsgyur ba'o//[ ]@##/ /rgya gar skad du/ /
299b7 shrI tsakra sam+ba ro pa de sha mu kha kar+Na pa ram+pa ra tsin+tA ma Ni nA ma/ bod skad du/ dpal 'khor lo sdom pa'i man ngag zhal nas snyan du brgyud pa yid bzhin nor bu zhes bya ba/ dpal rdo rje sems dpa' la phyag 'tshal lo/ /sku gsum bdag nyid dgos 'byung bla ma dam pa'i zhabs
300a1 pad ze 'bru dri med 'od zer la phyag 'tshal//gsang sngags mthar thug snying po'i bcud phyung yid bzhin nor bu mkha' 'gro'i gsung bzhin rtogs pas 'dir gsal bkod/ /bde gshegs thugs la snang ba dri med pany+tsa pa nas rtogs pas ke ri li ru gsang bdag
300a2 mnyes//spyod pas zil mnan lus kyi bkod pas rnal 'byor rjes bzung mdzad pa tha mas 'gro rnams stong par byas/ /bslab pa gsum dang brgyud par ldan pa nyams su myong bas 'jug tshul shes pas bla ma dam par shes/ /sen d+ha ba dang rigs chad bran ltar rus sbal spu ste mo
300a3 gsham bu ltar slob ma skyon lnga bral//mchog gi don 'dod gang gi de brten thog mar dbang bzhis rgyud smin thabs dang shes rab 'brel pa nyid/ /'di don rim par brgyud pa rna bar 'pho byed de tshe sangs rgyas bstan gnas gus pas mnyan par gyis/ /sa yi cho ga lhag par
300a4 gnas pa rig byed slob dpon rig sbyor sogs kyis bum pa'i dbang bskur bya//bslab pas rgyud mdzes thos bsam nor ldan bla mar 'os pa phul ba bla mas gsal stong la sogs bskur/ /nyer lnga lhag spangs rigs ldan rgyan spras zag bcas bskul sogs gsum pa byin
300a5 nas brtul zhugs brtan par bya//dga' ba gsum son lhan cig skyes pa rnyog pa dang bral yul du bya sogs 'bras bur shes par gyis/ /dbang bzhi dang 'brel brda yis mtshon pa shes rab bdag nyid sin+d+hu ra la mnyes sogs ston mos brgyan/ /slob dpon bzhi la
300a6 dbang bzhi dus bzhi byed pa bcu gnyis chos nyid dbang la mtshon du med par byos//dbang gis smin nas rim pa gnyis shes rnal 'byor dbang phyug zung du 'jug pa rgyal ba'i sku sgrub phyir/ /dbang po'i rim pas dbye dang bsdu ba'i rim pa shes nas 'du 'dzi med par rgyun du 'bad
300a7 pas spyad//tshangs pa'i gnas bzhi gsol dang khams sogs bslab pa 'khor lo tshogs brten rgyu 'bras nyid dang phra mor brjod/ /go cha ye shes rgyas btab sku gsung mchod dang bzlas pa rdzogs rim phrin las phyogs dang thub pa nyid/ /bsdus pa'i sbyor ba tshad med
300b1 bzhi ldan rdzus te skyes pa skad cig rnal 'byor bzlas par bcas pa nyid//brtan g.yo'i dngos po lhan cig skyes pa snang sems dbyer med rnon po'i spyod yul zung 'jug rdo rje'i sku/ /kun la khyab pa'i ngo bo nyid ston gsal rig mtshan nyid thub pa'i dbang po bde gshegs kun gyi gtso/ /
300b2 gsum gsal bdag gis mngon sum nyid du legs par rtogs nas bsgom dang bzlas pa gsal por rab tu phye/ /chos dbyings skye med rgyal ba yum gcig rgyal dang rgyal ba nyid de nam mkha'i ri mo lta/ /brtan dang g.yo ba rten dang brten pa lha yi rang bzhin rang la bcug nas sna yi
300b3 rtse mor rdo rje bzlas//gtor ma byin nas dbang po 'bring pos 'od gsal bsgoms te dbang sogs lam dang dam tshig 'bras bur bsre/ /bdag 'jug dbang dang bla ma mchod byed nyams chags bskang phyir rdo rje sems dpa' brtan pa'i cho ga bzlas/ /rgyal po blon po dmangs kyi byed pas
300b4 mtshams kyi kun spyod za nyal 'gro dang khrus sogs rnal 'byor bya//rnam rtog dang bral zla ba drug tu nges par bsams nas grub pa'i mtshan ma mthong nas rol par gnas/ /thub pa'i bstan pa rgyas mdzad dngos grub mthar phyin zab dang rgya che ba dang gnyis med dam tshig kun gyi gzhi/ /
300b5 bag yod bsgom zhing rten dang gsang ba mi bsag mi 'bral bza' bsrung mchog gyur thub pas rab tu gsungs/ /bslab pa gsum dang rgyu 'bras zhen med dbang sogs 'bras bu rgyud gzhan las gsungs rang sems brtan pas bsrungs/ /sku gsum la brten ting 'dzin gsum
300b6 gyis rgya cher rab gsal gzhi lam 'bras bus lta ba mtshon par gyis//rnal 'byor srog rtsol sangs rgyas mnga' bdag g.yon dang g.yas su rim pa ji bzhin rgyu ba nges pa ste/ /mnyam par bzhag pas 'jug pa'i rlung nyid bum pa can du byas nas bstan pa'i go 'phang so sor
300b7 thob//rlung gi sbyor ba 'di nyid mi shes las dang las min mi grub rlung rig pas ni 'bras bu ster/ /gdams pas tshe dang bzlas pa'i rim pa goms pas dge dang mi dge 'chi bzlog rlung rig pas ni shes/ /bya dang byed las chos mtshungs rgyu mtshan gdams pa'i sbyor ba bskyed
301a1 rim goms pas mthun pa'i rkyen dang ldan//gsang spyod la gnas sdug bsngal bzod pas lus gnad gsum ldan dmigs pa bzhi las sbyor ba'i skyon bsal te/ /steng 'og bar du 'bugs pa'i sbyor ba li ri'i tshul du sgo gsum sbyang bar bya phyir nges
301a2 par rol//rdo rje bzlas pa yig 'bru gsum la goms shing sangs rgyas lnga la kha dog so sor bslab par bya/ /'byung ba lnga yi rlung zin pas ni du ba smig rgyu me khyer mar me sprin med nam mkha' 'byung / /brtan pa'i rtags su zla zer nyi zer glog gi zer dang 'ja' tshon nyi zlar bsres
301a3 pa dngos su mthong //spyod lam dang ni sbyor ba mkhas pas dug sogs gzhom dang 'chi ba rtag pa la sogs sna tshogs rgyur/ /rtsa dang rlung dang thig le 'dres pas bde gsal mi rtog rgyun mi 'chad par rgyal por 'gyur ro kye/ /rim pa 'di nyid 'phel bar bya phyir snang dmigs dngos
301a4 po sgyu mar bsams la dben pa'i gnas su ni//rdo rje sems dpa' mtshan dpes spras pa'i gzugs brnyan la ni rab tu dmigs la dngos po chu zla ltar/ /bcu gnyis sgyu ma'i dpe yis mtshon te mnyam rjes la ni chos brgyad las 'das mkha' bzhin snyoms par 'jug /
301a5 de ltar shes pas mi bya ba med sngags zlos bsrung sogs mi dgos dge slong sogs la phyag mi bya/ /'di dang mtshan dus bsre zhing sbyang dang goms pas gyen du 'phangs te bde gshegs bltas la chos sogs mnyan/ /rmi lam med dus gnad dang ldan pas 'dod chags
301a6 la sogs brgyad cu 'gags nas snang ba gsum 'das te//rgyun mi 'chad pa'i 'od gsal chen pos sa bcur gyur pa lam ma bgrod na rnam shes gong du 'pho/ /sna tshogs don chen mthong nas shes pa spong ste rim pa gnyis ldan 'jug phyir gzhan gyi mi 'gyur ro/ /chags
301a7 dang chags bral 'di ma shes par gzhan ni don med dus gsum sangs rgyas bgrod pa gcig pa'i lam//ri bong rgyug dang zla ba chu 'dzin dus dang 'brel pa bslab bcas sangs rgyas dgongs pa mi shes phyir/ /sgo gsum gnad kyis sbyang bar bya zhing ngal na sna rtser bltas la
301b1 nges shes skyes nas chen por blta//dang po'i las kyi yid 'ong la brten goms pas sngags las zhing dang lhan cig skyes sogs rtsa bsnyen bya/ /cig car mgon po bsgoms nas mthar gnas rdo rje'i bzlas pa rtsa la mkhas pas pad+ma'i skyon bzhi bsal/ /bde ba'i lam drangs ye
301b2 shes mtshon pa mar la 'du bar rgyu 'bras shes nas zhes bya'i dkyil 'khor blta//thur sel gcud nas glang chen seng ge rma bya'i 'dren dang bya rgod stag mos snang dmigs bde bar 'char/ /sbyor bar dngas ma rlung dang mnyam zhing rig mas bde ba lus la spros nas rtsa mdud dgrol bar
301b3 bya//bde ba'i nyams skyes tshogs drug kun la ro mnyam lugs las 'byung dang bzlog pas dga' bzhi mtshon par bya/ /dga' ba gsum dang dpe don bsres nas rgyu tshogs gzung 'dzin chos nyid goms nas rtsol med 'bras bu 'char/ /ye shes gsal byed dbang gi 'bras bur
301b4 rdo rje'i lus la 'khor lor mdud pa spyi bor grol ba'i gnas//sgo dgu 'gags nas sgo bzhi thim pa gnyis kyi rnam grol ye shes lus can sgra brnyan lta bur 'bral/ /mig sogs stong dang bdud bzhi grol ba chos nyid la mkhas gsum po gcig gyur ye shes rgyun chad med/ /
301b5 gzhi lam 'bras bu gcig gyur bde chen dngos po ro mnyam yi ge bzhi don 'bras bu mngon du 'gyur/ /mthar ma skyol na nye bar spyod pa lus ldan bzhi dang nges shes brtags te ngo sprod shes par bya/ /skye shi bar do shes pa snga phyi gnyid du dran mtshams 'chi ba'i dus su phra rags thim
301b6 nas ni//'od gsal chen po de ma rtogs na bla ma sogs kyi skyel bsu nying mtshams rlung gsum bcing ba'i phyir/ /yon tan rdzogs pa bar dor longs sku yon tan bdun ldan de ma brtan na dug gsum las gyur pa'i/ /rtogs par bcas la dbang dus nyams dang lha sogs
301b7 sgyu ma zung du 'jug pa slob dang mi slob pa//bdun phrag re la brgyal bar gyur pa de ma khegs na skye ba sna tshogs sprul sku nying mtshams sbyor/ /bar do gsum la 'dod chags la sogs dug gsum shes pa zag med 'od gsal sgyu mar bsres la sgom/ /'di don rim pa
302a1 'khor ba dang ni mya ngan 'das las rgyal ba gnyis med zung 'jug phyag rgya chen por 'gyur//dbang dang dam tshig 'brel par shes pa gdod nas dag pa rkyen gyis bskur tshul nyams su blang dang rtogs/ /bum sogs dam tshig mnyam gzhag rjes spyod mi 'bral
302a2 bza' bsrungs spros bcas spros med yan lag bshags bya nyid//dbang dus lta sogs mtshon par byas la bdud rigs ngos bzung zil gyis mnan nas sgom dang rtags su 'brel/ /tha ma 'bring dang rab dang mchog gyur 'jug sgo shes pas bsgoms la sbyar te gang dang
302a3 gang la sogs//mchog gi dngos grub tshe 'dir 'dod pa dus dang 'brel par spyod pa byas nas gol sa bcad par bya/ /bya dang spyod sogs tshogs su bsgyur la phrin las byed par rab gnas sbyin sreg rnam bzhis 'dod dgur bsgyur/ /'khor lo bzhi la sku bzhir yan lag
302a4 bdun ldan rdo rje sems dpa' sgo gsum ngo sprod mtshan dpes spras//rgyud rnams snying phyung man ngag bcud bsdus lam gyi rim pa bde gshegs kun thugs yid bzhin nor bu nyid/ /mi mthun phyogs las rgyal bar bya phyir 'jug pa'i tshul dang zhugs pa'i 'bras bu
302a5 gsal ba'i thabs nyid do//lus la go gyon ngag gis g.yul sprad sems kyis mtshon bsnun sku gsung khrus bcud rlung dang 'khor lo bskor/ /rtsa ba drug la yan lag so dgus nad la sman dpyad bar chad srung 'khor gnad bral gegs bsal te/ /sa la sogs pa'i ro
302a6 bzhi ngos bzung 'khor lo bzhi yis ro bzhi mnyam la zhi gnas phyogs la ni//thabs dang ldan pa pi wang sgra sogs rtsa rlung la ni shes rab sku gsum mthun sbyor rdzas sogs lnga/ /zin dang ma zin legs par shes nas lus kyi gnad la nyi ma zla sogs brdzis nas rdul sprugs
302a7 byed//'byung bzhi rlung la lte ba la sogs stong ra bcas nas na tsha bogs 'don 'gags 'khyil la sogs bsal/ /bcu pa'i rlung shes ting 'dzin rang grol sman pa lta bus brgyad po bsal nas dngul chu ltar sprad bya/ /dngas ma bsrubs nas skyon rnams sel phyir bdag tu lta ba'i
302b1 bud shing bsregs nas 'od gsal chos skur bsgral//'di don rim brgyud bla ma la bsten gus pas blang phyir byin rlabs lam khyer snyan nas snyan du brgyud/ /mchog gi blo can brtse ba chen pos theg gzhan spangs pa smin dang grol ba rim pa gnyis la 'bad/ /snod bcud la sogs
302b2 gzhal yas khang dang phung po khams sogs lha ru dag pas rgyal ba thams cad bsdu'o//rdo rje'i lus la bde chen gnas pas pho nya la sogs spros dang spros med 'khor lo zung du 'jug /rim pa 'di la mos pa brtan pas sprul pa mthong zhing skyon yon dang bcas chung ngu yin phyir
302b3 tshogs//skad cig bzhi yis dga' ba gsum son 'bring po'i drod de lhan cig skyes pa d+hU tI'i lam zhugs nas/ /'jig rten las 'das brgya phrag bdun po yon tan gyis spras gnas dang nye gnas nyi shu bzhi la sogs/ /dngas ma yas byon pUl+li sogs khyab rgyu ba mas brtan bde chen
302b4 brtol nas ma chags pad+ma'i sa//rab bkram chen po phrag bdun yon tan ye shes gsal byed chos sku bdag nyid rdo rje 'dzin par 'gyur/ /'khor lo sdom pa'i bskyed rdzogs la sogs gting dpag dka' ba gsal por rab phye snyan brgyud mkha' 'gro'i gsang / /dri med bsags
302b5 pa'i dge ba des ni sa gsum gnas pa rdo rje 'dzin pa'i go 'phang thob par shog /yid bzhin nor bu zhes bya ba mkha' 'gro ma'i gsang tshig til+li pas bkod pa rdzogs so// //rtsigs kyi rgya mdud dang bcas pa nA ro paN+Di ta'i zhal snga nas dang / lo tsA ba mar pa chos
kyi blo gros kyis puSh+pa ha ri'i gnas su bsgyur ba'o/