CLOSE WINDOW

D2331
བོད་ཡིག

/[ ]@##/ /rgya gar skad du/ A ha pra ma Na saM myag+nA ma DA ki n+yu pa de sha/ bod skad du/ bka' yang dag pa'i tshad ma zhes bya ba mkha' 'gro ma'i man ngag/ dpal rdo rje 'chang chen po la phyag 'tshal lo/ /gang zag blo yi khyad par gyis/ /rim gyis pa dang cig car ba//rim gyis pa yi sman chen 'di/ /cig car ba yi dug chen yin/ /cig car ba yi sman chen 'di/ /rim gyis pa yi dug tu 'gyur/ /des na sbyangs pa'i 'phro can la/ /cig car ba ni bstan par bya/ /sems can dang po'i las can la/ /rim gyis pa 'di bstan par bya//dang po nyon mongs gdul ba ni/ /khams kyi rab tu dbye ba bya/ /phung po zhig grol bsgom par bya/ /bla mas bstan pa'i lam gyi ni/ /slob ma yongs su smin bya zhing / /bskyed rim gzhung las shes par bya/ /ngag dben pa dang rlung sgom pa/ /bla ma'i zhal las shes par bya//sems la dmigs pa'i man ngag ni/ /bde ba chen po'i man ngag go/ /byang chub sems kyi man ngag ni/ /bla ma'i zhal las shes par bya/ /phyag rgya chen po'i man ngag ni/ /man ngag tshig bsdus dag las shes/ /gtum mo 'od gsal sbyangs pa la/ /sgyu ma lta bu'i lus bsgom pa//slob pa dang ni mi slob gnyis/ /slob pa la yang gnyis yin te/ /mngon par rtogs pa'i rim pa dang / /rang nyid lhag par gnas pa'o/ /mngon par rtogs pa'i rim pa la/ /gsang ba'i dbang gi dus dag tu/ /me long dri ma med pa la//rdo rje sems dpa' legs bris te/ /de yi gzugs brnyan snang dang mtshungs/ /zhes bya ba nas sgyu ma'i dpe bcu gnyis kyi sgo nas rtogs par bya'o/ /rang nyid lhag par gnas pa la/ /'pho dang grong du 'jug pa dang / /rmi lam bar do rnam pa bzhi/ /gong du 'pho ba rnam gsum ste//bskyed pa'i rim pa'i tshul dang ni/ /sgyu ma dngos dang 'od gsal lo/ /bskyed pa'i rim pa'i tshul la ni/ /k+ShuM la sogs pa'i yi ge yis/ /bu ga dag kyang dgag bya ste/ /rang gi sems ni lha yi sku/ /'ja' tshon lta bur bsgom pa'o/ /yang na hUM la bsdu bya ste/ / tshangs pa'i bu ga dag tu gdon/ /'og min gnas su yang dang yang / /rgyun mi chad par gnas par bya/ /de ltar sgom pa brtan gyur nas/ /dus dang rtags rnams shes bya ste/ /'pho khar shes pa gnas su bskyal/ /de ltar byas pas 'pho bar 'gyur/ /sgyu ma dngos kyi 'pho ba ni/ / 'og nas 'byung ba'i rmi lam la/ /goms par bya ste sum cu ni/ /rtsa gsum gnas su 'pho bya ste/ /de ru sngar ni gang bsgoms pa'i/ /goms pa khrid de bsgoms gyur na/ /bde ba skye ba'i gnas yin pas/ /mi rtog ye shes thob nas ni/ /tshe 'di nyid la sangs rgyas nyid/ / thob 'gyur 'di la the tshom med/ /sngags pa'i 'gro sa mchog yin te/ /mtshan nyid pa ni ltung bar 'gyur/ /'od gsal ba yi 'pho ba ni/ /'chi ba'i dus ni shes bya ste/ /mi rtog pa la sems gnas nas/ /lus kyi rtsol ba dag gis ni/ /'od gsal bar ni gzhug bya ste/ / bar dor mya ngan 'da' ba yin/ /bslabs nas 'pho ba de rnams yin/ /'od gsal ba la sems gnas na/ /slob bzhin pa yi rnal 'byor che/ /ma bslabs par yang 'pho ba yod/ /zung 'jug ting 'dzin la gnas na/ /slar zhing gang la'ang mi slob bo/ /gdams pa gser 'gyur rtsi 'di yis//'chi tshe gang la phog gyur pa/ /dngos de mya ngan 'das gser 'gyur/ /de phyir bla ma thabs la mkhas/ /de la grong du 'jug pa ni/ /mdun du dmigs pa gsal byas la/ /dbugs dang sems ni ma yengs bar/ /gtad nas yun du goms gyur na//des ni shes lus bya ba dang / /dmigs pa rje gsal je gsal 'gyur/ /de la yun du goms byas nas/ /bsod nams can gyi lus blangs te/ /rang gi phung po dor byas nas/ /sems can don ni ma lus bya'o/ /rmi lam la yang rnam lnga ste/ /dran dang sgyu mar shes pa dang //sbyangs dang goms pa khrid pa dang / /gong du 'pho bar shes par bya/ /dran pa shes bya sgom pa ni/ /gnyid ma log pa'i dus su yang / /'dun pa dag ni sngon btang ste/ /log ka ma yi shes pa ni/ /dran pas yang dang yang bsgug la/ /bsgugs pas log pa lan re bzhin//rab 'bring sad dus 'byung bar 'gyur/ /de ltar dran pa brtan gyur nas/ /sgyu ma dag tu shes bya ste/ /ma log pa yi dus su yang / /snang srid sgyu mar shes bya ste/ /sgyu ma dngos ni rmi lam yin/ /'di nyid sgyu mar ma shes pas/ /bar do sgyu mar ma shes na/ /bar do'i srid pa mi khegs pas//skye ba yang nas yang blangs te/ /khams gsum 'khor bar 'khyams pa yin/ /de ltar rmi lam dngos dag la/ /blo ni 'jug tu ma btub na/ /sngon du 'gro ba dag bya ste/ /ma log pa yi dus su yang / /snang srid sgyu mar shes bya ste/ /bskyed pa'i rim pa'i rtags dag dang //'du 'dzi shin tu nyung ba dang / /sngar gyi goms pas khrid pa dang / /mos pa shin tu drag pa dang / /'gugs pa'i dus dag shes pa'o/ /gnyid ma log pa'i dus su yang / /dran pas de nyid sgyu ma ru/ /shes bya bsam pa sngon btang la/ /nan tan du ni bsgom par bya//de ltar du ni goms pa dang / /phan tshun dag tu byin pa dang / /ngal dub dag ni 'ong ba dang / /'grangs ltogs dag ni 'ong ba dang / /cho 'phrul dag ni ston pa dang / /de la sogs pa'i mtshan ma rnams/ /gnyid log pa yi dus su yang / /goms par byas pa'i bag chags kyis//log ka ma yi dus su yang / /mtshan ma'i dran pa de nyid la/ /bag mi tsha bar spyad par bya/ /des na sgyu ma'i bsre ba 'grub/ /de ltar sgyu mar yang dang yang / /nyin mtshan rtag tu bsams nas su/ /sgyu mar shes pa'i mtshan ma ni/ /ya mi nga dang bag mi tsha//dam dum kam kem 'byung bar 'gyur/ /de ltar goms pa brtan par bya/ /de ltar brtan par gyur nas ni/ /'pho ba dag ni bya bar bshad/ /gnyid ma log pa'i dus su yang / /sems ni gang dgar gtang bar bya/ /'gro sar sems ni btang byas nas/ / log ka ma yi dus su yang / /de ring bag chags dran byas te/ /de ltar rang gi rig pa yis/ /dpyad cing gang ltar bde bar 'pho/ /'pho ba brtan par gyur pa na/ /sgyu ma sbyangs pa'i mtshan nyid kyis/ /sngon gyi bsam pa khrid par bya/ /de ltar snga ma ji bzhin bsgom/ /log kar yang dang yang du sgom//de ltar rmi lam dus su yang / /dam dum bag re 'byung bar 'gyur/ /de nas rmi lam sbyong ba la/ /gang yang bzang ngan mi lta ste/ /rtags ma byung bar zin pa'ang yod/ /rang gi rig pas rtogs bya ba/ /ma rtogs pa na 'bad cing brtag /rtsol ba dag gis bskyed byas la//shes pa tshar ni gcad par bya/ /gong gi bstan pa'i gdams pa ltar/ /de ltar yang dang yang byas pas/ /mod du zin pa dag kyang yod/ /longs spyod la sogs rgyud sbyangs pas/ /lo yis zin pa dag kyang yod/ /ye ma zin pa dag kyang yod/ /de ltar yang dang yang goms pas//rmi lam byin gyis rlob pa yin/ /de yis bar do rlobs par 'gyur/ /gong ma'i rmi lam goms pa yis/ /'chi ba'i shes pa gsal byas te/ /'chi ka'i rtags rnams tshang ba dang / /sngar goms pa la sems bzhag ste/ /'od gsal bar ni 'jug par bya//'chi khar gnyid ni log pa ni/ /dran pa dag na sngon btang nas/ /'od gsal ngang la gnas par bya/ /sa bon skye gnas rim khyab pa/ /gzhi dang khang pa nyid dang ni/ /las dang sbyor ba rang nus la/ /rang gi ngo bo thig ler bcas/ /bcu gnyis mtha' yi tshig gi don/ / gang gis rtag tu goms gyur nas/ /des ni dngos grub bde ba yi/ /rdo rje 'dzin pa rang nyid 'gyur/ /snang ba thim dang rtog pa thim/ /rags pa thim dang phra ba thim/ /thim pa'i rjes la goms pa dang / /rang bzhin gyis ni 'od gsal 'byung / /de yi rjes la zung 'jug sku/ /slob pa dang ni mi slob gnyis//mi slob pa ru gyur pa na/ /'bras bu thob ces bstan pa yin/ /sngon byung srid pa'i sha tshugs can/ /las kyi rdzu 'phrul shugs dang ldan/ /bar do de yi mig snga ru/ /thabs dang shes rab mthong ba la/ /bla ma dag tu dmigs byas te/ / gsang ba'i dbang ni dran byas nas/ /mig ser zhe sdang kun spangs te/ /bde ba'am mi rtog pa bsgoms pa'am/ /yang na sngar dus gang bsgoms pa'i/ /sbyangs pa sngon du dran par bya/ /dus su dran par gyur nas ni/ /dang po'i srid pa khegs par 'gyur/ /de nas bdun phrag bdun gyi bar//gong ma bzhin du goms byas na/ /bzhi bcu rtsa dgu 'das pa dang / /'khor ba'i srid pa khegs pa dang / /de ltar sgyu mar gnas pa la/ /'od gsal pa yis sbyangs bya ste/ /'od gsal bar ni 'jug par 'gyur/ /rtsigs kyi rgya bdun dang bcas pa'o//