| བོད་ཡིག |
270a7 @##/ /rgya gar skad du/ ShaT d+harma u pa de sha nA ma/ bod skad du/ chos drug gi man ngag ces bya ba/ dpal bde mchog 'khor lo la phyag 'tshal lo/ /dal 'byor rgyu 'bras las rnams las/ /rnal 'byor don gyi snying po btsal/ /rnal 'byor lus kyi rtsa yi
270b1 tshogs//phra rags rlung dang ldan pa ni/ /dbang du byed thabs 'khrul 'khor gyis/ /dbyung rngub dgang dang gzhil ba ste/ /la la nA dang ra sa nA/ /a wa d+hU tI 'khor lo bzhi/ /lte bar tsaN+Da lI yi me/ /phra rab las 'phel hAM las ni/ /bdud rtsi'i chu rgyun dga' bzhi'i
270b2 'gros//rgyu mthun la sogs 'bras bu bzhi/ /'khrul 'khor drug gis rgyas par bya/ /tsAr+ya pa'i u pa de sho'o// //snod bcud khams gsum ma lus pa/ /sgyu ma rmi lam la sogs dpes/ /'gro 'dug spyod lam kun du sbyang / /lha tshogs sgyu ma me long gzugs/ /rdo rje
270b3 sems dpa' legs bris pa//gzugs brnyan gsal bar snang dang mtshungs/ /de nyid sgyu ma'i gzugs bzhin du/ /sgyu dpe bcu gnyis ltar mthong ba/ /rnal 'byor sgyu ma'i don mthong ba'o/ /nA gA dzu na'i u pa de sha'o// //rmi lam rmi lam don shes shing / /rgyun du zab
270b4 mo'i don bsgom pa//nA da thig le la sogs pa/ /rigs lnga'i sa bon la dmigs nas/ /sangs rgyas zhing dang sangs rgyas blta/ /gnyid dus bde chen sgrub pa'i thabs/ /la ba pa'i u pa de sha'o// //rnal 'byor a wa d+hU tI pa/ /a wa d+hU tIr sems gnas pa/ /
270b5 snying gi thig ler sems brtan pas/ /'od dang 'od zer 'ja' ris dang / /skya rings nyi 'od zla 'od dang / /nyi ma zla ba shar 'dra dang / /lha dang sku yi snang ba sogs/ /sna tshogs zhing khams dag par 'gyur/ /rnal 'byor pa yi lam chen te/ /nA gA rdzu na'i u pa de sha'o// //
270b6 rnal 'byor 'chi ba'i dus kyi tshe/ /dbang po rnams dang 'byung ba sdud/ /zla nyi rlung rnams snying gar 'dus/ /rnal 'byor ting 'dzin sna tshogs 'char/ /rnam shes phyi rol yul song na/ /rmi lam yul bzhin sna tshogs snang / /bdun bdun dus tshe 'chi snang dang / /de nas skye
270b7 bar 'gyur ba nyid//de tshe lha yi rnal 'byor sgom/ /yang na de nyid ngang la gzhag /de rjes skye la phyogs pa'i tshe/ /mnga' bdag lha yi rnal 'byor gyis/ /snang srid lha yi rnal 'byor sgom/ /des ni bar do khegs par 'gyur/ /su kha si d+hi'i u pa de sha'o// //de
271a1 las rnal 'byor 'pho ba'i tshe//grong 'jug lha dang sa bon gyis/ /'gro 'ong ring dang thung ba dang / /lha la bslab cing 'phar ba'i dus/ /gang 'dod grong du 'jug par bya/ /gong du 'bo na stong ra lha/ /yaM sprod hi ka hUM dang hUM/ /lha dang bla ma'i thugs kar
271a2 'phang //des ni 'dod pa'i gnas su 'phro/ /su kha sid+hi'i u pa de sha'o// //grub pa'i rnal 'byor dbang phyug til+li pa'i zhabs kyi zhal snga nas mdzad pa rdzogs so// //rgya gar gyi mkhas pa nA ro paN+Di ta dang / mar pa lho brag pa chos kyi blo gros kyis kha che'i gnas puSh+ma ha
rir bsgyur ba'o/