| བོད་ཡིག |
266b2 /maN+Dal dbul ba'i cho ga rje btsun ka ma la shI las mdzad pa rdzogs so//[ #]@##//rgya gar skad du/ ma hA mu dra tat+t+wa nAk+Sha ro pa de sha /bod skad du/ de kho na nyid phyag rgya chen po yi ge med pa'i man ngag /'jam dpal smra ba'i seng ge la
266b3 phyag 'tshal lo//grub thob dam pa brgyad cu rtsa bzhi las/ /skyes bu khyad par rig 'dzin lnga yi gzhung / /mchog gyur rnams kyi zhabs kyi rdul la reg /de phyir dpe bral phyag rgya chen po bshad/ /rnam gcod dang ni yongs gcod dang / /phung po gsum po sel ba dang / /don dam mjal
266b4 ba'i tshad ma yis//yang dag yid la lta ba bya/ /yang dag don la yi ge med/ /gang gis yi ge med shes pa/ /de yis yi ge thams cad shes/ /yi ge a nas k+Sha la rdzogs/ /sde tshan brgyad kyi sgra sbyor ni/ /A li kA lir shes par bya/ /ma skyes pa dang ma 'gag pa/ /zung 'jug mtha' bzhi
266b5 bral ba yi//bde ba chen po rgyun chags su/ /bla ma'i brda yis mtshon par bya/ /kha dog mar me me long rgya/ /me shel sa bon skyur dang sgra/ /brgyad pa 'di ru don bsdus pa/ /go ba cig shos skye bar 'gyur/ /in+d+ra b+hU ti bdag med ma/ /lhan cig skyes sbyor 'dod yon grol/ /
266b6 'khor ba dang ni mya ngan 'das/ /bden don rtogs pa 'phags pa lha/ /srog dang rtsol ba nA ga pa/ /phyi nang rlung gsum tshangs par 'dren/ /kha sbyor thig le pad+mar 'byung / /bde bas rgyas pa'i za ma tog /sku gsum mnyam gzhag mda' bsnun na/ /dran med skye med blo las
266b7 'das//mnyam gzhag dang ni rjes thob dang / /rmi lam dang ni bar do la/ /zin dang brtan dang bogs 'byin pa/ /rgyas gdab pa dang rnam pa bzhi/ /dang po dus bzhi mnyam sbyar la/ /gnad gsum gzer bzhi gdab par bya/ /lus kyi gnad dang dmigs pa'i gnad//
267a1 rlung gi gnad ni shes par bya/ /rig pa gcur la gdab pa dang / /shes pa srang du gzhug pa dang / /sems ni rung dmigs 'dren pa dang / /rten dang dbral zhing bsgom pa gces/ /e waM brgyan pa'i bde ba la/ /bde bas byang chub lam du kyer/ /snang srid brda ru slob pa
267a2 dang //gang mthong phyag rgya chen por shar/ /thams cad ro mnyam de bzhin nyid/ /gcig zos pa yis gzhan kun grol/ /ji ltar chu bo'i rgyun bzhin du/ /rnal 'byor ma yengs rgyun du bsgom/ /gzung ba dang ni sbyang ba dang / /sgyu ma dang ni kho na nyid/ /nyal dang log pa'i khyad par las//
267a3 rmi lam man ngag shes par bya/ /da lta 'chi kha bar do la/ /rten dang 'ong dang thig le sems/ /grong 'pho'i man ngag shes pa yis/ /bde ba can du de 'gro'o/ /don mthong pa yis sgro 'dogs chod/ /nyams su blangs na byin rlabs 'byung / /drod rtags nus pa tshod zin pas/ /
267a4 yid bzhin nor bu lta bu'o/ /rlung mkhris bad kan 'dus pa'i nad/ /mtshon dang mche ba 'byung ba 'khrugs/ /dal yams 'brum po chu ser la/ /ting 'dzin me btsa' skyugs kyis zhi/ /bdud dang mu stegs cho 'phrul gtong / /gdon dang 'byung bo bshugs pa 'dren/ /gnod
267a5 sbyin 'khu ldog byed pa'i tshe//mi g.yo rgya mtsho lta bu gzhag /me dang chu dang dug sbrul dang / /bse dang chom rkun rgyal po'i chad/ /stag dang dred mo gcan gzan khro/ /de tsho nga yis 'dod pa yin/ /dgod dang rtsed mo byed pa dang / /dal dang drag dang shin tu drag /zang zing longs
267a6 spyod mang po la//sbyor ba 'di yis khyab na bde/ /ro snyoms gtum mo mkha' spyod dang / /sman dang bcud len bdud rtsi bsten / /ro langs mkha' 'gro dngos grub ster/ /blang dor med pa'i sems kyis 'bad/ /mtha' rgyas gnyis kyis shan phye la/ /khar phog
267a7 car phog thog babs su//thun dang bcud kyis rtsal sbyangs te/ /snang gsum sbyor ba bskyed pa'i phyir/ /dbang po gsum gyis dam mi 'da'/ /ma 'khrul gsum gyis so thub ste/ /srog 'dzin gsum gyis brtan pa thob / /grol lugs gsum gyis tshad bstan no/ /lo zla gsum
267b1 gyis zad sar bskyal//'gro ba sdug bsngal 'khor bar bying ba la/ /ma rig mig 'byed zhi byed 'di bkod pas/ /phyi nang gsang ba kho na nyid rtogs te/ /kun gyis phyag rgya chen po thob par shog /de kho na nyid phyag rgya chen po yi ge med pa'i man ngag rnal 'byor gyi dbang phyug chen po ka
ma la shI las mdzad pa rdzogs so/