265b6 / //rgya gar kyi mkhan po dz+nyAn gu h+ya dang / bod kyi lo tsA ba lo btsun chung gis bsgyur ba 'o//[ # #]@##/ /rgya gar skad du/ maN+Dal bi d+hi nA ma/ bod skad du/ maN+Dal gyi cho ga zhes bya ba/ 'jam dpal smra ba'i seng
265b7 ge la phyag 'tshal lo//bla ma mnyes par byed pa yi/ /maN+Dal cho ga bshad par bya/ /maN+Dal la ni rnam lnga ste/ /ngo bo nges tshig dbul thabs dang / /dbye ba dang ni phan yon no/ /ngo bo dbul bar 'os pa la/ /sngags dang rdzas su bcas pa'o/ /maN ni bskyed pa'i sa bon
266a1 te//bsod nams 'phel bas Dal zhes bya/ /dbul thabs dad gus mos pa yis/ /gong ma mnyes par byed pa'o/ /maN+Dal dbye na rnam gnyis te/ /dngos dang yid kyis bsam pa'o/ /yid ni las su rung ba ste/ /dran pa tsam gyis gsol pa'o//
266a2 dngos la rnam pa bzhir gsungs te/ /dbul ba dang ni sgrub pa dang / /mchod pa dang ni mi mdzes pa'o/ /sa yang rung ste gzhi la ni/ /gang yang tshad dang ldan pa la/ /oM badzra yak+Sha hUM/ /zhes pa de yis byug par bya/ /rnam pa nyi shu dgram bya ste/ /haM las 'og gi ri rab bsams //
266a3 rang gi ngos kyi shar byas pa'i/ /ya las shar gyi lus 'phags bsam / /ra las byang gi sgra mi snyan/ /la las lho yi 'dzam bu'i gling / /sha las nub kyi ba lang spyod/ /ya las byang shar mtshams su bsam/ /gling g.yog nyi shu byed na yang / /g.yas g.yon
266a4 sngags kyang de bzhin no//ri las nub byang gling phran bsam/ /shaM las lho nub mtshams yin no/ /laM las lho shar gling phran bsam/ /tsa las btsun mo rin po che/ /cha las blon po rin po che/ /dza las dmag dpon rin po che/ /wa las glang po rin po che/ /tsaM las rta
266a5 mchog rin po che//tshaM las 'khor lo rin po che/ /dzaM las nor bu rin po che/ /waM las gter chen rin po che/ /maM las nyi ma shar du bsam/ /a las zla ba nub tu'o/ /oM las stong gi ri rab po/ /gling bzhi gling phran bcas pa dang / /rin chen bdun dang gter dang
266a6 brgyad//ri rab nyi zlar bcas pa rnams/ /bla ma dang ni dkon mchog gsum/ /yi dam mkha' 'gro mchod pa'i 'os/ /dang pa'i stobs kyis 'bul lags kyis/ /bla ma dkon mchog bzhes su gsol/ /maN+Dal phul ba'i yon tan ni/ /maN+Dal gcig phul drug dang
266a7 ldan//bsod nams tshogs ni bsam mi khyab/ /des na da la brtson par bya/ /gcig phul yon tan drug dang ldan/ /gling bzhi phul ba'i yon tan gyis/ /bdud bzhi ma lus zhi bar 'gyur/ /gling phran phul ba'i yon tan gyis/ /tshad med bzhi dang ldan par 'gyur/ /rin
266b1 chen sna bdun phul ba yis//'phags pa'i nor bdun thob par 'gyur/ /gter chen phul ba'i yon tan gyis/ /mi zad longs spyod 'phel bar 'gyur/ /nyi zla phul ba'i yon tan gyis/ /lta bsgom sems la gsal bar 'gyur/ /ri rab phul ba'i yon tan gyis/ /rang 'byung ye
shes thob par 'gyur/