262a6 @##/ /rgya gar skad du/ rat+na pra dI pa nA ma/ bod skad du/ rin po che sgron ma zhes bya ba/ 'jam dpal smra ba'i seng ge la phyag 'tshal lo/ /ma rig mun pa sel mdzad pa/ /dam pa skyes mchog rnams la 'dud/ /dang po zin par bya ba dang / /bar du brtan par bya ba gces/ /
262a7 tham bogs kyis dbyung thabs so/ /mnyam gzhag dang ni rjes thob dang / /ngo bo rang bzhin mtshan nyid dang / /rtags dang nyams myong yon tan dang / /tshad dang skyon dang bcos thabs so/ /ma zin zin par byed pa la/ /lus kyi gnad dang dmigs pa'i gnad/ /rlung gi
262b1 gnad ni shes par bya//zin pa brtan par byed 'dod na/ /rtsal sbyong gsum la mkhas par bya/ /brtan pa gong du bogs 'byin na/ /bogs 'byin gsum la goms par bya/ /mnyam gzhag dang ni rjes thob la/ /ngo sprod bzhi bzhir shes bar bya/ /dang po mnyam gzhag
262b2 ngo sprod ni//rig pa mtha' rkyang dar dang chas/ /nam mkha' lta bu'i dpe yis mtshon/ /rig pa thang sha gcad pa ni/ /gzhu bzangs bdungs pa'i dpe yis mtshon/ /de nas rig pa rtsal sbyang ni/ /dar chen rlung gis bskyod pas mtshon/ /rig pa rjen par gzhag pa ni/ /gnyug
262b3 ma lta bu'i dpe yis mtshon//rjes thob la yang ngo sprod bzhi/ /mnyam gzhag rjes thob med par sprad/ /rkyen pa drag zhan med par sprod/ /dbang po thogs rdugs med par sprad/ /rang bzhin gsal ba dri med yin/ /mtshan nyid nyams su myong ba'o/ /rtags la rnam pa
262b4 bzhir gsungs te//btang na 'gro la bzhag na sdod/ /dgos pa'i dus su snyeg pa dang / /shes bzhin gnad du tshud pa'i/ /nyams myong la yang de bzhin te/ /bde ba dang ni gsal ba dang / /mi rtog pa dang mi g.yo ba'o/ /yon tan mngon par shes pa 'char/ /tshad ni
262b5 rtsa ba brtan pa dang //de bzhin rtse mo rno ba nyid/ /bar ni gsal ba ngar dang chas/ /dmigs pa sna tshogs sgyur shes pa'o/ /skyon ni bying dang rmugs pa dang / /de bzhin rgod dang g.yeng ba'o/ /bcos pa la yang rnam gsum ste/ /rin chen gser ltar bcos pa dang / /'tsho mdzad
sman pa lta bu dang /