CLOSE WINDOW

D2314
བོད་ཡིག

/slad nas bla ma de nyid dang / /lo tsA ba tshul khrims rgyal bas bcos shing gtan la phab pa //[ ]@##/ /rgya gar skad du/ /d+har+m+ma d+hA tu sa ra gI ta/ bod skad du/ /chos kyi dbyings lta ba'i glu/ /thams cad mkhyen pa la phyag 'tshal lo//gang zhig kun du ma shes na/ /srid pa gsum du rnam 'khor ba/ /sems can kun la nges gnas pa'i/ /chos kyi dbyings la phyag 'tshal nas/ /chos dbyings lta zhing gzhan min pa/ /de dag rim bzhin brjod par bya/ /zab zhi spros bral de bzhin nyid//'od gsal 'dus ma byas pa gang / /ma skyes ma 'gags gzod nas dag /rang bzhin mya ngan 'das pa yis/ /chos dbyings mtha' dang dbus med pa/ /blo mig zhib mo rtog bral ba/ /bying rgod rab rib med pas blta/ /gang zhig 'khor ba'i rgyur gyur pa/ /de nyid bya ba byas pa las//dag pa de ni mya ngan 'das/ /chos kyi sku yang de nyid do/ /ji ltar 'o ma dang 'dres pas/ /mar gyi snying po mi snang ba/ /de bzhin nyon mongs dang 'dres pas/ /chos kyi dbyings kyang mi mthong ngo / /ji ltar 'o ma rnam sbyangs pas/ /mar gyi snying po dri med 'gyur/ / de bzhin nyon mongs rnam sbyangs bas/ /chos dbyings shin tu dri med 'gyur/ /ji ltar mar me bum nang gnas/ /cung zhig snang bar mi 'gyur ba/ /de bzhin nyon mongs bum nang gnas/ /chos kyi dbyings kyang mi snang ngo / /phyogs ni gang dang gnag dag gnas/ /bum pa bu ga btod gyur pa//de dang de yi phyogs nyid nas/ /'od kyi rang bzhin 'byung bar 'gyur/ /gang tshe ting 'dzin rdo rje yis/ /bum pa de nyid bcag gyur pa/ /de tshe de yi nam mkha' yis/ /mthar thugs bar du snang bar byed/ /chos kyi dbyings ni skye ma yin/ /nam yang 'gag par 'gyur ba med//dus rnams kun du nyon mongs med/ /thog ma bar mtha' dri ma bral/ /ji ltar rin chen bai DU R+Ya/ /dus rnams kun du 'od gsal yang / /rdo yi nang na gnas gyur na/ /de yi 'od ni gsal ma yin/ /de bzhin nyon mongs kyis bsgrigs pa'i/ /chos dbyings shin tu dri med pas//'khor bar 'od ni gsal ma yin/ /ji ltar sbun pas g.yogs gyur ba/ /so ba 'bras nyid mi 'dod ltar/ /de bzhin nyon mongs kyis g.yogs pas/ /de ni sangs rgyas zhes mi rtag /ji ltar sbun pa las grol na/ /'bras nyid snang bar 'gyur ba ltar//de bzhin nyon mongs las grol na/ /chos kyi sku nyid rab tu gsal/ /ji ltar sbrum ma'i lto na bu/ /yod kyang mthong ba ma yin pas/ /de bzhin nyon mongs kyis g.yogs pa'i/ /chos kyi dbyings kyang mthong ma yin/ /chos dbyings gang phyir bdag ma yin/ /bud med ma yin skyes pa min//gzung ba kun las rnam grol bas/ /ji ltar 'dzin par brtag par bya/ /mi gtsang mi rtag sdug bsngal zhes/ /bya ba gsum pos sems spyod byed/ /stong pa nyid ni ston pa'i mdo/ /rgyal bas ji skad gsungs pa ste/ /de dag kun gyis nyon mongs ldog /khams de nyams par byed ma yin/ /mchog tu sems ni sbyong byed pa'i/ /chos ni rang bzhin med pa yin/ /ji ltar ri bong mgo yi rwa// brtags pa nyid de med pa ltar/ /de bzhin chos rnams thams cad kyang / /brtags pa nyid de yod ma yin/ /phra rab rdul gyi ngo bo nyid//glang gi rwa yang dmigs ma yin/ /ji ltar sngon bzhin phyis de bzhin/ /de la ji zhig brtag par bya/ /brten nas 'byung bar 'gyur ba dang / /brten nas 'gag par 'gyur ba dang / /gnas pa dag kyang yod min na/ /byis pa ji ltar rtog par byed/ /chos dbyings rang bzhin nam mkha' yin//khams ltar gyu med rkyen med de/ /skye dang rga dang gnas pa dang / /'jig pa med pa 'dus ma byas/ /sangs rgyas chos dbyer med pa dang / /de rigs de bzhin thob pa dang / /brdzun med slu med 'tshe med pas/ /gdod nas rang bzhin zhi nyid do//gang phyir de ni rgya mtsho ltar/ /sgra dang dpe dang blo rnams kyis/ /gting dang pha rol mi rnyed pa/ /de phyir rab tu zab pa nyid/ /chos kyi dbyings la dbyer med phyir/ /lta ba tha dad rung ma yin/ /'on kyang blo yi bye brag gis/ /lta ba tha dad cung zad brjod//dbu ma nyid du smra ba rnams/ /de don bden pa gnyis su 'dod/ /kun rdzob dang ni don dam mo/ /bden gnyis rnam dbye shes pa dag /thub pa'i bka' la mi rmongs te/ /de dag ma lus tshogs bsags nas/ /phun tshogs pha rol 'gro ba nyid/ / bdag dang bdag gi rtag chad dang / /nyon mongs rnam byang rgyu 'bras dang / /gzung dang 'dzin par gang spros pa/ /'di ni kun rdzob bden pa'o/ /stong nyid bdag med zhi ba gang / /spros pa rnams kyis mgos pa/ /tha dad don min rnam mi rtog /'di ni don dam bden pa'o//yang dag yang dag ma yin dang / /rnam grangs rnam grangs ma yin pas/ /de gnyis so sor dbye ba byas/ /rtags tsam snang grags dngos po dang / /tha snyad 'khrul ba sgyu ma dang / /kun rdzob nyid ni rnam grangs so/ /stong pa nyid dang yang dag mtha'/ /mtshan ma med dang don dam dang //chos kyi dbyings ni rnam grangs so/ /gang phyir sgrib pas kun rdzob ste/ /'gyur ba med phyir don dam mo/ /yang dag yang dag ma yin pa'i/ /shes pa gnyis phyir bden pa gnyis/ /yang dag shes pa med ce na/ /bden te tha snyad tsam du yod/ /de nyid tshol la thog mar ni//thams cad yod ces brjod par bya/ /don rnams rtogs shing chags med la/ /phyis ni rnam par dbye don nyid/ /bden gnyis gcig dang tha dad min/ /nyes pa bzhi bzhi gsungs phyir ro/ /gcig dang tha dad gang rtogs pa/ /de ni tshul min zhugs pa yin/ /dngos por khas len yod na ni//'dod chags zhe sdang mi zad 'byung / /lta ba ma rungs yongs su 'dzin/ /de las byung ba'i rtsod par 'gyur/ /dmigs pa'i 'du shes can la ni/ /thob pa med cing mngon rtogs med/ /rjes mthun bzod pa'ang yod min na/ /mya ngan 'das pa'ang smos ci dgos//stong pa nyid la lta nyes na/ /shes rab chung ldan phung bar 'gyur/ /ji ltar sbrul la bzung nyes dang / /rig sngags log par bsgrubs pa bzhin/ /rgyal ba kun gyis stong nyid ni/ /lta kun nges par 'byin par gsungs/ /gang dag stong pa nyid lta ba/ /de dag bsgrub tu med par gsungs//gang dag rang dngos gzhan dngos kyis/ /dngos dang dngos med nyid mthong ba/ /de dag sangs rgyas bstan pa la/ /yang dag mthong ba ma yin no/ /med pa yod pa'i zlas grangs te/ /yod pa'ang med pa'i zlas grangs pa/ /de phyir med par brjod mi bya//yod pa nyid du 'ang mi brtag go/ /yod pa pa ni bde 'gror 'gro/ /med pa pa ni ngang 'gror 'gyur/ /yang dag ji bzhin yongs shes phyir/ /gnyis la mi brten bar par 'gyur/ /tshul gnyis shing rta zhon nas su/ /rig pa'i sra ba skyogs 'ju byed pa/ /de dag de phyir ji bzhin don//theg pa chen po pa nyid 'thob/ /gzugs sogs ji ltar snang ba nas/ /bde gshags par gyi chos rnams kun/ /ri bong ba lang rwa yi dpes/ /dbu ma nyid du goms par bya/ /yod min med min yod med min/ /gnyis min bdag nyid du yang med/ / mtha' bzhi las ni nges grol ba/ /de nyid dbu mar mkhas rnams bzhed/ /dbu ma mtha' las rnam grol na/ /mtha' dang bral phyir dbu ma'ang med/ /mtha' dbus med par gang lta ba/ /de ni yang dag lta ba ste/ /bla na med pa'i lta ba yin/ /blo ldan rnams kyis rtag tu bsgoms//gang zhig lta ba 'dir zhugs pa/ /nges ni thams cad mkhyen pa thob/ /rnam rigs tsam du smra ba rnams/ /ngo bo nyid ni gsum du 'dod/ /kun brtags gzhan dbang yongs grub po/ /brtags dang rgyu las skyes pa dang / /mi 'gyur phyir na go rims bzhin/ / rnam par rtog pa gang gang gis/ /dngos po gang gang rnam brtags pa/ /de nyid kun du brtags pa yis/ /ngo bo nyid de de med do/ /gzhan gyi dbang gi ngo bo nyid/ /rnam rtog yin te rkyen las byung / /grub ni de la snga ma po/ /rtag tu med par gyur pa gang / / yod dang med pa'i mtha' gnyis kyis/ /de phyir de nyid gzhan dbang las/ /gzhan min gzhan pa yin pa'ang min/ /mi rtag la sogs bzhin du brjod/ /chu shel bai DU R+Ya yi dpes/ /ngo bo nyid gsum shes par bya/ /bdag dang chos su brtags pa dang / / rnam par dag dang ma dag dang / /'gyur med phyin ci ma log pa/ /rim bzhin re re 'ang gnyis gnyis so/ /blo gros bzang po thams cad ni/ /nang sems pa la brtson pa yin/ /gzung dang 'dzin pa las grol ba'i/ /rnam shes dam pa'i don du yod/ /chos rnams 'ga' yang skye ba dang //'gag pa cung zad yod min te/ /skyes pa 'ba' zhig kho na ni/ /skye ba dang ni 'gag par 'gyur/ /yod min chos rnams de dag snang / /bems po las min gzhan las min/ /med pa las min nyes gnyis phyir/ /de phyir shes pa'i bdag nyid yod//rnam shes bems po'i rang bzhin las/ /bzlog par rab tu skye bar gsungs/ /sems min rang bzhin gang yin pa/ /de 'dri bdag nyid rig par 'dod/ /nam mkha' las rlung nyi ma dang / /rgya mtsho phyogs dang 'dab chu ni/ /nang gi shes pa yang dag gi/ /cha yin phyi rol ltar snang ngo //gsal ba'i rang bzhin du snang bas/ /de dag 'brel ba lkog gyur min/ /gang dang 'brel bas gang rig pa/ /de yis rig bya de rig 'gyur/ /ral gri'i so dang so rtse bzhin/ /blo yis rang 'dzin dor zhe na/ /rang nyid snang ba dor min par/ /dgongs pa nges par 'grel las gsungs//de'i phyir blo yi mtshan nyid ni/ /rang rig par ni grub pa yin/ /de nyid rtogs par dka' ba na/ /'di yi ngo bo dpyad mi nus/ /rang rig de yang phra ba'i phyir/ /sangs rgyas rnams kyis phra bar gzigs/ /rang la gnas kyang bdag 'dra bas/ /rmongs pa'i phyir na mthong ba med//gsal dang blo ni bdag nyid kyis/ /'brel ba yod phyir don tsam yin/ /shes pa'i rang bzhin bden pa ste/ /rnam pa brdzun zhing 'khrul pa yin/ /sems ni rnam par bslad pa'i phyir/ /gcig gnyis gnyis su snang ba yin/ /gzung dang 'dzin pa'i dbye ba las//shin tu mkhas pa cis ma yin/ /gzung ba'i rnam pa mi g.yo'i phyir/ /phyi rol lta bur snang ba yin/ /'dzin pa'i rnam pa rab g.yo bas/ /nang lta bur ni snang ba nyid/ /mtshan ma de ni spangs nas su/ /ye shes nam mkha' lta bur bsgom/ /sems kyi rang bzhin zag pa med//zag bcas sa bon ma zad par/ /kun gzhi gnas skabs de dag nyid/ /zad nas zag pa med pa'i dbyings/ /rnam par grol ba'i sku dang ni/ /rtag tu nyi zer nyi ma bzhin/ /sangs rgyas chos rnams gnas yin pas/ /skyob pa rnams kyi chos sku'o//nyan thos theg par zhugs pa rnams/ /bdag dang bdag gis dben pa yi/ /phung po khams dang skye mched dang / /bzhi lnga'am dus ni gsum yang rung / /yod pa thams cad gzung bya yin/ /dmigs dang bcas pas 'dzin par byed/ /de gnyis dam pa'i don du 'dod/ / bden pa mthong dang goms pa las/ /nyon mongs spangs pa zhes bshad pa/ /bden pa bdag ni rnam bzhi ste/ /sdug bsngal de bzhin kun 'byung dang / /'gog pa lam ste de lta na/ /de dag ji ltar gdon rtogs rim/ /sdug bsngal nyer len phung po'o/ /kun 'byung ba las dang nyon mongs te//'gog pa mya ngan 'das pa gnyis/ /lam ni phyogs mthun sum cu bdun/ /tshul gnas thos dang bsam ldan pa/ /bsgom pa la ni rab tu sbyor/ /dge sbyong tshul ni dri med lam/ /'bras bu 'dus byas 'dus ma byas/ /de dag brgyad cu rtsa dgu'o/ / grol lam zad pa rnams dang bcas/ /'bras bu bzhi rnam gzhag pa ni/ /rgyu lnga dag ni srid phyir ro/ /nyan thos rnam bzhi sprul pa dang / /rdzogs pa'i byang chub 'gyur ba dang / /zhi bgrod grub mtha' 'dzin pa'o/ /de ni gnyis bzhi bco brgyad de/ /gnyis ni bye brag smra ba dang //de bzhin mdo sde smra ba'o/ /rnam pa med pa'i shes pa yis/ /gzugs la sogs pa don rig 'dod/ /de ni bye brag smra ba yin/ /gang zhig don gyis phan btags pa'i/ /gzugs brnyan rnams la nyams myongs bas/ /don rig 'dod pa mdo sde ba'o//bzhi ni dge 'dun phal chen dang / /thams cad yod smra gnas brtan pa/ /mang pos bkur ba bco brgyad ni/ /shar dang nub dang gangs ri ra gnas/ /'jig rten 'das par smra ba'i sde/ /rtag par smra ba'i sde pa dang / /lnga tshan dge 'dun phal chen pa/ /gzhi kun yod smra 'od srungs te//sa ston sde dang 'od srungs te/ /mang thos gos dmar slob ma dang / /rnam par phye ste smra ba'i sde/ /thams cad yod par smra ba yin/ /rgyal byed tshal gnas 'jigs med gnas/ /gtsug lag khang chen gnas brtan pa/ /sa sgrogs ris dang srung ba pa//gnas ma bu yi sde pa ni/ /kun gyis bkur ba rnam pa gsum/ /yul don slob dpon bye brag gi /tha dad rnam pa bco brgyad do/ /rang rgyal byang chub don gnyer bas/ /gzung ba'i rtog pa spangs phyir dang / /'dzin pa ma spangs phyir na ste/ / rten gyi bse ru lta bu'i lam/ /bskal ba brgya yi mthar thug par/ /bsgoms pas byang chub reg par 'gyur/ /de ni rten cing 'brel 'byung ba/ /yan lag bcu gnyis chags gsum mo/ /sngon dang phyi mthar gnyis gnyis dang / /bar du brgyad yongs rdzogs ldan la/ /ma rig nyon mongs sngon gnas skabs//'du byed dag ni sngon 'das kyi/ /rnam shes mtshams sbyor phung po yin/ /ming dang gzugs ni de phan chad/ /skye mched drug dod tshun chad do/ /de ni gsum 'dus tshun chad do/ /reg pa bde sdug la sogs kyi/ /rgyu shes nus pa tshun chad do/ / chor 'khrig tshun chad sred pa ni/ /longs spyod 'khrig pa chags bcas kyi/ /nye bar len pa longs spyod rnams/ /thob par bya phyir yongs rgyug pa'o/ /de srid 'bras bu 'byung 'gyur ba'i/ /las de nyid ni srid pa yin/ /nying mtshams sbyor ba skye ba yin/ /tshor ba'i bar ni rga shi yin//'di ni gnas skabs bar 'dod lo/ /gtso bo'i phyir na yan lag bsgrags/ /sngon dang phyi mtha' bar dag la/ /rmongs pa rnam par bzlog phyir ro/ /nyon mongs gsum mo las gnyis so/ /bzhi bdun de bzhin 'bras bu yin/ /gnyis kyi rgyu 'bras mdor bsdus pa//bar ma'i rjes su dpag pa las/ /'dir ni 'byung ba rgyu yin te/ /byung ba 'bras bu nyid du 'dod/ /yan lag bcu gnyis de dag las/ /rgyu ni rnam lnga 'bras bu bdun/ /'phen par byed dang 'phangs pa dang / /mngon par 'grub byed grub pa dang / /nyes dmigs kyi ni yan lag ste//gsum bzhi gsum gyi gcig rim pa bzhin/ /'du byed sdug bsngal 'gyur ba yi/ /sdug bsngal nyid ni rim bzhin du/ /ldang dang bzhi dang lnga yin no/ /khams gsum na ni rim bzhin du/ /bcu gnyis bcu gcig bcu yis 'jug /rdzus skyes yan lag bcu gcig gis//mngal dang sgong skyes bcu gnyis kyis/ /drod gsher las skyes ci rigs 'jug /de bzhin 'gro ba lnga la sbyar/ /gsum po dag las gnyis 'byung ste/ /gnyis las bdun 'byung bdun las kyang / /gsum 'byung srid pa'i 'khor lo ste/ /nyid ni yid dang yid du 'khor//'khor ba'i ngo bo rnam pa dang / /gang gzhig gang du gang gis ngang / /ji ltar ji srid nyes dmigs ni/ /mtha' yas tshogs kyis rab tu 'jug /brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim na glang chen bzhin//'chi bdag sde ni gzhom par bya/ /gang zhig rab tu bag yod par/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar byed par 'gyur/ /mya ngan gang las 'da' ba dang / /gang zhig gang gis gang gi tshe/ /gang gis gang phyir ji lta bur//ji srid ngo bo rnam pa dang / /thob bya dbye ba phrin las dang / /yon tan tshogs kyis ldog pa'o/ /mu stegs pa ni rnam pa gnyis/ /sprul pa ba dang rang rgyud pa/ /de yang skyes thob sbyor 'byung ngo / /skyes thob rigs chad log sred can/ /sbyor byung bsam gtan rtog ge ba//bsam gtan pa ni mngon shes mthus/ /lta ba drug cu gnyis su rtogs/ /rtag par smra ba rnam bzhi dang / /kha cig rtag par smra ba bzhi/ /mtha' yod sogs bzhi mi spong bzhi/ /rgyud med gnyis ni sngon mthar rtog /'du shes yod smra bcu drug dang //med smra brgyad dang de bzhin du/ /yod min med min smra ba brgyad/ /chad smra bdun dang tshe 'di la/ /mya ngan 'da' bar smra ba lnga/ /phyi ma'i mthar rtog lta ba'o/ /rtog ge ba ni grangs can sogs/ /tshad mas grub mtha' 'dzin pa'o/ /grangs can yon tan gsum du brjod//snying stobs rdul dang mun pa'o/ /rangs dang mgu dang kun dga' dang / /bde bzhi pa yi sems nyi dag /res 'ga' yang ni snang gyur pa/ /de dag snying stobs yon tan no/ /mi dga' ba dang yongs gdud dang / /mya ngan 'dod dang mi bzod dag /gang du snang ba'i gtan tshigs kyis/ /de dag rdul gyi rtags su 'dod/ /rmongs pa de bzhin gti mug dang / /bag med gnyid dang gsal ba dang // len 'ga' yang ni snang gyur pa/ /de dag mun pa'i yon tan no/ /yon tan gsum gyi rang bzhin/ mchog /mthong ba'i lam du 'gyur ma yin/ /mthong ba'i lam du gang gyur pa// sgyu ma bzhin du shin tu gsog /rang bzhin las ni chen po ste/ /de las nga rgyal rnam gsum 'byung / /da la dbang po bcu gcig dang / /de tsam lnga'o de lnga las/ /'byung ba lnga ste nyi shu bzhi/ / gco bo nyid dang rnam 'gyur ro/ /de dag sems pa yod ma yin/ /skyes bu kun rig sems pa can/ /de dag nyi shu lngas shes na/ /ral ba spyi bo gtsug phud kyis/ /bsti gnas gang du dga' ba der/ /grol 'gyur 'di la the tshom med/ /byer bag pa ni don drug 'dod/ /rdzas dang yon tan las dang spyi//bye brag 'du ba rnams pa drug /rdzas dgu yon tan nyi shu bzhi/ /las lnga spyi gnyis bye brag gnyis/ /de bzhin 'du ba'ang rnam gnyis te/ /de nyid du gshes rig pa'i mchog/ /rig byed kun gyi pha rol phyin/ /gcer bu ba rnams don dgu smra/ /srog dang zag pa sdom pa dang //nges par dga' dang 'chi ba dang / /las dang sdig dang bsod nams dang / /thar pa zhes bya don dgu po/ /gang gis mthong ste rnam par dag /rigs ba can don bcu drug 'dod/ /tshad ma gzhal bya the tshom dang / /dgos pa dpe dang grub mtha' dang / / cha shas rtog ge gtan la dbab/ /rtsod dang brjod dang rgol ba dang / /rgyu ltar snang ba tshig dor dang / /ltag chod chad pa'i gnas rnams te/ /bcu drug gis ni nges par 'byung / /dpyod pa pa ni don bzhir brjod/ /sa dang chu dang me dang rlung / /de dag 'dus ma byas pa ste/ /rtag tu skye 'gag med par gnas//de bas las 'bras yod ma yin/ /sngon dang phyi mtha' de bzhin med/ /gang zhig de ltar rnam dpyod pa/ /mthong pa tsam gyis rnam grol 'gyur/ /khyab 'jug byed rgyur rma ba rnams/ /nyi ma'i nang na khyab bdag 'jug /skar nang 'od gnas zla ba yin//rlung nang nga ni 'od zer can/ /snang ba can na nyi ma yin/ /rig bye dang na snyan tshig dang / /lha nang nga ni brgya byin te/ /dbang po'i nang na yid yin no/ /'byung ba'i nang na sa yin zhing / /nga ni bde byed drag po'ang yin/ /srin po gnod sbyin nang rol bdag /nor lha'i nang na me lha pa//ri bo'i nang na nga ri rab/ /nga ni yi ge'i nang na a/ /nya dang rus sbal phag dang ni/ /mi yi seng ge mi thung dang / /dga' byed ra ma Na nag po/ /sangs rgyas tsar ti ka dang bcu/ /gang gis khyab 'jug yon tan rnams/ /rtag tu bsgoms na bde thob 'gyur/ /dbang phyug byed rgyur 'dod pa rnams//'gro ba 'di dag thams cad kyi/ /byed pa po ni dbang phyug yin/ /de ni yon tan brgya dang ldan/ /rab phra yang ba mchod par 'os/ /bdag por gyur dang dbang du gyur/ /gar yang phyin dang 'dod dgur ldan/ /de bzhin dga' mgur gnas pa'o/ / lag pa dag dang rkang pa dang / /mig dang gdong dang lus rnams kyi/ /mang po bskyed cing 'jig byed pas/ /des na phra bar brjod pa yin/ /mkha' dang rlung dang sa dang ni/ /chu dang me dag gnas byed cing / /sdud pa dang ni rgyas byed pas/ /nges na yang par brjod pa yin//'jig rten gsum na mchod gyur cing / /gnas pa bdag dang rgyu ba dang / /'byung po kun gyis brjed pas na/ /des ni mchod par 'os pa yin/ /'byung po kun la dbang byed cing / /gnas pa bdag dang rgyu ba dang / /gang dang gang 'dod de byed pas/ /des na bdag por gyur zhes bya//bdag la rag las rang dbang can/ /'ga' la'ang 'jigs pa yod min te/ /thams cad dbang du gyur zhes bya/ /mtho ris ngan song kun khyab pas/ /des na gar yang phyin zhes bya/ /snying stobs rdul dang mun pa gsum/ /de dag gang la gnas gyur pa//mig 'byed tsam gyis byed gyur pas/ /des na 'dod dgur ldan zhes bya/ /thar pa'ang yang na lha yi lus/ /gang du dag nyid 'dod pa dag /thams cad 'dod pas thob gyur pas// des na dga' mgur gnas zhes bya/ /gang zhig phra gyur gcig pu skyes nas 'dug /de yi 'di kun skyes shing 'jig par byed/ /de ni dbang dag mchog sbyin lha mchog bya/ /yon tan byed po shin tu zhi ba thob/ /skyes pa po 'di shes pa yod min te/ /bdag gi bde sdug bdag la rang dbang med/ /dbang phyug gis btang yang na mtho ris sam//g.yang sa dag tu 'gro ba kho nar 'gyur/ /dbang phyugs rdza mkhan lta bur sna tshogs 'di sbrul byed por ma gyur na/ /ri rab 'di mi grub cing sa gzhi 'di min rgya mtsho 'ang ma yin te/ /nyi zla skar ldan 'di ltar bkod pa 'di dag mig yul du med 'gyur/ /yod pa'i phyir ni dbang phyug 'gro ba'i byed po yin zhes 'ga' zhig smra//phra zhing bsam gyis mi khyab rab srab byed pa kun rig kun byed pa/ /rnal 'byor goms pas thob pa blo can bsam gtan pa yi bsam gtan yul/ /nyi ma zla bas chu me rlung phyogs dang nam mkha'i lus can te/ /zhi ba'i bde dga' 'dod pa rnams kyis dbang phyug rtag tu bsgoms//dus la ltos par smra ba rnams/ /dngos kun dus kyis bsgyur ba ste/ /gang gi zhang po nor lha dang / /gang pha nor rgyas yin pa yi/ /'jigs med khro bo 'ang bsad gyur pas/ /dus ni 'da' bar dka' ba yin/ /'byung ba rnams ni dus kyis 'byin//skye dgu rnams sdud dus kyis byed/ /dus kyi gnyid log sad par byed/ /dus ni 'da' bar dka' ba yin/ /srung ba sum brtsegs 'obs ni rgya mtsho dang / /dmag mi srin po nor ni nor sbyin sbyor/ /gang zhig bstan bcos pa sangs tshad mnyam ba'i//sgra sgrogs bu de'ang dus kyi dbang gis nyams/ /ngo bo nyid rgyur smra ba ni/ /dngos rnams ngo bo nyid kyis 'grub/ /me yi dmar ba nyid dang ni/ /dam pa gzhan don byed nyid dang / /dam pa min pa'i brtse med nyid/ /gsum po ngo bo nyid kyis grub/ /tsher ma rnor bar gyur pa su yis byas//ri dgas bya yi ri mo su yis byas/ /bu ram shing mngar ni ma pa kha ba dag /'di dag thams cad ngo bo nyid kyis grub/ /nyi mtshan zhing zla ba rab bsil dang / /skye bo chags shing thub pa de min la/ /bde bar bsil sdug bsngal rab gdung ba/ /drug po 'di dag ngo bo nyid kyis grub//gang dag rgyu med smra ba ni/ /thams cad rgyu la ltos med par/ /dngos po rnams kyis skye ba ste/ /nyi ma pad+ma'i ge sar sogs/ /sna tshogs gang gis byas pa yin/ /rma bya'i mdongs la sogs pa yang / /sna tshogs gang gis sprul pa yin/ /ji ltar char rlung la sogs pa//glo bur 'byung phyir rgyu med ltar/ /sdug bsngal la sogs rgyu med nyid/ /shin tu rgya chen rab zab la/ /sgyid lug shin tu ma sbyangs la/ /bdag bzhin sgra dag gti mug gis/ /dag ltar theg pa che la smod/ /tshul khrims las ni nyams bla yi/ /lta las cis kyang ma yin te//tshul khrims kyis ni mtho ris 'gro/ /lta bas go 'phang mchog tu 'gyur/ /gti mug dbang gis bsgrigs gyur te/ /gang zhig yang dag gegs byed pa/ /de la dge ba'i 'gro ba'ang med/ /thar pa med par smos ci dgos/ /gnod pa'i sa bon gyur pa yi/ / mu stegs byed mang mthong nas ni/ /thar 'dod skye bo 'dod rnams la/ /snying rjer mi 'gyur su zhig yod/ /de phyir thar pa don gnyer rnams/ /chos kyi dbyings su lta bar gyis/ /chos kyi dbyings su lta ba'i glu/ /slob dpon chen po 'di paM ka ras mdzad pa rdzogs so// //rgya gar gyi mkhan po de nyid dang /