CLOSE WINDOW

D2304
བོད་ཡིག

/thun mong dngos grub myur thob mchog la gzhol/ /phyag rgya chen po gnad kyi gdams pa 'di/ /'gro ba skal ldan snying la gnas par shog /dpal ti l+li pas nA ro pa la chu bo gang+gA'i 'gram du gsungs pa rdzogs so//[ ]@##/ /rgya gar skad du/ dr-iSh+Ti saM k+Ship+ta nA ma/bod skad du/ lta ba mdor bsdus pa zhes bya ba/ rdo rje mkha' 'gro la phyag 'tshal lo/ /thams cad mkhyen nyid skyob pa'i gtso/ /'gro ba'i mgon la phyag 'tshal lo/ /lung dang rigs pa'i rjes 'brangs nas/ /dngos don bsdus te gtan la dbab/ /snang zhing srid pa'i chos rnams kun//rang rig sems ni gud na med/ /snang zhing gsal ba yin pa'i phyir/ /dper na rang rig nyams myong bzhin/ /gal te sems de ma yin na/ /'brel pa med phyir mi snang thal/ /de ltar kun rdzob gtan la dbab/ /chos kun sems la gnas zhes gsungs/ / chos kyi dngos gzhi sems nyid de/ /rig pa bzhi sogs kyis dpyad kyang / /dngos po sgra yi cha tsam med/ /dper na nam mkha'i pad+ma bzhin/ /de ltar yod pa ma grub phyir/ /med pa cung zad grub mi 'gyur/ /phan tshun ltos pa nyid kyi phyir/ /tshu rol ma grub pha rol bzhin/ /yod med gnyis ka ma yin te//so so nyid du bkag phyir ro/ /gnyis ka med pa ma yin te/ /yod med dngos su 'gal ba'i phyir/ /lus can yang ni ma yin la/ /lus can min pa mi srid phyir/ /des na spros pa thams cad bral/ /de ltar don dam gtan la dbab/ /sems ni nam mkha' la gnas gsungs//rang rig spros bral de nyid kyang / /snang zhing stong la stong zhing snang / /de phyir snang stong dbyer med de/ /dper na chu yi zla ba bzhin/ /de ltar gnyis med gtan la dbab/ /nam mkha' ci la'ang mi gnas gsungs/ /rang bzhin spros bral de nyid ni/ /rig pa yin phyir gsal ba'o//rang rig min phyir mi rtog ste/ /rang rig rang la rtog mi srid/ /rnam par rtog bya min pa'i phyir/ /sems de'i rang bzhin mi rtog nyid/ /gsal ba mi rtog ye shes te/ /dper na bde gshegs ye shes bzhin/ /des na sems nyid 'od gsal la/ /sems ni ye shes yin rtogs na//sangs rgyas gzhan du mi btsal gsungs/ /'on kyang sems de glo bur gyi/ /rnam rtog dri mas nyon mongs te/ /chu dang gser dang nam mkha' ltar/ /gnas skabs dag dang ma dag gnyis/ /rang bzhin 'od gsal sems de dang / /glo bur rnam rtog dri ma gnyis//gcig gam tha dad gang yin pa/ /shin tu zab pa chen po nyid/ /shin tu zab phyir mkhas pas dpyod/ /bshad pa yod kyang ma bris so/ /stong pa de nyid rig pa sems/ /byang chub sems kyang de nyid do/ /sangs rgyas rigs kyang de nyid yin/ /bde gshegs snying po de nyid de//ji bzhin pa yi ro myang bas/ /bde ba chen po'ang de nyid yin/ /gsang sngags zhes pa 'di nyid do/ /thabs dang shes rab de nyid la/ /zab dang rgya che de nyid yin/ /kun bzang yab yum de nyid do/ /nang stong dbyings dang ye shes las/ /ye sangs rgyas zhes de la bya/ / dri ma dang bcas rang rig de/ /de yang gzhan la mi ltos phyir/ /rang byung ye shes de nyid do/ /'khor ba'i dngos gzhi de nyid de/ /mya ngan 'das pa'ang de nyid yin/ /dbu ma chen mo'ang de nyid do/ /mthong bar bya ba de nyid do/ /bsgom par bya ba'ang de nyid do/ /thob par bya ba'ang de nyid do//tshad ma'i bden pa'ang de nyid yin/ /rgyu dang thabs dang 'bras bu yi/ /rgyud ni rnam gsum grags pa dang / /gzhi lam 'bras bur grags pa dang / /de nyid kyi ni gnas skabs so/ /rgyu rkyen rtsa ba kun gzhi dang / /'khor ba ji srid phung po dang / / gzhan dbang shes pa la sogs grags/ /e ma ho/ /sems nyid dri ma dang bcas de/ /rnam 'phrul 'gro ba drug la sogs/ /nam mkha'i khams kyi mtha' klas par/ /sdug bsngal 'khrul 'khor bsam las 'das/ /rnam rtog dri ma dang bral ba'i/ /rang rig spros bral de nyid ni//mig nas mya ngan 'das pa yin/ /rdo rje sems dpa' 'ang de nyid yin/ /sangs rgyas drug pa'ang de nyid do/ /rigs drug pa'ang de nyid do/ /'jam dpal gzhon nu'ang de nyid yin/ /rnam par snang mdzad de yin te/ /chos kyi sku dang bde chen dang / /zung 'jug ces pa de nyid do//bzhi pa'i dbang yang de yin te/ /lhan cig skyes dga' de nyid do/ /rang bzhin dag pa'ang de nyid la/ /de la sogs pa mdo rgyud las/ /rnam grangs tha snyad grags pa rnams/ /phal cher de la brten pa yin/ /ji ltar rigs par sbyar bar bya/ / e ma ho/ /sems nyid dri ma med pa de'i/ /rnam 'phrul gzugs skur bsdus pa yi/ /zhing khams rnam par dag pa dang / /dkyil 'khor rnam 'phrul la sogs pa/ /ngo mtshar dngos gzhi de nyid de/ /nam mkha'i mtha' klas khyab par snang / /rang sems de la rmongs pa yi//phyi rol mu stegs pa dag gis/ /bdag dang gtso bo la sogs zhes/ /grub mtha' log pa'i rgya mtshor zhugs/ /rang gi sde pa nyan thos dang / /rang rgyal sems tsam pa dag gis/ /gzung 'dzin gnyis su 'dzin pa dang / /gnyis med yang dag nyid du rtogs/ /gzhan yang rnam bden rnam brdzun sogs//rnam rtog dra bar tshud par 'gyur/ /de ltar lta ba ma nor na/ /bsgom pa dang ni spyod pa dag /dngos dang mthun pas byang chub thob/ /dkyus bstan pa yi rta bzhin no/ /lta ba dngos dang ma mthun na/ /bsgom dang spyod pa 'khrul 'gyur bas/ / 'bras bu ji bzhin mi 'thob ste/ /dmus long dmigs bu med pa bzhin/ /don dngos rgya mtsho ltar zab pas/ /khron pa'i sbal 'dra bdag gi blos/ /dpyod pas gting rnyed ga la 'gyur/ /nongs gyur mkhas la bzod par gsol/ /'di byas dge ba gang yin pas/ /skal ldan skye bo dam pa yi/