CLOSE WINDOW

D2303
བོད་ཡིག

/[ ]@##/ /rgya gar skad du/ ma hA mu dra u pa de shaM/ bod skad du/ phyag rgya chen po'i man ngag /dpal lhan cig skyes pa la phyag 'tshal lo/ /phyag rgya chen po bstan du med gyur kyang / /dka' ba spyod cing bla ma la gus pa'i/ / sdug bsngal bzod ldan blo ldan nA ro pa/ /skal ldan khyod kyi snying la 'di ltar byos/ /kye ho 'jig rten chos la legs ltos dang / /rtag mi thub ste rmi lam sgyu ma 'dra/ /rmi lam sgyu ma don la yod ma yin/ /des na skyo bskyed 'jig rten bya ba thong / /'khor g.yog chags sdang nye 'brel kun spongs la//gcig pu nags 'dab ri khrod dgon par bsgoms/ /bsgom du med pa'i ngang la gnas par gyis/ /thob med thob na phyag rgya chen po thob/ /'khor ba'i chos 'dis don med chags sdang rgyu/ /byas chos snying po med pas don dam snying po ltos/ /blo yi chos kyis blo 'das don mi mthong //byas pa'i chos kyis byar med don mi rnyed/ /blo 'das byar med don de thob 'dod na/ /rang sems rtsad chod rig pa gcer bur zhog /rtog pa dri ma'i chu de dngas su chug /snang ba dgag sgrub mi bya rang sor zhog /spong len med na phyag rgya chen por grol/ /dper na ljon shing yal ga lo 'dab rgyas//rtsa bcad yal ga lo 'dab khri 'bum skams/ /dper na bskal stong bsags pa'i mun pa yang / /sgron me gcig gis mun pa'i tshogs rnams sel/ /de bzhin rang sems 'od gsal skad cig gis/ /bskal par bsags pa'i sdig sgrib ma lus sel/ /blo dman skye bo don la mi gnas na//rlung gi gnad bzung rig pa gcud la bor/ /lta stangs dang ni sems 'dzin du ma yis/ /rig pa dang la mi gnas bar du gcun/ /dper na nam mkha'i dkyil ni brtag byas na/ /mtha' dang dbus su 'dzin pa 'gag par 'gyur/ /de bzhin sems kyis sems la brtag byas na//rnam rtog tshor 'gag rtog med gnas gyur nas/ /bla med byang chub sems kyi rang bzhin mthong / /dper na sa rlangs sprin ni nam mkhar dengs/ /gar yang song med gar yang gnas pa med/ /de bzhin sems las byung ba'i rtog tshogs kyang / /rang sems mthong bas rtog pa'i dba' rlabs dengs//dper na nam mkha' kha dog dbyibs las 'das/ /dkar nag dag gis gos med 'gyur ba med/ /de bzhin rang sems kha dog dbyibs las 'das/ /dge sdig dkar gnag chos kyis gos mi 'gyur/ /dper na gsal dag nyi ma'i snying po de//bskal pa stong gi mun pas bsgribs mi nus/ /de bzhin rang sems snying po 'od gsal de/ /bskal pa'i 'khor bas bsgribs par mi nus so/ /dper na nam mkha' stong par rab brtags kyang / /nam mkha' la ni 'di 'dra brjod du med/ /de bzhin rang sems 'od gsal brjod gyur kyang //brjod par 'di 'dra grub ces brtag gzhi med/ /dper na nam mkha' gang la gang gis brten/ /de bzhin rang sems phyag chen rten yul med/ /ma bcos gnyug ma'i ngang du glod la zhog /bcings pa glod gyur grol bar the tshom med/ /de ltar sems kyi rang bzhin nam mkha' 'dra//chos rnams ma lus de ru ma 'dus med/ /lus kyi bya ba yo thong rnal mar zhog /ngag gi smra brjod ma mang brag ca 'dra/ /yid la mi sems la bzla'i chos la ltos/ /lus la snying po med pas smyug sdong 'dra/ /sems ni nam mkha'i dkyil ltar bsam yul 'das//de dang btang gzhag med par glod la zhog /sems la gtad so med na phyag chen yin/ /de la goms pas bla med byang chub 'thob/ /dmigs pa'i yul med sems kyi rang bzhin gsal/ /bgrod pa'i lam med sangs rgyas lam sna zin/ /bsgom med goms pas bla med byang chub 'thob//gzung 'dzin kun 'das lta ba'i rgyal po yin/ /yengs pa med na bsgom pa'i rgyal po yin/ /bya brtsal med na spyod pa'i rgyal po yin/ /re dogs med na 'bras bu mngon du 'gyur/ /kun gzhi skye med bag chags sgrib g.yogs bral/ /mnyam rjes mi bya skye med snying por zhog /snang ba rang snang blo yi chos rnams zad/ /mu mtha' yongs grol lta ba'i rgyal po yin/ /mu med gting yangs bsgom pa'i rgyal po mchog /byar med rang gnas spyod pa'i rgyal po mchog /re med rang gnas 'bras bu'i rgyal po mchog /las ni dang po gcong rong chu dang 'dra//bar du chu bo gang+gA dal bus 'bab/ /tha ma chu bran ma bu phrad pa 'dra/ /sngags su smra dang pha rol phyin pa dang / /'dul ba'i sde snod la sogs chos rnams dang / /rang rang gzhung dang grub pa'i mtha' yis kyang / /'od gsal phyag rgya chen po mthong mi 'gyur/ /yid la mi byed zhe 'dod kun dang bral//rang byung rang zhi chu yi dba' rlabs 'dra/ /zhe 'dod byung bas 'od gsal ma mthong bsgribs/ /rtogs pa bsrung sdom dam tshig don las nyams/ /mi gnas mi dmigs don las mi 'da' na/ /dam pa nyams len mun pa'i sgron me yin//zhe 'dod kun bral mtha' la mi gnas na/ /sde snod chos rnams ma lus mthong bar 'gyur/ /don 'dir gzhol na 'khor ba'i btson las thar/ /don 'dis mnyam gzhag ma lus sdig sgrib bsreg /bstan pa'i sgron me zhes su bshad pa yin/ /don 'dir mi mos skye bo blun po rnams//'khor ba'i chu bos rtag tu khyer bar zad/ /ngan song sdug bsngal mi bzod snying re rje/ /sdug bsngal thar 'dod bla ma mkhas pa bsten/ /byin rlabs zhugs pas rang sems grol bar 'gyur/ /las rgya bsten na bde stong ye shes 'char/ /thabs dang shes rab byin rlabs snyoms par zhugs//dal bar dbab cing dkyil 'khor drang pa dang / /gnas su bskyal dang lus la khyab par bya/ /de la zhen med bde stong ye shes 'char/ /tshe ring skra dkar med cing zla ltar rgyas/ /bkrag mdangs gsal zhing stobs kyang seng ge 'dra/