| བོད་ཡིག |
229a1 @##/ /rgya gar skad du/ do ha ko ShA/ bod skad du/ do ha mdzod/ dpal rdo rje sems dpa' la phyag 'tshal lo/ /'jig rten pa ni nga rgyal byed/ /da ni don dam 'jug pa'o zhes/ /gos pa med la zhugs pa ni/ /bye ba'i nang nas gcig tsam srid/ /lung dang rig byed
229a2 rnying pa yis//mkhas pa nga rgyal byed pa dag /dpal 'bras smin pa la ni bung ba bzhin/ /des ni phyi rol dag tu 'khor bar byed/ /byang chub sems dang rdul gyis brgyan/ /mi bskyod pa ni gos 'gyur bas/ /pad+ma'i sa bon rang bzhin la/ /dag pa gnyug ma'i lus la mthong / /
229a3 nam mkha'i chu dang 'od dpag med kyi 'dam/ /des ni rtsa ba rab tu spangs nas byas/ /a wa d+hU tIs rtsa ba sdong po byas/ /haM gi yi ge'i rnam par skyes gyur pa/ /ro ma dang ni brkyang ma gnyis kyis ni/ /g.yas dang g.yon phyogs gnyis kyi sdong bur byas/ /pad+ma 'dab ma bzhi dang rtsa
229a4 ba bzhi//bde ba chen po dag ni tshang na gnas/ /e waM sa bon dag ni blangs nas ni/ /me tog pad+ma bzhin du rgyas par byed/ /bung ba'i gzugs kyis bde chen dpa' bo ni/ /sbrang rtsi dag ni rab tu 'thung bar byed/ /'byung ba chen po lnga yi sa bon ni/ /blangs nas rdzogs pa dag tu
229a5 byed par 'gyur//sra bar 'gyur ba dag ni sa yin no/ /chu ni rlan pa tsha ba me las skyes/ /yang zhing g.yo ba dag ni rlung yin no/ /nam mkha' bde ba dag ni gang ba'o/ /ma lus lha dang lha min de las skyes/ /rmongs pa 'di dag rnams ni stong pa'o/ /sa dang chu dang me rlung nam
229a6 mkha' rnams//blo yi yul du blangs nas shes par gyis/ /dba' rlabs med cing mnyam pa gnyug ma'i lus/ /sgrib pa ma lus spangs pa ste/ /dge dang sdig pa gcig kyang med/ /gsal por nag po dag gis gsum/ /phyi rol 'byung ba dag ni spyad byas nas/ /stong
229a7 dang stong min dag la 'jug par gyis//stong dang stong min gnyis kyi dbus su ni/ /kye ho rmongs pa ci yang ma mthong ngam/ /lhan cig skyes pa gcig pu yod/ /nag po bdag gis yongs su shes/ /lung dang bstan bcos mang po bklags pa dang / /nyan kyang rmongs pa ci yang
229b1 mi shes so//steng du mi rgyu 'og tu mi 'gro zhing / /gnyis pa spangs pas de ni brtan par gnas/ /nag po na re yid ni gang du mi 'pho zer/ /mi g.yo rlung ni khyim bdag mo ni khyim du gnas/ /mchog gi ri bo dag ni phug zab mor/ /'gro ba ma lus pa ni chags par 'gyur/ /
229b2 dri ma med par chu ni skams 'gyur te/ /dus kyi me ni rab tu zhugs gyur pa/ /sa 'dzin 'di ni shin tu bzung dka' ste/ /mnyam dang mi mnyam dag la rgal mi nus/ /nag po na re mtshon dka' rtogs dka' ba/ /'di ni gang gi sems kyis bsam mi nus/ /gang gi yi ni rin
229b3 chen ris nus pa//nyi ma re re lhan cig skyes pa 'phro/ /de yis chos kyi rang bzhin dag ni shes/ /gzhan la bstan du zin kyang mi shes so/ /lam 'gro gnyug ma'i yid ni bcings nus pa/ /khams gsum ma lus spro zhing yang der sdud/ /bde gshegs srid pa'i lha
229b4 mo khro bo'i tshogs//dkyil 'khor 'khor lo dag ni spangs nas su/ /lhan skyes skad cig la ni bdag gnas bya/ /gang gis lhan skyes mi g.yo brtan nus pa/ /gnyug ma'i yid kyis rgyal po ro mnyam 'gyur/ /de yi skad cig la ni 'grub 'gyur te/ /rgas dang 'chi ba'i
229b5 'jigs pa gang yang med//mi g.yo mi rtog skyon rnams med pa ni/ /shar nub spangs pa de ni snying po ste/ /'di ni 'di ru mya ngan 'das par gsungs/ /des ni yid kyis nga rgyal ci yang mi byed do/ /e waM rnam pa gang gis shes gyur pa/ /des ni ma lus lus pa med par
229b6 shes//kye ho chos kyi za ma tog ces de la bya/ /gnyug ma'i bdag po cha lugs de yin no/ /gal te rlung dang nam mkha' sgo gnyis la/ /sgo lcags dam por gang gis 'jug nus na/ /des ni de ru mun pa nag po yis/ /nang du yid kyi mar me dag ni bya/ /rgyal ba rin
229b7 chen lus kyi steng du song //nag po na re srid longs spyad pas thar pa 'grub/ /gang gi yid ni brtan par byas gyur na/ /de ni chos kyi yi ge'i drung na gnas/ /skad cig gis ni rlung gis 'ching bar 'gyur/ /de'i tshe yul rnams la yang re ba med/ /mchog dang dga' bral
230a1 dbus su gang skyes pa//chos kyi yi ge'i dbus su shes par gyis/ /'di lta'i gdams ngag gsal por 'grub 'gyur ni/ /de yi khyim bdag mo rlung mi g.yo bcings/ /mchog gi ri bo'i rtse la rgyas pa'i thang / /ri khrod pa ni de ru gnas byas pas/ /gdong lnga pas kyang rgal
230a2 bar mi nus na//glang po che yi re ba ring du 'gyur/ /'di ni mchog gi ri bor bdag gis bstan/ /'di ni bde ba chen po'i gnas yin no/ /lhan cig skyes pa'i skad cig 'di ru ltos/ /bde ba chen po ma rnyed bar du'o/ /'gro ba kun gyis lus ngag yid 'dren spyod/ /kye ho de nyid bde chen rgyal po gcig tu
230a3 nyid//rgyud dang sngags rnams kyis ni ci zhig bya/ /gnyug ma'i khyim bdag mo ni blangs nas rol par bya/ /gnyug ma'i khyim du khyim bdag mo ni ma chud pa'i/ /bar du de srid 'dod yon lnga la spyod/ /bzlas pa sbyin sreg dkyil 'khor las 'di yis/ /rtag tu ku re rtsed mos ci zhig bya/ /gzhon nu
230a4 ma dang rtag tu mdza' pa de med na//lus 'di yis ni byang chub ji ltar 'grub/ /gang gi rgyun du lhan cig skyes rtogs na/ /rig byed rnying pa de yis ci zhig bya/ /des ni 'gro ba ma lus rnam rtog bcad/ /gang gis yid ni rin chen brtan nus na/ /gnyug ma'i khyim bdag mo ni blangs nas 'dir/ /de
230a5 ni rdo rje sems dpa' mgon po ste//mchog gi don 'di bdag gis rab tu brjod/ /ji ltar lan tshwa chu la zhu ba bzhin/ /de ltar khyim thab mos ni gzung ba'i sems/ /kye ho skad cig gis ni ro mnyam 'gyur/ /gang gis de dang rtag tu mnyam par gnas/ /rnal 'byor gyi dbang phyug chen po slob
dpon nag po rdo rjes mdzad pa'i do ha mdzod ces bya ba rdzogs so/