227b5 / //rgya gar gyi mkhan po phyag na rdo rje dang / bod kyi lo tsA ba rma ban chos 'bar gyis bsgyur ba'o//[ ]@##/ /rgya gar skad du/ sarba sA ra sa muts+tsha ya pra ka ra Na/ bod skad du/ snying po kun las btus pa'i rab tu byed pa/ bla ma dang sangs
227b6 rgyas la phyag 'tshal lo//gang de dga' ba'i rang bzhin gyis/ /snying la bde byed nyams myong ba/ /de yang kun du rtog pa tsam/ /'dod chags bral ba'i dngos po gang / /de ni gcig tu srid rgyu'i mchog /gang zhig yid kyis skyes pa yi/ /rnam par rtog pa gang dag kyang / /de nyid
227b7 rang bzhin yin phyir te//snang zhing rgyu ba 'di dag las/ /mya ngan 'das pa gzhan du ni/ /yod min yul ni ci la yang / /rnam par mi rtog bdag nyid sems/ /rnam rtog spangs pa de bzhin te/ /mya ngan 'das pa zhes brtag go/ /gnyis med mya ngan 'das pa min/ /'khor
228a1 ba'ang ma yin pa kho na//so sor 'gegs tshig gang yin dang / /so sor 'gag byar 'gegs pa yi/ /gsum gyi dngos po'ang med pas na/ /gang gis gang zhig ji ltar 'grub/ /yul ni dngos med gnyis yin no/ /so sor 'gegs pa'i bye brag ci/ /
228a2 nam mkha'i me tog la sogs pas/ /cir yang mthong zhing rgyas pa bzhin/ /skye ba med pa'i rang bzhin gyis/ /bden pa'i dngos po sbyin snang ba/ /rnam rtog stobs las bsal ba la/ /bus pa'i 'bras bu ngo mtshar che/ /ji ltar bus pa bkres pa dag /sor mo rang gi khar
228a3 bcug nas//nu zho 'bab pa lta bu ni/ /mchil ma 'thungs pas ngu ba med/ /de lta bas na 'bras rmongs pas/ /mya ngan 'das la sogs par byed/ /bde ba thob par 'dod pa yi/ /so so'i skye bo de nyid dman/ /'gro rnams de ltar sdug bsngal bas/ /thob par gyur pa
228a4 mi mnyam ste//drud pa las byung me yis ni/ /'od ma tshig gyur ji bzhin no/ /chags dang chags bral zhes bya ba/ /rnam par spangs nas mnyam gzhag na/ /sdug bsngal med cing bde ba med/ /de nyid mthong bar som nyi med/ /snying po kun las btus pa'i rab tu byed pa/ slob
dpon chen po shrI A nan+da badzra'i zhal snga nas mdzad pa rdzogs so/