153a1 /shes rab snying brtser bcas pa yi/ /de gzhom pa la 'bad par gyis/ /slob dpon chen po nA ro pa'i rdo rje'i glu rdzogs so//[ ]@##/ /rgya gar skad du/ badzra gI ti/ bod skad du/ rdo rje'i glu/ bcom ldan 'das 'jam pa'i
153a2 rdo rje la phyag 'tshal lo//rnam rtog sbrul gdug g.yo can gyis/ /zin par gyur to rang gi sems/ /ji lta ji ltar rnam rtog pa/ /de lta de ltar rnam par bcings/ /don med sdug bsngal mang po myong / /'khrul pa'i rjes su 'brangs pa yis/ /'khrul pa spangs par mi
153a3 'gyur te//dpa' bo snying rjer ldan pa yis/ /de bzhin nyid la goms par gyis/ /ji lta ji ltar rnam dpyad na/ /de lta de ltar rnam par 'bral/ /shes rab sbrul gdug mgo mang gis/ /bdag nyid la ni za bar byed/ /shes rab sbrul gdug mgo mang ni/ /ting 'dzin 'o mas rtag tu
gsos/