CLOSE WINDOW

D2285
བོད་ཡིག

/[ ]@##/ /rgya gar skad du/ a mr-i ta sid+d+hi mU la nA ma/ bod skad du/ bdud rtsi grub pa'i rtsa ba zhes bya ba/ dpal he ru ka la phyag 'tshal lo/ /spyan gsum rab ldan dbu bcad sku mdog dmar/ / 'chi ba'i 'jigs sel rnal 'byor pho mo yi/ /phyag rgya 'dzin cing biR+Wa ting 'dzin gyis/ /skyob mdzad phyag rgya'i zhabs la bdag 'dud do/ /phyag rgya chen po rnams bshad bya/ /mi ni gang gis thos pa la/ /lha rnams kun gyis bkur sti mdzad//skye ba bye ba stong dag tu/ /legs las rgya chen rnams byas pas/ /de thob 'khor ba'i rgya mtsho la/ /pha rol tu ni rnal 'byor 'gro/ /g.yon pa'i rting pas bshang lam dgag /g.yas pa cung zad brkyang byas la/ /mtheb chen bol gong lag pas gzung //snying ga lkog mas mnan pa ni/ /sgo dgu dgag pa'i sbyor ba'o/ /de yi rtsa gsum dag la ni/ /rim pa bzhin du bsnun par bya/ /'di ni las kyi phyag rgya'o/ /rkang pa gcig pa sems bsdu zhing / /rlung rnams gcig tu bsdus bya ste/ / rlung gis bsdam pa brtsam par bya/ /nyi zla gnyis ni gcig par bya/ /de ltar byas na rlung ni 'gag /'di ni dam tshig phyag rgya'o/ /bshang lam 'khor lo gyen du bzlog /thig le sgra bcas gyen du bslang / /rtsa rnams thams cad rab tu g.yo/ /mchog gi rtsa ni gyen du 'ong //lus ngag yid gsum sbyor ba yis/ /sku gsung thugs ni bsgrub par bya/ /goms pa brtan par gyur pa yis/ /rang gi me ni gsal ba'o/ /phyag rgya 'di yis thams cad du/ /rnal 'byor pa ni nges par 'gro/ /'di ni kha sbyor sbyor ba ste//rtsa ba'i gdams par 'dod pa'o/ /'di ni rlung gi sbyor ba yin/ /mkhas pa rnams kyis 'di bsgrub po/ /phyag rgya gnyis su shes par bya/ /ji bzhin bsdam pa'i cho ga shes/ /dzo ni lha mo'i phyag rgya yin/ /ling+ga'i phyag rgya lha yin no/ /pho dang mo yi sbyor ba las//phyi rol du ni skyes pa 'byung / /ji bzhin sbyor ba 'di gnyis kyis/ /skye ba nang du gsang bar bya/ /rtsa ni bud med gzugs can te/ /skyes pa med na 'bras bu med/ /phyag rgya che dang bsdams pa che/ /dbye ba med na 'bras bu med/ /rlung ni 'khor lo gcig tu bsdu//ji srid bsdams pa bzhin du bya/ /rnal 'byor ba yis bshig par bya/ /rang gi rlung sems bshig par bya/ /sbyor ba'i rim pas bshig par bya/ /rlung ni stobs dang ldan byas la/ /dbu ma'i sgo ru gzhug bya ste/ /'khor lo bzhi po rlung gis dbug /lag gnyis ling+ga'i phyag rgya bca'/ /de ni sa la gzhag nas su/ /rkang pa'i rtse mo sa la gzugs/ /brla ni brdab par bya ba yis/ /rlung gis rlung ni bshig par bya/ /rlung gis rlung la bteg par bya/ /rlung gis rlung ni gsad par bya/ /rlung gis yongs la khyab pa yis//rlung gis dngos grub thams cad sbyin/ /rlung gis 'chi ba med par 'gyur/ /des ni bdud rtsi grub par ni/ /bi R+Wa nga yis yang dag bshad/ /legs par bsdams pa lus kyi las/ /rdo rje rlung rtse bye ba yis/ /lhun po yi ni bar dag tu/ / dgug pa'i sbyor ba 'di yis ni/ /tshangs sogs mdud pa bshig par bya/ /lhun po'i steng du lha rnams 'gro/ /lhun po dag ni g.yo 'gyur te/ /des ni thams cad brgyal bar 'gyur/ /tshangs pa la sogs lha rnams bsad/ /dang po yi ni sbyor ba yis/ /tshangs pa'i mdud pa bshig par bya//de nas dbang phyug mdud pa bshig /de bshig nas ni biSh+Nu bshig /de nas gti mug la sogs spangs/ /gtsug tor sgo ni sbas pa la/ /rlung gis sgo ni rnam par dbye/ /de ni 'bigs pa chen po'o/ /bsdam pa che dang 'bigs pa che//phyag rgya che ni gsum pa yin/ /'di ni gsang dbang gsum yin no/ /'di dag gis na sbyor grub grags/ /de nyid gsum ni gang rig pas/ /de ni 'jig rten gsum rig go/ /gang gis 'di la goms byas na/ /thams cad kyi ni mnga' bdag 'gyur/ / gsang ba lha yi lha rnams dang / /mi yi bdag po'i bdag por 'gyur/ /dbang bskur kun la dbang ba yin/ /thams cad ma lus lhag par 'gyur/ /des na lha rnams kun gyi dbang / /chos kyi phyag rgyar 'dod pa'o/ /phyag rgya che la goms par bya/ /phyag rgya 'di las thams cad 'byung //grub pa chen po 'byung ba yin/ /phyag rgya chen po gang yin pa/ /rnam gnyis de ni dam pa dang / /'chi ba las ni grol ba dang / /lus sems dag la bde ba 'byung / /sems la gnas pa tsam gyis kyang / /mngal du skye bar mi 'gyur ro//dang po'i ming ni yi ge yin/ /sbyor ba ldan pa bshad par bya/ /dad dang ldan pa'i sbyor ba yin/ /rnal 'byor pa ni nges par ni/ /phyag rgya chen po 'grub pa yin/ /phyag rgya chen po bshad par bya/ /rkang pa lag pa bsdam bya ste/ /rlung ni lan gsum 'thungs byas la//rtsa rnams thams cad 'then par bya/ /langs pas rtsa rnams gyen du phyogs/ /nad rnams thams cad bcom nas ni/ /phyag rgya chen po'i don yang rdzogs/ /ji ltar nam mkha' bar snang la/ /sprin tshogs 'bar ba 'khrigs pa de//rlung gi shugs kyis gtor ba ltar/ /de ltar lus 'di dag la ni/ /nad kyis yongs su bsgos gyur kyang / /thabs kyi rlung gis gzhom par bya/ /'di ni phyag rgya chen po'o/ /dz+ha ye d+ha yi karma yi/ /lag pas 'byung ba lnga dag kyang / /las kyi bya bas mnye bya zhing //bsdams pa chen pos gnas pa yi/ /stobs kyi 'khor lo 'di yis ni/ /steng du lha yi 'jig rten skrag /lag pa brkyang bskum 'di yis ni/ /phyogs bzhi dag kyang g.yo bar byed/ /rkang pa 'og tu brkyang pa yis/ /klu rnams thams cad skrag par byed/ / dbang po ngal zhing dub ba'i tshe/ /rtse gcig sems kyi ngang la gzhag /bsdam pa'i sbyor ba bshad par bya/ /rlung gis lus ni 'dzin par 'gyur/ /bsdam pa gnyis ni shes bya ste/ /ji ltar thig le gnas pa dang / /dzo ni b+ha d+ha'i lha mo yin/ /mgrin pa bsdams pa lha yin no//dgang ba can dang bum pa can/ /phyag rgya gzung ba rnam par bya/ /lha dang lha min kun la gsang / /rnal 'byor bsdam par bya ba yis/ /dbu ma'i sgo ru gtad par bya/ /lam gsum rnam par bkag byas la/ /rlung ni nang du gzung bar bya/ /srog ni rlung yang rlan par bya//de ltar byas pas 'og tu 'bab/ /skad cig nyid la bsdam par bya/ /steng 'og rlung gi sbyor ba yis/ /mnyam pa'i rlung dang bsreg par bya/ /des ni gyen du bskyod par bya/ /bshang lam bsdams pa dang ldan pas/ /rlung ni rnam par bskum pa dang //gyen du blang ba byas pa yin/ /'khrul 'khor dang ni rlung sbyor gyis/ /dgram dang rab tu bsdam par bya/ /zung 'jug lam gsum bsgom par bya/ /'di ltar mi yi lus la ni/ /grub pa'i lam ni rab gsal ba/ /nyams myong skye zhing lus rgyas 'gyur//rgas par yang ni mi 'gyur ro/ /rtsa rnams rgyun gyis 'bab pa dang / /rtag par 'og tu 'gro ba de/ /bsdams pa chen po 'di yis ni/ /rnam par ldog par 'gyur ba yin/ /gshis ni thur du 'gro ba yin/ /yur ba'i nang du chu 'bab pa//de ni bsdams pas ldog par 'gyur/ /de bzhin nang gi lus la yang / /lus kyi phyi rol 'gro ba de/ /rnal 'byor rtag tu shes par bya/ /lus kyi rtsa ni ma lus pa/ /'dis ni bsdams par rab tu grags/ /bsdams pa 'di yi mthu yis ni/ / lha rnams kun kyang gsal bar 'gyur/ /de ltar phyag rgya bzhi yis ni/ /lam gsum rnam par bkag pa'o/ /lam gcig pa ni gsal ba'o/ /grub pa lha yi lam du 'gro/ /skye dang 'chi ba'i lam gnyis po/ /'og ni lam du bshad pa yin/ / bsod nams dang ni sdig rgyu yi/ /de phyir skyon gnyis rnam par spangs/ /rlung gi de nyid bum pa can/ /de ni rab tu mnyam par bya/ /steng gi lam du rnam byas la/ /rlung dang lhan cig sbyor ba yis/ /bsdams pas chu rgyun 'gag pa ltar/ /'gro ba thams cad rnam par 'gog /des na de yi bka' drin gyis/ /dzo ni gdams pa zhes grags so/ /grub pa'i lam dang yang dag ldan/ /mi ni 'gyur te gzhan du min/ /phyag rgya 'di ni shes pa yis/ /dregs pa yod kyang don dang ldan/ /des na thams cad shes pa yin/ /