126a6 /[ ]###/ /rgya gar skad du/ /tata twa u pa de sha shi kha ra do ha gI ha nA ma/ bod skad du/ de kho na nyid kyi man ngag rtse mo do ha'i glu zhes bya ba/ 'phags pa 'jam dpal la phyag 'tshal lo/ /ma g.yos sku gsung thugs kyi rang
126a7 bzhin la//rdo rje rtse mo cig car glu blangs don/ /gang tshe lhan cig skyes pa dag /go ba dgu yis rtogs par bya/ /rgyu mtshan gzhal bya la sogs med/ /dngos po rnams kyi kho na nyid/ /dgag dang sgrub pa med pa ste/ /dbye ba la sogs med par
126b1 bshad//mi mthun phyogs rnams gnyen po med/ /'chal pa'i tshul khrims ser sna dang / /le lo khong khro rnam par g.yeng / /ma rig spang bya la sogs dang / /spong byed pha rol phyin pa med/ /dngos kun med par bshad pa ste/ /rtog med snyam sems kun
126b2 dang bral//'khor ba las gzhan phyag rgya che/ /gcig kyang phog par ma bshad gang / /de nyid rdzogs pa'i sangs rgyas lam/ /'dod yon la sogs ma smad pas/ /'bras bu re ba med pa ste/ /sku gsum lam gyi ngo bo gang / /ci phyir zhe na mi rtog ste/ /
126b3 kho na nyid ni ji ltar rtogs/ /gzhan la mi re gang gis phar/ /rin chen gter dang rgyal po'i dkor/ /phal pa yi ni bang mdzod bzhin/ /mchog tu gces pa rang la gnas/ /sems las ma gtogs phyi rol don/ /gcig kyang yod par ma bshad de/ /
126b4 sems nyid kun du 'od gsal ba'o/ /de bas sems las gzhan pa'i chos/ /yang dag par ni brtags na med/ /dngos kun zung 'jug rang bzhin la/ /skye ba'i rang bzhin yod ma yin/ /ngo bo ma skyes stong pa gang / /gzhan na yod pa ma yin te/ /
126b5 gnyis dang yod med tha snyad bral/ /gcig dang du ma la sogs kyis/ /brtags na med pa ma yin te/ /yod pa ma yin med ma yin/ /rigs pas 'grub pa ma yin no/ /dngos por snang ba'i chos rnams kun/ /ngo bo nyid las ma 'das te/ /rgya mtsho
126b6 gzugs brnyan me long bzhin//dran med dbyings nas kun 'byung bas/ /rang bzhin nyid du dus der rig /gnyis med gnyis su med min pas/ /ma 'das dbyer med ro gcig la/ /gcig tu gzhag par bya ba'ang med/ /dngas ma de nyid ma bslad pa'i/ /
126b7 kho na nyid kyis gar ma g.yos/ /kho na nyid kyi shes pa la/ /'dzin pa med de ngo bo bral/ /cir yang mi 'dzin chos kyi sku/ /ngo bo nyid la dbye ba med/ /'dzin pa'i cha nas brtags pa gang / /skye med dbyings kyi rang bzhin la/ /zung du 'jug pas tha mi dad/ /
127a1 sgro skur bral bas gnyug mar bshad/ /gzhal yas khang dang mtshan dpe dang / /sna tshogs sprul sku gang ston pa/ /gdul bya lam la zhugs pa'i stobs/ /mda' bsnun dag gis gang smras pa/ /'di la dmigs su rdul tsam med/ /
127a2 phyin ci log gi skye bo la/ /nyon mongs yul gyi dug 'gyur te/ /ji ltar snang ba'i rim pa yis/ /dbyer med tshul du gnas pa ste/ /'od gsal ba nyid rnam par bshad/ /rang bzhin med pa'i ngo bo bral/ /tha dad ma yin gnyis su med/ /khams
127a3 gsum blo 'das ye shes la//'di zhes bya ba'i ming ngam brda/ /mda' bsnun dag gis gzung du med/ /dbyer med ro gcig ma rtogs na/ /gnyis su snang ba'i chos rnams kyis/ /gal te bskal par rnyed mi 'gyur/ /mchog gi go 'phang mi
127a4 'thob ste//kho na nyid kyi rang bzhin la/ /dgag dang sgrub pa ngang gis bral/ /gnyis med dang las ma g.yos pas/ /gang 'dir yid kyi ye shes ni/ /gcig kyang bral ba ma yin no/ /lhan cig skyes gang bde ba'i ro/ /rgyun mi 'chad pa'i bdag nyid de/ /
127a5 chu bo'i rgyun dang nam mkha' bzhin/ /mi 'gyur dus rnams kun du gnas/ /rtog pa'i rjes 'brangs mtshan ma'i blos/ /nam yang shes pa ma yin no/ /bsam med yul la brtag tu med/ /yul med bsgom par ga las 'gyur/ /bsgom med
127a6 nyid kyang yod ma yin//dpe yi don la gang dris pa/ /sangs rgyas kun gyi thugs la'ang mnyam/ /bro gar glu dang rol mo yis/ /phyogs rnams kun du sgra sgrogs shing / /rnal 'byor mas ni g.yon nas bskor/ /dmigs gtad bral ba'i rang bzhin
127a7 gyis//'bad pa med par kun du spyad/ /gnyis su snang ba'i rtog pa thams cad bcom gyur nas/ /brjod med rnam med 'bras bu thob 'gyur shog/ /rnal 'byor gyi dbang phyug chen po dpal sa ra ha'i zhal nas gsungs pa/ phyag rgya chen po de kho na nyid
rtse mo do ha'i glu zhes bya ba rdzogs so/