CLOSE WINDOW

D2271
བོད་ཡིག

/gang zhig dad pa'i sems ldan brgya lam na/ /rnal 'byor rnams kyis gzhung 'di rtogs par shog /gsung gi mdzod 'jam dbyangs rdo rje'i glu sa ra has gsungs pa rdzogs so//[ ]@##/ /rgya gar skad du/ tsit+ta ko Sha a badzra gI ti/bod skad du/ thugs kyi mdzod skye med rdo rje'i glu/ 'jam dpal gzhon nur gyur ba la phyag 'tshal lo/ /skye bo lhan cig skyes pa'i ye shes ni/ /rang gi nyams su myong ba de kho na/ /rig dang ma rig rang rig gsal ba de kho na/ /mar me mun gsal rang gi rang gsal rang la sad//'dam gyi pad+ma 'dam la ma zhen kha dog legs/ /gzung 'dzin dri ma ma spangs snying po gsal/ /nags khrod gnas pa'i ri dgas gcig pur rgyu/ /rgyu la ma zhen 'bras bu de kho na/ /snang dang mi snang yul med zhen med gsal/ / dngos stong ma dran dran med brjed pa med/ /lhan cig skyes pa rnam gsum nyams su bde/ /zhen pa med phyir rtog ge'i yul las 'das/ /sna tshogs dran phyir rjes su 'brang ba med/ /gsal dang mi mnyam ye shes snying po nyid/ /mun sel nyi ma sgron me'i kha dog ltar//rang rig rang la 'bar na 'dzin rtog zad/ /sgrib pa zad phyir dran med yengs pa med/ /gnyis dang yod med tha snyad ma skyed cig /phyag rgya chen po bsam med blo las 'das/ /rang rig rdo rje 'dzin pa rnal 'byor pa/ /'da' dka' lhan cig skyes pa'i mar me ni//thabs dang shes rab zung du 'jug pa'i don/ /skye med stong pa 'od gsal ris dang bral/ /khyad par can gyi ye shes kho na nyid/ /gnyis la mi ltos bde ba rgyun mi 'chad/ /rang 'byung rtog med bag chags rtsad nas gcod/ /sems can sangs rgyas khyad par bsam yas kyang //spyod lam dag na rgyun gyi rnal 'byor che/ /dran pa'i rang bzhin bsam gyis mi khyab kyang / /gdod nas dag pas dran med dbyings la thim/ /rang don skye med gnyis bral rtogs pa'i don/ /'bras bu dag pas blo 'das yul med bral//rtogs pa'i thabs rgyun rang bzhin kun la khyab/ /thabs kyi 'gro don snying rje bsam yas kyang / /ye shes rang bzhin skye 'gag med par rtogs/ /thabs kyi bde ba skyes kyang de med ma zin 'ching / /grol ba'i ye shes rang la lhan cig 'byung / /bsgom bya sgom byed dmigs pa'i blo las 'das//sangs rgyas sems can bsam gyis mi khyab pa/ /skye med rtogs pa'i yul na blor mi snang / /de nyid sad pas bde ba stong pas mtshon/ /bsgom bya'i ngo bo snang ba'i rkyen las byung / /mi rtog rtogs pas kun rdzob tha snyad 'grub/ / gnyis su med pa'i snang ba rkyen med la/ /rang bzhin dag pa skye ba'i rnam 'phrul shar/ /bral dang ma bral mi rtog blo las 'das/ /gnyis med rtogs byar skye med yul du 'gyur/ /stong par smra bas de nyid rtogs mi 'gyur/ /blo las 'das pas mno bsam yul ma yin/ / mtha' gsum rtag 'dod dag gis rnyed par dga'/ /dga' bzhi dag la dmigs kyang de nyid dka'/ /tshogs drug rang chas ye shes mchog ldan pas/ /gnyis med bcud kyi snang ba rang la 'chad/ /kye ho phyag rgya chen po rtogs bral kun gyi gzhi/ /dngos grub 'byung bas ngo mtshar rmad du che//gnyis med bag chags sad nas rang rig bral/ /gzung 'dzin bral ba'i phyag rgya chen po ni/ /mtshan nyid bstan pas nyan thos la sogs skrag /rtse gcig bltas na yon tan mthar thug ldan/ /rtse gcig byas kyang cung zad bsgom du med/ / rnam rtog rang 'bar dran med gsos su zhi/ /dran med snang med me long gzugs brnyan 'dra/ /tha snyad bral bas skye med blo 'das lam/ /mtshan ma'i dran pa dri med bag chags bstan/ /thog mtha' bral zhing snga phyi'i dus mi dmigs/ /kye ho de phyir dngos med ye shes rtogs pa'i lam//ji ltar bag chags bral ba'i tshul zhe na/ /gnyis su ma gzung gdod mtha' bral bas zhi/ /bag chags bral bas phyogs med rgyu ba stong / /zung du 'jug pa sangs rgyas ngo bo nyid/ /shes rab rnam gsum yul dang thabs su gsungs/ /dpe dang bral bas mtshon pa'i yul las 'das//skye ba 'di la dam pa'i snying po min/ /thabs kyi sbyor bas tshogs drug rang sar zhi/ /phung po lnga sogs yon tan dag pa'i zhing / /kun mkhyen gnyis med snang yul zhen dang bral/ /don dam smra med kun rdzob rtog ge tsam/ / mya ngan 'das lam 'khor ba'i snang ba nyid/ /bla ma dam pa'i dgongs pa thug phrad du/ /rnyed nas 'khor ba'i lam las grol bar 'gyur/ /rnal 'byor dgongs pa'i nyams rnyed rdzogs sangs rgyas/ /ma nor lam du lhan cig kho na yin/ /kye ho gnyis med don du gsang sngags brda yis bkrol//yon tan mi zad rgya mtsho nor bu mtshungs/ /thabs mchog zin na bcu bzhi'i sa la gnas/ /gang du gnas kyang ye shes rang las rnyed/ /gter rnyed bdag gzhan gnyis ka'i don la rmongs/ /snying gi ga'u pad+ma'i me tog dkyil/ / thabs dang ldan pa sbyor ba de nas 'gyed/ /'khor lo'i phyogs kyi rtsa gnas gang du yang / /'dod dang bral bas chags med nam mkha' la/ /gyen thur 'dren dang 'khor lo bskor ba yang / /thabs kyi 'dren tshul don gyi gting mi rnyed/ /gzung dang 'phang dang sbyar dang spar ba yang //blun po dbugs mi bde dang khyad med mtshungs/ /rtogs par 'dod pas de nyid rtag tu blta/ /gus dang dang bas bla ma dkon mchog brten/ /gsang ba'i yon tan bla ma mchog las 'byung / /don ldan mtshan nyid nyon mongs g.yul las rgyal//gsang ba'i don nyid don dang rab ldan pa'i/ /bla ma slob dpon lung dang rab ldan nas/ /mi gnyis sgo nas 'gro ba grol 'gyur shog /thugs kyi mdzod skye med rdo rje'i glu snying po gsang ba'i don/ dpal sa ra ha pa'i zhal nas gsungs pa rdzogs so//