CLOSE WINDOW

D2263
བོད་ཡིག

/ji ltar nang bzhin phyi rol te/ /gnyis su med pa'i rnal 'byor 'dis/ /sgrub pa ru ni rigs pa yin/ /slob dpon chen po ke ra li pas mdzad pa de kho na nyid grub pa rdzogs so//[ ]@##/ /rgya gar skad du/ do ha ko Sha nA ma tsar+ya gI ti/ bod skad du/ do ha mdzod ces bya ba spyod pa'i glu/ 'phags pa 'jam dpal la phyag 'tshal lo/ /bdud kyi stobs rab tu 'joms pa la phyag 'tshal lo/ /ji ltar rlung gis brgyab pas mi g.yo ba'i/ /chu la g.yo bas rba rlabs rnams su 'gyur/ /de ltar rgyal pos mda' bsnun snang ba yang //gcig nyid na yang rnam pa sna tshogs byed/ /ji ltar rmongs pas bzlog nas bltas pa yis/ /mar me gcig nyid gnyis su snang ba ltar/ /de la blta bya lta byed gnyis med la/ /kye ma blo ni gnyis kyi dngos por snang //khyim du mar me mang po sbar gyur kyang / /mig med pa la mun par gnas pa ltar/ /lhan cig skyes pas thams cad khyab byas kyang / /nye yang rmongs pa dag la shin du ring / /chu bo sna tshogs pa yang rgya mtsho gcig nyid dang / /brdzun pa du ma dag kyang bden pa gcig gis 'joms//nyi ma gcig dang snang bar gyur pa yis/ /mun pa du ma dag kyang 'joms par byed/ /ji ltar chu 'dzin gyis ni rgya mtsho las/ /chu blangs nas ni sa gzhi gang byas kyang / /de ni ma nyams nam mkha' dag dang mnyam/ /'phel ba med cing 'grib pa dag kyang med//rgyal ba'i phun sum tshogs pas yongs gang ba'i/ /lhan cig skyes pa gcig gi rang bzhin nyid/ /de las 'gro ba skye zhing 'gag pa ste/ /de la dngos dang dngos po med pa'ang med/ /dam pa'i bde ba spangs nas gzhan du 'gro/ /rkyen las skyes pa'i bde la re bar byed//rang gi khar bcug sbrang rtsi nye ba ni/ /'thung bar mi byed shin du ring bar 'gyur/ /byol song dag gis sdug bsngal mi byed la/ /mkhas pa dag gis de la sdug bsngal byed/ /cig shos nam mkha'i bdud rtsi 'thung bar byed/ / gzhan ni yul rnams dag la'ang rnam par chags/ /bshang ba'i srin bu dri la chags pa ni/ /tsan+dan dag la dri ngan dag tu sems/ /ji ltar mya ngan 'das pa spangs nas ni/ /srid pa'i 'byung gnas mthug pos chags par byed/ /ba lang rkang rjes chu yis gang byas kyang //ji ltar de yang skam par 'gyur ba bzhin/ /phun tshogs ma yin phun tshogs brtan pa'i sems/ /yang na phun sum tshogs pa skam par 'gyur/ /ji ltar rgya mtsho ba tsha can gyi chu/ /chu 'dzin kha yis blangs pas dngar bar 'gyur/ /brtan pa'i sems kyis gzhan gyi don byed pa//yul gyi dug kyang bdud rtsir 'gyur ba yin/ /brjod du med na sdug bsngal ma yin te/ /bsgom du med na de nyid bde ba yin/ /ji ltar 'brug gi sgra yis sngangs na yang / /char pa bab pas lo tog smin par byed/ /dang po tha ma de bzhin gzhan na med//thog ma tha ma bar du gnas pa med/ /kun du rtog pas rmongs pa'i yid can la/ /stong pa dang ni snying rje brjod pas so/ /ji ltar me tog nang gnas sbrang rtsi ni/ /bung ba nyid kyis shes par 'gyur ba yin/ /srid dang mya ngan 'das pa mi 'dor ro/ / rmongs pa dag gis ji ltar yongs su shes/ /ji ltar me long ngos kyi bzhin gyi gzugs/ /rmongs pa mi shes pa yis bltas pa ltar/ /de ltar bden pa spangs pa'i sems 'di ni/ /mi bden pa la mang du brten par byed/ /me tog dri ni gzugs su med na yang / / mngon sum kun du khyab par byed pa ltar/ /de bzhin gzugs su med pa'i rang bzhin gyis/ /dkyil 'khor 'khor lo dag kyang shes par gyis/ /rlung gis chu la zhugs shing dkrugs pa yis/ /'jam pa'i chu yang rdo yi gzugs ltar 'gro/ /rtog pas dkrugs pas rmongs pa gzugs med pa//shin du sra zhing mkhregs pa nyid du 'gyur/ /sems gang dri ma med pa'i rang bzhin la/ /srid dang myang 'das 'dam gyis ma gos so/ /'dam du bcug na mchog gi rin po che/ /de yi 'od kyang gsal ba ma yin no/ / gti mug gsal bas ye shes mi gsal te/ /gti mug gsal bas sdug bsngal gsal ba yin/ /ji ltar sa bon las ni myu gu 'byung / /myu gu'i rgyu las yal ga 'byung ba'o/ /gcig dang du ma sems la dpyad pa yis/ /gsal ba spangs nas srid pa dag tu 'gro//mthong bzhin du ni dong du 'gro ba la/ /de las snying rje ba ni ci zhig yod/ /kha sbyor bde la yongs su chags nas su/ /'di nyid don dam yin zhes rmongs pa smra/ /gang zhig khyim nas byung nas sgo drung du/ /kA ma rU pa'i gtam ni 'dri bar byed/ /rlung gi rgyu las stong pa'i khyim du ni//rnam pa du ma'i tshul gyis bcos ma bas/ /nam mkha' las bab nyes pa dang bcas pa'i/ /gdung bas brgyal bar gyur pa'i rnal 'byor pa/ /ji ltar bram ze mar dang 'bras kyis ni/ /'bar ba'i me la sbyin sreg byed pa ni//nam mkha'i bcud kyi rdzas kyis bskyed pa ste/ /'di de nyid du zhen par shes pa nyid/ /kha cig tshangs pa'i gnas su 'od spar nas/ /lce yis kun du ru yis lce chung bskyod/ /'ching bar byed pa shin du dkrugs byas te/ /nga rgyal dbang gis rnal 'byor pa zhes zer//rang rig de nyid rig pas gzhan la ston/ /gang gis bcings pa de nyid grol zhes zer/ /kha dog dbye bas 'ching bu margad zer/ /rmongs pas rin cher brtag pa ma shes pas/ /de ni ra gan gser gyi blo yis len/ /nyams myong khyer nas don dam sgrub par byed/ / rmi lam bde la rjes su chags par byed/ /phung po mi rtag bde ba rtag ces zer/ /e baM yi ger rang gis go bar byed/ /skad cig dbye bas phyag rgya bzhi bkod cing / /nyams su myong bas lhan cig skyes pa zer/ /gzugs brnyan zhes pa me long lta ba bzhin/ /ji ltar ma rtogs smig rgyu'i chu la ni//'khrul pa'i dbang gis ri dgas rgyug par byed/ /rmongs pa skom pa mi ngoms 'ching bar 'gyur/ /gang zhig don dam zer zhing bde ba len/ /kun rdzob bden pa dran pa med pa ste/ /sems dang sems ni med par gyur pa'o/ /de nyid yongs su gyur pa mchog gi mchog /mchog gi dam pa grogs dag shes par gyis/ /sems ni dran med ting nge 'dzin du sbyor/ /nyon mongs yongs su dag pa'ang de nyid do/ /ji ltar 'dam skyes 'dam gyis mi tshugs bzhin/ /srid 'byung nyes pas rgyal chos mi gos so/ / de yang thams cad sgyu mar nges par blta bya ste/ /'jig rten 'das pa skad cig len dang btang snyoms byed/ /brtan pa'i blo can de dag gti mug 'ching bar 'gyur/ /rang byung bsam gyis mi khyab rang bzhin gnas pa yin/ /snang 'di gsal bar dang po nyid nas ma skyes te//gzugs can ma yin gzugs kyi rang bzhin rnam par spangs/ /de nyid rgyun du gnas shing bsam gtan gcig pu byed/ /yid la mi byed dri med bsam gtan sems ma yin/ /blo dang sems dang sems kyi snang ba de bdag nyid/ /'jig rten gang dag gzhan du snang ba de bdag nyid//sna tshogs ma lus mthong bya mthong byed de bdag nyid/ /chags sdang gti mug byang chub sems kyang de bdag nyid/ /gti mug mun par sgron me spar/ /ji srid blo yi dbye bas phye/ /de srid sems kyi dri ma spangs/ /ma zhen rang bzhin gang zhig bsam/ /dgag pa med cing sgrub pa med//'dzin pa med de bsam mi khyab/ /blo yi dbye bas rmongs rnams 'ching / /dbyer med lhan cig skyes rnam dag /gcig dang du mas rnam brtags gcig nyid min/ /shes pa tsam gyis 'gro ba rnam par grol/ /gsal ba gang zhig shes pa bsgom pa bstan//mi g.yo'i sems ni bdag nyid de ru gzung / /dga' ba rgyas pa'i yul thob pa/ /mthong ba'i sems ni rnam par rgyas/ /yul la bros kyang tha dad med/ /dga' ba bde ba'i myu gu dang / /mchog gi 'dab ma skyed pa ste/ /ji srid phyogs bcur mi 'phro ba//spros med bde ba'i 'bras bu nyid/ /gang gis gang du gang la de dag med/ /de yis de ru de la dgos pa byas/ /rjes su chags pa dang ni ma chags pa'i/ /gzugs nyid dag ni stong pa nyid yin no/ /srid pa'i 'dam zhen phag lta bu/ /dri med sems gyur skyon ci yod/