25a1 bod kyi lo tsA ba dge slong pradz+nyA kI rtis legs par mnyan nas bsgyur ba'o/ /[ ]@##/ /rgya gar skad du/ shrI tat+t+wa sid+d+hi/ bod skad du/ dpal de kho na nyid grub pa/ dpal rdo rje sems dpa'
25a2 la phyag 'tshal lo//sangs rgyas byang chub rdo rje ni/ /tshe 'dis 'grub kyi gzhan du min/ /lus dang ngag yid legs gnas pas/ /med par 'grub par mi 'gyur ro/ /'dod pa'i longs spyod rgyun mi 'chad/ /med na de yang 'grub mi 'gyur/ /de yang ji ltar 'dod
25a3 pa bsten//gnyis med ye shes dag pa las/ /de ltar min na log par ltung / /de nas sdug bsngal brgyud par 'byung / /de phyir sngags kyis byin brlabs pa'i/ /mkhas pas dag par sngon 'gro spyad/ /ji ltar chu yi thigs pa ni/ /rgya mtshor babs nas
25a4 lan tshwar 'gyur//lan tshwa 'o ma'i mtshor zhugs nas/ /de nyid slar yang bdud rtsir 'gyur/ /ji ltar dug sbrul de nyid shes/ /nus pa 'phrog par byed nus med/ /de nyid rgyud gzhan dag la ni/ /lnga po'i gnas skabs las mi 'da'/ /gzhan yang 'dod pa zil
25a5 non na//'dod pa nyid ni sman yin no/ /ji ltar dug gis gdungs pa la/ /dug nyid sman du che ba yin/ /ji ltar me yis tshig la me/ /tsher mas zug la tsher ma nyid/ /de bzhin nyon mongs kyis nyen na/ /nyon mongs nyid ni bdud rtsir che/ /dper na dug gi de
25a6 nyid shes//dug zos kyang ni gnod mi 'gyur/ /de bzhin yul gyi de nyid shes/ /'dod pa spyod pas gnod pa med/ /ji ltar 'dam gyi pad+ma ni/ /'dam la gnas kyang des mi gos/ /de nyid rig pas rtag tu ni/ /'dod pa rol pas spyad par bya/ /de phyir
25a7 kun nas dogs med par//khyad par du ni longs spyod 'gyur/ /'dod pa lnga la brten byas na/ /dngos grub myur du nges thob 'gyur/ /dka' thub brtul zhugs gdung ba yis/ /khams rnams skam par 'gyur ba yin/ /skams pas sdug bsngal 'gyur ba
25b1 ste//sdug bsngal gyis ni sems g.yeng 'gyur/ /g.yengs pas byang chub gzhan du 'gyur/ /de phyir dngos grub mchog gnyer na/ /dka' thub brtul zhugs spyad mi bya/ /ji ltar bde bas de bzhin gnos/ /bde ba spangs na dngos grub med/ /de bas yid 'ong
25b2 gnas su ni//nyams dga'i bu mo bcu gnyis ma/ /yid 'ong mig gi dkyus ring ma/ /gzugs dang lang tshos rnam par mdzes/ /brtan zhing mi g.yo dam tshig can/ /'dam las skyes pa'i dri 'bab ma/ /chags pa chen po'i ros rol pa/ /mchog tu mkhas shing
25b3 sgeg pa dang //nyams dang ldan pa'i rnal 'byor pas/ /rang nyid 'khor lo'i dbus su gnas/ /dam tshig can ni rgyud dag pa'i/ /nang du nyin mtshan 'du bar bya/ /spu ldang 'dar zhing cher 'dar la/ /[(]mdzum [,]'dzum [)]dang dgod dang rab tu rgod/ /myos pa dang ni bcas pa yi/ /
25b4 'beb pa rnam pa bdun du bshad/ /rengs dang myos dang 'gyur ba dang / /rol dang yul dang shin du 'phel/ /rkang pa 'dor dang lag pa bsgyur/ /phyag rgya mtshan ma lta stangs dang / /sngangs dang rgod dang drag po sogs/ /ki li ki li phreng sgrogs byed/ /rol pa dpa'
25b5 bo rnam par nyed//sa bskyod ca co'i bye brag ldan/ /brgyal ba rab zhi du bas rtogs/ /byams shing dga' ba rgya mtsho ni/ /bde ba'i rtags las skyes pa'i 'od/ /ngo bo nyid kyis gsal ba'i yid/ /gnyis med rnam par gsal ba yi/ /rdzu 'phrul mngon shes dag
25b6 dang ldan//de ltar bden don rab zhi ba'i/ /bye brag bcu gnyis dag gis mdzes/ /e yi cha byad bzang po gang / /dbus su baM gyis rnam par brgyan/ /bde ba kun gyi gnas yin te/ /sangs rgyas rin chen za ma tog /der ni dga' ba skye 'gyur te/ /skad cig dbye bas bye
25b7 ba ni//dga' ba'i grangs kyi rim pa yis/ /de dag so sor gsal bar byas/ /stong nyid gsum gyi nyams sbyar bas/ /thams cad stong nyid rab tu gsal/ /de nyid gsal bas dag pa ni/ /mchog gi go 'phang de gsal 'gyur/ /de phyir mi g.yo phra ba'i yid/ /
26a1 ldan pa'i rnal 'byor pas mtshon bya/ /ji srid gsal bar ma gyur pa/ /de srid bsgom pa la 'jug bya/ /rab tu gsal ba thob nas ni/ /rang dga'i gzugs su skye bar 'gyur/ /der ni skad cig ma bzhi dang / /de bzhin du ni dga' ba bzhi/ /
26a2 de la sna tshogs skad cig dang / /rnam par smin pa rnam par nyed/ /mtshan nyid med par brjod pa yi/ /bye brag mkhas pas shes par bya/ /sna tshogs du ma'i rnam pa can/ /'khyud dang 'o byed la sogs pa'o/ /rnam smin de las gyur pa ste/ /bdag gi bde ba la
26a3 spyod mdzes//rnam nyed spyod pa'i bdag nyid de/ /bdag gi bde ba la spyod mdzes/ /de dag las gzhan mtshan nyid bral/ /dga' ba dang po mchog dga' dang / /dga' bral la sogs lhan cig skyes/ /dga' ba'i bde ba cung zad bde/ /mchog tu dga' ba de bas
26a4 lhag//dga' bral chags pa bral ba ste/ /lhan cig skyes pa de dag spang / /brgyal dang phyi mo phyed tsam dang / /phyi mo zhes bya skad cig gsum/ /dam pa'i bde ba rnam par rol/ /dbye ba lhan cig skyes pa shes/ /brgyal ba kun nas ye shes med/ /cung zad shes
26a5 pa phyi mo'i phyed//rnam pa kun gyi mchog ldan pa'i/ /ye shes phyi mo nyid du 'gyur/ /de phyir de nyid ye shes ni/ /gnyis med ye shes rab tu gsal/ /de la chags dang chags bral med/ /gnyi ga ma yin stong nyid min/ /kun min thams cad min pa min/ /yang
26a6 na thams cad rnam par thim//ji ltar char gyi rgyun sna tshogs/ /ro gzugs du ma gzhan yin kyang / /snod gcig tu ni zhugs pa na/ /zhu nas ro gcig nyid du 'gyur/ /de bzhin ye shes bde chen po/ /rnam par ngo bo nyid kyis gsal/ /gnyis med rnam pa'i rnal 'byor
26a7 gyis//chos kun rnam par bcom pas na/ /ye shes rgyun 'bab gtong ba'i blo/ /mkhas pas de lta bu nyid mtshon/ /mi g.yo sgrib bral phra ba yi/ /thig le'i gzugs can rtog pa med/ /thog mtha' med pa'i de nyid ni/ /ma byung ma byas mchog yin no/ /skye
26b1 bo'i chos rnams thams cad kun//gzhi ni de nyid nyid yin no/ /sangs rgyas byang chub sems dpa' dang / /rnal 'byor pa yis de nyid la/ /mthong ba de nyid ma mthong bas/ /de la phyi rol ci zhig bsam/ /de phyir 'khrul pa'i mchod pa sogs/ /phyi rol pa
26b2 yis ci byar yod//thams cad spangs nas de nyid bsgom/ /thams cad 'di las 'grub par 'gyur/ /A li kA li mnyam sbyor las/ /gang tshe nor bur chud pa na/ /man ngag gis ni rlung bzung ste/ /de tshe ye shes mthong bas 'grub/ /bskal pa mtha'
26b3 yas par du ni//der ni 'dod pa yang dag gnas/ /'od gsal ba yi gnas thob nas/ /sems can kun gyi phyag byas pa'i/ /tha mal snang ba'i rnal 'byor gyis/ /bzhi pa'i de nyid la brten bya/ /sngon du goms byed rnal 'byor pas/ /des ni myur du 'grub
26b4 par 'gyur//rgyu la 'bras bus rgyas gdab cing / /'bras bu la yang rgyus rgyas gdab/ /rgyu 'bras gcig tu rgyas btab pas/ /phyag rgya chen po skye bar 'gyur/ /mtshan mo snang ba'i cha yin te/ /gsal ba'i nyi ma'i 'od zer snang ba 'gyed pa snang ba 'ched pa
26b5 yin//mtshams ni snang ba thob pa rang gi rang bzhin rnams kyis lan gcig min par 'gro/ /mtshan min nyin par min pa mtshan min gang zhig rang bzhin rnams dang rnam bral ba/ /de nas byang chub yin par bla ma mchog bshad rnal 'byor pa nyid yul/ /ji ltar phyi rol de
bzhin nang /