140a5 bod kyi lo tsA ba gnyan chung gis bcom pa'o/ /[ ]@##/ /rgya gar skad du/ tAt+t+wa ma hA yA na biR+sha ti/ bod skad du/de kho na nyid theg pa chen po nyi shu pa/ rje btsun sangs rgyas la phyag 'tshal lo /shes rab sna tshogs rnam par smin/ /
140a6 rnam med dang ni rnam nyed bral/ /'di yi de nyid shes rab 'dod/ /gang phyir 'gro ba khyab pa'i bdag /shes rab srid dang mnyam bdag nyid/ /sku gsum theg pa'i gsum pa 'dis/ /de nyid 'khor lo bde ba'i thabs/ /de ni rnal 'byor bdag dang gzhan/ /'jam
140a7 dpal rdo rje sgyu ma che//rdo rje mkha' 'gro de bzhin gzhan/ /snang ba'i bye brag shes rab nyid/ /de nyid rgyal ba'i bdag nyid grol/ /bsam gyis mi khyab sems pa nyid/ /gnyis dang gnyis med de bzhin no/ /rnam pa kun gyi mchog ldan pa/ /dngos dang
140b1 dngos med gzung dang 'dzin//rnam par shes pas bor ba'i sems/ /dmigs pa med cing bla na med/ /dag cing zhi ba snang ba med/ /rig pa shes rab ces su grags/ /'di la zhugs par gyur pa ni/ /gsang sngags chos kyis rnam par gsal/ /gang phyir
140b2 sna tshogs pa yi thabs//'di la chung 'bring chen po yis/ /las dang dam tshig phyag rgya dang / /'khor lo rdzogs par sgom pa nyid/ /mtha' ma'i byang chub bsam gtan de/ /dag pa'i de nyid kha phyir bltas/ /ye shes phyag rgya snyoms 'jug pas/ /'jam
140b3 pa'i rdo rje la sogs gtso//bden min brdzun gyi rnam pa min/ /'bring po'i rnal 'byor bdag nyid yin/ /bdag byin brlab pa'i go 'phang shes/ /gang phyir de nyid nus pa med/ /de rnams la ni yang dag bstan/ /rim gyis byang chub grub pa'o/ /lha rnams mngon
140b4 par dgod ce na//'di la bag chags ci ste med/ /bag chags nyid ni rnam dag na/ /thams cad du yang de bzhin no/ /slar yang rnal 'byor de nyid mthong / /phyag rgya che la mchog tu gzhol/ /dngos po kun gyi rang bzhin gyi/ /dbang po mchog gis gnas par bya/ /
140b5 ngo bo nyid kyi bde thob pas/ /rnam par rtog pa thams cad spangs/ /gang phyir 'gro ba de nyid yin/ /de phyir thams cad rtog pa med/ /phyi rol dngos yid kyis gzung la/ /gang la 'khrul pa snang mi 'gyur/ /rmi lam bud med gsal ba nyid/ /sems can don ni byed pa
140b6 ste//thams cad dngos po'i rang bzhin 'di/ /sems tsam du 'gyur byang chub bo/ /sems kyi 'dod pa sems ma yin/ /rang gis rig pa sems min te/ /rig pa bla ma la stos 'gyur/ /dngos med kun gyi ngo bo nyid/ /ming 'di mi 'dod pa ni gang / /dngos po kun gyi
140b7 rang bzhin 'di//so sor rtogs par dka' ba yin/ /de la sogs pa 'dus pa na/ /ji ltar 'di ni 'bras las zan/ /de ltar de bzhin nyid dag la/ /ma rig pa ni rig par 'gyur/ /gang la bsam pa bsam gtan yin/ /de la bsam mi khyab kyis min/ /bsam gyis mi
141a1 khyab rnal 'byor pa//sangs rgyas kyis ni grol bar bstan/ /'di ni 'khor lo'i rnal 'byor yin/ /gang phyir phyag rgya che de nyid/ /chos dang longs spyod sprul pa ste/ /gang phyir de ni rnam kun yin/ /bya ba byas pas bsam dang bral/ /dogs pa kun
141a2 la kha phyir bltas//spyod lam rnam pa bzhi ldan pa/ /sangs rgyas 'di ni sangs rgyas bzhed/ /gnyis med gnyis su med pas byas/ /bdag gis thob pa'i bsod nams kyis/ /de ni 'gro ba gnyis med nyid/ /de yis bde ba chen por shog /a wa d+hU tI pa gnyis
med rdo rjes mdzad pa rdzogs so/