CLOSE WINDOW

D2249
བོད་ཡིག

/ //pa ri pa ta pradz+nyA sha ra sa ma d+h+ya na/ rgya gar gyi mkhan po de bA ka ra tsan+d+ra dang / bod kyi lo tsA ba dge slong shAkya brtson 'grus kyis bsgyur cing zhus te gtan la dbab pa'o/[ ]@##/ /rgya gar skad du/ a mA na si ka ra u da ra nA ma/bod skad du/ yid la mi byed pa ston pa zhes bya ba/ dpal rdo rje sems dpa' la phyag 'tshal lo/ /yid la mi byed pa zhes bya ba 'di ni phal cher log par rtog pa ste/ de la kha cig 'di skyon can gyi tshig tu smra ste/ sdug pa'i yid la mi byed pa zhes rtog par 'gyur ro/ /de la brjod par bya ste/de ni skyes bu byas pa'i la zhes bya ba'i tshig gis bdun pa phyis pa ste/ /la phyis bsdu ba byas pas yid la mi byed pa dang / /yid la mi byed pa ste/ pags pa'i snying po dang / pags pa'i snying po'o/ /g.yul ngo la brtsan pa zhes bya bas de dag gis gzugs grub pa'o//de'i phyir 'di skyon can gyi tshig ma yin no/ /gzhan yang tshig 'di mtshan nyid kyis grub pa yin te/ 'on kyang sangs rgyas pa'i tshig ma yin no/ /de ni ma yin te/ mdo sde du mar mthong ba'i phyir ro/ /'phags pa sangs rgyas thams cad kyi yul la 'jug pa ye shes snang ba dam pa'i rgyan zhes bya ba theg pa chen po'i mdo las/yid la mi byed pa'i chos rnams dge ba'o/ /yid la byed pa'i chos rnams mi dge ba'o zhes pa dang / de bzhin du/ kun du rtog pas ma brtags pa/ /rab tu mi gnas pa yi yid/ /dran pa med cing yid byed med//dmigs pa med la phyag 'tshal 'dud/ /de bzhin du rnam par mi rtog pa la 'jug pa'i gzungs las/ byang chub sems dpa' sems dpa' chen po rnam par rtog pa thabs kyi mtshan ma ni snang ba la rtog pa ste/ /yid la mi byed pa'i yongs su spangs pa'o//mdo sde gzhan dang gzhan gyi gzhung mangs kyis dgos pas 'dir ma bris so/ /da ni gzhan brjod pa tshig 'di ni mdo sde pa'i tshig nyid de/ sngags kyi ma yin no/ /ci'i phyir zhe na/ mdo sde rnams las mthong ba'i phyir ro zhes/ de ni ma yin te/ he badzra las gsungs pa//ngo bo nyid kyis sems med cing / /sems byung pa'ang med pa'o/ /de bzhin/ gang phyir yid kyis ma bsgoms na/ /'gro ba thams cad bsgom par bya/ /zhes pa'i don gyis yid la mi byed pa'o zhes rtogs par bya'o/ /gzhan yang brjod pa/ rgyud na'ang yod de med par dgag pa ni med pa'i yul yin pa'i phyir ro/ /dngos po med par brjod par bya'o/ /de ni ma yin te/ yod pa'i dngos po'i dgag pa ni med par dgag pa'o/ /yang na thal ba med pa'i thal bar 'gyur ba 'gog pa'o zhes pa ni med pa dgag pa'o//ji ltar rgyal po'i btsun mo nyi ma mthong ba ni 'di'i don to/ /'di lta bu mi min zer zhes pa yang rgyal po'i chung ma de shin tu sbas pas nyi ma yang mi mthong ba'o/ /'dir bkag pa'i nyi ma med par ma byas pa'o/ /gang zhe na/ rgyal po'i chung ma rnams gang gis nyi ma mthong ba yod na de 'gog pa ste//yid la mi byed pa la yang yid la byed pa gang gzung ba dang 'dzin pa la sogs par yod pa de 'gog pa ste/ yang ni ma yin te/ 'di la skyon med do/ /gang gi tshe las 'di skad 'chad de/ rtag pa dang chad pa'i mtshan nyid ni yid la mi byed pa'o snyam sems na de'i phyir brjod pa/rtag pa dang chad pa la sogs par yid la byed pa yid la mi byed na/ de dag gis ni chags pa thams cad la gnod par byed pa ste yid la mi byed pa'i sgra yis so/ /de ltar yang bcom ldan 'das kyis rnam par mi rtog pa la 'jug pa'i gzungs las/ rigs kyi bu rgyu gang gis rnam par mi rtog pa'i dbyings la yid la byed pa zhes brjod/ /rnam par rtog pa thams cad kyi mtshan ma las yang dag par 'das na blang pa'o/ /de dag gis ni rnam par rtog pa thams cad las yang dag par 'das pa bstan par 'gyur te/ yid la byed pa'i sgra yis so//ma yin par brtags pa'i phyogs kyang skyon med de/ bram ze ma yin par khrid la shog ces pas bram ze dang 'dra ba'i rgyal po la sogs pa khrid la shog ces pa gsal gyi/ /rigs mi mthun pa shing rta mkhan la sogs pa ni ma yin no/ /'di la yang rang bzhin med pa'i rig pa la gnas par byas pa ste/de dag gis ni sgyu ma lta bur gnyis su med par smra bar gnas par 'gyur ro/ /gang las chad par lta bar thal bar 'gyur/ /'on kyang med pa'i tha snyad tsam ste/ tshig 'di ni gnyis brjod par bya'o/ /sgyu ma'am yang dag par grub pa med pas yod pa 'gegs pa ni ma yin te/de med pa yang ma yin no/ /rigs pa 'di yis 'gro ba 'gegs pa'i don ni nyams par 'gyur/ /'dir brjod pa tsam byas pa'o/ /i yig gtso bor gyur pa'i yid la byed pa ni yid la mi byed pa ste/ lo ma'i rgyal po bzhin tshig dbus ma phyis pa'i bsdus pa'o//de gang gis ni yid la byed pa gang yin pa thams cad ni a ste skye ba med pa'i don to/ /bcom ldan 'das kyis gang bstan zhe na/ /skye ba med pa'i zhes bya ba'i tshig gis a yig ces bya ba 'di lta ste/ dgyes pa'i rdo rje'i sngags kyi le'u las kyang / a kA ro mu khaM sarba d+harmA NAM Ad+ya nut+pan na twata ta zhes pa la sogs pa gsungs te/'di'i don yang chos thams cad thog ma nas skye ba med pa'i phyir a'i sgo gtso bor gyur pa ste/ a zhes ma skyes pa'i mtshan nyid du sbyar ro/ /de star yang mtshan yang dag par brjod pa las/ a ni yig 'bru kun gyi mchog /don chen yi ge dam pa yin/ /khong nas 'byung ba skye ba med/ /tshig tu brjod pa spangs pa ste/ /zhes pa ste/ yang na 'dir a ni bdag med pa'i sa bon no/ /de skad du yang dgyes pa'i rdo rje las/ A li dang po ni bdag med ma'o/ /de dag gis ni yid la byed pa thams cad bdag med pas rang bzhin med pa zhes brjod par 'gyur ro//dang po dbyangs yig rang bzhin te/ /blo zhes pa ni shes rab brtags/ /de nyid bcom ldan 'das shes rab/ /rdzogs pa'i rim pa'i sbyor ba nyid/ /yang na a zhes pa ni 'od gsal ba'i tshig la/yid la byed pa ni bdag la byin gyis brlab pa'i tshig ste/ 'di yang a yang yin la yid la byed pa yang yin pas yid la mi byed pa'o/ /'dis ni yid la mi byed pa'i gnas bsam gyis mi khyab pa 'od gsal ba bdag la byin gyis brlab pa'i bdag nyid stong pa nyid dang /snying rje dbyer med pa zung du 'jug pa gnyis su med pa'i rgyun yang dag par rig pa bskyed par 'gyur ro/ /yid la mi byed pa ston pa bdag med pa gsal ba slob dpon chen po gnyis med rdo rjes mdzad pa rdzogs so// //rgya gar gyi mkhan po badzra pA Ni dang /