92a6 @##/ /rgya gar skad du/ /s+thi ti sa muts+tshA ya/ bod skad du/ gnas pa bsdus ba/ bcom ldan 'das dpal 'jam pa'i rdo rje la phyag 'tshal lo/ /rdo rje bye drag smra rnam rig /dbu ma'i rim bzhin gsal ba yi/ /chos dang gang zag bdag med la/ /btud
92a7 de de nyid bshad par bya//kha cig gang zag ces bya smra/ /rtag min mi rtag ma yin zer/ /nam mkha' dang ni 'gogs pa gnyis/ /'dus ma byas gsum rtag pa yin/ /'dus byas thams cad mi rtag ste/ /'gro ba phung po lnga bdag nyid/ /srid pa sdug bsngal
92b1 bden pa ste//de ni 'bras bu shes par bya/ /rgyu ni kun 'byung bden pa ste/ /las dang nyon mongs bdag nyid do/ /bden pa de gnyis zag bcas te/ /phyi ma gnyis ni zag pa med/ /las dang nyon mongs yongs zad nas/ /shin tu 'ang 'gogs par gyur pa na/ /
92b2 dam pa'i rnam thar mngon sum don/ /zhi ba sdug bsngal zad pa yin/ /'phags lam yan lag brgyad de ni/ /goms pas nges par 'byin pa'i mchog /yang dag bstan pa la sogs zhes/ /yan lag brgyad lam thub pas gsungs/ /de nyid nyan thos mya ngan 'das/ /
92b3 rang sangs rgyas kyi bsgom pa yang / /lung bstan pa la mi ltos par/ /rang gi sngon gyi smon lam gyis/ /don mngon byas nas mya ngan 'das/ /lhag mar bcas pa'i lus kyis su/ /bdag nyid chen po de kun nas/ /bdag dang gzhan don nus pa nyid/ /rang gi 'dod
92b4 pa bsten nas su//mar me ltar yongs mya ngan 'das/ /'di ni 'bring po'i sangs rgyas te/ /bye brag smra ba'i gnas pa'o/ /phung po khams dang skye mched rnams/ /'dus byas thams cad skad cig ma/ /de dag bdag med pa ru ni/ /yang dag shes pa'i yul du
92b5 byas//dam pa'i shes pa gnyis kyis tshul/ /mngon sum dang ni rjes dpag ste/ /yul gyi rang gi mtshan nyid la/ /mngon sum lkog tu gyur pa'o/ /yul dang dus ni nyi tshe ba/ /phra rab rdul dang skad cig mas/ /don gyi bya ba nus pa'i phyir/ /de nyid don dam
92b6 dngos po yin//nam mkha' la sogs lta zhog gi/ /bya ba'i don kun 'dod pa yis/ /tshad ma'i yul du byas nas su/ /de nyid 'dir ni yongs su brtag /'di ltar bum pa la sogs gzugs/ /rtag tu don gyi bya byed pa/ /so so'i skad cig de nyid la/ /rang gi
92b7 dngos po nyid byed pa'o//bya ba'i don gcig byas nas ni/ /de nyid byed pa ma yin la/ /byed pa byed par mi sbyor te/ /byas na de nyid gzhan du 'gyur/ /snga ma'i rang bzhin rnam kun du/ /skad cig gzhan gyi rjes mi 'jug /skad cig ma yi rgyun 'dra bas/ /mngon
93a1 shes la sogs so sor gnas//da ltar mngon sum gyur pa'i don/ /yongs su gcod pa de bzhin yang / /de ni rnam par gcod pa ste/ /mngon sum las byung bsgom pa yin/ /snang ba rnam par nyams nas ni/ /rgyud gzhan dgod pa ma yin te/ /bskyed pa
93a2 gzhan ni 'jigs pas ni//rang rig rgyu yis nyams par 'gyur/ /phra rab rdul ni 'dus pa las/ /rags pa'i gzugs su mthong ba yi/ /lus la shing dang sa la sogs/ /rags pa cung zad gcig pa min/ /ji ltar de bzhin bde dang sdug /bum pa la sogs
93a3 so sor ro//gcig la bskyod dang dmar bas su/ /kun bskyod pa dang dmar por 'gyur/ /gcig la g.yo bar gyur pa yis/ /lus kun khyab 'gyur de bzhin no/ /'on kyang cha shas bskyod sogs pas/ /yan lag can la min zhe na/ /yan lag can nyid mi
93a4 bskyod na//ji ltar yul gzhan thob par 'gyur/ /rdul phran 'dus pas phyi rol gyi/ /snang ba skad cig gang yin pa/ /shes pa rang gi rnam pa ni/ /skyes pas yul nyid thob par 'gyur/ /de nyid tsam gyi spyod yul gyis/ /thams cad mkhyen pa thob min te/ /
93a5 tshogs pa gcig la rag las pas/ /rgyu ni dbang po dang mnyam 'gyur/ /phyed dang ma phyed rnam brtags pas/ /shes pa'i bye brag skyes don med/ /bems po bems min rnam brtags pas/ /kun nas skye ba yod ma yin/ /'phags pa'i bden pa bzhi po yang / /'di
93a6 la blo dang ldan pas bsgom//yang dag rdzogs pa'i byang chub sems/ /tshogs ma rdzogs na yod ma yin/ /mngon du byed pa mi bya ste/ /byas na theg pa dman par gyur/ /zab mo'i rim la goms pa yis/ /byang chub rtsa ba snying rje yin/ /snying rje rtsa ba rab sbyor
93a7 bas//bye brag smra ba'ang de bzhin te/ /theg chen rim pas goms pa yis/ /rdzogs pa'i byang chub cis mi 'gyur/ /gzhan du mdo sde pas rtogs pa'i/ /blo de ji ltar theg chen yin/ /gang phyir dbu ma dang bral bas/ /de la'ang sangs rgyas yod ma yin/ /
93b1 gnas pa tsam gyi bye brag gis/ /theg pa nges pa med pa'i phyir/ /shes rab 'ba' zhig dgra bcom dang / /dbu ma pas kyang mthong ba'o/ /theg chen snying rje sbyor ba las/ /sbyin sogs lam ni lhag par 'gyur/ /sdug bsngal la sogs bden pa rnams/ /gnas
93b2 pa'i dbye ba gzhan du 'gyur//gal te chung ngu 'bring sogs pa'i/ /dbye ba phye ste rab brtags nas/ /de ni so so rnam pa dgu/ /de ni theg pa gnas par phye/ /mdo sde pa yi gnas pa bsdus/ /rdul phran cha shas med pa'i phyir/ /phan tshun yang dag sbyor ba
93b3 med//thams cad 'bral med bdag nyid pas/ /rags pa cung zad tsam yang med/ /dbang po las 'das rang rgyud pas/ /'dus pa yang ni de bzhin no/ /gal te rags pa'i chos kyi don/ /shes pa ji ltar dngos med 'gyur/ /phye dang ma phye rab brtags pas/ /
93b4 don gyi chos de med pa ste/ /phra mo'i dbye bas bye ba ni/ /rdzas de ji ltar rags pa yin/ /dngos dang dngos med 'gal bas na/ /phye dang ma phye gcig pa med/ /'gul dang mi 'gul sogs skyon pas/ /gcig la'ang cha shas yod ma yin/ /phyogs dang snam sogs
93b5 bye brag gis//sgrub pa'i don la nges pa med/ /gang phyir 'di don dngos med de/ /rmi lam gzugs brnyan la sogs bzhin/ /sngon po la sogs don med phyir/ /rnam par shes pa 'thad ma yin/ /sna tshogs rnam par snang bas na/ /ji srid sngo sogs gcig pa
93b6 min//phan tshun 'thad pa ma yin pas/ /rnam shes sna tshogs ma yin no/ /bag chags stobs kyis gzung ba dang / /'dzin pa lta bur phye ba'i phyir/ /snang ba'i bye brag sngon po sogs/ /bden min 'khrul pas rnam pa med/ /'gro ba rnam rig tsam du ni/ /de
93b7 bzhin bcom ldan 'das kyis gsungs//de ltar bus pas rnam brtags pa'i/ /phyi rol don ni yod ma yin/ /bag chags kyis ni dkrugs pa'i sems/ /don du rab tu snang bar 'jug /rnam pa med par mos pa yis/ /gsum po dmigs pa med pa
94a1 ste//sbyin dang tshul khrims bzod brtson 'grus/ /so sor 'khor gsum rtse gcig bya/ /thos dang bsams pa las byung dang / /bsgoms pa las skyes shes rab ni/ /bsam gtan las skyes rnal 'byor gyis/ /zhi gnas dang ni lhag mthong
94a2 ngo //bcom ldan 'das kyis de gsungs pa/ /sems tsam la ni brten nas su/ /pha rol don du mi brtag go/ /de bzhin nyid la gnas bcas nas/ /sems can las kyang 'brang bar bya/ /sems tsam nyid la 'das nas su/ /snang ba med las 'da' bar bya/ /
94a3 snang med gnas pa'i rnal 'byor pa/ /des ni theg pa chen po mthong / /'jug pa lhun gyis grub cing zhi/ /smon lam rnam par dag nas ni/ /ye shes dam pa bdag med pa/ /snang ba med pa mthong ba yin/ /zhes gsungs so/ /sna tshogs gsal ba de nyid kun du
94a4 brtags pa sdug bsngal te//kun 'byung gi ni bag chags gzhan gyi dbang gis rang bzhin no/ /sbyin pa la sogs lam nyid yongs su rdzogs pa 'gog pa ste/ /rdzogs par yongs su grub pa rnam med rnam par rig pa tsam/ /rnal 'byor spyod pa'i lam rnam pa med
94a5 pa'i gnas pa bsdus pa'o// //gang gang cung zad snang ba ni/ /de de sems la shin tu gsal/ /ji ltar de bzhin rmi lam sems/ /gzugs la sogs pa so sor snang / /ji ltar so sor snang ba'i sems/ bag chags la ni rnam gnas pa/ /ci ste don
94a6 med rnam shes ni//ji ltar gzhan las shes par 'gyur/ /don gyi snang ba'i phyi rol na/ /bse ru lta bur thub pas gsungs/ /gzung dang 'dzin pa stong par ni/ /snang med pa dag 'dod pa yin/ /rnam shes so sor snang bas na/ /sngon po la sogs don med de/ /
94a7 de phyir kun gyis rnam pa bsgom/ /mi rtog snying rje chen po yin/ /kun 'byung bag chags bstan pa ni/ /sbyin pa la sogs bag chags spang / /sdug bsngal thams cad 'gog pa yang / /sna tshogs gnyis su med pas mthong / /rnam pa kun gyi mchog ldan pa'i/ /
94b1 gzung dang 'dzin pa stong pa nyid/ /gsal bar byed pa'i chos sku las/ /longs spyod rdzogs dang sprul pa 'phro/ /gzung ba la sogs med pa'i dngos/ /snang ba'i bag chags yod ma yin/ /de bzhin gnyis ka yod ma yin/ /gzugs las gzhan du mi rtog go/ /mtha'
94b2 bzhi las ni rnam grol ba'i//dngos po 'di ni med pa min/ /rnam par mi rtog rang bzhin yang / /ye shes rang rig nyams myong yin/ /rnal 'byor spyod pa'i las rnam pa dang bcas pa'i gnas pa bsdus pa'o// //mu stegs sangs rgyas par ma btus/ /
94b3 gsum ni med par mi 'dod pas/ /legs shing mdzes pa dam pa'i chos/ /med par gnas pa'i sdig pa yin/ /dbu ma chen po'i rang bzhin nyid/ /gnas pa thams cad rnam spangs pa/ /btud de gnas pa zad byed nyid/ /lung dang rigs pas bshad par
94b4 bya//khams rnams nyid las grub pa gang / /rkyen las skyes pa skad cig ma/ /gcig dang du ma dang bral bas/ /de nyid dngos po med pa yin/ /de yang lus la rkang lag dang / /mgo dang rgyab sogs phye ba las/ /lag pa la sogs gcig kyang med/ /so sor
94b5 phye bas byung ba yin//ji srid de yi cha phye ste/ /rdul phran rnam par dpyad pa ni/ /lus po nyid ni bshad pa las/ /rten dang brten pa la sogs shes/ /gcig gi dngos po bgag pas na/ /du ma'ang yod pa ma yin no/ /rmi lam dang ni mnyam gnas par/ /
94b6 sngon du bkag pa nyid kyis min/ /shes pa'i rang bzhin med pa'i phyir/ /rig pa nyid dang 'gal ba min/ /gang phyir spyi yi gtan tshigs kyis/ /brjod pa dam pa'i tshul yin no/ /kun rdzob don byed nus pa yi/ /sna tshogs 'di ni rang bzhin med/ /de ni shes dang shes
94b7 bya nyid//kho bos ci zhig yongs su brtag /gzugs sogs so sor snang ba ni/ /de nyid rnam par shes pa la/ /de ltar sgrub thabs lta bu ste/ /blo ldan rigs pas mi 'grub med/ /kun rdzob tu ni skye ba dang / de ni skye ba med pa'i don/ /de phyir skye ba med pa'i
95a1 sems//rang bzhin med pa'i phyir bzhin no/ /skye ba grub pas yod pa yin/ /yod pa yin pas med pa'ang med/ /rgyu yi dngos po med pas na/ /rang bzhin gzhan las skye ba min/ /ji ltar gzugs brnyan 'byung ba ltar/ /bden
95a2 min brdzun pa ma yin gzugs//de nyid chos rnams thams cad de/ /rang bzhin rig pa rnams kyi lugs/ /'dus pa mkhar dang gos la sogs/ /brtsams pa kun rdzob dngos po ste/ /'di ni rang bzhin ma skyes pas/ /'dus pa nyid kyang de bzhin no/ /de phyir bcom
95a3 ldan 'das nyid kyis//'gro ba 'di dag ming tsam gsungs/ /gzhan gyis smras pa 'di dag kun/ /bdag gis legs par brjod pa yin/ /phyogs ni snga mar brjod pa dag /'di ni blo gros rnam par gsal/ /tUde yi blo gros bsal nas su/ /rang gi phyogs ni
95a4 bdag gis bshad//ji ltar me long la gzugs brnyan/ /gcig dang gzhan nyid spangs pa ltar/ /snang las gzhan na yod min te/ /de ltar dngos po'i rang bzhin no/ /'jig rten sgyu ma rmi lam bzhin/ /rgyu dang rkyen ni rnam par spangs/ /rtag tu rgyun med par snang
95a5 bas//rnam par rtog pa mi 'jug go/ /gang la dngos po yod min pas/ /sems tsam du ni rtogs par bya/ /ji ltar dngos po med pa'i sems/ /sems tsam du ni rigs pa min/ /gzung dang 'dzin pa'i bye brag gis/ /gal te sems ni 'jug pa na/ /'jig rten
95a6 pa yi sems 'di dag /sems tsam du ni mi rigs so/ /lus dang longs spyod dbang po ni/ /gal te rmi lam ltar skyes na/ /sems ni gnyis su 'gyur ba ste/ /sems kyi mtshan nyid gnyis min no/ /gang phyir ji ltar ral gri'i so/ /ji ltar rang gi mdzub rtse yis/ /
95a7 mi chod pa dang mi reg pa/ /de bzhin sems nyid rang snang ba'o/ /gzugs brnyan bzhin du snang ba'i sems/ /sngon du goms par gyur pa'i blos/ /ji ltar 'byung ba rnam par mthong / /don gyi rnam pa don yod min/ /gang zag rgyu dang phung po dang / /de
95b1 bzhin rkyen dang rdul phran dang //gtso bo dbang phyug byed pa po/ /sems tsam po la rnam par brtags/ /phyi rol don mthong log pa ste/ /don gzhan med pa'i sems nyid do/ /rigs pas yid la brtags nas ni/ /gzung dang 'dzin pa 'gog pa'o/ /blo
95b2 yis rnam par gzhig na ni//rang bzhin nges par gzung du med/ /de ni brjod du med pa'i phyir/ /dngos po med par bstan pa yin/ /yid la blo yis rnam brtags na/ /gzhan dbang med cing kun brtags med/ /yongs su grub pa'i dngos med na/ /ji ltar blo
95b3 yis rnam par dpyad//rang bzhin med cing rig byed med/ /dngos med gzhi yang yod ma yin/ /nus pa ro dang mtshungs pa'i phyir/ /rtog ge ngan pas 'di dag brtags/ /dngos po mtshan ma rnam rig go/ /yid log g.yo ba gang yin las/ /nga yi lus
95b4 rnams 'das nas su//rnam par mi rtog pa yis spyod/ /de bzhin nyid dang stong nyid mtha'/ /mya ngan 'das dang chos kyi dbyings/ /skye ba med pa'i chos rnams ni/ /dam pa'i don gyi rang bzhin no/ /phyi rol dngos dang dngos med de/ /sems kyis yongs su
95b5 gzung ba med//lta ba thams cad spangs pa gang / /skye ba med pa'i mtshan nyid do/ /gang phyir tshogs pa'i rkyen yod na/ /'jug pa dang ni ldog par 'gyur/ /tshogs pa so sor gyur na ni/ /skye ba med cing 'gag pa med/ /yod med dngos
95b6 po skye ba med//sems ni yod min med pa min/ /gang phyir las gzhan 'dus pa las/ /'jug pa dang ni ldog pa min/ /gang tshe 'jig rten 'di dag kun/ /'dus pa nyid ni mthong ba ste/ /tshogs pa tsam po 'di nyid ni/ /de tshe sems la mnyam par gnas/ /
95b7 gang la cung zad skye med pas/ /dgag pa cung zad yod ma yin/ /de ni yod dang med min te/ /'gro 'di brjod du med par blta'o/ /zung du 'jug pa yongs shes na/ /byang chub sems dpa' snying rje che/ /mkhas pas kun rdzob de nyid kyang / /mi spang par ni spyad
96a1 par bya//gang phyir kun rdzob log na ni/ /de phyir de nyid ci yang med/ /kun rdzob nyid kyis skye ba gang / /de nyid skye ba med pa'i don/ /'di ni zung 'jug mtshan nyid de/ /rkyen las skyes pa'i mtshan nyid do/ /de bzhin nyid dang chos kyi dbyings/ /
96a2 shes rab pha rol phyin pa'i mchog /yang dag mtha' dang skye ba med/ /mi dmigs pa dang mya ngan 'das/ /stong nyid mtshan ma med pa dang / /smon pa med dang 'dus ma byas/ /rmi lam sgyu ma la sogs dpe/ /de nyid rgyal ba rnams kyis bsgrubs/ /theg chen 'di ni
96a3 mchog yin te//nges don mdo sder bsdus pa yi/ /mdo sde lta zhing nyan pa la/ /'di ltar 'bad pas bsam par bya/ /snying rje sems can la bskyed de/ /byang chub sems ni brtson byas nas/ /byang chub sdom gnas brtson chen pos/ /rang bzhin med pa bsgom par bya/ /
96a4 'phags pa'i lam brgyad la gnas te/ /sbyin dang tshul khrims sogs la 'bad/ /mkhas rnams gang phyir bden gnyis gnyis med 'dis/ /ji ltar de nyid don de chad pa lta bur ni/ /mngon sum grub pa skye dang 'gag pa'i snod yin te/ /gal te don skyes rnam par
96a5 nyams pa'i skyon yin no//gang phyir ji ltar me long nang du gzugs brnyan mthong / /rigs pas brtags pa'i stobs kyis de med de mthong med/ /phyi yi don med 'di yang med de rnam pa sna tshogs sems/ /'on kyang rten 'brel dag la rigs pas 'gal ba med/ /
96a6 'di ni dbu ma'i gnas su bsdus pa'o/ /de ltar mtha' bzhi rnam spangs pa/ /brtags te brtan par byas nas su/ /skye ba med cing gnas pa med/ /'gag pa med cing mtshan nyid med/ /rang rig rkyen las skyes pa ste/ /de nyid pha rol phyin pa'i tshul/ /phyag rgya
96a7 bzhi yi rang bzhin lung //sngags kyi tshul la bsten nas su/ /bla ma'i khyad par myong pa yin/ /ma brtags par yang som nyi med/ /stong pa nyid ni rang rig ste/ /thabs dang shes rab bde chen po/ /'bras gnas bzhin du rtsod pa med/ /byang chub sems
96b1 ni rnam par bsgom//de skad du yang / gsang sngags tshul de shes pa yis/ /sngags kyi lugs kyi khyad par gsungs/ /don gcig na yang ma rmongs dang / /thabs mang dka' ba med pa dang / /dbang po rnon po'i dbang byas nas/ /sngags kyi bstan bcos khyad
96b2 par 'phags//gang phyir stong pa rig pa nyid/ /ye shes rang bzhin skad cig ma/ /gang phyir rdo rje sems dpar nges/ /phung po de bzhin gshegs par rtogs/ /rigs pa'i stobs kyis gzhag pa gang / /ma brtags pa ru sbyor ba don/ /ci ste yongs
96b3 su brtag bral ba//sngags kyis tshul dang bral na ni/ /rnam pa kun du dpe med na/ /zag pa med pa'i bde ba che/ /lha yi nga rgyal blta byas pa/ /ji ltar stong nyid nyams su myong / /las kyi phyag rgya legs grub nas/ /chos kyi phyag rgya rab phye bas/ /phan tshun
96b4 re ba med na ni//dam tshig 'bras bu ji ltar yin/ /thabs ni mang po rnams kyis su/ /nyams su myong ba'i khyad par dang / /las dang chos dang phyag rgya che/ /dbye ba gzhan du ji ltar yin/ /shin tu dbang po rnon po yis/ /stong nyid nyams su myong ba yang / /bde
96b5 chen mngon par byang chub la//'dod pa kun la longs spyod pas/ /der ni shin tu bde ba nyid/ /de ltar thabs kyi dngos po yis/ /dang po'i dus la goms pa las/ /gzhan du ji ltar dka' ba min/ /pha rol phyin pa kun bdag nyid/ /bsgom pa'i stobs ni rdzogs
96b6 pa na//rdzogs pa'i byang chub grub pa la/ /dbang po rnon pos cis mi 'grub/ /lhan cig skyes dga' rtogs pa'o/ /e baM las ni phyag byas nas/ /phyag rgya'i rang bzhin mdor bsdus pa/ /sngags kyi theg pa bshad par bya/ /shes rab sprul pa'i gzugs can
96b7 ma//las kyi phyag rgya bdag med nyid/ /lus dang ngag dang sems kyi las/ /ye shes gtso bo'i rang bzhin no/ /gang phyir de las shes pa gang / /dga' ba la sogs rim skyes pa/ /dbus su rnam par shes pa ste/ /de ni shes rab ye shes brjod/ /rnam
97a1 bcas dang ni rnam pa med//de bzhin dbu ma'i rtog pa'o/ /ji ltar mos pa'i ye shes ni/ /man ngag gis ni thob par 'gyur/ /gsum pa'i lhan cig skyes par rtogs/ /btsan thabs dbang gis bzhi pa ste/ /rlung gi bkod pas sna rtsel/ /mi
97a2 'gyur ba yi sbyor ba yin//ji lta ji ltar bde ye shes/ /thabs kyis rab tu bsgrub pa yin/ /de lta de ltar rtogs pa ste/ /rtog pa lhan cig skyes pa mchog/ /gang phyir 'bras bu 'dra ba'i dbang / /btsan thabs lhan cig skyes par 'dod/ /yun ring dus su 'bral med
97a3 gnas//ma bcos pa yi tshogs yin no/ /de gsungs pa/ dga' ba khu ba 'bab pa ste/ /gtsug tor smin phrag pad+ma'i tshal/ /mgrin pa snying gar mchog dga' ste/ /de nas dga' ba bral bar 'gyur/ /sna tshogs rol mos lte ba nas/ /ji srid gsang ba'i
97a4 pad+mar son//de srid gsang ba'i nor bu nas/ /ma 'phros bar du lhan cig skyes/ /mi gnas pa yi mya ngan 'das/ /'dod chags chen po'i khyab bdag gtso/ /ma 'phros bde ba chags bral te/ /'di ni mya ngan 'das par gnas/ /chags bral las ni
97a5 sdig pa med//bde ba mchog las bsod nams med/ /de phyir mi 'gyur bde ba'i sems/ /rtag tu der gnas mos par bya/ /'pho ba las ni chags bral 'byung / /chags bral las ni sdug bsngal 'byung / /sdug bsngal bas ni khams zad de/ /khams zad
97a6 pas ni 'chi bar 'gyur//shi nas de dag bzhin du 'ang 'byung / /srid par 'ching zhing skye ba ste/ /de phyir 'bad pas thams cad kyis/ /chags pa dor ba rnam par spangs/ /chags bral 'dod ldan ma yin te/ /'dod pa'i sbyor thabs 'di 'dod na/ /nga yis bstan pa
97a7 rgyun du yang //ci ste rnal 'byor sdug bsngal bskyed/ /bde ba mi 'gyur rang bzhin gyis/ /mi 'gyur mchog ni bsgrub par bya/ /rten ni shor bar gyur pa yis/ /rten pa chags dang bral ba yin/ /spyi bor rgyas pa'i thig le ni/ /shes rab chags las zhu bar
97b1 'gyur//gang bar gnas pa'i go 'phang ni/ /bcings pa dam pa'i don yin no/ /ji ltar zla ba 'char ba'i rim/ /'phel ba'i dus kyis rdzogs par 'gyur/ /de bzhin sems bskyed rim pa ni/ /'phel ba'i dus kyis rdzogs pa yin/ /de ni gtsug nas
97b2 byung nas su//rdo rje nor bu gang bar 'gyur/ /de ni chags dang bral na nyams/ /rdo rje rtse mor rab rgyas 'gyur/ /bde chen rang bzhin 'di nyid ni/ /rdzogs pa'i sgra yis bstan pa yin/ /rdzogs pa mi bskyod gyur pa yin/ /skad cig gcig mngon rdzogs byang chub/ /ji ltar chu yi chu sna tshogs/ /
97b3 rgya mtsho chen por ro mnyam 'gyur/ /de bzhin dngos po sna tshogs kyang / /mi 'gyur ba der nyams par 'gyur/ /ji ltar khams rnams 'dus pa nyid/ /gang zhig dngul chus phug pa ltar/ /dngos po sna tshogs
97b4 'di dag kyang //mi 'gyur mchog gis za ba yin/ /mi 'gyur mchog gi bdag nyid kyis/ /rnam pa kun gyi rang bzhin 'dzin/ /stong pa las skyes dngos po rgyu/ /mi 'gyur las skyes bde 'bras bu/ /rgyu la 'bras bu bde rgyas btab/ /'bras bu la yang rgyus btab/ /
97b5 stong nyid dngos po 'dzin pa'i rgyu/ /mi 'gyur snying rje 'dzin pas 'bras/ /byang chub sems de ma 'phos na/ /stong nyid snying rje dbyer med pa/ /ngo bo nyid kyis ma skyes pas/ /'byung ba zad par mi 'gyur te/ /sna tshogs 'di ni rang bzhin
97b6 med//dngos dang dngos med mtshan nyid gcig /yul dang dbang po'i sgo yis su/ /sems ni rdzogs pa'i rang bzhin te/ /gzhan du sbrul gyis zos pa yi/ /sdug bsngal tshor ba rig pa min/ /ji ltar lcags kyi phyogs gcig na/ /gang phyir gser 'gyur rtsi gnas
97b7 pa//'bar ba'i me yis bsregs na ni/ /thams cad gser du 'gyur ba yin/ /de bzhin sems kyi phyogs gcig tu 'ang / /mi 'gyur bde la legs gnas pa/ /'dod pa'i me yis rab bsregs nas/ /thams cad bde bar gyur pa yin/ /ji ltar lcags ni gser
98a1 gyur na//nam yang nag por 'gyur ba min/ /de bzhin sems nyid rtogs pa yang / /nam yang bag chags 'gyur ba min/ /gang phyir me yis sbyangs ba'i gser/ /lcags su gyur pa ma yin no/ /de bzhin phyir zhing phyir zhing sems/ /'dod
98a2 chags me yis dri ma med//'dir mang smra ba ci zhig dgos/ /'jig rten kun rdzob bden pa la/ /lcags ni 'gyur bar byed pa yi/ /rtsi yi rang bzhin bsam mi khyab/ /don dam par ni rab brtags na/ /glo bur dri mas gos pa yi/ /sems nyid rtogs par gyur pa na/ /ye
98a3 shes rang bzhin smos ci dgos//ji ltar rtsi yis bsgyur ba'i lcags/ /lcags kyi rjes su 'gro ba min/ /de bzhin bde bas bsgyur ba'i sems/ /sdug bsngal nyid du 'gyur ba min/ /zhes so/ /yang gsungs pa/ rdo rje dbyings phyug ma yi rtsa/ /b+ha ga'i dbus na
98a4 rnam par gnas//'bad pas nye bar thob nas su/ /bla ma'i bka' la goms pa yis/ /mdzub mo cung zad bskyod pa yis/ /phyi nang lce dang rdo rje yis/ /rtsa de rgyas par gyur pa las/ /mchog tu bde ba rab tu 'bab/ /pha rol phyin bcu rdzogs pa ste/ /stobs dang dbang
98a5 po rnams dang ldan//sa bcu las ni 'das nas su/ /de la rtags su gyur pa med/ /ces so/ /yang gsungs pa/ gang tshe ye shes mthong ba ni/ /rnal 'byor pa ni bde bar gnas/ /'gyur med thun nas zhag gcig gam/ /zla phyed zla ba lo gcig gam/ /bskal
98a6 pa'am bskal pa stong du 'am//ye shes mngon par sbyor bas gnas/ /yang gsungs pa/ /ji srid rnal 'byor byang chub sems/ /gtong par byed pa ma yin pas/ /de srid rgyun mi 'chad pa 'thob/ /dga' ba las skyes bde ba yi/ /byang chub sems de lhung gyur na/ /
98a7 dngos grub kun gyi gter yin pas/ /rnam shes phung po brgyal 'gyur nas/ /dngos grub ma smad ga la yod/ /ces gsungs so/ /las dang dam tshig phyag rgya yi/ /dus su lhan cig skyes pa rtogs/ /chos kyi phyag rgya phyag rgya che/ /gnyis ni lhan cig skyes pa
98b1 mchog /byang sems bral na bde ba yin/ /brgya lam na yang mi 'thob po/ /bde chen nyid ni ma gtogs pa/ /nam yang gsang sngags theg pa med/ /shes rab ye shes thob pas na/ /las kyi phyag rgya lhan cig skyes/ /tha ma 'bring sogs dbye ba yis/ /de nyid rang
98b2 bzhin dkyil 'khor bsgom//las kyi phyag rgya snyoms 'jug pas/ /dam tshig dkyil 'khor bsgom par bya/ /tha mas bskyed pa bsgom pa ste/ /las kyi yan lag dang bral 'bring / /rab kyis kyang ni bsam bya ba/ /myur du rdzogs pa'i dkyil 'khor ro/ /chos kyi
98b3 phyag rgya bsgom pa ni//tha mas rtsa dang yi ge rim/ /gtum mo'i bye brag 'bring gis so/ /mi shigs pa ni rab kyis te/ /thig le phra sogs rnal 'byor pas/ /bsdus pa rig par 'dod pa yin/ /rab kyi tha mas bsgom bya na/ /khams gsum po ni gzhal yas
98b4 khang //sems can rnams ni dkyil 'khor ba/ /rnal 'byor pa ni dkyil 'khor bdag /de bshad pa/ /'di ni gnas gsum ma yin gzhal yas khang pa yin/ /srog chags ma yin 'di ni rgyal ba yin/ /'khor lo'i bdag po nga yin dbang po ma yin te/ /
98b5 sa la sogs pa'ang ma yin gzugs la sogs pa'ang min/ /chos nyid bdag nyid de nyid des na dkyil 'khor pa yang yin/ /sna tshogs dkyil 'khor 'khor lor shes na ci ste 'khrul par byed/ /ces bstan to/ /khams bzhi dang ni phung po dag /lha mo ye shes he ru
98b6 kas//'khor lo rgyas btab de bzhin nyid/ /rab kyi 'bring po'i bsgom bya ba/ /sna tshogs bdag med de bzhin nyid/ /thabs dang shes rab stobs kyis su/ /zung 'jug lhun gyis grub pa ste/ /dkyil 'khor snying po bsdus pa nyid/ /sems ni rtog med sbyor bas
98b7 kyang //sems de nyid ni brtag mi bya/ /kun nas thams cad mchog yin te/ /rnam med dbang po'i yul las 'das/ /dngos dang dngos med rang bzhin nyid/ /dngos dang dngos med rnam par spangs/ /mtha' bzhi las ni rnam grol zhing / /mtha' bzhi dag ni mnyam par
99a1 brten//sna tshogs sgro btags gnas pa med/ /chags med bde ba chen po nyid/ /'bras bu de nyid mi mthun phyogs/ /brtags pa de nyid ma brtags pa'o/ /de rkyen thob pas skye ba ste/ /skye ba med pa'i rang bzhin te/ /bems po med de
99a2 rang rig pas//mi shes pa dang ma mthong ba/ /brtags pas nam mkha' dngos med de/ /de ni mi 'gyur brtan pa'o/ /chad pa min pas dngos med min/ /skye ba med pas rang bzhin nyid/ /kun rdzob las skyes dngos po ste/ /chos rnams thams cad lhan
99a3 cig skyes//gnyug ma'i dga' ba'i rang bzhin nyid/ /bdag byin brlabs pas rang byung ste/ mi nyams pas na mi shigs pa'o/ /chos kyi phyag rgya phyag rgya che/ /gnyis med mos pas ldan pa'o/ /dbang po mchog gi rnal 'byor pa/ /rab kyi yang ni rab yin no/ /rgyu
99a4 dang 'bras bu dbyer med pas//sgom pa'i rig pa bdag la med/ /ji ltar bskyed pas nyams myong bas/ /dran dang dran pa nyams pa nyid/ /ma skyes pa yi ro tshor bas/ /de bzhin bsgom pa'ang rtogs pa'o/ /gang phyir shes rab bsgom pa yis/ /stong nyid
99a5 so sor rtogs pa yin//dpal ldan dgyes rdor sogs rgyud du/ /bcom ldan 'das kyis gsal bar gsungs/ /chos rnams thams cad yongs shes na/ /bsgom pa nyid ni bsgom pa min/ /gang phyir bdag byin brlab rim des/ /zung 'jug rim pa'ang de bzhin
99a6 no//bde chen mngon par rdzogs byang chub/ /de bzhin phyag rgya chen po mchog /chos kyi de nyid rig pa yis/ /ngal bar gyur pa ma yin te/ /chos kyi de nyid la bzhugs phyir/ /de yis 'byed par rab tu bstan/ /bla ma dam pa'i man ngag gis/ /gsal bar
99a7 gyur gyi gzhan du min//'di la gzhan gyis bstan pa yis/ /don rtogs pa ni ma yin no/ /chos 'byung las skyes ye shes ni/ /ji bzhin 'di la rtogs par gsungs/ /rang gi mos pas tshig gi don/ /gzung ba dngos nyid ma yin no/ /de bzhin bzhi po thams
99b1 cad kyang //'di la sogs pa gsungs pa ni/ /ji ltar de bzhin sku bzhi pa'o/ /bla ma dam pa'i thabs kyis gsal/ /stong nyid bde ba dngos po ste/ /bde ba bde ba chen por 'dod/ /bde ba ro mnyam bde ba nyid/ /lhan cig skyes pa chos kyi sku/ /de nyid bde ba'i
99b2 don byed pas//longs spyod rdzogs dang sprul pa yang / /rnam pa lnga yi ro de nyid/ /thams cad gnyug mar bye brag med/ /ces pa dang / sangs rgyas sku lnga'i bdag nyid can/ /zhes pa la sogs gsungs pa yang / /sku lnga thob par gyur pa ni/ /de nyid ro gcig
99b3 pa yi tshul//sku bzhi ru ni rnam phye ba/ /dbyer med pas na rnam lnga ba'o/ /de nyid tsam du gcig pa 'di/ /sku yang de ltar 'dod pa yin/ /ji ltar 'di ni bdag gi blos/ /so sor rig pa mnyam par 'jug /dam chos yul la shes rab kyis/ /ji ltar blo gros
99b4 kyis thob ltar//'di ni cung zad brjod pa las/ /ji ltar 'byung ba'i don rtogs pa/ /'gro rnams de yi snod du shog /gnas pa bsdu pa rdzogs so// //slob dpon chen po dpal lhan cig skyes pa'i rdo rjes mdzad pa bla ma d+ha ri shrI dz+nyA na'i zhal snga nas dang / bod
kyi lo tsA ba rma ban chos 'bar gyis bsgyur ba'o/