62a6 bcom ldan 'das ma la k+Sh+mI'i zhal snga nas byung ba rdzogs so//[ ]@##/ /rgya gar skad du/ shrI o Di ya na bi ni gu h+ya ma hA gu h+ya tat+tho pa de sha/ bod skad du/ dpal urgyan
62a7 nas byung ba gsang ba'i gsang ba chen po de kho na nyid kyi man ngag /dpal rdo rje sems dpa' la phyag 'tshal lo/ /thugs rje chen po la phyag 'tshal lo/ /lus gnas cha shas bcas par rtog /nges 'byung de nyid cha shas med/ /cha shas can dang cha med pa/ /shes 'di
62b1 grol ba the tshom med//dngos po thams cad mnyam pa nyid/ /myur du 'jug pa dka' ba nyid/ /dpe dang gtan tshigs rnam par spangs/ /rang bzhin gyis ni 'od gsal zhing / /gnyug ma ru ni gnas pa ste/ /dpyad pa'i yul las 'das pa yin/ /rtsod med
62b2 zhi ba mtshon cha med//nges pa'i chos kyi dbyings la gnas/ /bskul ba med cing 'gyur ba med/ /shin tu stong zhing rdul med pa/ /sgra las 'das shing yon tan spangs/ /dngos po kun gyis rang bzhin gnas/ /gang zhig 'gro la rnam gnas pa/ /
62b3 de ni sangs rgyas sku ru rtogs/ /dpe med brtag pa med pa ru/ /mkhas pas ma lus bsgom par bya/ /ma brtags par ni gang rtog pa/ /de yis thams cad brtag pa yin/ /rtog pa de dang sdug bsngal 'khor/ /nga yis rgyud du gsal ma byas/ /shes nyen can la de yi
62b4 chos//so so ru ni bstan pa yin/ /nyon mongs sgrib pa med pa dang / /las rnams thams cad rnam par spangs/ /de nyid 'dir ni rab shes na/ /srid pa'i rtog las rnam grol 'gyur/ /dngos rnams rang bzhin dag pa la/ /rang bzhin nyid du rtog byed pa/ /de yis
62b5 don dam shes min de//las kyi zhags pas bcings pa yin/ /kha cig dkyil 'khor las byed yin/ /kha cig 'gying zhing gsang sngags zlos/ /kha cig dag ni gsang sngags 'chang / /kha cig sbyin sreg mchod sbyin byed/ /kha cig nga rgyal gyis ni gnas/ /
62b6 kha cig 'dod chags zhe sdang bsten/ /de kun las kyi 'khor bar gnas/ /gang du 'gro ba gnas gyur pa'i/ /gsang chen 'di ni shes gyur na/ /gang la 'ang sdig pa yod min zhing / /dgag par bya ba ci yang med/ /las rnams thams
62b7 cad byas kyang ni//gos med skur ni rnam par grol/ /las rnams thams cad de la gnas/ /las rnams kun gyi gtso bo yin/ /sku gsung thugs la sogs pa dang / /dbang po'i yid bcas shin tu gnas/ /rtag tu legs par dpyad pa ste/ /lus kyi nyes
63a1 pas gos med pa//rang bzhin dag pas sku gsum gnas/ /kun rtog yid kyi shes pa min/ /de bas dngos po thams cad ni/ /nyin mtshan bcas te de la gnas/ /mthong sogs de yi rang bzhin nyid/ /thams cad mkhyen pa rol zhing
63a2 bzhugs//shes rab thabs kyi cho ga yis/ /las dang chos ni mnyam nyid du/ /rnal 'byor pa yis sbyar bar bya/ /mnyam dang mi mnyam snyoms sems pa/ /chos dang las ni mnyam nyid du/ /rnal 'byor pa yis sbyar bar bya/ /yon tan ldan dang yon tan
63a3 med//rang nyid byed po sdud po gtso/ /gsang chen 'gro ba la gnas pa/ /mngon pa'i nga rgyal can gyis min/ /sems dang sems byung rang bzhin gyis/ /bde ba chen por rang nyid sad/ /'khor bar med pa'i dngos po gang / /byang chub sems kyi rang bzhin bsgom/ /
63a4 gnyi ga'i rang bzhin dbyer med pa/ /sems kyi rang bzhin shes nas ni/ /sems kyi rgyu ba kun spangs te/ /mnyam pa'i ro la gnas par bya/ /gsang ba chen po gnas med pa/ /rnal 'byor pa yi gsang chen sbyor/ /dpal u rgyan nas byung ba/ gsang ba'i gsang ba
chen po de kho na nyid kyi man ngag ces bya ba slob dpon chen po dA ri ka pas mdzad pa rdzogs so/