CLOSE WINDOW

D2218
བོད་ཡིག

/ //rgya gar gyi mkhan po kr-iSh+Na paN+Di ta dang / lo tsA ba dge slong tshul khrims rgyal bas bsgyur cing zhus te gtan la phab pa/ /[ ]@##/ /rgya gar skad du/ pradz+nyo pA ya bi ni sh+tsa ya sid+d+hi/ bod skad du/ thabs dang shes rab rnam par gtan la dbab pa sgrub pa/thugs rje chen po 'phags pa spyan ras gzigs dbang phyug la phyag 'tshal lo/ /rang bzhin dri ma med cing thabs dang shes rab rang bzhin sems gang las ni sangs rgyas kyi/ /yang dag ma yin kun rtog mtha' dag dri mas ma gos chos sku dang ni mtshungs med pa'i/ /dam chos char gyi gzhir gyur longs spyod dang ni sna tshogs pa yi gzugs dang spyod ldan pa'i//yang dag sprul pa skye 'gyur de la gus par phyag byas nas ni de nyid bshad par bya/ /de yi rang bzhin ma shes pa'i/ /skye bo ma lus la phan phyir//dpal ldan yan lag med rdo rje/ /bdag gis de nyid mdor bsdu bya//byis pas 'khrul pa'i bden min pa'i/ /kun du rtog pa las byung dngos/ /kun du rtog pa'i bdag nyid can/ /de ni srid par mkhas pas bshad/ /de la bzod dka' rgyun chags pa'i/ /nyon mongs ma lus tshogs rnams dang / /rnam pa sna tshogs rgya che ba'i//las kyi tshogs ni skye bar 'gyur/ /de gnyis las ni skye ba dang / /'chi ba la sogs rab rgyas pa/ /mi bden la zhen sems ldan pa'i/ /shin tu sdug bsngal khor mor 'byung / /shes rab nyam chung de dag ni/ /ji srid dngos 'dzin chen po yod//de srid srid pa'i btson rar gnas/ /bdag dang gzhan phan gal yod/ /de phyir 'gro ba gsum po dag /dga' bar byed 'dod rang gi ni/ /'khrul pa bsal bar 'dod pa yi/ /shes rab can gyis dngos 'dzin spang / /gal te ming tsam tha dad kyang /rtog pa nyid du dbyer med phyir/ /mkhas pas dngos 'dzin yongs gtang ste/ /dngos med par yang mi rtag go/ /mar me 'bar ba bsad rung gi/ /shin ci yang byar med par/ /dngos por 'dzin pa nyid rung gi/ /dngos med 'dzin pa de lta min/ /yang dag dngos po mi rtog pa//de yis dngos po mtshon 'gyur te/ /gang phyir nam mkha' zhig pa ni/ /med pas dang po bral ba min/ /thabs dang bral bar gyur pa yis/ /dngos med tsam zhig bsgrubs gyur kyang / /med phyir nam mkha'i me tog bzhin/ /bdag gzhan don ni nus ma yin/ / mig 'phrul lta bur 'khrul ba'i phyir/ /de ltar dngos po yongs su btang / /sangs rgyas 'bras bu 'dod pa yis/ /med phyir dngos med de bzhin no/ /de gnyis ji ltar yongs btang dang / /btang nas gang du gnas pa ni/ /'khor min mya ngan 'das min pa/ /de ni mkhas pas mnyan par gyis//shes dang shes bya rab phye ste/ /sbyor bas yongs su brtags nas ni/ /chos rnams rang bzhin med pa nyid/ /shes rab de nyid du ni brjod/ /ma lus sdug bsngal rgya mtsho dang / /sdug bsngal las 'don gang yin pa/ /snying rje sems can la chags pas//'dod chags zhes ni bya bar grags/ /rtag tu rjes mthun sbyor ba yis/ /skye bo mngon par 'dod pa yis/ /'bras bu gang yin nyer sbyin pas/ /de nyid thabs zhes bya bar bsgrags/ /chu dang 'o ma 'dres pa bzhin/ /gnyis med rnam par sbyor ba yis/ / gnyis po 'dus pa gang yin pa/ /shes rab thabs zhes bya bar brjod/ /de ltar gang la gzhag pa dang / /gsal bar nus pa ma yin zhing / /gzhag dang gsal ba spangs pa ni/ /chos rnams de bzhin nyid ces brjod/ /gzung dang 'dzin pa dang bral ba/ /yod dang med pa'i phyogs spangs shing //mtshan gzhi dang ni mtshan nyid grol/ /rang bzhin dag pa dri ma med/ /gnyis dang gnyis med zhi ba dang / /thams cad la gnas dge ba ste/ /so so rang rig mi g.yo zhing / /thabs dang shes rab mi 'khrugs pas/ /de nyid sangs rgyas thams cad kyis//mchog tu ngo mtshar gyur pa'i gnas/ /legs dang lha yi phun tshogs byed/ /chos kyi dbyings su rab tu grags/ /dus gsum sangs rgyas kyis bsten pa'i/ /mi gnas mya ngan 'das pa ste/ /yid 'ong bdag byin brlabs pa'i gnas/ /shes rab pha rol phyin dge ba//theg pa gsum dang sku gsum dang / /bye ba grangs med sngags dang ni/ /phyag rgya'i dkyil 'khor 'khor lo dang / /'jig rten pa dang de las 'das/ /lha dang lha min mi dang ni/ /yid gsal sogs de bzhin gzhan/ /de nyid las ni byung nas su/ / de nyid du ni thim par 'gyur/ /ma lus pa yi 'gro rnams la/ /yid bzhin nor ltar kun du gnas/ /shes rab thabs kyi rang bzhin gyis/ /spyod dang grol ba yang ngag rtsol/ /de nyid yang dag rtogs nas su/ /sngon gyi bde gshegs sangs rgyas la/ /thams cad du ni sangs rgyas zhing //'gro la phan phyir sangs rgyas 'gyur/ /dpag med bde ba'i rang bzhin phyir/ /dpal ldan bde chen zhes bya la/ /kun du bzang po mchog nyid dang / /mngon par byang chub byed pa po/ /mtshungs pa med pa'i thugs rjes 'gro ba gsum gyi sdug bsngal ma lus pa//'joms par byed pa gcig pu rab 'jug dang ni dpag med sna tshogs pa'i/ /tshogs la chags pa las ni rnam par grol ba'i blo mchog mnyam 'dus pa/ /bdag gzhan phan dang bde rgyu de nyid du ni thub pa'i dbang pos gsungs/ /de dag ni thabs dang shes rab rnam par gtan la dbab pa sgrub pa las/shes rab dang thabs rnam par spros pa'i rim par phye ba ste dang pa'o// //srid pa gzhom dka' 'khrul pa yi/ /nad kyis gzhom bdag la phan pa/ /de nyid rin chen thob bya'i phyir/ /de nas 'di la cung zad bshad//dpal ldan yan lag med rdo rje/ /snying rjer zhugs pa'i sems kyis ni/ /sngon gyi sangs rgyas kyis gsungs pa'i/ /thabs ni ji bzhin mdor bsdu bya/ /de 'di yin zhes rgyal bas kyang / /de ni brjod par nus ma yin/ /so so rang rig rang bzhin phyir/ /ngag gi lam gyis gzung bya min//de lta na yang dus gsum gyi/ /sangs rgyas 'gro rnams dga' mdzad pas/ /mdo sde du ma gsang sngags kyi/ /spyod pa la sogs rim gyis bshad/ /dgra dang don dag 'brel med phyir/ /thos pa la sogs shes pa yis/ /yul du nam yang 'gyur ma yin//bstan bcos mtshan nyid ston pa yin/ /de phyir skyes bu dam pa yis/ /bla ma dam pa bsten par rigs/ /de ma gtogs par de nyid ni/ /bskal pa bye bas thob mi 'gyur/ /zhing bzang shin tu sbyangs pa las/ /sa bon med pa'i myu gu bzhin//de nyid rin chen ma rnyed par/ /nam yang dngos grub 'gyur ma yin/ /rnam par mi rtog lam la gnas/ /thabs dang shes rab don ston pa'i/ /man ngag ldan pa 'ga' tsam ste/ /yid bzhin nor bu bzhin du 'byung / /sa steng gi ni slob dpon te/ /nges par yongs su shes byas la//dngos grub mchog ni bdag sgrub phyir/ /de ni 'bad pas bsnyen bkur bya/ /gang zhig gi ni gzi brjid kyis/ /khams gsum brtan dang g.yo bcas pa'i/ /'byung po kun gyis dge legs dang / /dpag med byang chub bde mchog thob/ / ltos pa med par thugs brtse ba'i/ /thugs rje'i sku can de la ni/ /bsam ngan rgyu yi dri bcas pas/ /sems kyis ci phyir 'dud par byed/ /ji srid 'dod pa rnyed bar du/ /kun du phyag dang bkur sti dang / /'bad de chang la sogs pas mchod/ /bsnyen bkur sri zhu bla mar byed//sangs rgyas kun gyi yon tan gnas/ /rin chen de nyid thob gyur nas/ /sdang la skyon rnams rtog byed cing / 'dris med tsam yang byed mi 'gyur/ /de bzhin gzhan yang ngan pa'i bdag /bla ma rdo rje can bsten nas/ /co 'dri bar ni byed pa'i bdag / bsam ngan rang la co 'dri 'am/ /dkon mchog gsum gyi dkor dang ni/ /bla ma'i phyag rgya 'phrog par byed/ /rnal 'byor pa yi dam chos la/ /ma spyad par ni smod par byed/ /dam tshig ngo mtshar che gyur la/ /rtag tu smod byed blo ldan pa/ /nga yang shin tu skrag byed ces/ / dpal ldan rdo rje mgon pos gsungs/ /bsnyen bkur med par myur ba ru/ /bdag ni rjes su gzung 'tshal brjod/ /sdang ba'i sems kyis gzhan bstan te/ /kha cig nyes pa sgrogs la brtson/ /sangs rgyas don du mi gnyer zhing / /rnal 'byor pa dang slob dpon zhes/ /bdag ni ci nas shes 'gyur ba//de tsam la ni zhugs pa yin/ /brgya la ye shes rnyed 'gyur na/ /khengs pas bla ma la sdang bar/ /sngags kyi rim pa las 'ongs pa/ /'di ni bdag gis shes zhes brjod/ /slar la 'bul gyis yas rang bzung / /de nas brtsams te yas kyi ni/ / slob ma nga min slob dpon min/ /khro bcas smra ba gzhan dag yod/ /bla ma slu ba'i bsam pa yis/ /co 'dri byed cing 'khyal byed pa/ /tshe 'di bde ba yod min na/ /de dag ji ltar 'grub par 'gyur/ /de lta bu yi sems can gang / /rang gi don la rgyab phyogs yin//de ni ngan 'gro kun snod du/ /dpal ldan rdo rje mgon pos gsungs/ /bdag nyid sun 'byin byed pa de/ /dmyal las 'gro ba gzhan yod min/ /shin tu mi bzad las rnams kyis/ /sdug bsngal rnam pa mang pos 'tshed/ /de bas dam pa don gnyer ba'i/ / skyes bu dngos po thams cad kyis/ /dpag med 'bras bu rab ster ba'i/ /slob dpon kun du bsten par bya/ /byang chub tu ni nges byas pas/ /phrag dog nga rgyal ser sna dang / /de bzhin g.yo dang sgyu dang ni/ /skyo dub 'du shes yongs spangs te/ /rtag tu ngu yi spyod pa bzhin//mi g.yo ba yi sems kyis ni/ /dngos grub kun don ster ba'i bla/ /'gro ba'i mgon po bsnyen bkur bya/ /shin tu gus pas dus gsum du/ /zhabs la spyi bos phyag byas shing / /rang gi lus la'ang ltos med par/ /maN+Dal sngon 'gro mchod par bya//de nas bla ma'i bka' drin gyis/ /dus gsum sangs rgyas kyis gsungs pa/ /de nyid dam pa gegs med par/ /slob ma yis ni thob par 'gyur/ /rtag tu 'od gsal dag pa ste/ /rgyal ba'i gnas 'gyur byang chub sems/ /gsal ba chos kyi dbyings kyi dngos//phun tshogs ma lus byed par 'gyur/ /mun pa'i tshogs ni 'joms byed pa'i/ /nyi ma dang ni nye ba yi/ /me shel gyi ni nor bu las/ /rab 'bar me lce 'byung ba bzhin/ /slob ma'i sems ni nor bu la/ /'gro ba gzigs pa nyer 'gyur na/ /dri ma 'joms byed rnal 'byor gyi//me lce rno 'bar de bzhin no/ /dpal ldan de nyid rin chen ni/ /rab tu rtogs pas 'bar rjes la/ /phyogs bcu na bzhugs sangs rgyas rnams/ /thugs rjes thugs ni 'phangs nas su/ /myur du byin nas slob ma ni/ /sangs rgyas byin brlabs gdon mi za//sangs rgyas kun gyis byin brlabs pas/ /sangs rgyas kun gyi rang bzhin 'gyur/ /brtan pas g.yo dang zol dang nga rgyal sgrib pa thams cad yongs su spangs nas ni/ /man ngag ldan pa'i bla ma mtshungs pa med pa dad pas 'dir ni bsten par bya/ /des de nges par rgyal ba'i yon tan gter 'gyur de nyid rin chen rnyed gyur nas//bde gshegs kun gyis brnyes pa'i byang chub mchog ni thob par 'gyur/ /de dag ni thabs dang shes rab rnam par gtan la dbab pa sgrub pa las rdo rje slob dpon bsnyen bkur nges par bstan pa'i rim par phye ba ste gnyis pa'o// //rdo rje sems dpa'i gnas 'dod pa'i/ /sgrub pa po la phan gdags phyir/ /dbang bskur srid gsum phun tshogs gnas/ /de ni 'di la yang dag bshad/ /bde gshegs gnas kyi dkyil 'khor du/ /rgyud ni lam gyi rjes 'brangs nas//mkhas pas gang tshe dbang bskur na/ /sangs rgyas thams cad mngon sum yin/ /dpag med 'jig rten khams dbang phyug /bdag byin brlab pa'i dbang thob pa/ /dam tshig nyams kyi 'jigs pas na/ /blo ldan de dag gis kyang 'dzin/ /sangs rgyas rnams kyi don dam du//sngags kyi lam las de bzhin gsungs/ /rdo rje sems dpa' la sogs lha'i/ /dam tshig shin tu 'da' dka' ba'i/ /sngags kyi lam du de bzhin gsungs/ /de bas don kun la 'bad pas/ /dbang bskur don gnyer rgyal dag sras/ /rdo rje slob dpon yon tan mtsho//ji ltar rigs pas bsnyen par bya/ /gzugs dang lang tsho phun sum tshogs/ /mig bzang phyag rgya rnyed nas ni/ /gos dang tsan+dan phreng sogs kyis/ /rab tu brgyan te dbul bar bya/ /dri dang phreng sogs bsnyen bkur dang / /chang dang ston mo rgya chen dang //phyag rgyar bcas pa'i gtso bo ni/ /gus pas 'bad de yang dag mchod/ /slob ma dad pas pus lha nga / /sa la legs par btsugs nas ni/ /thal sbyar bcas pa'i bstod pa 'dis/ /ston pa la ni gsol gdab bya/ /rnam rtog thams cad spangs pa yi//stong nyid snying po bstod phyag 'tshal/ /kun mkhyen ye shes phung po can/ /ye shes sku khyod phyag 'tshal lo/ /'gro ba'i mi shes gcod pa po/ /bdag don de nyid ston mdzad pa/ /chos bdag med las yang dag byung / /rdo rje sems khyod la phyag 'tshal//sangs rgyas byang chub sems rnams dang / /sa dang pha rol phyin yon tan/ /rtag tu mgon po khyod las 'byung / /byang chub sems khyod la phyag 'tshal/ /dkon mchog gsum dang theg chen gyi/ /de nyid brtan dang g.yo bcas pa/ /khams gsum 'di dag thams cad kyi//'gro ba'i sa bon khyod la 'dud/ /'gro don sna tshogs grub pa'i phyir/ /yid bzhin nor bu bzhin du 'byung / /dpal ldan bde gshegs bka' bzhin mdzad/ /sangs rgyas sras po khyod la 'dud/ /yon tan rgya mtsho bka' drin gyis//de nyid bla med shes par 'tshal/ /kun mkhyen rdo rje'i dbang bskur ba/ /de ltar bka' drin mdzad du gsol/ /dpal ldan thugs kyi rdo rje yis/ /sangs rgyas kun gyi gsang chen po/ /rdo rje chos la bstan pa bzhin/ /de ring mgon pos bka' drin stsol//khyod zhabs pad+ma spangs nas ni/ /bdag la gzhan ni skyabs ma mchis/ /'khor ba'i dgra las rab rgyal ba'i/ /mgon pos de phyir brtse bar mdzod/ /de nas dpal ldan slob dpon ni/ /phan pa'i bsam pas rjes brtse bas/ /snying rje slob ma la bskyed de/ /'dod pa'i yon tan lngas gang ba'i//dril bu sil snyan sgra dang bcas/ /bla re 'bar ba bres pa ru/ /me tog bdug pa nyams dga' 'khrigs/ /phreng dang dri zhim mchog tu bde/ /rdo rje sems dpa' lam gyi lha/ /rnal 'byor ma ni rnal 'byor ldan/ /mchog tu rmad byung gnas gyur pa'i//tshogs kyi 'khor lor bkug nas ni/ /de nas slob dpon skal bzang gis/ /phyag rgya dang ni sbyar byas te/ /rgyal ba'i gnas gyur byang chub sems/ /pad+ma'i snod du bzhag nas ni/ /bkra shis glu yi tshigs bcad dang / /gdugs dang rnga yab rgyal mtshan bcas/ / phyag rgyar ldan pas slob ma ni/ /'gro ba'i gtso bor dbang bskur bya/ /slob dpon dbang phyug mchog gis ni/ /dbang bskur rin chen byin nas su/ /rang bzhin gsal zhing mngon sbyangs pa/ /dam tshig nyams dga' sbyin par bya/ /rin chen chen po ga pur bcas/ /tsan+dan dmar po sbyar ba dang //rdo rje yi ni chu dang bcas/ /lnga pa dag las yang dag byung / /'di ni bu khyod dam tshig ste/ /sangs rgyas kun gyis mthun par gsungs/ /bzang pos rtag tu bskyang bar byos/ /de ni sdom pa mnyan par gyis/ /srog chags gsad par mi bya zhing //bud med rin chen spang mi bya/ /khyod kyis slob dpon yang mi spang / /sdom pa shin tu 'da' dka' ba'o/ /byang chub sems kyi dbang bskur bas/ /slob ma sdig dang bral bar 'gyur/ /sangs rgyas sras mchog de la ni/ /rjes su gnang ba de nas sbyin/ / byang chub snying po'i mthar thug bar/ /phyogs kyi 'khor lo ku na du ni/ /chos kyi 'khor lo bla med pa/ /sems can mchog gis bskor bar gyis/ /shes rab thabs kyi rang bzhin dag /yid bzhin nor ltar rgya che ba/ /chags dang bral zhing mi skyo bas/ /da ni sems can rnams don gyis//rjes gnang bcas pa'i dbang bskur thob/ /bya ba byas shing rab dga' bas/ /'gro kun dga' bar byed pa yi/ /'jam pa'i tshig ni brjod par bya/ /de ring bdag gson 'bras bu yod/ /de ring skye ba 'bras bu yod/ /de ring sangs rgyas rigs su skyes/ / de ring sangs rgyas sras por gyur/ /skye la sogs pa'i rba rlabs dang / /nyon mongs 'dam ni rgal dka' ba'i/ /rtog pa'i rgya mtsho 'jigs chen las/ /mgon pos de ring bdag bsgral to/ /khyod zhabs bka' drin shes nas su/ /byang chub gang gi bdag 'tshal bas/ / bag chags thams cad spangs nas su/ /rdzogs pa'i bzhin du bdag gyur to/ /mig mdangs 'dzum dang bcas pa yis/ /gus pas zhabs la btud nas su/ /'dzin pa med pa'i sems kyis ni/ /rdzas ni gang dang gang bzhed pa/ /de dang de ni dbul bar bya/ /bla ma thugs rje can gyis kyang //slob ma'i 'dzin pa spang ba'i phyir/ /de la phan phyir blang bar bya/ /bla ma'i yon ni phul nas su/ /de nas mchod de phyag byas la/ /mngon par 'dod pa'i gnas thob nas/ /slar yang 'di yis mkhyen par gsol/ /de ring sangs rgyas mchog khyod kyi//bka' drin bdag gis thob par 'gyur/ /de mthus bla med byang chub ni/ /ji bzhin bdag gis bsgrub par bgyi/ /mchog kun gyis ni mchod pa'i gnas/ /bla med byang chub thob nas ni/ /srid gsum gnas pa'i sems can rnams/ /de nyid la ni dgod par bgyi//cho ga 'di dag nyid kyis dbang bskur byin nas ni/ /slob ma lhag par mos pa'i yid kyis brtag byas la/ /zab cing rgya che ba la lhag par mos nas ni/ /tshig gis rin chen dbang bskur sbyin par bya/ /dbang bskur mchog ni ma lus thob par 'gyur ba ste/rdo rje mchog 'dzin rnyed dka' mtshungs pa med pa'i gnas/ /longs spyod rdzogs pa dang ni dpal gyi zhing gyur pa/ /byang chub sems can dbang bskur de dag blang bar bya/ /rjes su gnang ba thob nas 'jig rten gsum po yi/ /bya byed ngan pa'i dgra las rgyal ba'i blo ldan pas//dri ma med pa'i de nyid grub pa'i gnas der ni/ /'jug pa'i sems kyis rgyal ba de nyid rnal 'byor bya'o/ /thabs dang shes rab rnam par gtan la dbab pa sgrub pa las/ byang chub sems kyi dbang bskur ba nges par bstan pa'i rim par phye ba ste gsum pa'o// //gzhan don la phan brtson 'grus can//sgrub pa po la phan pa'i phyir/ /shes rab thabs kyi bsgom pa mchog /de nas 'di la gsal bshad bya/ /gang zhig bsgoms pas 'khor ba yi/ /'jigs rung rgal dka'i rgya mtshor min/ /rang don tsam gyis mya ngan 'das/ /der yang rnal 'byor pa mi gnas//gang zhig rab kyis mthar phyin pas/ /dri med rmad byung sangs rgyas nyid/ /'phel dang 'grib las rnam grol ba'i/ /bla med byang chub skye 'gyur ba'o/ /phung po lnga la sogs chos rnams/ /gang yang dor bar bya min zhing / /nam yang gzung bar bya ba'ang min//chos kun mi mnyam mnyam pa nyid/ /stong nyid bsgom par bya min la/ /stong nyid min pa'ang mi bsgom mo/ /stong nyid rnal 'byor pas mi gtang / /stong nyid min pa yang mi gtang / /stong nyid stong min nyid 'dzin pa/ /rtog pa rab rgyas skye bar 'gyur//yongs su btang ba'ang rtog pa ste/ /de bas de gnyis yongs su spangs/ /'dzin pa gnyis ka yongs btang na/ /chags bral rnam par grol ba'i gnas/ /de dang 'brel bdag ces par yang / /kun rtog de phyir de gnyis spang / /chags pa med cing 'gyur ba med//sdig pa dang bral mngon zhen med/ /thog ma tha ma'i rtog las grol/ /mkhas pas nam mkha' lta bur bsgom/ /snying rjer ldan pa'i sems can la/ /rgyab kyis phyogs par mi bya'o/ /sems can yod dang med ces par/ /rnam rtog nyid ni mi bya'o/ /spros pa med pa'i rang bzhin gang //shes rab ces byar rab tu grags/ /yid bzhin nor bu ji bzhin du/ /ma lus 'gro don byed snying rje/ /mi dmigs gnas kyi shes rab dang / /mi dmigs snying rje chen po ste/ /nam mkha' la ni nam mkha' bzhin/ /blo ldan lhan cig gnyis su med//gang na'ang sgom pa po med cing / /rnam par sgom pa'ang ci yang med/ /bsgom bya nyid kyang yod min la/ /de ni de nyid bsgom par bshad/ /bya ba'ang cung zad yod min la/ /dpyad par bya ba nyid kyang med/ /byed po dpyod pa las grol ba/ /don dam rnam par bsgom pa yin//gtong bar byed pa'ang yod min zhing / /'gog par byed pa'ang ci yang med/ /des na dor bar bya med cing / /'di la blang bya gang yang med/ /gzugs rnams kun du blta ba dang / /de bzhin sgra rnams nyan pa dang / dgod dang rtsed mo byed pa dang / /ro rnams sna tshogs myang ba dang //las rnams thams cad byed pa ni/ /sems ni mi g.yo gnas byas nas/ /de nyid rig pa'i rnal 'byor pa'i/ /rnal 'byor rgyun du skye bar 'gyur/ /de nyid gnyis med bstan pa ste/ /byang chub sems mchog 'di yin no/ /dpal ldan rdo rje sems dpa' dang //rdzogs sangs rgyas kyi byang chub nyid/ /pha rol phyin pa kun dngos kyi/ /shes rab pha rol phyin 'di nyid/ /'di ni mnyam nyid brjod pa ste/ /sangs rgyas kun gyi bsgom pa'i mchog /byang chub sems dpa' mtha' yas dang / /rdzogs sangs rgyas dang nyan thos sogs//brtan dang g.yo ba'i bdag nyid kyis/ /'gro ba thams cad 'di las skyes/ /dngos dang dngos med dang bral ba'i/ /rnal 'byor pas ni de nyid bsgom/ /dngos dang dngos med las grol ba/ /bsgoms pas myur du 'grub par 'gyur/ /nyes pa ma lus dang bral zhing //nges par sdug bsngal ldog 'gyur na/ /dpal ldan bde gshegs yon tan ni/ /mtha' yas de las 'byung bar 'gyur/ /kun rtog mun pa sdug bsngal ba/ /stug pos mngon par zil gnon cing / /'dod chags la sogs bzlog dka'i dri mas g.yogs gyur pa'i//rab tu 'thor rlung gis bskyod glog ltar g.yo ba yi/ /sems ni 'khor ba yin par rdo rje can gyis gsungs/ /rtog pa las ni rnam par grol zhing 'od gsal ba/ /'dod chags la sogs dri ma'i sgrib g.yogs rab tu spang / /gzung ba dang ni 'dzin pa med na de nyid ni//mya ngan 'das pa'i don du sems can mchog gis gsungs/ /de bas sdug bsngal mang po'i tshogs kyi rgyur gyur pa/ /'di las gzhan pa gang yang yod pa ma yin la/ /thar 'dod 'phags pa khyod kyi bde ba dpag med pa/ /skye ba'i rgyur yang 'di las gzhan pa gang yang med//sdug bsngal ma lus zad bya'i go cha bgos nas ni/ /rdzogs sangs rgyas kyi bde mchog thob par 'dod pa yis/ /sems ni brtan byas de la 'bad de dpyad byas la/ /de yis rang bzhin bdag gi rang bzhin nyid du bya/ /skye ldan rnams kyi yid 'di ji srid rtog pa'i mun pa snam bu mthug pos dkris gyur pa//de srid sdug bsngal dpag tu med yin de nas de ni ji srid bshus par gyur pa ni/ /de srid bde ba rgya chen mtshungs med yin pas 'phags mchog de la nan tan gyis shig dang / /de zad nas ni de nyid la gnas yon tan rgyas pa rang nyid kyis ni snang bar 'gyur//de dag ni thabs dang shes rab rnam par gtan la dbab pa'i sgrub pa las/ de kho na nyid bsgom pa'i rim par phye ba ste bzhi pa'o// //chos kun mnyam nyid rmad byung ba/ /de nyid spyod pa bla na med/ /rnam rtog dgra rnams gsod byed pa/ / shes rab pha rol phyin pa gzhan/ /rdzogs pa'i sangs rgyas la gnas pa'i/ /sangs rgyas sras la phan bya'i phyir/ /de nyid yan lag med rdo rjes/ /de nas 'di las gsal bshad bya/ /rga ba la sogs rba rlabs 'khrigs/ /skye ba'i rgya mtsho cher 'jigs las/ / 'byung po thams cad sgrol ba'i gru/ /nyes med par ni 'gro ba'i gru/ /yid 'ong yon tan kun gyi gnas/ /myur du dngos grub bzang po byed/ /'dod pa'i don kun rab sgrub pa/ /yid bzhin nor bu bzhin du 'byung / /ma lus pa yi sangs rgyas rnams kyi yon tan rgyur 'gyur bar ni//rdo rje 'dzin pas rab tu bsngags pa ste/ /'di ma gtogs par dngos grub skye bar 'gyur min de phyir thar pa 'dod pas spyod pa mnyam med 'di spyad bya/ /lha min dgra dang brgya byin grong khyer gsum dgra nor sbyin tshangs sogs rnams kyis zhabs kyi pad+mar mchod byas pa/ / bde bar gshegs pa'i go 'phang mchog ni myur du thob byed sdig pa zad byed 'di ni mkhas pas spyad par bya/ /dpal ldan rdo rje sems dpas 'gro la phan phyir yang dag spyod pa 'di gsungs te/ /sna tshogs gzhan dag ma lus gdul bya'i skye bo du ma'i dbang du byas nas ni/ / ji skad gsungs pa'i spyod pa sna tshogs bla med dngos grub ma lus rab bsgrub min/ /kun bzang mtshungs med spyod pa 'di las 'grub 'gyur bcom ldan rdo rje can gyis gsungs/ /dpal ldan slob dpon rdo rje can/ /mgon la kun nas phyag byas la/ /bya ba byas pa'i blo can gyis/ / gsang ba'i spyod pa bstan par bya/ /de nas rang 'dod nges byas la/ /'du 'dzi kun la rgyab phyogs te/ /seng ge'i bdag nyid kun rgyu ba/ /de nyid ldan pas spyad par bya/ /'gro ba 'don pa'i bsam pa yis/ /ji bzhin yang dag don rig pas/ /yang dag ldan pas 'jug pa bdag /gnas med sems ni bstan par bya/ /khams gsum 'di dag de nyid de/ /phung po khams la sogs mtshan nyid/ /thams cad sgyu ma rmi lam bzhin/ /mdor bsdus 'di ltar shes byas la/ /'gyod dang rmugs dang gnyid la sogs/ /longs spyod rgya chen 'du 'dzin dang //de bzhin 'jig rten chos brgyad po/ /shin tu thag ring spang bar bya/ /gnyis med nges par byas nas ni/ /rtag tu g.yo ba med pa yis/ /pha rol phyin drug sbyor ba ni/ /sangs rgyas dngos grub bsgrub par bya/ /sems can rnam par mi rtog bzhin/ /sems can don la shin tu chags//sems ni byang chub nges byas la/ /de nyid spyod pa la brten bya/ /shes rab thabs su ldan pa yis/ /chags pa kun la rgyab bstan te/ /de nyid goms pa la 'bad pas/ /tshe 'di nyid la 'grub par 'gyur/ /bdag byin brlab par rab gsal bas/ / sems ni ji ltar rjes mthun par/ /sngags kyi lam las rab bshad pa'i/ /dam tshig dag ni kun spyad bya/ /bgegs dang bdud tshogs zhi bya'i phyir/ /bdud rtsi lnga po byin gyis brlabs/ /bshang gci la sogs rnams gnas pa/ /'di ni srung ba bla med yin//rims dang dug dang dbyig dug nad/ /mkha' 'gro ma dang gdon gyi tshogs/ /bdud dang log 'dren nyid dag ni/ /'di yis rab tu zhi bar 'gyur/ /mi dang rnga mo las byung dang / /rta dang glang po las byung ba/ /lnga pa khyi las byung ba ste/ /sgron ma shes rab can gyis bza'//sems ni dga' bar byed pa yis/ /dam tshig chen po gzhan dag kyang / /rlung ni 'khrugs pa zhi bya'i phyir/ /thugs kyi rdo rje can mnyes bya/ /thams cad du ni thar 'dod pas/ /shes rab pha rol phyin bsten bya/ /dam pa'i don du gang gnas pa/ /kun rdzob dag pa'i lus bzung nas//bud med mdzes pa'i gzugs kyis ni/ /thams cad du ni kun du gnas/ /de bas phyi rol don las byung / /rdo rje mgon pos don de gsungs/ /bram ze'i rigs sogs las byung dang / /mtha' yas skyes dang phyag rgya dang / /gzhan gyi chung ma tshul nyams dang //dman dang cha lugs mi sdug dang / /skyed ma dang ni sgyug mo dang / /rang gi bu mo sring mo dang / /de nyid sbyor bas 'dod spyod na/ /sgrub po myur du 'grub par 'gyur/ /sems ni tshim par byed pa yi/ /gling bu sogs las byung ba mnyan/ /phyi rol phyag rgya ka ra na//ro ni sna tshogs tshim byed bya/ /rang gi lha yi sbyor ba yis/ /'dod pa'i yon tan mchog rnams kyis/ /sems ni rin chen dag bya'i phyir/ /rtag tu bdag nyid mchod par bya/ /chu skyes rdo rje chu dang ni/ /sgron ma'i 'o ma rab rgyas mchod/ /phreng dang tsan+dan gos bzang sogs//sems ni skyo ba med par bya/ /bgrod dang bgrod min sogs pa ni/ /'dir ni nam yang bya ba min/ /sgyu ma lta bu sogs sbyor bas/ /thams cad la ni longs spyod bya/ /chos kyi dbyings las byung bas na/ /mi mthun phyogs ni gang yang med/ /dogs pa med pa'i sems kyis ni//ji ltar 'dod bzhin rab spyad bya/ /sgrub pa po la phan gdags phyir/ /khams gsum pa ni ma lus pa/ /'di dag thams cad longs spyad phyir/ /rdo rje sems dpa' sprul pa yin/ /ye shes mtha' yas rnyed pa yi/ /de bzhin gshegs la'ang phyag min na//rtag tu bsgom la 'grub pa yis/ /lugs ma la sogs smos ci dgos/ /dngos po kun gyi rang bzhin 'di/ /byang chub sems kyi rang bzhin te/ /de nyid bcom ldan rdo rje can/ /de bas bdag nyid lha yin no/ /smyung ba dang ni dkyil 'khor bri/ /phyag rgya bcing dang mchod rten las//sbyin sreg dang ni gsang sngags zlos/ /po ti glog pa la sogs pa/ /dpal ldan rdo rje mgon po yis/ /mos pa'i dbang du mdzad nas ni/ /gzhan dag la ni bstan pa ste/ /de nyid rig pa'i sems kyis min/ /mar sar 'dod pa'i snying po ni//blangs te dar ba 'dor bar byed/ /de ltar chos kyi snying thob pas/ /rtog pa ma lus spang bar bya/ /rnam par mi rtog gnas blo can/ /gnas min dogs pa spangs byas nas/ /thugs kyi rdo rje'i bka' bzhin du/ /de nas 'grub 'gyur the tshom med/ /phyag rgya sbyor bas kun du 'khyud//rdo rje bcug ste bskyod pa dang / /ma mchu'i sbrang mchog btung bya zhing / /de yis 'dren pa'i sgra gsal bas/ /blangs shing dul ba'i longs spyad na/ /nges par dga' ba rgya chen gyis/ /rdo rje sems dpa' 'dod pa'i rgyal/ /ring por mi thogs 'grub par 'gyur//ji ltar yid 'khrugs mi 'gyur ba/ /de lta de ltar spyad par bya/ /sems kyi rang bzhin 'khrugs gyur na/ /nam yang dngos grub 'gyur ma yin/ /de bas dngos grub mchog 'dod pa'i/ /sgrub pa pos ni 'dzin pa spang / /sems dang rjes mthun sbyor ba yis//mchog gi go 'phang bsgrub par bya/ /dngul chu bzung bas bsgrubs ji bzhin/ /thabs kyi gzhi yi sbyor ba yis/ /de bzhin sems kyi dngul chu bzung / /sbyor ba dag ni gang yin pa/ /de ru de yis gnas par bya/ /dus dang grangs ni yongs spangs nas//de nyid rig pas 'grub par 'gyur/ /gnyis med mtshungs pa med pa gang yin nyin re zhing / /de nyid mchog ni rgyun du rjes su bsten par bya/ /'di yis dri ma med cing rdo rje lta bu dang / /grib ma lta bu'i sku ni mtshungs mad thob par 'gyur//blo dang ldan pas shes rab kyis ni chos rnams kun/ /rang bzhin gyis ni dri ma med par rnam 'byed de/ /'jig rten gsum gyi sdug bsngal zad par bya ba'i phyir/ /nyin rer brtson 'grus go cha chen po bgos nas su/ /dngos po kun gyi rang bzhin dpal ldan rdo rje sems//yon tan ma lus pa yi gter gyur bsgom par bya/ /sems ni byang chub ngo bor bzhag nas yul gyi ni/ /bde la dga' bas tshe 'di nyid la 'grub par 'gyur/ /rang bzhin gyis ni ma lus 'di dag rnam dag ste/ /tha mal yul rnams bdag med sgyu ma lta bu dang / mig 'phrul dang ni mig yor dag dang mtshungs pa ste/ /gnas med rtog pa'i tha snyad dag las rnam par grol/ /gang tshe skyes bu dam pa rgya chen bsam pa dang / /'dzin pa med pa'i sems ni kun du rtogs gyur pa/ /de tshe lhan cig skyes pa'i rtog pa zil mnan te/ /yul 'di rnams kyis nus pa 'ching bar nus ma yin//gang rnams rnyed dang ma rnyed grags dang ma grags dang / /bde ba dang ni sdug bsngal rab tu rgyas pa dang / /bstod pa smad pa'i dri ma rab tu ma lus pa/ /zad pas rang gi sems ni mnyam pa nyid du bya/ /chags pa med dang 'gro la snying ni brtse ba yis//rnam par rtog pa thams cad las grol spyod pa dang / /ldan pa de yi phyag na bde gshegs go 'phang ni/ /gnas pa yin zhes rdo rje sems dpa' rab tu gsungs/ /gzhan la gnod par byed pa'i blo can gyi/ /skye bo gshis ngan kha yi bu ga ni/ / zab mo gya gyu nas byung tshig ngan sbrul/ /rtsub mo'i las kyis su zhig 'jigs mi 'gyur/ /shin tu dri med dga' byed 'od kyi phreng can gyi/ /'od zer mtsho skyes kyis ni bzod par mi nus ltar/ /yid 'phrog byed pa'i bdud rtsi med du bshad pa yang / /skye bo mdzangs min yid ni chags par byed pa min//zla ba'i 'od zer de nyid chu shel nor bu dang / /shin tu nye bar 'dus nas bdud rtsi chu 'dzag bzhin/ /de nyid skye bo bzang yid bdud rtsi'i ros brlan zhing / /mig nas mchi ma 'dzag bzhin chags par byed/ /de bas bdag ni chos nyid gnas pa'i skye bo bzang //'phags pa shes ldan khyod la thal mo sbyar nas ni/ /bdag gis mdo ru bsdus te gsal bar byas pa ni/ /rab mchog gang yin de ni khyod la dbul bar gyi/ /dpal ldan rdo rje sems dpas ji skad gsungs pa ni/ /bdag gis kyang ni 'di ru de bzhin nges par bstan//ci ste nyes par smras pa yod gyur pa/ /de lta na yang 'phags pa bzod pa mdzad par zhu/ /bla ma'i zhabs kyi pad+mar brten par rnam sprul pa'i/ /bdud rtsi dge ba rnams kyi 'byung gnas zhes bya ba/ /gang yin can de 'gro ba rnams kyi thun mong yun ring du//phan byed ma lus brtse bas bdag gis byas pa ste/ /dpal ldan 'jig rten gsum gyi rgyal po yon tan mtsho/ /rab mchog lha dang lha min dbang po'i cod pan gyis/ /sgrub thabs de nyid rig pa rnams las myur du ni/ /'bras bu ster ba gang yin 'di ni byas pa las//bsod nams dri ma med pa rgya chen thob gyur pa/ /'di yis 'gro rnams rtog pa'i dgra yi tshogs las ni/ /rgyal bar gyur te blo ldan yon tan rgyur 'gyur ba/ /byang chub sems dang de dag shin tu ldan gyur cig /de dag ni thabs dang shes rab rnam par gtan la dbab pa'i sgrub pa las/de kho na nyid kyi spyod pa nges par bstan pa'i rim par phye ba ste lnga pa'o// //thabs dang shes rab rnam par gtan la dbab pa'i sgrub pa slob dpon chen po yan lag med pa'i rdo rjes mdzad pa rdzogs so// //paN+Di ta chen po shAn+ti b+ha dra dang /