177a3 /sems can 'gro don byed par shog /dpal ldan gos sngon can gyi dkyil 'khor gyi cho ga slob dpon nA gA rdzu nas mdzad pa rdzogs so//[ ]@##/ /rgya gar skad du/ man+t+rA laM kA ra sA d+ha naM/ bod skad du/ sngags kyi rgyan gyi sgrub thabs/ bcom ldan
177a4 'das thugs kyi rang bzhin phyag na rdo rje gtum po la phyag 'tshal lo//sngags rnams bdag po dpal ldan rdo rje can/ sku gsum rang bzhin yon tan kun gyi mdzod/ /nyon mongs gdung ba rtsad nas zhi mdzad cing / /dus gsum sangs rgyas rang bzhin gos sngon can/ /gsang ba'i bdag
177a5 la dang bas phyag 'tshal lo//myur du grub par 'ong par yi/ /de nyid sngags ni bshad par bya/ /gang zhi rnal 'byor pa yis ni/ /sngags la gtso cher byed pa yis/ /rigs bzang don dang ldan pa yis/ /yid dang mthun pa'i gnas dag tu/ /sngags kyi mi mthun kun spangs
177a6 nas//snyan pa'i gnas su legs 'dug ste/ /sems sbyang lhag pa'i lhar gyur te/ /bsrung dang tshogs bsag stong par bsgom/ /de nas rang gi sems nyid ni/ /yi ge hUM gi rnam pa las/ /b+hUM 'phros gzhal yas khad par gyur/ /de steng hUM las cho ga gsum/ /de las dpa'
177a7 ldan gtum pa'i gzugs//g.yas na rdo rje rtse lnga pa/ /g.yon pas bya khyud nges par bsnams/ /sku mdog sngon po dpa' ba'i chas/ /g.yon brkyang g.yas bskum gdug pas brgyan/ /ye shes bstim dang byin brlabs nas/ dbang bskur 'bras bu lnga dang ldan/ /de rjes sngags
177b1 kyi bzlas pa bya//bdag dang gzhan gyi rnam pa yis/ /rags pa dang ni phra ba yi/ /shin tu phra ba'i rnam pa ste/ /sems dpa' sum brtsegs gzhal yas khang / /gsal bar byed pa de nyid de/ /rnal 'byor tshul gyis yongs su bsgrub/ /'dod chags dang ni zhe sdang dang / /gti
177b2 mug nga rgyal phrag dog dang //nyon mongs nye ba'i nyon mongs dang / /sngags kyi dus su spang par bya/ /gzugs dang sgra dang dri dang ro/ /de bzhin rig bya la sogs dang / /g.yeng bar gyur pa ma lus pa/ /sngags kyi dus su spang bar bya/ /sgra che ba dang sgra chung dang / /skyen pa dang ni
177b3 bul ba dang //mi gsal yang lag nyams pa dang / /gsang sngags par du sgra zhugs dang / /dmigs pa ma rdzogs 'jog pa dang / /sngags kyi dus su spang bar bya/ /rjes kyi rnal 'byor ma lus par/ /dus dang grangs dang mtshan ma dang / /ro dang dbang bskur la sogs pa/ /
177b4 sems dpa' sum brtsegs gsal ba yis/ /rang nyid thig le'i ngo bo yi/ /'od zer la ni yig 'bru zhon/ /'od dkar zhi ba'i tshul du bzlas/ /yang na 'od 'phros sku gsum gyi/ /rang bzhin tshur 'dus gdug rtsub sbyong / /yad na dmigs pa med pa las/ /'phro dang 'du bas byed
177b5 pa yin//'od dkar dmar 'phro 'du yes/ /rnam smin la sogs bsreg cing sbyong / /'khor dang nye 'khor sum 'khor sogs/ /mtshan ma 'dod pa rnams pa lnga/ /gong du bsnyen pa'i don du gsangs/ /sum 'bum bdun dang bcu gnyis so/ /'di yang grangs kyi tshad du gsungs/ /
177b6 de yi grogs 'gyur bzlas pa ni/ /sdig pa dbyung dang sreg pa dang / /bkru ba'i don la dmigs pa ste/ /rang dang phra ba'i dbang dag tu/ /drug dang dgu ru shes par bya/ /sdig pa dbyung pa la sogs kyang / /mi drug gzugs dang de bzhin du/ /yig gzugs dang ni 'od kyi
177b7 gzugs//de dag dbyung gtor bsreg cing bkru/ /dmigs pa gsar rnying bye brag gis/ /mgal me phreng ba nyi ma'o/ /sngags kyi dngos grub 'dod dus su/ /cho ga dang gtor ma sAts+tsha dang / /klog 'don dge ba skyong la sogs/ /'di yang grogs su 'gro ba yin/ /rjes kyi
178a1 rnal 'byor tshul dang ldan//bsnyen sgrub chen po la sogs pas/ /yongs su bsgrub pas dngos grub 'byung / /sku gsum ngo bo'i tshul la ni/ /'od sgra sku dang 'gul dang ldeg /khol dang gang dmigs de dbang 'gyur/ /'di yang sgrub nga'i rtags su gsungs/ /
178a2 gos sngos lus la gnas pa dang / /dung 'bud pa dang chos rnams ston/ /stong gsum ma lus mthong ba dang / /dbang bskur khrag sogs lus las 'thon/ /me tog sngon po nyi zla shar/ /rmi lam dag tu byung ba na/ /'di yang grub pa'i rtags su gsungs/ /de dag bzlas pa'i sngags
178a3 gsungs pa//oM na mo nI lA m+ba ra d+ha ra badzra pA Ni hUM phaT/ oM rA dza ma hA ga ru Da hUM hUM hUM/ bzlas lugs man dag shes par bya'o/ /mig gi mngon shes bsgrub pa ni/ /sku gsud thugs kyi rnam pa la/ /ye shes 'phro 'dus byin rlabs sdud/ /bsnyen pa skyol bas de bzhin bya/ /rna ba dang
178a4 ni dbang po gzhan//gong ma de bzhin sbyor shes bya'o/ /gang zhig phrin las rnam bzhi las/ /dang po zhi ba gsungs pa ni/ /kha dog dkar po 'phro 'dul yis/ /rang gi sdig dang bag chags dang / /gzhan gyi gdug rtsub zhi bar byed/ /tshe ring rigs rgyud longs spyod rnams/ /
178a5 rgyas par 'dod pa 'do zer ser/ /bde gshegs 'od bskul rang lus kyi/ /rang bzhin tshe rnams rgyas par byed/ /dkar dmar khu pa'i 'phro 'du yis/ /'jig rten rigs rgyud rgyas par byed/ /nor dang rdzas ni rgyas 'dod pas/ /rin chen bcud kyi tshul du bsgrub/ /kha dog dmar
178a6 po sbyar ba yis//dmigs pa ma lus dbang du sdud/ /tshar gcad dus kyi sbyor ba ni/ /'khor lo 'od zer skur gyur te/ /dgug cing tho ba la sogs pas/ /drag po'i mtshon chag thog phab pas/ /spyi bo gtsug gnas rnams su ni/ /phung po gzhig pa'i sbyor ba bya/ /sa bon 'joms
178a7 dang 'byed byed pas//'grub par 'gyur bar gsungs pa yin/ /de la sogs pa'i sbyor ba rnams/ /mkhas pa yis ni shes par bya/ /de rnams sngags kyi mtha' la ni/ /nad dang sdug bsngal thams cad las/ /thar bar gyur cig hUM phaT swAhA/ /zhes pa sgrub pa'i snying por
178b1 gsungs//'di ni kun gyi man ngag go/ /mkhas pa tshig la mi ltos par/ /gzu lums la gzhal gang zag gis/ /bskal par bsgrubs kyang 'bras bu med/ /de bas mkhas pa rab tu gces/ /'di brtsams pa yi dge ba yis/ /rigs dang phra ba'i rtog pa dang / /nad kyi
zug rngu zhi ba dang /