CLOSE WINDOW

D2200
བོད་ཡིག

@##/ /rgya gar skad du/ nI lAM ba ra d+ha ra badzra pA naNi Ar+ya nA ma tan+t+ra TI kA/ bod skad du/ 'phags pa lag na rdo rje gos sngon po can zhes bya ba'i rgyud kyi rnam par bshad pa/ sangs rgyas dang byang chub sems dpa' thams cad la phyag 'tshal lo/ /bden pa gnyis la rab gnas shing //thabs dang shes rab zung 'brel pa'i/ /mgon po sgrib pa kun spangs yon tan ma lus kun gyi bdag po de/ /shes rab thabs kyis mya ngan mtha' spangs nas/ /snying rje chen pos sems can mun 'thibs pa/ /mun ma mthong sgom rtsa ba nyon mongs zhi mdzad pa/ / gsang sngags sdud mdzad mi g.yo bcom ldan 'das/ /thugs rje bsnyel ba med la phyag 'tshal lo/ /gang gis gsal bar byas pa de rnams byas pa ma yin tshig don skyon dang ldan/ /de nas 'dir ni gsang ba don las dga' ba skyes/ /tshig gi skyon bral man ngag nyams dang ldan//shAkya'i rigs kyi man ngag don ldan rgyas par bstan pa las/ /shes rab dmigs ma phyed pas bshad zin bstan pa dag /de dag sman 'gyur 'dir ni gsal bar byas/ /des ni nyi zla dag dang mthun pa'i dam chos 'di/ /thugs rje nye bar bsngos pa yis/ / snying rje ldan pa'i sems kyis su/ /rtsa rgyud man ngag bshad par bya/ /rtsa rgyud rang bzhin don rnams la/ /sde tshan lnga lnga nyi shu lnga/ /ya sha mtha' bcas rtsa ba ldan/ /thabs dang shes rab yi ge gnyis ldan gsum du 'dus/ /brjod bya rtogs byed tshig gi don/ /rtsa ba bshad dang tshig gi don phyir ma//phyi ma mchog dang ma log bzhi ru ston/ /bcom ldan rdo rje 'chang chen pos/ /'og min chos dbyings pha brang du/ /rdzogs pa'i sangs rgyas der sangs rgyas/ /sprul pa po ni 'dir sangs rgyas/ /ma lus pa yi stobs kyis su/ /sku de rnam pa gsum gyi don//thob byed rgyu 'bras gnyis kyi lam/ /dngos byed 'bras bu'i lam yin te/ /rgyu ni tshig de dran sogs pa'i/ /phyir zhing dro ba'i rang bzhin te/ /nyon mongs ma tshig zhi rtse mo'o/ /phyir mi ldog dang 'jig rten mthar stobs lnga/ /dbang po lnga yi rang bzhin no/ /byang chub yan lag bdun po ni//mthong lam skad cig bcu drug go/ /sa dang bsgom lam mthar phyin 'bras bu'o/ /dngos byed lam ni 'bras bu sngags/ /byen gyis brlabs pas sngags mthu yon tan no/ /lam ma bgrod pas 'bras bu med/ /dper na gru gzings bskyod pa yis/ /rin chen mchog ni thob par 'gyur//brjod bya ston pa'i tshig gis kyang / /'bras bu bden pa myur du 'byin/ /des na sngags ni gsang sngags lam/ /lam ma bgrod par gsal byed 'gyur/ /des na brjod bya'i khyad kyi nus pa yin no/ /'di skad la sogs pa bshad pa mdzes par bya ba'i phyir/rgyud 'di par brjod bya dang / dgos pa dang / 'brel pa dang / mchog gi dgos pa bstan par bya ste/ brjod bya dngos po med pa'i tshig ni bstan kyang rtogs pa sngon du gtong ba rnams 'jug par mi 'gyur te/ dung la dkar po spyi ni 'jug gi bye brag la 'khrul pa bzhin no//des na skyon yod pa'i phyir chos kyi rjes su 'brang ba rnams mi 'jug go/ /des na byis pa dang smyon pa dang mchog yin zhing gzhan la sogs pa ni dgos pa med snyam pa'am/ 'di nyid kyi ma yin snyam pas mi 'jug ste/ tshig dang don thams cad kyi 'brel pa dang / brjod bya dang / dgos pa dang / dgos pa'i yang dgos pa rnams gtan la phab pa sngon du byas nas mchod pas na/'di nyid 'brel pa la sogs pa yang brjod par bya'o/ /de bzhin du 'brel pa dang brjod pa bshad par cis te mi bya/ smyon pa'i tshig bzhin du mi 'brel pa'am/mo gsham la sogs pa la don med par 'dod pa'i zhen pas tshig chad par 'gyur bas ma ning gi gzugs la zhen pa'i 'dod pa rnams ci nas kyang tshig chad par 'gyur zhes brtags nas 'jug par mi 'gyur ba nyid do/ /de bas na 'jug pa'i yan lag gi gtso bo yin pa'i phyir te/thog ma nyid du dgos pa brjod par bya'o/ /de gang las shes par bya ba'i phyir/ dgos pa dang 'brel pa brjod par bya ba yang bstan to/ /de nas dgos pa'i dgos pa la sogs pa bstan to/ /brjod bya ji lta bu snyam pa la/ 'di ltar lam dang 'bras bu brjod bya'i 'bras bur rtog ces bya'o//brjod bya ni gnyis su med pa'i ye shes so/ /de yang sgras drangs nas blo la dngos su snang bas dngos kyi brjod bya zhes pa nas snang ba zhen pa'i brjod byas/ sgra drangs pa'i tshig gi /don 'dis brjod bya rtogs pas brjod bya mtshon par byed pa'i tshig la yang brjod bya 'di'i don zhes 'brel par bya ste/'di ltar lam la brten pas 'bras bu thob ste/ de ni de dang 'gal ba'i chos spong bar 'gyur ro/ /gal te de ltar yin du zad mod/ de nyid bstan pa ci phyir snyam nas des na 'dir sgra'i tshogs la ma brten par nam yang rtogs pa mi 'byung ngo //ci'i phyir gal te byung na ni thams cad gzhung gi tshogs la sogs pa la mi ltos par 'gyur na ni don med do/ /gal te yod na thams cad skye ba'am/ rkyen med pa rtogs pa thar par gyur pa las/ rgyu med 'bras bu skye bar rigs pa med do/ / nam mkha'i me tog bzhin no/ /des na rgyu la rang bzhin du bye brag gyur pa med pa las 'byung bar 'gyur ro/ /phyi ma ltar na yang 'ba' zhig pa rnams la ni 'ba' zhig rang las gzhan nus pa'i phyir mi 'byung ngo / /'bras bu yan lag rgyu la ma tshang bar byung na ni/ dus thams cad du 'bras bu 'byung ste/de ni med pa'i phyir ro/ /de bas na gzhung gi tshogs med na brjod bya'i rtogs pa mi 'byung ngo / /de bzhin du gzhung thabs yin pa dang gzhung yang brjod bya'i don rtogs pa thabs las 'byung ba'i 'brel pa'o/ /de bas na gzhung gi tshogs 'di brjod bya shugs kyis rtogs bya yin la/dgos pa ni thabs las 'byung ba yin la/ nyid kyis 'brel te de dag rang nyid kyis 'brel pa'o/ /de'i phyir gzhung bstan pas blang dor ni dgos pa yin no/ /des cir 'gyur zhe na/ rang gi don phun sum tshogs par 'gyur te/ lam gyi rim pas tshogs lam dang drod la sogs par 'byung ngo / /tshu rol gyi ye shes dang mthong sgom la sogs pas 'brel zhes te de ni mthar phyin pa yang bzung ste/ rigs kyi bu rnams dgos pa'o/ /de ni me dang du ba bzhin du de dang de las 'byung ba'i 'brel pa ste/ /thabs dang thabs las 'byung ba'i tshul gyis 'brel pa'o//des na nyon mongs pa dang shes bya rtsa nas byang ba ni rang don no/ /'brel pa la yang de nyid do/ /sa bon dang bcas pa ston pa ni rang don phun sum tshogs pa'o/ /des na dgos pa'i dgos pa yang / /gzhan la brten gzhan mu stegs dang //nyan thos dang rang sangs rgyas dang / byang chub sems dpa' dang / phyag rgya chen pos gzhan mthar phyin pa la sogs pa ni/ dgos pa'i dgos pa'o/ /des na chos kyi rjes su 'brang ba rnams la ni/ rgyud 'di brjod bya'i 'brel pa dang / dgos pa'i dgos pa bstan to//de nas brjod bya dang 'brel pa dang / dgos pa dang 'bras bu dgos pa'i dgos pa la sogs pa bzhi nges par bstan to/ /gang zag dad pa'i rjes su 'brang ba rnams ni/ srid pa'i mtsho nges par bzung nas/ sangs rgyas kyi bka' nges par 'jug pa'i phyir bstan mi dgos so//de ltar brjod bya dang dgos pa brjod nas/ yan lag bstan pa ni gzhung don to/ /de la 'di skad bdag gis thos pa zhes pa la sogs pa smos te/ sbud pa po'i tshig tu smos te/ 'di skad smras pa thos zhes sbyar ro/ /'di'i tshe 'dis thos/ gzhan gyi tshe gzhan gyis thos par bstan to//thos pa ni bdag kho nas thos te/ gzhan dang 'brel pa med de/ de ni gzhan thos pa'o/ /'di ni ri rab rtse rtsa rgyud nyi khri sum stong kha nas thos pa'o/ /des ni thos par dka' ba dang / thos pa mang ba la sogs pa yang yongs su bzung ngo //gzhan ni bA rA Na sIr bden pa bzhi la sogs pa ste/ gzhan nye ba 'khor dang / shA ri'i bu la sogs pa'i gtso 'khor tha dad pa'i phyir ro/ /'di skad bdag gis thos ni rgyal ba mar me mdzad dang / shAkya thub pa dang / gtso bo rdo rje 'chang dang / rnam rgyal la sogs pas las thos pa ste sngon dang da lta la sogs pa dang /bar du yang thos pa ste/ gtso bo dang 'khor tha mi dad par bstan to/ /tha mi dad na rang gi tshig dang 'gal lo/ /gcig pa yin pa'i phyir snyam pa la/ gcig kyang mi sto ste/ kun rdzob tu snang ba thams cad kyang 'khrul pa mi bden pa sgyu ma yin pas don ni stong pa nyid kho na'o zhes rgyud las gsungs pa yin no//tha dad kyang mi 'gal te bde bar gshegs pa la skyon gnyis med de/ thams cad zhi ba mya ngan las 'das pa khams dang skye mched bral bas dus thams cad bdag dang bdag gis stong pa nyid du med/zla ba dang chu bzhin no/ /de bas khams gsum rnam par rgyal ba ni/ phyag na rdo rje nyid dang rang bzhin gcig pas/ byang chub sems dpa' rnams kyi gdul bya ni/ snang bas snang zhes bstan te me long rkyen gyis gzugs rang las gnyis su snang ba'o/ /de bzhin du sems bskyed pa'i smon lam dang snying rje chen pos sems can gzhug pa'i ched du ston pa dang /'khor dang ldan pa dang lam dang dri za'i gzugs dang / phung po dang skye mched bcu gnyis dang / khams dang rnam par byang pa'i 'bras bu dang / nyon mongs pa dang / mang du bstan pa rnams ni/sems can gzhug pa'i ched yin pas thos zhes bya/ gzhan nas theg pa bstan pa sems can gzhug pa'i ched du lags/ theg pa med cing 'bras bu med/ /ces gsungs so/ /des na phyag na rdo rje la khams gsum rnam par rgyal bas thos pa ste/ gtso 'khor tha mi dad par bstan to/ /gcig pa'i phyir thos pa dang 'gal snyam pa la/ mi 'gal te/ bcom ldan 'das rdo rje 'chang phyag na rdo rjer snang la/ de yang khams gsum rnam par rgyal ba ru snang ngo // /'o na de dngos su snang ngam mi snang ba yin/ sprul pa yin nam ma sprul pa yin/snang zhing sprul pa yin na sangs rgyas ma yin te/ dngos po tha dad du snang zhing shes pa gnyis dang ldan pa'i phyir ro/ /bcom ldan 'das ni log pa'i shes pa dang ste/ sa la gnas pa'i byang chub sems dpa' dang khyad med do/ /de'i phyir de ni sangs rgyas su blta bar mi bya'o//sprul pa ma yin na snang bar mi rigs so/ /ci'i phyir/ rgyu med 'bras bu snang ba'i phyir/ /ri bong rwa sogs snang bar rigs/ /zhes bya'o/ /bden te log pa'i shes pa dang ldan na de gnyis 'byung gi/ de med pa'i phyir de mi 'byung ngo / /dngos su sprul yang mi sto 'dul ba'i dus la bab pa'i phyir/de'i rang bzhin der snang ba'o/ /ma sprul yang rang nyid de'i tshe des 'dul la rnam par rgyal bar snang ba'o/ /de nas bka' la bar med pa'i phyir rang gis thos pa dang yang sdud pa pos thos zhes bya'o/ /'dir sems can gdul byas ma rtogs par ston pa dang sdud pa po tha dad du bya ba med do//smon lam dang thugs rje dpag tu med pa'i 'gro don 'byung ba'i phyir thos zhes sbyar ro/ /des na skyon de gnyis mi 'byung ste/ de ni skyon thams cad dang bral ba'i phyir ro/ /dus kyang de ste bde'i tshe thos/ gzhan gyi tshe gzhan thos pa ste dus kyang de'i tshe zhes bstan to//'di skad bdag gis thos pa ni e waM mA ya zhes 'byung bas byang chub sems dpa' rnams kyis 'byung ba lnga rigs dang ye shes lnga dang sgra dang skye mched dang / khams bco brgyad dang / g.yo ba dang / mi g.yo ba dang / rtsa lnga dang dbang dang dga' ba la sogs pa la shes par bya'o//de dag bstan pa'i yan lag ni/ /phyi nang mthar thug rnam pa gsum/ /ci bzhin min dang ji bzhin sgra/ /dgongs pas bshad dang dgongs pa min/ /drang ba'i don dang nges pa'i don/ /phyi ni mi bzad dbyings dang sbyar//nang ni rtsa rlung byang chub sems/ /rtsa lnga gtum mo'i man ngag go/ /mthar thug mthong lam ye shes te/ /dpe ye shes gnyis med phyag rgya chen po'i lam bcu gnyis ni dngos po bral ba des na bral ba'i shes pa'o/ /gzhan yang phung po lnga dang /tshogs drug dang / skye mched bcu gnyis dang / khams dang / bag chags rnams so/ /de ni/ brda min skye bo thal ba'i tshig /dgos pa ma yin zhes su bya/ /shu kra su tra ma nu ha ra dang / /tan+t+ra yan+t+ra man+t+ra'o/ /byang sems kyis sems can phal pa rnams thugs rje zag bcas thams cad skyob pa'o//sngags dang shes pa ma lus yongs su 'dzin rgyud ni/ /'khor ba brgyud de chos nyid byang chub sems/ /'di yang gnas pa ma lus stong pas 'dzin par byed/ /lung las 'di lta ste/ ji lta ji ltar 'dul 'gyur bas/ /sems can ma lus gsad par bya//ma byin len dang brdzun smra dang / /de lta de ltar sems can don/ /'dod chags la sogs spang bas spyad/ /sems can kun la phan don du/ /sangs rgyas bstan pa rgyu yi phyir/ /sems can thams cad bsad na yang / /de la sdig pas mi gos so//sems can kun la phan don du/ /sangs rgyas kun la sbyor ba yis/ /gzhan gyi nor rnams phrog na yang / /de la sdig pas mi gos so/ /'dod chags lta bu'i bde ba med/ /de ni rgyal ba rnams la phul/ /sems can don du gzhan bud med/ /bsten pas bsod nams thob par 'gyur//sems can kun la phan don du/ /sangs rgyas bstan pa'i rgyu yi phyir/ /mi dge bcu sogs spyad pa yang / /bsod nams rnam mang 'phel zhes gsungs/ par 'jug pa nas bzung ba/ /pha dang ma ni gsad par bya/ /rgyal po ngan pa bkur mi bya//bram ze'i grong khyer gzhom par bya/ /des kyang grong bar gsungs pa ste/ /dgos pa bshad pa zhes ni bya/ /drang ba'i don ni theg pa gsum dang dgu ru bstan pa'o/ /yod pas nyan thos rang rgyal rnams ni smos/ /phra rab rdzas su 'dod pa nyan thos rnams//byang chub sems dpa' de ni byis pa'i rang bzhin no/ /med par zhen cing chags par 'dod pa'i byis pa ste/ /theg pa dman pa log pa'i shes pa ste/ /de kho de la de yi theg bstan pa/ /zhes rgyud las gsungs so/ /yang dag don dang ldan gyur pa/ /stong nyid rang bzhin lhug pa ni//byang chub sems dpa' rnams kyi dngos/ /blang dor med pa thar pa'i lam/ /lung las kyang / byang chub sems dpa' chen po sbyin pa ni bcing ba'o/ /tshul khrims nas ye shes kyi bar du ni bcing ba'o/ /bde ba dang / stong pa dang / rig pa dang / bdag med pa ni bcing ba'o//ci'i phyir zhe na bdag thams cad dang bral ba'i phyir ro/ /de nas bral ba'i chos la yang rigs kyi bu'am/ rigs kyi bu mo bslab par mi bya'o/ /des na mu stegs pa la sogs pa'i bdag lta dang / byis pa rnams kyi yod pa'i shes pa rnams ni gzhom pa sla'o//bdag med dang / rig stong la sogs pa phyogs bral gyi bdag rnams ni gzhom par dka' ba yin pa'i phyir 'khor ba las mi thar ba bstan to/ /des na 'dod pa lam du byas pa'i bcing ba'o/ /bya ba med pa thob pa med pa ni nges pa'i don zhes bya'o/ /de skad gsungs pa yin pa'i phyir//de ni dus phun sum tshogs pa'o/ /gnod sbyin thams cad yongs su rgyu/ /shin tu dben pa shin tu yongs dag pa/ /zhes pas gnas phun sum tshogs pa bstan pa yin te/ gnod sbyin thams cad yongs su rgyu ba ni ri rab rtse mo ste/ de na ni gnod sbyin gang ba bzang po dang / nor bu bzang po dang lngas rtsen la sogs pa ste/ gnod sbyin gos sngon can gyi 'khor du bstan te/ de na ni gnod sbyin ma rungs pa gzhan yang yod pa ste/ de rnams yod pa ni gnod sbyin thams cad yongs su rgyu ba zhes bya'o/ /shin tu dben pa ni stug po bkod pa'i gnas te/ 'di yang dpe shel gsal ba'i nang du chud pa'i dkyil 'khor gsal ba ni/gzhal yas khang 'dug pa ni ma lus pa'i lhun gyis grub pa'i rgyan dang ldan zhes bya'o/ /de na ye shes chen po ston pa bzhugs te/ 'khor dang chos la sogs pa gcig tu bzhugs te me dang tsha ba bzhin no//rang bzhin gcig par shes par bya'o/ /des na gnas gsum mo/ /gnod sbyin gyi sde dpon chen po lag na rdo rje gos sngon po can zhes bya ba/ dus gsum gyi de bzhin gshegs pa thams cad kyis las kyi khro bo'i dbang bskur ba zhes bya bar gnas gsum du ston pa gsum tha mi dad par bstan to//gnod sbyin gyi sde dpon chen po lag na rdo rje zhes bya ba ni/ gnod sbyin ma rungs pa de rnams kyi gtso bo sprul sku lag na rdo rjes 'dul bar bstan to/ /de la ni sbrul gye rgyan ni/ nyid las tha mi dad pa'i 'khor gyi gnod sbyin rnams ston pa'i gzi brjid kyis/nye ba'i 'khor byang chub sems dpa' rnams kyis sprul pa'i sbrul gyi rgyan btab ces bya bar bstan to/ /stag gi sham thabs dang gos sngon po bla gos rnams ni/ gnod sbyin bred pa'i stobs kyis skyabs kyi 'od la phul zhes bya'o/ /dus gsum bde gshegs zhes bya ba ni/byang chub sems dpa' phyag na rdo rje bcu la gnas pa'i tshe/ pad+ma stong dang ldan pa'i dbus su bzhag ste/ dus gsum sangs rgyas thams cad kyi thugs kyi stong pa nyid kyi rdo rje phyung nas phyag na rdo rje thugs kyi bdag por sdud pa por dbang bskur zhing bka' gnang nas/las thams cad bting phan chad kyis zhes pa'o/ /mche ba gtsigs pa/ yid khros pa lta bu/ mig me mdag gi phung po 'dra ba/ dbugs me ltar 'bar ba/ 'jigs pa'i nga ro can zhes pa la mche ba gtsigs pas ni log par rtog pa'i bdud rnams za zhing 'joms pa'o//yid khros pas ni don snying rje chen po dang ldan pa yin te/ kun rdzob tu khro bo'i cha byad do/ /mig me mdag gi phung po ni/ las gnyis la 'jug /rang smin pa'i las dang bltas pa tsam gyis 'jigs par byed pa'o/ /dbugs me lce ltar 'bar ba ni/smin ma dang sgra tsam gyis 'dul bar bstan to/ /'jigs pa'i nga ro ni ngag gi skyon bzhi dang bral zhing yid kyi zug rngu 'don zhing / hUM dang phaT kyi sgra sgrogs pas 'khor rnams skrag pa'o/ /lag pa dang rkang pa klu nor rgyas kyis brgyan pa/ klu nag po se ral khar thogs pa/klu nag po dang nye dga' bos snyan cha brgyan pa zhes pa ni/ lag pa la sbrul nag po dang ser pos brgyan par shes par bya'o/ /rkang pa la sbrul nag pos brgyan pa'i ska rags dmar po byas pa'o/ /se ral kha ni kla khengs po'i rigs kyis ga shar byas pa'o/ / klu dga' bo dang nye dga' bo'i ming yin la/ de dang 'dra ba'i sbrul dkar pos snyan cha brgyan par bstan to/ /sbrul 'bar ba rin po che'i cod pan thogs pa/ sbrul gdug pa 'bar ba za zhes pa la/ sbrul 'bar ba rin po che'i cod pan thogs pa ni/ dbu la nor bu rin po ches brgyan pa'o//'bar ba ni nag po la sogs pa'i kha dog bzhin/ sbrul rin po che dang ldan pas dbu la brgyan par bstan to/ /gdug pa za ba ni zhal du sbrul nag po gsol bar bstan to/ /des kyang gtso bo 'dod chags rnam par dag pa dang / tshul khrims nyams pa'i skyon dang bral zhing /phyi rol gyi klu'i rigs drug 'dul ba'i rtags su bstan/ /bzhin rgyas pa/ smin ma dpral bar bsdus pa/ ya sos ma mchu mnan pa/ gshin rje'i cha byad can zhes bya ba ni/ bzhin rgyas pa ni stong pa nyid kyi don rgyas pas gdong gi 'phel ba ste/lha la sogs pa gdul bya 'dul bar bstan to/ /ya sos ma mchu mnan pa ni/ ya sos ma mchu'i steng du phyin pa ste/ bye brag tu srin po 'dul ba'i rtags so/ /smin ma dpral bar bsdus pa ni/ khro gnyer gsum dpral bar 'dug pa sku gsum dang ldan pa'i rtags/gshin rje'i cha byad can ni khro bo mi'u thung gi gzugs 'dra ba'o/ /des ni gshin rje'i rigs 'dul ba'o/ /lce glog ltar 'gyu ba/ sbrul za ba/ gsus pa che ba/ lag pa brdabs pa'i sgras 'jigs par byed pa zhes bya ba ni/ lce glog ltar 'gyu ba ni/ sprul pa glog pas myur ba'o//sbrul za ba ni sbrul klu'i nad ngan 'dra bas 'dod chags kyi gdung ba sel ba'o/ /gsus pa che ba ni gsus khyim che ba ste/ stong pa nyid kyang bstan to/ /lag pa brdabs pa ni gtso bo lag pa rdo rje dang ldan pas ma rungs pa 'jigs par byed pa'o/ /klu'i rgyal po 'dab bzangs ska rags su bcings pa/a la la zhes sgrogs par byed pa zhes pa la/ 'dab bzangs ni sbrul dmar po'i ska rags su bcings pa/ a la la ni de 'dra'i rgyan cha la ngo mtshar ba'o/ /de sgrogs pa ni sgra sgrogs pa'o/ /rgya mtsho'i zabs su dpag tshad brgyad khri bzhi stong yod pa rkang pa'i pus mor phyin pa/dbang po dang nyi ma phrag pa la khur zhes pa la/ rgya mtsho la dpag tshad brgyad khri yod pas phyag na rdo rje'i bus mo nub pa/ sku byin po la nyis 'bum drug khri yod pa zhes pa ste/ sprul pa'i sku'i bong tshad bstan to/ /dbang po dang nyi ma ni thabs shes rab kyi ste/nang gtso bo bzhugs zhes pa la/ yang na gtso bo'i phrag pa la nyi zla rgyu ba ste zhes pa'i tshad do/ /la la na re lha'i dbang po'i phrag pa la nyi zla rgyu ste/ de'i steng na phyag na rdo rje bzhugs zhes pa ste/ lha 'dul ba'o/ /klu thams cad rlag par byed pa/gad rgyangs chen po dgod pas kun du 'khrugs par byed pa zhes pa la/ klu'i rigs kyi bdag po la sogs pa brlag pa'i phyir/ ha ha zhes bya ba'i sgra drangs pa'i phyir ro/ /gad rgyangs ni ha sa de ba ta'i sgra bsgrags pas klu thams cad sngangs shing brgyal te sha rus khro bo'i zhal du stobs zhes pa'o//klu thams cad 'ching bar byed pa/ 'byung po thams cad 'gugs shing zhi bar mdzad pa zhes bya ba la/ 'byung po'i bdag po dbang ldan la sogs pa 'gugs shing bcing ba ste/ lcags kyu'i sbyor bas bkug nas/ dkar gsum dang mngar gsum dang ldan pa'i gtor ma sbyin zhes pa'o//klu thams cad ces pa ni/ bcing ba ni gcod mi nus te/ gzhan gshin rje dang 'byung po spyi yang yongs su bzung ba ste/ sbyor ba thams cad gcod par mdzad pa/ sbyor ba thams cad zlog par mdzad pa/ sbyor ba thams cad gnon par mdzad pa/yon tan ma lus pa'i bdag po de zhes pa la sbyor ba ni phyi'i drug dang / khrag dang sngags kyis byas pa'i gnod pa ste/ gzhan gyis byas pa'i rig sngags tshur mi tshugs par bzlog pa'o/ /sbyor ba bzlog pa ni rang bsrung ba dang pha rol rang la bzlog pa'o/ /sbyor ba gnon pa ni pha rol bzlog pa'i 'khor lo thod pa mi mthun pas gnon zhes pa'o//tshig de gsum yang zab pa'i phyir bla ma'i man ngag la rag las par bya ba'i phyir bshad par mi bya'o/ /yon tan ni sangs rgyas kyi chos ma 'dres pa bco brgyad dang / stobs bcu dang mi 'jigs pa bzhi dang / so so yang dag par rig pa bzhi dang /byams pa la sogs pa'i yon tan dang ldan pa'o/ /des kyang gnas khyad par can na ston pa yon tan dang ldan pa bzhugs par bstan to/ /gnod sbyin gyi sde dpon nyi shu rtsa brgyad dang / gnod sbyin mthu bo che thams cad ces pas 'khor phun sum tshogs par bstan te/rang gi 'khor ni sa bcu'i byang chub sems dpa' lag na rdo rje dang lha dang mi dang mi ma yin pa la sogs pa'o/ /gzhan yang rigs lnga'i khro bo dang lha mo dang / sgo ma la sogs pa'i nang nas khro bo khams gsum rnam rgyal langs te/ 'di skad gsol zhes 'og dang 'brel to//bar du gcod pa'i phyir gnod sbyin smos te gang ba bzang po dang / nor bu bzang po dang / ldas rtsen la sogs pa nyi shu rtsa brgyad do/ /gnod sbyin mthu bo che thams cad dang zhes pa la mthu ni rang gi 'khor rnams thams cad la 'dul sems can thams cad la shing gi yol gos chu 'thor ba'o//gnod sbyin drag po thams cad ni sha rlon pa rjen par tha ba'o/ /de ni lha min dang lha dang gnod sbyin ma rungs pa 'dul ba yang shes par bya'o/ /lha thams cad dang / klu thams cad dang / dri za thams cad dang / lha ma yin thams cad dang zhes pa lha ni brgyad de/lha dang / lha'i dbang po dang / lha min bdag /ma hA de ba dang / khyab 'jug chen po dang / u ma de ba/ kun du rgyug /'chi med dbang po'o/ /klu yang dga' bo la sogs pa brgyad de/ de yang 'khor dang bcas pa'o/ /dri za ni zur phud lnga pa'o//lha ma yin ni thags bzangs ris 'khor dang bcas pa'o/ /nam mkha' lding thams cad dang / mi'am ci thams cad dang / lto 'phye chen po thams cad dang / 'byung po dang zhes pa la/ nam mkha' lding ni gser mig can 'khor dang bcas pa'o//mi'am ci ni ljon pa rta mgo can la sogs pa ri rab kyi khong gseng na gnas pa'o/ /lto 'phye ni lto 'phye nyid de/ mi'i lus po la sbrul gyi mgo bo la sogs pa'o/ /'byung po ni dbang ldan la sogs pa brgyad do/ /yi dags dang brjed byed la sogs pa dang thabs cig tu bzhugs te zhes bya ba la/yi dags ni kha nas me 'bar la sogs pa'o/ /brjed byed ni byol song gi rgyal po ri rab la gnas pa rnams so/ /thabs cig ni bskor ba'o/ /'di ltar nyi ma dang zla ba dang skar ma'i tshogs lta bu bzhugs so zhes pa la nyi zla dang 'dra ba ni bden pa gnyis dang thabs shes rab dang lam gnyis la sogs pa'o//skar ma dang 'dra ba ni lam de dag gi yan lag gi tshogs dang thabs cig tu skar ma lta bu bzhugs zhes pa ste/ gnas der ston pa de 'khor rnams dang lhan cig tu chos gsung ngo zhes bstan/ de ni chos phun sum tshogs pa yang yongs su bstan to//de'i chos yang zhes pa mi snang bar gyur gyi bar la dngos su bstan/ ston pa dang chos kyi byin rlabs yin pa'i phyir de ma gsungs so/ /de nas 'phags pa lag na rdo rje gos sngon po can la 'khor thams cad kyis gsol ba zhes pa la/ de nas ni chos de lta bu la ston pa bzhugs te zhes pa'o//'phags pa ni sgrib pa rnam pa gnyis spangs pa'o/ /gong ma dang khyad par gyi don de ni sprul sku lag na rdo rje gos sngon po can no/ /de la 'khor thams cad kyi nang nas khams gsum rnam par rgyal ba langs nas bla gos sngon po gsol te//gos sngon po can khyod ci zhes te/ khyod kyi bya ba'i las dang ngo bo ji lta bu lags/ bde gshegs kun gyi sprul pa yin nam/ sangs rgyas kun gyi sprul pa'i ngo bo khyod yin nam/ gal te sku gsung thugs kyi bdag por bsdus pa yin nam/phrin las thams cad kyi bdag por dbang bskur ba yin nam/ bdag khams gsum rnam par rgyal ba dang 'khor rnams kyis bya ba/ las bskyed rdzogs grogs dang las kyi tshogs la sogs pa ston pa'i bstan pa sangs rgyas thams cad gcig gi ngo bo las kyi bya rgyud ji lta bu lags/bdag cag gis bka' nyan gyi khyod kyi sku gsung thugs drag por bstan pa ni/ lam nye ba ste 'khor ba las myur du sgrol zhal pa'o/ /de bdag cag 'khor dang bcas pa rnams ston pas gsungs pa nyan to zhes pa'i don to//le'u gang la ming de yod pa la de skad ces bya ste/ gleng gzhi phun sum tshogs pa lnga yod pas/ de la dang po gleng gzhi'i le'u zhes bya'o/ /lag ni rdo rje rtsa ba'i rgyud las gleng gzhi'i le'u ste le'u dang po'i bshad pa'o// //de ltar gleng gzhi bstan kyang bskyed rdzogs kyi don ma bstan na 'grub par mi 'gyur bas da ni le'u gnyis pa bstan to//des na lag na rdo rjes rdo rjes rdo rje drag po zhes bya ba'i ting nge 'dzin la snyoms par zhugs te/ 'di skad gsungs so zhes pa la/ de nas zhes bya ba la/de nas kyi sgra ni gleng gzhi song ba'i rting de nas/ bar cis kyang ma chod par lag na rdo rje'i ston pa sku gsung thugs drag po'i chos gsum gyi ting nge 'dzin la snyoms par bzhugs te 'di skad gsungs zhes bya bar sbyar ro/ /phyag rgya gsang sngags thugs sbyor la//khro bo'i rgyal po bsam par bya/ /khro bo rdo rje'i ting 'dzin gyi/ /byin rlabs ya mtshan sna tshogs ldan/ /zhes bya ba la/ bla ma gcig nas gcig tu brgyud pa'i rim pa/ phyag rgya ni srung ba dang bsod nams kyi tshogs dang ye shes dngos sam gzhal yas khang bskyed pa la sogs pa'o//gsang sngags ni gzhal yas khang gi nang du seng ge dang pad+ma la sogs pa'i steng du/ snying rje'i stobs kyis ngo bo hUM du byung ba'o/ /thugs sbyar ni yig 'bru las phyag mtshan du gyur pa ste/ las gnyis byas pa'o/ /de las sku rdzogs pa ni/khro bo'i rgyal po ste rdo rje rigs kyi khro bo'o/ /khro bo'i ming ni gos sngon can/ /de mthong na ni khro bo gzhan/ /thams cad kyis ni lag cha 'chor/ /zhes gsungs pa ste/ ri rab tu gnod sbyin 'dul ba'i dus su'o/ /de rnams kyi rgyal po yin pa'i phyir rgyal po'o//khro bo rdo rje'i ting 'dzin ni/ /oM AHhUM gis bsdus pa dang / bsreg pa dang sbyangs pa ste/ sku gsum gyi lhar bskyed pa'o/ /byin rlabs ni lhag pa'i ye shes bstim pa dang / rig pa'i dbang lnga bskur te sangs rgyas ldas gtso bo la dbang rtags su brgyan pa'o//bla ma'i rigs lha'i rang bzhin/ AHhUM dkar dmar gyi ngo bo/ gu h+ya a b+hi Shiny+tsa zhes pas lce la bzhag nas gsung dbyangs yan lag brgyad cu dang ldan te/ a ho su kha zhes btung bar bya'o/ /des sngags bzlas pa dang 'brel to/ /ya mtshan sna tshogs dang ldan pa'i dngos grub thob pa'o//yang man ngag rgya chen po dang sbyar te bshad de/ phyag rgya ni gzhal yas khang dang gtso bo bskyed pa bstan te/ de yang tshogs bsags pa dang / tshad med pa bsgom pa dang / oM ma hA shU n+ya tA rmyedz+nyA na badzra swA b+hA ba At+ma kou0f85haM zhes pas ye shes kyi tshogs bsags te/de nas bsrung ba bzhi dang pad+ma yang hUM gi cho 'phrul gyis bskyed par bya'o/ /gsang sngags ni stong pa nyid do/ /de'i byin rlabs kyi yaM raM baM laM suM b+hUM las 'byung ba'i dkyil 'khor dang / gzhal yas khang sgo bzhi pa dur khrod brgyad dang bcas pa phyi'i rgyan dang nang gi rgyan gyis mdzes pa bskyed do//de'i dbus su gdan gyis mtshan pa ste/ gzhal yas khang de yang rin po che lnga yis brtsigs pa lha'i snam bu dang bcas pa'o/ /der hUM gi cho 'phrul gyis cho ga gsung gi gtso bor yab yum rdzogs par bskyed pa'o//de yang yum la ni bskyed pa med/ lus dang grib ma bzhin du rdzogs zhes pa'o/ /gsang sngags ni yab yum gyi/ e lbaM byin gyis brlabs te yab yum snyoms par zhugs te/ des rigs lnga yab yum bskul te thig le dkar dmar gzhal yas khang gi nang du gsang sngags kyi ngo bo thig le dang yig 'bru bsam pa'o//thugs ni de las phyag mtshan du gyur pa'o/ /khro bo'i rgyal po ni de las sku rdzogs pa'o/ /khro bo rdo rje ting 'dzin ni/ gsang ba nas lha rnams spro ba bstan te/ oM badzra kro d+ha nI lAM ba ra d+ha ra hUM/oM bud+d+ha kro d+ha nI lAM ba ra d+ha ra hUM/ oM rat+na kro d+ha nI lAM ba ra d+ha ra hUM/ oM pad+ma kro d+ha nI lAM ba ra d+ha ra hUM/ oM karma kro d+ha nI lAM par d+ha ra hUM/ oM trai lokya bi dza ye hUM/ oM ma hA kA la ro Sha Na hUM/ oM bi rU T+ha ka ye hUM/ oM bai shra ba Na ye hUM/ oM badzra lA s+ye hUM/ oM badzra mA le trAM/oM badzra gI ti hrIH/ oM badzra nr-i ti aH/ oM badzra d+hU pe hUM/ oM badzra puSh+pe trAM/ oM badzra A lo ke hrI/ oM badzra gan+d+he aH/ oM badzra aM ku sha dzaH/ oM badzra pA sha hUM/ oM badzra s+pho Ta baM/ oM badzra b+haN+Te hoH// oM bud+d+ha TA ki a hrI hUM/ oM badzra DA ki a hrI hUM/ oM rat+na DA ki a hrI hUM/ oM pad+ma DA ki a hrI hUM/oM karmA DA ki a hrI hUM/ yang na kro d+hi shwa ri hUM zhes sbyar bar bya'o/ zhes bya ba'i sngags kyis khro bo rnams mkha' nas bton te/ dbus kyi khro bo rang sor song nas/ gzhan yang / rang rang rigs kyi kha dog la/ /stag dang gos sngon sham thabs can/ / rang rang rigs kyis dbu rgyan byas pa'o/ /khro bo rdo rje ting nge 'dzin gyis zhes pa la/ shar du sangs rgyas gos sngon can/ /lho ru rin chen gos sngon can/ /nub tu pad+ma gos sngon can/ /byang du las kyi gos sngon can/ /sangs rgyas spyan la khro bo zhal/ /phyag mtshan rnams ni kun kyang g.yas na rdo rje dang /'khor lo dang / rin po che dang / pad+ma dang / rgya gram bsnams pa la g.yon pas dril bu bsnams pa'o/ /rnam rgyal ni sku mdog dmar po 'khor lo dang dbyug pa bsnams pa'o/ /mgon po yang sku mdog nag po dud ka la phyag na rin po che dang /tsan+dan bsnams pa/ 'phags skyes po yang sku mdog sngon po la phyag na mchod rten dang pad+ma bsnams pa'o/ /rnam thos sras kyang sku mdog ser po la/ phyag na mchod rten dang ne'u le bsnams pa'o/ /lha mo dang sgo ba yang rang rang gi sku mdog dang phyag mtshan bsnams pa'o//de rnams la sku gsung thugs byin gyis brlabs pa ni yig 'bru'am/ phyag mtshan nam skus byin gyis brlab ces pa'o/ /byin rlabs ni ye shes sems dpa' mdun gyi nam mkha' la spyan drangs te/ bgegs bskrad pa dang mchod yon dang mchod pa dang bstod pa bya ste/lcang lo can gyi pho brang nas/ /bcom ldan rdo rje gos sngon can/ /'od zer stobs kyis klu rnams 'dul/ /mthu stobs can la phyag 'tshal lo/ /bcom ldan sangs rgyas gos sngon can/ /sku mdog dkar po skyon ma gos/ / 'khor lo dril bu phyag na bsnams/ /me long ye shes khyod phyag 'tshal/ /bcom ldan rin chen gos sngon can/ /sku mdog ser po don rnams rgyas/ /rin chen dril bu phyag na bsnams/ /mnyam nyid ye shes khyod phyag 'tshal/ /bcom ldan pad+ma gos sngon can/ /sku mdog dmar po chags par ldan//chu skyes dril bu phyag na bsnams/ /kun rtog ye shes khyod phyag 'tshal/ /bcom ldan las kyi gos sngon can/ /sku mdog ljang gu phrin las rgyas/ /rgya gram dril bu phyag na bsnams/ /bya grub ye shes khyod phyag 'tshal/ /khyams kyi cha la gnas pa ni//khams gsum rgyal dang mgon po gnag /'phags skyes po dang rnam thos sras/ /sprul pa sku yi tshul bstan pa/ /stong pa'i rang bzhin khyod phyag 'tshal/ /dkar mo sgeg dang rin chen ser/ /bi wang ma ni dmar mo ste/ /nr-i ti ljang gu gar rnams bsgyur//stong pa'i don gyis tshim mdzad pa/ /mchod pa'i lha mo khyod phyag 'tshal/ /shar lho lha mo bdug pa ste/ /lho nub mthing ga me tog ma/ /nub byang dmar mo gsal byed ma/ /byang shar ljang gu dri chab ma/ /pha rol phyin bcu rdzogs mdzad cing / /'dod pa'i don grub phyag 'tshal bstod//lcags kyu zhags pa lcags sgrog dril/ /bdud bzhi ma lus tshar gcod cing / /phrin las rnam bzhi lhun grub pa/ /sgo ba bzhi la phyag 'tshal bstod/ /sangs rgyas mkha' 'gro dpal 'bar ma/ /smug nag 'bar ba'i ral pa can//rdo rje mkha' 'gro dpal 'bar ma/ /mthing nag 'bar ba'i ral pa can/ /rin chen mkha' 'gro dpal 'bar ma/ /ser nag 'bar ba'i ral pa can/ /pad+ma mkha' 'gro dpal 'bar ma/ /dmar nag 'bar ba'i ral pa can/ /las kyi mkha' 'gro dpal 'bar ma//ljang nag 'bar ba'i ral pa can/ /stong pa bzhi yi rang bzhin can/ /sprul pa'i sku yi tshul ston pa/ /phyag na cang te'u kha T+wAM bsnams/ /mkha' 'gro rnams la phyag 'tshal lo/ /zhes pas bstod la sngags bzhis gnyis su med par bstim mo//dbang yang snga ma bzhin du blang ba ste/ /gong du bstan pa 'dir mi bshad do/ /des gtor ma dang bstod pa thun gyi bar du byas te/ bzlas pa bya ba ni/ rin po che'i pho brang du sems pa sum brtsegs gsal bar byas te/ grangs kyi bsnyen pa bskyal zhes pa ste/mtshan ma dang dus kyang yongs su shes shing gzung ngo / /thun gyi rnal 'byor gyi spyod pa'i skabs su lam gyi sems bskyed kyang bsgom zhing bzlas so/ /swA hA hUM phaT ces brjod cing yongs su smin par bya'o/ /smon lam dge rtsa bsngo legs pas tshe 'di la nad dang sdug bsngal byang ste/thun mong kun gyi dngos grub 'byung / /zhes bla ma rnams gsung ngo / /de ni ya mtshan sna tshogs ldan/ /zhes pa'o/ /las rnams grub la the tshom med/ /zhi rgyas dbang dang drag po ste/ /gsad rmongs sna tshogs nges par grub/ /de nyid nges 'grub gdon mi za//zhes pa la gong du bstan pa bzhin bsgrubs na/ las sna tshogs zhi ba dang rgyas pa 'grub par the tshom mi za ste/ rtsa ba na gsal bas ma bris so/ /des na dkyil 'khor de la gtso bo'i dbang du byas te/ lha gcig dang / gnyis dang / gsum du sgrub pa dang /lha bcu dang / bco brgyad nyi shu rtsa gnyis dang / rtsa drug sum cu lnga'i dkyil 'khor lnga dang ni/ mkha' 'gro bzhi'i dkyil 'khor dang drug tu 'gyur/ rang dang gzhan gyi dkyil 'khor du bla ma mkhas pa rnams kyis bstan to/ /de dag bstan pa kun la yang / / tshogs bsags bsrung dang lha bskyed pa/ /cho ga'i sbyor ba mkhas pas bya/ /zhes pa ste/ bla ma'i man ngag la rag las pa'o/ /yang shi ba la phan gdags pa'i phyir/ phyag rgya gsang sngags gsungs te/ rgyas par ro bsreg cho ga nas shes par bya'o/ / 'dir dang por ro la khrus byas bgegs bskrad/ gos dang rgyan bzang po btags nas/ rgyun 'chags dang sdom pa bzung ba yang gnyen 'dun nam pha mas bya ste/ rol bsrung ba dang bsnyen pa bya ste/ phyi rol du sa chog rgyas bsdus gang rung bya ste/ dkyil 'khor gru bzhi mtha' yas par bya ste/ thig gi cho gas thig gdab ste/ dbus dang tshangs thig btab la thig chen dang cha chen dang cha bran legs par btab la/ sa tshon byin gyis brlabs la/ dkyil 'khor sgo gnyis rtsig pa rgyan dang bcas pa bri zhes pa'o/ / lung las/ shi la phan gdags don ched du/ /sa chog rdzogs pa'i dkyil 'khor brtsam/ /sgo gnyis rdzogs nas rgyan rnams mdzes/ /mchod dang gtor ma yongs su btang / /zhes gsungs so/ /de nas mchod pa'i yo byad gtor ma cha gnyis la sogs pa rdzogs la/ dkyil 'khor dbus su thab brtsigs la/ ro shing rta'i 'khor los spyan drangs te/ rnga dang dung dang pi wang chen po dang bcas pa'i sil snyan dang rol mos sna drangs te/ dbang gi bum pas khrus byed cing / bcom ldan rdo rje gos sngon can/ /sku gsung thugs kyi byin rlabs kyis//gshin la phan gdags don ched du/ /dbang bskur byin rlabs mdzad du gsol/ /oM sarba ta thA ga ta nI lAM ba ra d+ha rashud+d+haHshud+d+hou0f85haM zhes brjod do/ /bsreg khang la bskor ba byas te ro bsreg khang du bzhag la/ rang sems bskyed pa dang sdom pa g zung ba dang lhag pa'i lha'i ting nge 'dzin bsgoms la/bde bar gshegs pa spyan drang ba dang / bzhugs su gsol ba yan chod bya ste/ rdul tshon gyi steng gi nam mkha' la mchod pa dang / phyag 'tshal ba dang rin po che sna bdun dang rdo rje lha mos mchod pa dang / bstod pa la sogs pa yang yongs su rdzogs par byas la/bsang gtor dang 'byung po thams cad pa'i gtor ma byin gyis brlabs pa dang mgron bskyed pa dang / gtor ma dbul ba la sogs pa bya'o/ /tshangs pa chen po mi mjed kyi bdag po gzugs khams lha tshogs zhes bya ba la sogs pa'i tshigs bcad yang phyi rgyud bzhin brjod par bya'o//de bzhin du gtor ma gnyis pa yang dga' ba'i tshal dang / lha rnams spyan drang ba dang byin gyis brlabs pa dang bstod pa dang sngags kyis dbul ba la sogs pa bya'o/ /gtor ma phul te/ ngan song yongs su sbyong ba'i sngags dang /ye shes pa'i 'od zer gyis gshin gyi las sbyang ba la sogs pa bya zhes so/ /tha mar gshin dang yongs su 'brel pa'i smon lam btab la rus bu tsha tshar yongs su gdab par bya zhes 'brel to/ /de ni byin brlabs mtshan sna tshogs dang /de nyid nges 'grub gdon mi za/ /zhes bya'o/ /yang / phyag rgya gsang sngags thugs sbyor la/ /zhes pa la/ gsang ba'i dbang dang gsum pa dang bzhi pa dang rtsa rlung thig le dang / byang chub kyi sems dang rim pa lnga la sogs yang sbyar bar shes par bya'o/ /rang gzhan 'phags dang bla ma dang //shin tu bla ma dam pa mchod/ /dngos grub myur du 'byung zhes pa la/ rang ngam gzhan gyis 'phags pa ste/ dkon mchog gsum mam/ rang gi lhag pa'i lha la dngos sam yid kyis mchod ces pa'o/ /bla ma ni sde snod gsum ston pa'i bla ma ste/byin gyis rlob pa dang 'dren pa yang yongs su gsung ngo / /shin tu bla ma dam pa ni gsang ba bla na med pa'i slob dpon te/ de la dngos sam yid kyis mchod na/ 'dod pa'i don myur zhes pa'o/ /tshig gsum gyis ni bskyed pa'i skabs su/ tshogs pa'i cho ga bstan to/ /gal te gzhan la phan 'dogs na/ /sku de sna tshogs sku ru snang / /snang ba sgyu ma'i sku yin te/ /zhes pa la/ gzhan la phan 'dogs pa ni sprul sku'o/ /sku de sna tshogs sku ru snang / /zhes pa la/ gang dang gang 'dul ba de dang de ru snang ste/des de'i don byed ces pa'i don to/ /lha'i dkyil 'khor du snang ba yod pa ma yin te/ sgyu ma'am rmi lam du snang gis don dam pa la med ces bya'o/ /'o na sgo med na snang bar mi rigs so snyam na/ gdug pa 'dul phyir rags pa'i skur ston to/ /sna tshogs de nyid bsam bral bas//dngos gzhi thar par yang dag gcig /ces pa la/ sna tshogs dngos po'i don to/ /bsam pa ni shes pa'o/ /ngo bo ni sna tshogs par snang ba'o/ /de yang lung las/ chu rdul 'dza' yi snang ba bzhin/ /sems nyid dngos po yul du snang //zhes pa'o/ /'o na sems nyid dngos por bden nam snyam pa la shes par snang yang shes par mi bden te/ rigs pas brtags na snang ba nyid/ /dngos po stong pa nyid ces gsungs so/ /stong pa yang bde ba dang snang ba'o/ /snang ba yang bde stong de bzhin nyid/thar par yang gcig ni bden pa nyid las 'das te dngos po la bden pa gnyis po yang ma bstan ces bya'o/ /gnyis sam gcig tu yang ma grub pa ste/ /gnyis med bsam bral dngos kyi don/ /zhes gsungs so/ /des na/ sna tshogs sems kyi cho 'phrul te/ / sems las ma gtogs chos gzhan med/ /chos su snang ba 'khrul pa'i sems/ /sems nyid de yang skye med phyir/ /yod med mtha' las 'das pa'o/ /bsam du med de brjod du med/ /ming med tshig med yi ge med/ /ces gsungs so/ /le'u gnyis pa ni grangs kyi gnyis pa'o//lag na rdo rje rtsa ba'i rgyud las le'u gnyis pa'i bshad pa'o// //de ltar le'u gnyis par bdag don dang gzhan don bstan yang / gos sngon po can gyi rtsa ba'i sngags dang / mtha' sgyur ma shes na/ grub par mi 'gyur bas/ de'i phyir de la de ston to/ /de nas yang 'khor gyi nang nas khro bo khams gsum rnam par rgyal ba langs nas/bla gos phrag pa g.yas su sbyar nas 'di skad gsol zhes sbyar ro/ /mtha' yang gsungs pa gang / gzhan yang gsang sngags sbyor ba yis/ /da ha bsregs sogs gsang sngags kyi//thogs med las rnams 'grub pa yin/ /zhes pa la/ gzhan yang gsang sngags sbyor ba ni/ /zhes pa la/ zhi gnas dang ting nge 'dzin gyi las ma yin te/ rtsa sngags dang las 'grub pa dang / sham bu'i sngags bstan to/ /da ha zhes pas sngags sngon du bstan te sreg par byed pa rtsa ba'i sngags dang /da ha da ha pa tsa zhes gsungs so/ /thogs med las rnams 'grub pa ni/ /lha'i nga rgyal dang ldan pas sngags bzlas na/ gang la bya ba 'grub ste/ dper na gnam las lce 'bab pa bzhin no/ /gnyis kyi 'og ma gsum par brgyan//de la gnyis kyi gong ldan pas/ /zung rab zung ming dang ldan pa/ /yang ming skul dang bsam gtan ni/ /lcags kyu sbyor bas rab tu bya/ /zhes pa la/ gnyis kyi 'og ma ni shes rab kyi yi ge gnyis pa'o/ /gsum pa thabs kyi yi ge ring por gsum pa'o/ / brgyad ni drug pa gnyis pa'o/ /de la gnyis kyi gong ldan pa ni/ thabs kyi yi ge zad pa'o/ /gong ma ni ha'o/ /ldan pa ni thabs kyi gsum pa'i mtha'o/ /gr-ih+Na gr-ih+Na ste zung rab tu zung ba'o/ /yang ming che ge mo zhes bya ba'o/ /bsam gtan ni lcags kyu thogs pa'i khro bo rnams so//rang gi lag pas lcags kyu'i phyag rgya bca'/ /zhes pa'o/ /sngags ni dngos su bas te/ lha'i nga rgyal dang ldan pas/ gong gi sngags bzlas pas 'gugs pas thogs med pa zhes pa'o/ /mjug rdzogs gong dang gsum pa'i mtha'/ /lan gnyis gong bzhin brdeg sngags shes//zhes pas mjug rdzogs sh+ka gsum pa thabs kyi yi ge kho na'o/ /gong ni ha'o/ /gnyis gong bzhin ni ha na ha na zhes brjod pas/ rang dang 'brel pa'i sngags brjod pas ral gri dang mtshon thogs pa'i khro bo rnams kyis gnad sar mtshon rgyob cig pa'o//gsum pa'i dang po'i gnyis pa dang / /gong gi drug pa'i thabs yig ldan/ /ldan gnyis gong bzhin rtogs byed sngags/ /zhes pa la/ gsum pa'i dang po ni pho yig Ta'o/ /gnyis pa ni tha'o/ /gang gi drug pa ni pho yig ya'o/ /lan gnyis gong bzhin brdeg sngags shes ni/tho ba dang thog dang / rdo rje rnams kyis rdungs rab tu rdungs shig pa'o/ /gnyis dang ldan pa'i dang po la/ /drag po'i dga' ba'i sa bon ldan/ /lan gnyis lan btus las 'grub par/ /gong ma bzhin du 'tshod byed do/ / zhes pa la/ gnyis pa ni thabs kyi ste/ gtso bo dang po ste gong bzhin du shes par bya'o/ /lnga pa'i dang po'o/ /drag po dga' ba ni ha'o/ /lan gnyis ni pa tsa ha zhes pa spun gnyis so/ /las 'grub pa ni gang byas pa de 'grub pa'o/ /'tshod byed ni mtshon dang tho bas shin tu tshos par sregs shig pa'o//le'u gsum pa ni grangs kyi gsum pa'o/ /lag na rdo rje rtsa ba'i rgyud las le'u gsum pa'i rgya cher bshad pa'o// //de ltar sngags btu ba bshad kyang rtsa ba'i sngags dang sham bu ma bstan na gang la bya ba mi 'grub pas/de la de bstan to/ /de nas 'phags pa lag na rdo rje gos sngon po can sna tshogs mngon par bsgrub pa'i ting nge 'dzin la snyoms par zhugs nas/ de skad gsungs so zhes pa la/ 'phags pa lag na rdo rje ni sprul sku gzhan las bya ba khyad par 'phags pa ste/de ni lag na rdo rje ste/ nyon mongs pa dang shes bya'i sgrib pa yongs su spangs pas na lag na rdo rje 'phags zhes pa'o/ /sna tshogs sngon po'i sku gsum sna tshogs pa'i ting nge 'dzin la snyoms par zhugs pa ni/ las kun 'grub pa'i sngags 'di gsungs so/ /sngags 'di sngon du bas te 'phags pa lag na rdo rje grub pa'i sngags 'di rgyun du bzlas zhes pa'o//rgyun du rtsa ba'i gsang sngags bzlas/ /gdon dang sdug bsngal thams cad las/ /thar par 'gyur ba gdon mi za/ /zhes gsungs so/ /gang zhig 'di 'dzin rnal 'byor de/ / nyes pa kun las rab tu thar/ /legs pa'i yon tan thams cad thob/ /ces pa la/ gang zhig 'di 'dzin pa ni sgrub pa por rigs kyi bu'am rigs kyi bu mo gang la las sngags 'di 'dzin na/ de rnal 'byor te stong pa'i don dang ldan zhes pa'o/ /nyes pa ni ngan 'gro dang / sdug bsngal gsum mam brgyad dang nad de las thar pa'o/ /legs pa'i yon tan ni sangs rgyas kyi yon tan thams cad thob ces pa'o/ /'bras bu yang dag mngon par 'grub/ /sngags 'di gang yin ming yin te/ /gdul bya mtha' dang ldan pa la/ /tha ma las sngags mtha' dang ldan//zhes pa la/ 'bras bu yang dag mngon par 'grub ni/ mchog gi yon tan dang thun mong 'grub ces pa'o/ /sngags 'di gang yin ming yin na/ /don dam pa'i ming yin te/ /kun rdzob tu phyag na rdo rje'o/ /gdul bya'i mtha' ni che ge mo/ / zhes pa dang / phrin las bzhi yi sngags 'brel pas/ /rtsa sngags bsdongs pa de 'grub po/ /zhes pa'i don to/ /le'u bzhi pa ni grangs kyi bzhi pa'o/ /lag na rdo rje rtsa ba'i rgyud las le'u bzhi pa'i rgya cher bshad pa'o// //rtsa ba'i sngags dang sham bu bstan kyang / / klu'i nad dbyung ba'i gnyen po ma bstan na 'grub par mi 'gyur bas/ de la de bstan to/ /de nas 'phags pa lag na rdo rje gos sngon po can 'od zer mngon par 'grub pa'i ting nge 'dzin la snyoms par zhugs te/ 'di skad gsungs so zhes bya ba la/ 'phags pa ni gong du bstan pas 'dir ma bshad do//de la khams gsum rnam par rgyal bas zhus te/ de nas stong pas 'od zer ni 'byung ba lnga'i 'od zer nus pa dang ldan pa de la snyoms par zhugs te/ klu'i nad dbyung ba'i chos 'di gsungs zhes sbyar bar bya'o/ /'byung bzhi sangs rgyas rab bsgoms na//so so las kyi sgom pa ni/ /me brgyad rlung gnyis ldan par bsam/ /chu brgyad dngos po de yin te/ /de bzhin sa brgyad hUM 'bras ldan/ /zhes bya ba la/ 'byung bzhi'i sangs rgyas ni chu'i rdo rje gos sngon can la sogs pa'o/ /so so las 'byung ba'i sgra 'thab pa dang /lugs bzhin gso ba'o/ /sngags kyang raM dang paM dang laM dang yaM zhes rang rang gi gnyen po gnas brgyad du yig 'bru bsgoms te rang gi sngags bzlas zhes pa dang 'brel to/ /'byung bzhi ni las tha dad pa snang ba mtha' yas kyi dbang du byas te gnas/ rkang mthil gnyis dpyi mig gnyis lag pa gnyis mdoms dang mgrin pa brgyad du/raM las 'byung ba'i gru gsum dmar ser brgyad bsgoms nas/ nad sel ba dang / yaM las rlung brgyad kyis 'thor ba dang / baM las chu brgyad kyis 'khru ba dang / /laM las sa gzhi ser po brgyad kyis brtan par bya ste/rin chen 'byung ldan brgyad bsams te brtan pa'i don to/ /de bzhin du 'byung ba gzhan la yang de ltar snang zhes gsungs so/ /lugs gcig la 'byung ba bzhi'i rang bzhin nus pa sgrub pa las bstims par ston te/ rlung brgyad me gnyis ldan pa ni//me gnyis rang dang khyad par gyi me ste las dang bag chags sad par byed pa'i don to/ /rlung yang steng dang 'og gi des ni me'i sngags gsum bsres te bzlas pas 'grub ste khyad par du mdze nad do/ /me gnyis po yang zab pa'i phyir bla ma'i man ngag la rag las pas 'dir ma bris so//'bras bu rigs kyi gnod sbyin gtso/ /grub pa'i sngags bzhi mngon par 'grub/ /ces pa la/ 'bras bu rim gyis ni 'byung ba bzhis nad byang nas/ thig le baM gyis bkrus te/ yi ge las rang lhag pa'i lha ru bskyed/ gnas brgyad du rin chen 'byung ldan bsgom zhes pa'o/ /grub pa'i sngags bzhi ni raM la sogs pa'o/ /des 'grub pa yin pa'i phyir ro/ /e dang so so mtha' ldan pas/ /me lha gong mas mngon par 'grub/ /rgyun du rtsa ba'i gsang sngags bzlas/ /zhes pa la/ e dang ni gong du bstan pa de la ngo mtshar ba'i tshig go//so so'i mtha' ni 'byung ba bzhi'i sngags so/ /me lhas gong ma 'grub ni chu'i lha la sogs pa yang de bzhin du 'grub ces bstan to/ /rgyun du rtsa ba'i sngags bzlas zhes pa la/ rgyun du de nyid ma grub kyi bar du bzlas pa ste/ las sngags ni las kyi skabs su'o/ /le'u lnga pa ni grangs kyi lnga pa'o/ /lag na rdo rje gos sngon po can gyi rtsa ba'i rgyud las/ le'u lnga pa'i rgya cher bshad pa'o// //'byung ba bzhi'i gso ba bstan kyang klu'i nad la phrin las bzhi'i sbyin sreg ma bstan na 'grub par mi 'gyur bas de la de bstan to//de nas 'phags pa lag na rdo rje gos sngon po can gyis las bcu'i mngon par 'grub pa'i ting nge 'dzin la snyoms par zhugs nas/ las bcu'i sbyin sreg 'di gsungs so/ /'phags pa ni gong du bstan to/ /las bcu ni phrin las bzhi dang 'brel zhing bskrad pa dang /dmigs par bya zhing mnan pa dang / myos zhing dgug pa dang / mi snang zhing rkang mgyogs dang / don thams cad 'grub pa dang / bsrung ba'i ting nge 'dzin de la snyoms par zhugs zhes pa'o/ /phrin las de la snyoms par zhugs pa'o/ / las bcu'i sbyin sreg 'di kho na gsungs zhes bya'o/ /zhi la shAn+tiM ku ru ste zhes pa nas/ thab khung 'dab brgyad dbyibs yin te/ /zhes pa ni rtsa ba na gsal bas ma bris so/ /bi d+h+wan+sa ya ni dbye ba'o/ /u tsa ta na ni bskrad pa'o/ /mo ha yas rmongs par gsungs so/ / stam+b+ha ya mnan pa'o/ /ud ma na thun mong gi dngos grub po/ /A kaR+Sha ya dgug pa'o/ /ba shing ka ra mi mngon zhing 'gugs su gzhug pa'o/ /rak+Sha bsrung ba'o/ /mo ha ya don grub pa'o/ /de la las kyi man ngag ni/ /thab zlum po dkar bo dang / ser po gru bzhi dang dbang zla gam dang /drag po gru gsum dang / b+ha ga'am pad+ma lta bu la bya zhes gsungs pa'i phyir thab ni lnga ru shes par bya'o/ /ba bag na mi tra ma he tro kro da mi tha zhes pa'i me lha las dang mthun par so so'i bya ba'i rim pa dang / thab khung so so'i gzhal yas khang du me lha so sor bskyed de mchod cing sreg rdzas phul zhing /shAn+tiM ku ru'i sngags la sogs pa bzlas pas/ don so sor 'grub par bstan to/ /tsan+dan gyis shing dang / mi Tha zhes pa yongs su 'brel te/ 'ug pa dang pho rog sha dang / rnga mo'i sha dang / yang na nad dmu chus shi ba'i sha dang phye ma gsum gyi thun no//bya rgod sha dang khra dang klag gi sha dang / srin bya'i sha'am/ tsan+dan mchod cing yongs su bsngags la pug shud sha yongs su bsregs pa'o/ /de yang lung las/ thab khung gzhal yas so so ru/ /so sor me lha spyan drangs te/ gnyis med bstim dang mchod bya ste//'phags pa gos sngon bskyed bya ste/ /so so'i me lhas dbu rgyan bya/ /mchod cing bstod na las rnams 'grub/ /ces pa'o/ /de bzhin du spyan drangs pa dang mchod pa dang 'dod pa gsol ba btab pas gang la bya ba'i don 'grub par bstan to/ /le'u drug pa ni grangs kyi drug pa'o//lag na rdo rje gos sngon po can gyi rtsa ba'i rgyud las/ le'u drug pa'i bshad pa'o// //de le'u drug par sbyin sreg gi cho ga bstan yang / rme sreg dang dbang bskur ba ma bstan na 'grub par mi 'gyur bas/ de la de skad bstan to//de nas dpal ldan gos sngon can/ /gdul bar dka' ba 'dul ba'i mchog /gsang ba'i bdag po gos sngon can/ /zhes bya ba la/ de nas ni le'u drug pa bshad pa'i rting de nas so/ /dpal ldan ni rgyu ye shes las byung ba'i bdag dang gzhan gyi dpal te/ lha mo rdo rje ting nge 'dzin pa ni/stong pa dang ni snying rje'o/ /gdul bar dka' ba'i gnod sbyin bas pa dang / klu ste gdug pa can no/ /'dul ba ni lag na rdo rje ste/ ri rab rtse la 'dul ba yin te sngar bshad pas so/ /gsang ba'i bdag po ni sku gsung thugs kyi bdag po ste/ de ni sdud ba po yin par bstan to//drag po chen po rab tu 'bar ba'i ting nge 'dzin la snyoms par zhugs nas/ 'khor gyi klu tshogs dbang sdud tshe/ /zhes bya ba la/ drag po ni sku gsung thugs drag por ston pas de'i ting nge 'dzin la snyoms par zhugs te/ mkha' lding rgyal pos sprul pa bkye nas rgya mtsho chen por gshegs te/rigs bzhi'i klu yang dbang bsdus/ /zhes pa'o/ /nyen rnams bzlog pa'i cho gar gsungs/ /gnas khang rim pa gsum dag la/ /phyi rol rme sreg bral bar bya/ /nyen rnams ni klu dang 'byung pos zin pa sdug bsngal gyis nyen pa rnams so//gnas khang rim pa gsum ni khang pa rim pa gsum pa la/ sgo shar dang nub dang lho ru 'dod do/ /phyi rol rme sreg ni khang pa phyi ba bya ba bstan to/ /gru gsum nag po'i 'brub khung du/ /tsan+dan dug shing bsre byas te/ /mi nag phyi tha rnams kyi mes sbar te/ /lha dang me lha gnyis med gcig tu bskyed//ye shes bstim dang byin brlabs bsdu ba byas/ /lha dang me gnyis gnyis med gsal byas la/ /nad pa'i steng dang 'og tu me bsam zhing / /gnas brgyad me des bgegs kyi nus mthu rnams/ /sreg cing sna bug yongs bkab la/ / slob dpon bya khyung gi ting nge 'dzin dang ldan pas/ mchod pa dang sreg rdzas phul zhing / klu gzir ba'i drag sngags bzlas shing / gu gul dang mi tshil la sogs pa'i dud pas bdug cing des bgegs med par bya zhing bral na 'bros pa'o/ /bar khang der nad pa la phyi bdud dang bdud ltas rang bzhin gyi nus pa bskyed par ston to//de yang yum ni lcang lo can/ /bdud rtsi bum pa thogs pa yis/ /'od 'phros stong gsum ma lus tshe/ /phyi nang dgug dang bstan pa ni/ /yi ge gsum gyi las su gsungs/ /de nas oM AH hUM badzra A yuHShiny+tsa hUM/zhes gsungs te/ rang rang gis sngon du bdud rtsi'i ngo bos khrus bya'o/ /nang gi khrus stong pa nyid bsgom mo/ /der slob dpon la yon gyis mnyes par bya'o/ /nang du bum pa'i dbang bskur la/ /nyen rnams bzlog par the tshom med/ /ces pa la/dang po bsnyen pa bskyal te/ dus grangs mtshan ma'i bsnyen pa'o/ /yang na gong du bsnyen pa song bas/ bsnyen sbyor bsgom par bya zhes so/ /sa dang sta gon dang / dkyil 'khor sgrub pa dang / slob ma gzhug pa'i cho ga phyi nang 'jug pa yongs su dag par bya ste/ dbang stegs khri la bzhag la/ rigs dang rang rig shes pa dang / sbyin dang nyon mongs 'khrud par byed/ /bdag po la sogs dbang gis su/ /rgyud dag 'bras bu thob par byed/ /ces gsungs so/ /de nas slar bshad pa/ /oM sarba ta tha ga ta nI lAM ba ra d+ha ra a b+hi Shiny+tsa hUM/zhes pas me tog sngon po dang 'brel to/ /oM sarba ta thA ga ta nI lAM ba ra d+ha ra badzra A daR+sha a b+hi Shiny+tsa hUM/ zhes pas chu'i dbang dang 'brel te zhe sdang rnam par dag pa'o/ /oM sarba ta thA ga ta rat+na badzra a b+hi Shiny+tsa hUM/ zhes pas dbu rgyan dang 'brel pas nga rgyal rnam par dag pa'o//oM sarba ta thA ga ta sa man+ta a b+hi Shiny+tsa hUM/ zhes pas rdo rje dang 'brel pas 'dod chags rnam par dag pa'o/ /oM sarba ta thA ga ta pra ti sa ma Na ya a b+hi Shiny+tsa hUM/ zhes pas dril bu dang 'brel pas phrag dog sel ba'o/ /oM sarba ta thA ga ta kri ta a nuSh+ThA ma a b+hi Shiny+tsa hUM/zhes pas gti mug rnam par dag ste/ ye shes la dbang ba'o/ /de nas dus gsum sangs rgyas kyis dbang bskur zhing / oM sarba ta thA ga ta a b+hi She ka a b+hi Shiny+tsa hUM hUM hUM zhes brjod do/ /de nas las tha dad pa dang gsang ba'i dbang yang bskur te thig le dkar dmar lce la bzhag ste/gu h+ya a b+hi Shiny+tsa hUM hUM hUM zhes brjod do/ /de nas slob dpon gyis lha sgoms shig pa dang sngags la sogs pa'i gnang ba sbyin pa'o/ /de yang dbang bskur ba'i rgyud nas/ nyan cing sgrub pa la sogs pa/ /dbang bskur gnang bar ma byas na//'bras bu med cing brlag par 'gyur/ /de bas dbang bskur rab tu gces/ /zhes gsungs so/ /de ltar byas pas sdug bsngal nad dang ngan 'gro las bzlog ces gsungs so/ /kye ho nyen rnams gdul ba'i mchog /e ma sngags chen drag po che/ /e ma ma rungs 'jigs pa can//zhes pa la/ dbang bskur ba ston pa yin te/ dbang gi lha dang rtsa sngags 'brel par bzlas pa la ngo mtshar bstod pa'o/ /e ma sngags chen dbang dang 'brel pa'i klu'i drag sngags so/ /e ma ma rungs 'jigs pa can ni klu'i gdon/ /dbang dang las sbyor gyis 'joms pa'o//e ma yang gsang rnal 'byor che/ /phyag na rdo rje khyod phyag 'tshal/ /phyogs bral khro bo khyod phyag 'tshal/ /zhes pa la/ e ma yang gsang ni smra bcad pa'i ngo bo rdo rje shub bur bzlas pa gsang ba'i don bye ba phrag gnyis su bzlas pas/ /rnal 'byor lha dang 'brel pas rnal 'byor des bzlas zhes pa'o//gong gi yon tan bstan pa ni khyod yin pas khyod la bstod/ /phyogs bral ni gdul bya ma lus pa dang / ye shes ma lus mnga' ba khyod la bstod/ /ces gsungs so/ /le'u bdun pa ni grangs kyi bdun pa'o/ / lag na rdo rje rtsa ba'i rgyud las le'u bdun pa'i rnam par bshad pa'o// //gdon bral ba dang dbang bskur ba bstan kyang / gtor ma'i las med na 'grub par mi 'gyur bas de'i phyir de la de bstan to/ /yang 'khor gyi nang nas khams gsum rnam par rgyal ba stan las langs nas/'di skad zhus pa'i tshig li'u kun la sbyar ro/ /lan gsungs pas de skad gsungs nas/ 'khor thams cad dga' ba'i rjes la 'di skad gsungs so zhes pa la/ de skad gsungs pa la gong gi tshig go/ /'khor 'ga' min dbang dang rme 'brel lo//'di skad gsungs ni 'og ma'i tshig rnams so/ /des de rnams gsungs par bstan to/ /thams cad ldan pa'i gtor ma la/ /zhes pas/ phyi nang gnyis kyi gtor ma ste/ de yang phyi'i gtor ma la/ gtsang gtor dang bgegs gtor gnyis te dang po ni/dkar gsum mngar gsum 'bras zan dang / /ldan pa'i gtor ma sbyin par bya/ /zhes gsungs pa la/ pad+ma dkar po sdong po'i steng du/ oM swa swA hA hUM dzaH/ oM in+d+ra ye hUM dzaH/ ag+na ye hUM dzaH/ ya mA ya hUM dzaH ni r+r-i t+yA ya hUM dzaH/ ba ru NA ya hUM dzaH/ bA ya be hUM dzaH/ku be rA ya hUM dzaH/ I sha nA ya hUM dzaH/ he ta a d+hi pa ta ye hUM dzaH/ sU R+Ya tsan+d+rA ya hUM dzaHzhes pas spyan drangs te/ gtor ma phyi rgyud bzhin phul la/ gong du bstan pa'i sngags kyi sham bu yang hUM ba liM ta kha kha khA hi khA hi/ oM an+di dza ma dza la dzak+kha b+hU ti ba h+Ni ya ba rak+Sha tsan+da su tsa ma ta pabe+e tA la ba tA la aSh+Ta sathra swA hA i daM ba liM b+hu dza zhes pas kyang gtor ma dbul/spyan drang bar bya ste/ stong gsum mi mjed 'jig rten zhes pas spyan drangs la mchod pas mchod de/ tshangs pa chen po mi bdag /gzugs khams lha tshogs thams cad dang //chos bzangs lha yi 'dun sa na/ /rdo rje 'chang rgyal thar lam ston/ /brgya byin 'khor dang bcas pa rnams/ /ri rab steng na lha tshogs dang / /dbang po rdo rje 'chang ba zhes pa la sogs pa'i tshigs bcad yang bsgrags so/ /des mchod cing smon lam bsgrags par bya'o//sha chang dang ldan pa'i gtor ma la oM a nr-i su tri pre du dza zhes pa lcags kyu dang bcas pas spyan drangs la/ gtor ma gong bzhin yang mchod pa/ lha dang lha min gnod sbyin lto 'phye grul/ /nam mkha' lding dang 'dab bzangs lus srul po/ /gang dag sa la gnas pa'i rdzu 'phrul can//bu smad bcas shing g.yog 'khor bcas pa rnams/ /gnas nas phan gdags phyir ni 'dir gshegs shig /srid pa'i rtse nas dmyal ba'i gnas yan chad/ /rgyud drug skye 'gro ma lus thams cad kun/ /gnas nas phan gdags phyir ni 'dir gshegs shig /ces brjod do/ /mchod pas mchod de dga' ba'i tshal dang zhes pa dang 'di ltar phan par byed pa la zhes brjod la/ gtor ma gnyis btang ste de ni ro sreg gam rab gnas sam/ dbang bskur dus su phyi mchod bgegs nye bar zhi ba'o/ / nang gtor ni thams cad ldan pa'i zer mas sha lnga bdud rtsi lnga/ phyi'i yo byad dang 'brel pa'o/ /raM gyis sbyangs nas/ yaM gis bus/ khaM gis bkrus te dag pa la zhes pa la/ raM dmar po ka pA la dang gsang ba'i dam rdzas sreg pa'o/ /bsregs pa'i thal ba yaM las rlung gis gtor ba'o//baM gyi chu rgyun gyis bkrus pa'o/ /yaM raM dbab pa'i sbyor ba bya/ /zhes pa la yaM las rlung raM las me a las ka pA la/ rlung gis bteg pa'am sku gsung thugs kyi ngo bos bteg pa'o/ /nang du a las zla ba'i nang du bdud rtsi lnga nyi ma'i steng du sha lnga/ de steng gsang sngags rgyal po 'bru gsum/rdo rje sngon po dang shes rab A li dang bcas pa'o/ /rlung bskyed me 'bar thabs shes rab zhu nas yig 'bru gsum pos sbyangs te/ e las 'od 'phros pa dang / hUM gis bdag po 'od zer rtse la dza 'phros pas ye shes bdud rtsi dbab pa'o/ / oM A ral+li ho sa ma ya dzaH/ zhes kyang brjod cing oM AHhUM swA hA/ zhes brjod la gtor ma byin gyis brlab bo/ /rigs drug sems can dzaHzhes pas bkug la ye shes lha tshogs kyi ngo bo byin gyis brlabs la ye shes kyi lha tshogs mang po yang spyan drangs gnyis su med par bstims la bla ma yang mi bskyod par byin gyis brlabs la/rang rang gi rtsa ba'i sngags la ba liM ta khA hi zhes lan bdun nam nyi shu rtsa gsum brjod la/ ma ma sarba sha trUM hUM a mu ka ma hi ma tsa mo ta ba saM ba bu ga ru ti raM phra yo bak+Sha ba li i daM gr-ih+Na hi khA hi rak+ta pi ba to AHhUM kra ma sa ma ye swA hA/zhes lan gsum brjod/ oM a kA ros sems can thams cad la dbul/ de nas bsam gtan lha mos mchod pa dbul/ hUM gi 'od zer rtse la lha mo mang po byung nas mchod ces pa'o/ /gtsang gtor ni gong dang mthun pas 'di ru yang shes par bya'o//des na dbang bskur ba'i twa n+h+ra las/ gtor ma'i las rnams kun la yang / /sngon byas med cing go rims bral/ /rdzas ma tshogs dang bsam gtan bral/ /'di yang bar chod sbyong ba'o/ /zhes gsungs pa'i phyir/ sngon 'gro lha bsgoms pa dang / phyi nang gi gtor ma'i rdzes ma 'dres par so sor tshang pa la byin gyis brlabs te bsngo zhing smon lam btab la sa gtsang sar bskyal zhes pa'o//da ni khro bo gos sngon can zhes pas dam tshig bsgrag pa ste dngos su bas/ a kA ro mu khaM yang kun la sbyin pa ste/ gong du bstan to/ /le'u brgyad pa ni grangs kyi brgyad pa'o//lag na rdo rje rtsa ba'i rgyud las phyi nang gi gtor ma rgya cher bshad pa ste le'u brgyad pa'o// //des phyi nang gi gtor ma btang yang sngags ma bstan na de la mos pa rnams kyis mi 'grub pas de bstan to/ /de nas dpal ldan gos sngon can/ /gdul ka 'dul ba'i bdag po des//zhes pa la de nas le'u brgyad pa song ba'i rting de nas/ dpal ni bsod nams dang ye shes kyi tshogs dpal gnyis te lha mo'o/ /gdul dka' ni gong du bstan to/ /bdag po ni sprul sku badzra pA Ni/ bsam gtan 'khor lo med pa la/ /sngags kyi nges pa bshad par bya//zhes pa la/ bsam gtan ni zhi gnas dang lhag mthong med pa la ste/ rnal 'byor de la mi mos pa'o/ /sngags kyi nges pa ni dbye ba bshad pa'o/ /de la tad+ya thA nas ba pi shud+d+hi zhes pa'i yig 'bru so gcig pas/ rtsa sngags bstan to/ /tad+ya thA bud+d+ha zhes pa nas/nA ga tra ta sa ta na ya phaT ces pas klu gzir ba'i sme bral gyi dus sam mnan cing gsad pa'i dus so/ /nI lAM ba sa na ya phaT ces pa nas/ kun shan ma dod sa ha ya phaT ces pas/ gshin rje'i gdon bzlog pa dang nor bsgrub pa dang sgo lcags dbye ba dang / de'i las bstan to//pre ta zhes pa yi dags dang sha za bzlog par bstan to/ /yak+Sha zhes pas gnod sbyin bzlog par shes par bya'o/ /ha sa nas big sha ka ra ya phaT phaT kyis 'byung po spyir gsad pa ste/ kun la sbyar bar shes par bya'o/ /sarba sha trUM ni dge 'dun gyi dgra 'dul ba ste/'brub khung gru gsum pa ru gseg shang gi rtse gnyis pas brdungs te/ sngags kyang stod smad dang yang na gsum/ nI lAM bar dang sang ha ni yab yum gyi sngags so/ /de la bsnyen pa dang sgrub pa la sbyar ro/ /gtubs te bzlas pa dang mi gtub pa dang /bde bar gshegs pa ma gsungs te/ gang la bya ba de grub ces gsungs so/ /yang sngags rings kho na la o tsan+Da ma hA ro Sha Na hUM phaT/ ces rtags ni klu gdon du gyur pa la bzlas par shes par bya'o/ /rdo rje be con nas khyod phyag 'tshal gyis bstod pa bstan te/ma bkrol lo/ /le'u dgu pa ni grangs kyi dgu pa'o/ /lag na rdo rje rtsa ba'i rgyud rgya cher bshad pa las le'u dgu pa'i bshad pa'o// //klu ma khugs na gsad pa'i las mi 'grub pas dgug pa bstan to/ /de nas klu dgug pa'i sngags bstan to/ /rdo rje lcags kyu rlung gi sbyor bas 'grub par 'gyur//de bzhin me yis kyang ni 'dul bar nus pa yin/ /zhes pa la/ de nas ni le'u dgu pa song ba'i rting de nas bar tshig kyang mchod par klu ni klu ste zhes ring ba'o/ /rdo rje'i ting nge 'dzin dang ldan pas/ lag na rdo rje lcags kyu'i sngags 'og ma zlos shing /'og tu rlung lha rnga mos bteg ste 'gugs pa'o/ /de bzhin me yis kyang 'dul bar nus pa yin/ de ltar nus phyir/ dgug pa'i sngags 'di bstan par bya/ /zhes pa la/ mi yis kyang 'dul zhes pa la/ gnod pa'i gnas su me'i sngags dang 'brel pas sreg ste/de nas dgug par shes par bya'o/ /sngags ni che ge mo zhes pa dang 'brel to/ /dngos su bstan to/ /bsam gtan drag pos bzlas par bya/ /bzlas pa 'di la rab 'bad bya/ /zhes bya ba la/ bsam gtan drag po ni khro bo'i cha byad can te/ rngam pa 'jigs su rung ba'o//bzlas pa gr-i h+Na zhes pa dang 'brel to/ /khro bo lcags kyu thogs pa mang pos khrid nas 'ongs par gsungs so/ /klu rigs du ma thams cad kun/ /'gugs 'gyur 'di la gzhan du min/ /zhes pa la/ klu rigs du ma ni klu rigs bzhi'i klu dang gnyan dang sa bdag kyang yongs su gsung ngo //ting nge 'dzin dang sngags gong du bstan pa 'di ma yin pa gzhan gyis khug pa ma yin par bstan to/ /ji srid khug pa'i ting 'dzin gyis/ khugs par gyur pa'i klu rnams kun/ /zhes pa la/ 'gugs pa'i ting nge 'dzin ni gong du gsungs pa'o//khugs par gyur pa ni gnas nas 'ongs pa'o/ /de la dam la ma btags pa'i klu la/ skyer pa'i bam po dang sbyin sreg byed par 'brel te/ thab skud pa la sogs bla ma'i gdams ngag la rag lus par bya'o/ /zangs gzhong nang du spyan drangs te/zhes pa zangs gzhong du klu ba su d+ha ris drug gi gzugs bag zan las byas la klu sman sna tshogs yang blugs la/ nyen pas zin pa'i gzugs la sbal pa la sogs pa bkod la/ lcags kyi skam pa ka ya tsas/ /shing dag sor ni bcu gnyis pa/ /yongs su bcad par bya ba yin//zer bas/ smyag shad kyi lcug ma sor bcu gnyis pa/ byis pa lo brgyad lon pas brngas te/ rma bya'i mdongs dang tshon skud kyis bcings la/ nyen pa rnams la byabs te/ sbal pa yang maN+Dal steng du phab la/ nyen dang ldan pa lhar bsgoms te bsrung ba bya zhes pa dang 'brel te/de nas dam tshig bsre ba dang / sman gyi mchog gis tshigs bcad dang bcas pas gso ste/ khro bo'i che ba brjod cing gnod pa ma byed par bsgo la/ gang gnod pa'i sar bskyal zhes bya'o/ /le'u bcu pa ni grangs kyi bcu pa'o/ /lag na rdo rje rtsa ba'i rgyud rgya cher bshad pa'i 'grel pa las le'u bcu pa'i bshad pa'o// //dgug pa bstan kyang drag po kho na'i las ma bstan na tshar chod par mi 'gyur bas drag po'i las bstan to/ /de nas gzhan yang bshad bya ste/ /zhi ba'i las kyis mi 'dul ba'i/ /klu gzir drag sngags bstan par bya//zhes pa la/ de nas gzhan yang bshad pa ni khugs pa'i rting la gzhan klu gnyan sa bdag zhi bas mi nyan pa la/ klu gzir ba'i sngags dang phyag rgya dang rdzas dang ting nge 'dzin bstan to/ /dam la ma thogs pa la dang por zhi bas byas la de nas drag pos gdul zhes pa'o//oM badzra pA Ni zhes pa nas/ hUM phaT kyi bar gyi sngags gsungs so/ /de yang bdag gi ming dang 'brel pa las khro bo rnams kyis klu la rgyob mtshon cha rgyob ces pa'o/ /da ha ni sregs ro sregs zhes pa'o/ /non non nus pa'am/stobs khro bo rnams kyis non zhes pa dang shin tu non rnam par tshogs/ rnam par tshogs/ 'gul mi nus par rgyob rgyob ces bya'o/ /bsam gtan rdo rje thogs pa yis/ /gdul bya'i steng nas dbab par bya/ /'og tu me yi 'khor lo bsam/ / zhes pa la/ bsam gtan ni rang rtsa ba'i dkyil 'khor gsal ba'o/ /khro bo rnams kyi sprul pa/ rdo rje dang tho ba thogs pa'o/ /gdul bya ni steng nas khro bo rnams kyis char 'bebs pa'o/ /'og tu me yi 'khor lo bsam/ /zhes pa la/ gru gsum gdengs par dmyal ba'i sdug bsngal dang 'dra bar/sa gzhi me 'bar ba na/ bsgrub bya'i lte ba nas kyang me 'bar te bsreg pa'o/ /me dpung chen po'i ting 'dzin gyis/ /me 'bar klong chen dkyil du gzir/ /zhes pa la/ me dpung ni dus mtha'i me bas che bas sreg par 'gyur/ gzir ba ni khro bo dang mtshon cha dang 'od zer ro//de yang bdag gi ting nge 'dzin rab gsal bas/ las kyi sa gzhi me 'bar ba'i steng nas mtshon cha'i char babs pas/ de dang bral bar the tshom med/ /ces gsungs so/ /yungs kar dang ni yungs nag gam/ /skye tshes brdeg cing khro bo spros//zhes pa la/ yungs kar la sogs pa'i yig 'bru khro bo mtshon cha thogs par spros te gzir ba ni khro bo rnams zhes man ngag tu bstan te/ sngags gong ma dang 'brel/ /khra spyan la sogs rtsa ba'i gsob gdab cing khro bo'i sprul pa spro/ zhes pa la/khra dang klag dang 'ug rgod dang / pho rog bya gcan lnga'i thun gyis brab cing srog cog nan rbad lus rdul mA ra ya phaT ces brjod nas/ bya khyung gi sprul pa mang pos gsang cing gzir ba'o/ /gcan gzan sna tshogs mchu sder dang / /mchu sder 'brad cing sprul pa ston/ / zhes pa la/ stag dang seng ge dred dang ni/ /byi la spyang ki'i sder mos brad cing khro bo mang pos gcan gzan dang 'dra bas sha dang rus pa 'byed pa'o/ /myur du thar ba ni klu'i nad las myur du thar ba'o/ /le'u bcu gcig pa ni grangs kyi bcu gcig pa'o/ /lag na rdo rje rtsa ba'i rgyud rgya cher bshad pa las le'u bcu gcig pa'i bshad pa'o// //klu gzir ba bstan kyang mchod pa med na don mi 'grub pas mchod pa bstan to/ /de nas 'phags pa gos sngon can gyis/ nyid kyis mchod phul bas/ /zhes pa la/ 'phags pa gos sngon ni gong du bstan to/ /nyid la nyid kyis mchod pa phul ba ni//'khor gyis gtso bo mnyes pa dang / /gtso bos 'khor mnyes pa dang / rang gis rang mnyes pa dang / sems can tshogs rnams bsags pa'i phyir/ /nyid kyis nyid la mchod pa la/ /'di yang mchod pa chen po ste/ /mi dmigs blo yis rab zin pas/ /bla med mchod pa zhes su grags//zhes lag na rdo rje rgyud phyi ma las gsungs so/ /hUM rdo rje bdug pa ma hUM zhes pa nas/ badzra A lo ke'i bar gyis phyi'i mchod pa bstan te/ de yang dang po spyan drang gdan dbul/ phyi nang gi mchod pa mang po phul mnyes par byas te sdig pa bshags shing dge rtsa bsngo zhes gsungs so//bcom ldan chos dbyings rang bzhin skyon bral ba/ /chos kyi dbyings las bskyod pa mi mnga' yang / /sgrub sogs sems can rnams la sman bya'i phyir/ /'gro mgon sprul pa'i tshul ston gshegs su gsol/ /dzaHhUM baM hoH/ seng+ge glang chen 'khor lo pad+ma nyi zla khri yi gdan/ /rab tu mdzes pa'i gdan mchog dri med dbyangs/ /mthu ldan rdo rje bsnams la legs 'bul lo/ /'gro mgon mi mchog gdan la bzhugs su gsol/ /me tog dam pa zhabs 'og 'dor/ /gdan gyi mchod pa'i rim pa'o//bla ma rang bzhin gsang ba'i dkyil 'khor nas/ /thub pa rgyud rnams kun gyi sdud pa po/ /log 'dren bgegs kyi tshogs rnams 'joms mdzad pa/ /bcom ldan rdo rje bsnams la skyabs su mchi/ /zhes pa tshig gi rten khyad par can 'tshal te//bdug spos thogs pa'i lha mo ser mo dang / me tog thogs pa'i dkar mo dang / /mar me thogs pa'i dmar mo dang / /dri chab thogs pa'i ljang gu ste/ /sngags ni mngon sum du rgyud du gsungs pas ma bris so/ /nang gi lA s+ye mA le gI ti dr-i ti ste/ gtso bo yang yongs su shes te nang gi nyams dang mthun par mchod cing bstod pa'i phyir ro//nyi shu mchod pa dang / bkra shis rtags brgyad/ rin po che sna bdun la sogs pa yang phyi rgyud dang / mthun par mchod do/ /ji srid thams cad mchod pa che/ /ji srid mchod pa bde ba che/ /zhes bstan pa la/ ji srid thams cad ni phyi rdzas ma lus pa ste/bdug pa dang / me tog dang / mar me dang / dri chab dang / zhal zas la sogs pas mchod ces pa'o/ /ji srid bde ba che ba ni/ /lha mo dkar dmar ser ljang gu/ /mthing gas byang sems sha chen dang / /rak+ta ba la dri chen gyis//rang gi nyams su bde ba bskyed/ /ces gsungs so/ /ji srid mchod pa bla na med/ /ji srid mchod pa yang dag che/ /zhes pa la/ ji srid bla med ni thabs shes rab zung du 'brel ba'i mchod pa/ rgyas btab gnyis su med pa'o/ /ji srid yang dag ni mi dmigs pa'i mchod pa'o//des mchod pa'i gtso bo yang bstan to/ /de nas sdig pa bshags pa'i cho ga bya bar yang gsungs te/ sdig pa phyis mi byed pa'i phyir/ bla med dkon mchog gsum po dang / /bcom ldan phyag na rdo rje dang / /'khor bcas ma lus thams cad kun/ / bdag la dgongs nas gzigs su gsol/ /ji ltar dus gsum sangs rgyas kyis/ /yang dag byang chub nges mdzad pa'o/ /rnam gsum tshul khrims bslab pa dang / /dge ba'i chos ni sdud pa dang / /sems can don byed tshul khrims gsum/ /bdag gis brtan por gzung bar bgyi//dkon mchog dam pa bla na med/ /deng nas brtsams te gzung bar bgyi/ /rdo rje rigs mchog chen po yi/ /rdo rje dril bu phyag rgya yang / /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po yi//dam tshig yid du 'ong ba la/ /nyin re bzhin du lan drug tu/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs mchog dag pa la/ /phyi nang gsang ba theg pa gsum/ /dam pa'i chos kyang so sor gzung / /las kyi rigs mchog chen po la//sdom pa thams cad ldan par ni/ /yang dag nyid du gzung bar bgyi/ /bla na med pa'i byang chub sems/ /dam pa bdag gis bskyed par bgyi/ /sems can kun gyi don gyi phyir/ /sdom pa ma lus bdag gis gzung / /ma bsgral ba ni bdag gis bsgral//ma grol ba rnams bdag gis dgrol/ /dbugs ma phyung ba dbugs phyung bgyi/ /sems can dam pa'i don la dgod/ /dkyil 'khor me tog sngon por bcas/ /rdo rje bsnams la dbul bar bgyi/ /bdud rtsi rnam lnga'i gtor ma sogs/ /rnam pa kun du bsten par bgyi//chang gis 'jig rten myos 'gyur te/ /chang gis myos 'gyur bdag gis spang bar bgyi/ /sems can ma lus don gyi phyir/ /snying rje chen po bdag gis bskyed/ /shes rab stong pa nyid rnams la/ /rnam pa kun du smad mi bya/ /sems can bde ba yid mi dkrug /ces pa lan gsum gyis sdom pa gzung ste/ phyis mi byed par dam bca' ba'o/ /sdom pa blang ba ni khrims las 'dug pa dang 'dra bar bstan te nyes pa yod pa'i phyir ro/ /de nas smon lam gsum gyi tshul du bsngo ba ni/ /byang chub sems dpa' rnams kyi lam mo//de ni dge ba'i phyogs gzhan yang yongs su bzung ngo / /e ma'o ni dgyes pa dang ngo mtshar ba'o/ /le'u bcu gnyis pa ni grangs kyi bcu gnyis pa'o/ /lag na rdo rje rtse ba'i rgyud rgya cher bshad pa las le'u bcu gnyis pa'i bshad pa'o// // grogs spyod bstan kyang zhi drag dang 'byung ba bzhis bstod pa ma bstan na 'grub par mi 'gyur bas de la de bstan to/ /de nas gzhan yang bshad bya ste/ /bcom ldan gsang bdag gos sngon can/ /zhes pa la/ de nas ni le'u bcu gnyis pa'i rting de nas so//gzhan ni zhi drag gis klu 'dul ba'i bstod pa dang / 'khor lo bzhis bstod pa bstan to/ /bcom ldan gsang bdag ni/ bdud bzhi 'joms shing ye shes lnga dang ldan pa'o/ /des ni sku gsung thugs kyi bdag po'i rdo rje rnams yin par rab stan to/ /bsdu ba'i thabs kyi ting nge 'dzin//'khor gyi klu rnams sdud mdzad nas/ /zhes pa la/ bsdu thabs ni sngon ri rab kyi rtse la gnod sbyin dang klu'i rigs 'dul ba'i tshe/ klu dang gnod sbyin rnams bsdu ba mdzad ces bstan to/ /me yi 'khor lor snyoms zhugs nas/ /gsang ba me yi sngags bzlas pas//zhes pa la/ me'i snyoms zhugs ni/ bcom ldan 'das kyis me brgyad kyi 'khor lor snyoms par zhugs te/ klu rnams skrag par bya ba'i don/ me'i rang bzhin me'i sngags bzlas pas/ klu rnams 'dul bar tshig 'og ma rnams dang 'brel to/ / klu rnams ma lus tshim par mdzad/ /bral nas dpag tshad gnas su bros/ /zhes pa las/ bcom ldan 'das me'i ting nge 'dzin la snyoms par zhugs pa/ 'khor gyi klu rnams la 'dir gnas na me yis 'chi ba'i 'jigs pa 'byung bar 'gyur snyam pa'i 'jigs pa 'byung / de nas/ bdag gi 'khor na mi gnas par 'bros te 'gro/ /bog ste 'gro ba ni dpag tshad dang rgyang grags su 'byer ba'o/ /slar 'dus bdud rtsi sman gyis gso/ /las bcol so so'i gnas su dgod/ /ces pa la/ slar zhi ba'i thugs rjes bsdus te ye shes bdud rtsis gsos te/gnod pa ma byed par bka' bsgo nas/ rang rang gi gnas su bskyal zhes pa'o/ /de bzhin du klu'i gdon gyis nyen pa rnams la ni/ me'i ting nge 'dzin me brgyad kyi 'khor lo la gnas nas me'i sngags bzlas pas/ 'chi snyam pa'i 'jigs pa dang bral zhing 'gro/dpag tshad du byer zhing 'gro zhes pa'o/ /gnod pa mi byed pa'am dam la thogs pa'i klu rnams la ni slar bdud rtsi sman gyis gso/ de nas klu nad gso ba rnams kyi nang na ni me yis gso ba/ dge slong klu'i byang chub kyis gsungs pa bden pa'o/ /mi slu ba'o/ /de nas 'khor rnams kyi nang nas khams gsum rnam par rgyal ba stan las langs te/'byung ba bzhi'i bstod pa gsungs pa/ thal mo sbyar ba ni dngos te/ pus mo btsugs pa'o/ /mo brgyad 'khor lo bdag nyid che/ /rtag tu me yi ting 'dzin la/ /snyoms 'jug khyod ni rgyal gyur cig /ces pa la gnas brgyad ka rkang mthil gnyis/lag mthil gnyis dpyi mig gnyis/ gsang ba dang mgrin pa gnyis te brgyad nas raM las byung ba'i dmar ser brgyad gnas pa'o/ /des bsregs pas na 'chi ba'o/ /rtag tu ni de'i ting nge 'dzin la gnas na snyoms par zhugs nas brgyal zhing 'jigs pa ste/lhan cig mi gnas pa'i 'gal ba bzhin no/ /bde ba'i rol mo me klong du/ /sreg mdzad me brgyad khyod phyag 'tshal/ /rang bzhin mnga' bdag khyod phyag 'tshal/ /zhes pa las/ bde ba'i rol mo me klong ni ye shes kyi me dang ldan pas nyon mongs pa sreg pa'o//sreg pa ni nad dang nyon mongs pa'o/ /yang smin cing sel bas na me la phyag 'tshal lo/ /des ni khyod las mi 'da' bar ston to/ /rang bzhin nus pa de yod pas khyod phyag 'tshal zhes bya'o/ /chu yi ngang la gnas dod na/ /chu brgyad ting 'dzin la gnas te//zhes pa la/ de dang 'dra ba'i nad dang nyon mongs pa zhi bar 'dod na/ chu brgyad ni gong gi gnas brgyad du baM dkar po las chu bsgoms pas nad sel/ de tshe 'khor gyis 'di skad bstod/ /chu brgyad 'khor lo bdag nyid che/ /rtag par chu yi dkyil 'khor can//zhes pa la/ 'khor rnams ni rnam par rgyal ba la sogs pa'o/ /des nus pa chu dang 'dra ba'i sgo nas bstod/ chu brgyad 'khor lo ni gnas brgyad nas khrung pa'o/ /rtag tu 'khrung par byed pa'i nus pa yod pas/ chu'i dkyil 'khor can no/ /'byung ba'i gtso bo chu yi bdag /mnga' bdag gtso bo khyod phyag 'tshal/ /zhes pa ni/ 'byung ba'i gtso bo chu yin te/ de dag gi gtso bo gos sngon po yang de dang 'dra zhes so/ /mnga' bdag gi gtso bo khyod rang bzhin nam nus pa de dang ldan pas khyod phyag 'tshal lo/ /rlung brgyad ting 'dzin la gnas pas//'thor zhing 'bud pa'i bdag nyid che/ /zhes pas ni gnas brgyad du bsregs pa'i shul rlung brgyad kyis 'thor ba'o/ /gzhan de'i nus pa'i dug 'thor ba ste gong ma'o/ /'thor zhing 'bud pas na rlung dang 'dra ba'i nus pas 'thor zhes pa'o//che ba ste spobs pa dang ldan pa'o/ /rlung chen drag po rtsal shugs can/ /rlung lha gos sngon khyod phyag 'tshal/ /zhes pa la/ chen po ni ye shes kyi rlung ngo / /drag po rtsal shugs ni thogs pa med pa'o/ /rlung lha gos sngon can ni/ /dngos te de la de'i nus pa yod pa'i phyir ro//sa yi dkyil 'khor la gnas nas/ /mi g.yo brtan pa'i las mdzad pa/ /zhes pa la/ sa ni gzhan gyi nus pa gnon pa ste gzhan gyi nus pa gnon pa'i tshes dang 'dra ba la gnas zhes bya'o/ /mi g.yo ba ni bdag nyid la tshur la mi brdzi ba'o/ /brtan pa ni mis mi ldang zhes pa'o//gser ldan rol mo sna tshogs bdag /sa bdag 'khor bdag khyod phyag 'tshal/ /zhes pa la/ gnon pa'i tshe gser gyi 'khor lo dang 'dra ba'i phyir te/ rol mo ni des snang ba'o/ /sna tshogs ni 'byung ba bzhis 'dul ba'o/ /sa brgyad kyi 'khor lo gnas brgyad du'o//khyod ni de'i rang bzhin yin pas phyag 'tshal lo/ /le'u bcu gsum pa ni grangs kyi bcu gsum pa'o/ /lag na rdo rje rtsa ba'i rgyud las le'u bcu gsum pa'i rnam par bshad pa'o// //de ltar bskyed pa dang grogs spyod bstan kyang / rdzogs rim ma bstan na 'grub par mi 'gyur bas de bstan to//de nas dpal ldan gos sngon can/ /phra mo'i ting 'dzin la gnas pa/ /zhes pa la/ de nas le'u bcu gsum pa song ba'i rting de nas/ yon tan gnyis dang ldan pa'i gos sngon can des/ phra mo'i ting nge 'dzin ni dpe'i ye shes dang /las dang lam gyi ye shes ma yin te/ 'bras bu phyag rgya chen po la gnas nas zhes bshad do/ /lam yang mtshan bcas dang mtshan med do/ /phra mo stong nyid goms pa'o/ /snang ba dngos su med pa ste/ /snang ba stong pa'i rang bzhin no/ /stong la bde ba'i rig pa'o//de ni snang ba dngos su bstan/ /thabs dang shes rab zung du 'brel/ /mi rtog spros bral goms pa ni/ /mtshan med lam du bstan pa yin/ /skye ba rmi lam bar do nas/ /srid pa bar do gsum du'o/ /de yang mi rtog spros bral lo/ /de ni gsang ba'i srid pa'i lung las//srid gsum rang bzhin 'pho ba yang / /'bras bu yang dag 'byin pa ste/ /'di ni rnam shes 'pho 'jug go/ /mtshan bcas kun brtags rtsa rlung gi/ /'khor gyi gnod sbyin mang po kun/ /shin tu yid dga' dang bas zhus/ /zhes pa la/ 'khor gyi gnod sbyin mang po kun ni gnod sbyin du ma'o//gong du bstan pa'i ting nge 'dzin la dga' nas/ 'khor gyi nang nas rnam par rgyal bzhes bya'o/ /phra mo thig le chen po yis/ /cir snang dngos po gcig tu 'dus/ /de nyid mtha' 'das rang bzhin med/ /ces pa la/ phra mo thig le chen po ni//spyi bo dang ni mgrin pa dang / /snying ga dang ni lte ba dang / /gtum mo rlung gi 'khor lo rnams so/ /rang 'byung gi yi ge gnas pa ni thig le'o/ /phra ba ni A li dang ldan pa'i rtsa la rlung bus te/ thig le las me 'bar te bde ba/ shin tu bde ba/ mchog tu bde ba bskyed pa ni phra ba'o/ /ting nge 'dzin de la ming de yod pas de skad ces bya'o/ /ci snang dngos po ni kun du rtog pa thams cad 'bar ba stong pa nyid du zhu zhes pa'o/ /de nyid mtha' 'das ni lam chos kyi phyag rgya 'od gsal nyams su blangs pas de ni lam gyi 'od gsal zhes bya'o//rang bzhin med ni 'bras bu chos kyi sku thob pa'o/ /dngos po mtha' dang / bral bas rang bzhin med ces bya'o/ /yum lcang lo can la/ sprul pa bde chen longs spyod chos/ /rlung dang me la rab gnas pas/ /mtha' 'das rang bzhin chos sku thob/ /ces gsungs so//de nas dpal ldan gos sngon can/ /bla med rdzogs pa'i klong chen du/ /'dod chags ting 'dzin la gnas pa/ /zhes pa las/ sems can chags pa can drangs pa'i phyir/ /thabs dang shes rab kyi spyod pa bstan te/ ri rab kyi rtse la dpal ldan gos sngon can ni khro mo rdo rje sreg ma dang snyoms par zhugs pa'i tshul bstan to//sangs rgyas gos sngon can ni rdo rje gsang ba mo dang snyoms par zhugs so/ /rin po che'i mtshan gos sngon can ni rdo rje zhi ba mo dang snyoms par zhugs so/ /pad+ma gos sngon can ni khro mo dag byed ma dang snyoms par zhugs so//las kyi gos sngon can ni rdo rje rgyal ba mo dang snyoms par zhugs so/ /de dga' ba bzhi rnam par dag pa skye ba'i tshul bstan te/ de ni 'dod pa la zhen pa rnams rab tu 'joms pa'o/ /lung las rdo rje khro bo rnams dang sbyor/ /gzhan la bde ba 'phro 'du bya//'o dang 'khyud pa la sogs pa/ /dga' bzhi'i tshul dang yang dag ldan/ /des kyang rnam par grol bar 'gyur/ /zhes pa'o/ /'khor gyi gnod sbyin mang po kun/ /gnas dang dus dang rgyal ba las/ /zhes pa la/ 'khor gyi gnod sbyin mang po chags pa dang bral ba'i rigs so//de lta bu'i spyod pas sangs rgyas mthong bas 'di ni tha mal pa spyod pa'i 'khor ba'i lam zhes smra zhing sngangs pa dang / dus thob pa'i thabs med do zhes zer nas brgyal ba'o/ /bslang ste bla med don bstan pas/ /thams cad 'dod chags mngon sangs rgyas/ /zhes pa la/baM saM sa ma ya ho/ /zhes brjod nas brgyal ba kun bslangs/ bla na med pa pho nya'i lam dga' ba bzhi dngos po lam stong pa nyid bzhi lam la btsud pas chags pa dang bral ba'i gnod sbyin kun pho nya'i lam las sangs rgyas shing 'bras bu thob bo/ /des na 'dod chags mngon sangs rgyas zhes bya'o//'khor gyis sku la bstod pa ni/ /'khor lhag ma rnams yi rangs te/ /bstod pa gsungs pa kye ho zhes gtso bo ye shes la bstod do/ /de nas bstod pa bzhi'i ngo bos rtogs pa thams cad 'dag pa ste/ bstod pa gcig ni rtsa ba na gsal bas ma bris so/ /snyoms bar 'jug pa nas thabs dang shes rab zung du 'brel pa'i mngon shes sel ba'i 'dod chags ni/sangs rgyas byang chub sems dpa'i lam/ /bstod pa'i gnas su 'di gsungs so/ /zhes pa'o/ /le'u bcu bzhi pa ni grangs kyi bcu bzhi pa'o/ /lag na rdo rje rtse ba'i rgyud rgya cher bshad pa las le'u bcu bzhi pa'i bshad pa'o// // de nas 'dus pa'i 'khor rnams zhes pa nas 'khor gyis gtso bo la bstod pa nas bla med skyabs mdzad kyi bar la/ khams gsum rnam par rgyal ba la sogs pas gtso bo la bstod pa bstan te/ nyams su blang ba med pa'i phyir dang / gtso bo la mos pa'i phyir dang / tshig don yin pas rgyud dngos su bstan pas bshad pa ni ma byas so//yi rang ba ni ston pa'i chos gsum du bstan pa la mos pas yi rang ba ste/ lha dang klu dang lha ma yin la sogs pa yang yid dga' ba'i mchod pas khyab par gyur to zhes bya ba la/ lha ni tshangs pa dang / pany+tsi ka la sogs pa'o/ / klu ni dga' bo la sogs pa'o/ /lha ma yin ni thags bzangs la sogs pa'o/ /mi'am ci ni rta mgo can dang / dri za dang / srin po dang / nam mkha' lding dang / lto 'phye chen po la sogs pa rnams byang chub sems dang ldan zhing / stong pa nyid kyi don zab mo la mos pa'o/ / mi la sogs pa thams cad 'jig pa'i rten dang ldan pa thams cad bde ba la bkod do zhes bya ba la/ ri rab kyi rtse la rgyud 'di bshad pas/ de'i byin gyi rlabs kyis/ mi dang lha dang klu dang lha ma yin la sogs pa rnams nad las grol bar gyur to/ /bde gshegs zhal nas gsungs pa'i rgyud rnams la//bshad cing man ngag 'grel par byas pa rnams/ /kun la don dang ngag gi skyon rnams yod pa ste/ /bzang por sems kyang skyon te de ni rang gi khengs pa'i sems/ /dper na 'dam gyi seng ge seng ge yin zhes nya rnams smra/ zhes pa lta bu'o//des na 'dir ni rgyud kyi dgongs pa la/ skyes dang lhag pa'i mthong las tshogs pa gsum du 'dus/ bskyed pa'i rgyas pa bsdus dang shin tu bsdus par gsungs/ /de yang / rim gyis bskyed dang cig car gyis/ /gang zag blo yis rim par gsungs/ / rdzogs pa gnyis su bstan pa yang / /mtshan bcas dang ni mtshan med do/ /mtshan bcas kun brtags lam du byed/ /rtsa rlung byang chub sems kyis su/ /rim gyis ye shes skye bar 'dod/ /mtshan med nyams su skye lugs kyang / /mi rtog stong pa nyams su blang //stong pas stong pa goms par byed/ /skad cig goms sogs spangs pa yis/ /lam lnga dang ni lam gnyis bgrod/ /'di yang gsang sngags 'bras bu lam/ /dri bcas dang ni dri ma med/ /'di ni thar pa'i lam la gnas/ /dri bcas dpe yi ye shes tshol//drod dang rtse mo chos mchog rnams/ /ma rtogs mthong lam skye ba med/ /mthong lam skad cig bcu drug gis/ /mthong spangs nyon mongs spong bar byed/ /gnyen po ye shes bcu drug go/ /nyi ma grib ma tshul du spong / /chos ni snang bar gsal ba'o/ / skad cig phyi ma snang ba mched/ /mthong lam ye shes ma mthong mthong / /snang ba stong par thob pa'o/ /drod rtse la sogs gnyis kyi rten/ /nges par byed pa'i cha brgyad pos/ /sgom pa spong ba'i nyon mongs spong / /'di ni drod spang bsgom pa'i lam/ /rgyu yi theg par rab bstan pa'i//lam lnga rim gyis bgrod mi dgos/ /'di ru lam lnga gsungs pa yang / /ye shes skye ba'i bgrod tshul lo/ /grogs ni tshogs kyi gtor ma dang / /sAts+tsha klog 'don la sogs pa/ /zhi gnas lhag mthong skye ba'i rgyu/ /rgyu la ma brten 'bras med/ /dper na nam mkha'i me tog bzhin//'byung ngo zhe na kun brtags 'gyur/ /de ni mi rigs smra ba ste/ /ri bong rwa sogs tshang 'jal bzhin/ /legs par bstan kyang don med 'gyur/ /yang gsungs pa/ rgyu las 'bras bu 'byung ba med/ /rgyu las 'bras bu dngos yod na/ / rgyu las 'bras bu rtogs par 'gyur/ /gal te rgyu yis 'bras bskyed na/ /'bras bu dus su rgyu med pas/ /rgyu 'bras lhan cig mi gnas pas/ /phan tshun spangs pa mi gnas 'gyur/ /yang gsungs pa/ rgyu yang mthong lam ye shes te/ /de bsgoms mthar phyin 'bras bu'o//stong nyid bde ba'i ye shes dang / /skad cig goms sogs nyams blangs pas/ /rgyu 'bras gnyis med bgrod pa ni/ /'bras bu gsang sngags thob lugs so/ /skad cig goms pa rgyu yin te/ /goms pa mthar sngon rtogs pa'o/ /rgyu las rten byung shugs kyis rtogs//de ni dngos med 'bras bu'o/ /kho bo gzhung gis de skad smras/ /yang gsungs pa/ bden pa gnyis su rab bstan pa/ /blo yi rtogs tshul bye brag go/ /gnyis bral yang dag rtogs tshul ni/ /bla med don la gnas zhes gsungs/ / des ni rgyud kyi sdom tshig ni/ /gnyis dang gsum du 'dus par gsungs/ /bdag 'dra dman pa'i gang zag gis/ /sa ma non cing yi dam zhal ma mthong / /yang sprul mkha' 'gro rnams dang bde gshegs lam/ /rang nyid gos sngon can la mos pa yis/ /rang la brten dang thar pa'i lam//rang bas blo zhan rnams la phan par bya phyir dang / /dus gsum sangs rgyas thams cad kyi/ /dgongs pa ma chad bya phyir dang / /snying rje gnyis med sogs kyi mtshams/ /man ngag tshig don rgyas par bstan/ /tshig la nyes pa med de snga ma snga dang gsang sngags dag tu sbyar//de gzhan med de 'di la dga' ba skyes/ /gal te bdag gis khro tshig dang / /don la nyes pa shor srid na/ /dus gsum rigs lnga'i bde bar gshegs pa dang / /mkhas shing shes pa rnams la bzod par gsol/ /dad pa che la gyong khengs med/ / sgang bu dma' la 'gro don rtsom/ /snying rje shes rab che rtsom zhing / /gsang sngags chos dang bla ma la ni gus/ /dbang bskur thob cing dam tshig ldan sogs pa/ /de la gong ma'i man ngag rgyun ma chad par sbyin/ /de ma byin na gsang sngags dam tshig nyams/ /yang gsungs pa/rdzogs ldan dus kyi tha ma la/ /rtsa ba dang chad snying rje bral/ khwa ltar mu cor smra zhing gsang sngags phrag khyer ba/ /de la sogs pa gang zag rnams la nor la bltas te byin/ /'phen byed las kyis 'phangs na rdo rje dmyal bar skye/ /rdzogs byed las kyis ngan song gsum du 'khor//zhes rgyud nas gsungs so/ /mnar med ngan song du skye 'bras bu tsha grang sdug bsngal myong / /thabs dang shes rab zung 'brel ba'i/ /nyi zla lta bu'i dam chos 'di/ /bden pa gnyis dang mi 'gal gsang sngags 'bras bu'i lam/ /chos 'di legs par bris pas khams gsum sems can rnams//drod dang rtse mo bzod pa'i chos kyi rtse/ /ye shes bzhi yi tshul gyis nyon mongs sdug bsngal zhi/ /mthong sgom sgrib pa rnams dang bral ba dang / /sdug bsngal gsum dang brgyad dang yongs bral ba'i/ /mdze 'bras nad dang bzhi brgya rtsa bzhi sogs//sdug bsngal rab zhi myur du bde bar shog /bdag dang khams gsum sems can rnams/ /sdug bsngal ma lus rab zhi nas/ /gos sngon dngos grub thob par shog /'phags pa gos sngon po can gyi rtsa ba'i rgyud kyi 'grel pa rdzogs so// //skye ba lnga brgyar blo rab sbyangs/ /sngags kyi theg pa'i bstan bcos 'di/ /dbu ma'i lta ba yang dag ste/ /mkhas btsun rnams kyis yongs su gzung / /sgrol ma gsal ba zhes bya ba'i 'grel pa dge slong klu'i byang chub kyis mdzad pa rdzogs so// //