CLOSE WINDOW

D2194
བོད་ཡིག

@##/ /sngags kyi rgyal po 'di cung zad bzlas pas sdig pa thams cad sreg par byed do/ /thams cad srung par byed do/ /gnod pa'i log 'dren thams cad med par byed do/ /oM badzra tsaN+Da ma hA ro Sha Na hUM phaT/ ba liM i daM gr-ih+Na gr-ih+Na/ /khA hi khA hi/ b+huny+dza hoHrak+ta pi pa to/ sa ma ye swA hA/ de bsnyen pa byed pa'i dus su rgyun du gtor ma gtong ba'i sngags so/ /de nas drag po'i las bya bar 'dod pas/ dang por dkyil 'khor ji tsam dran pa cig bya/ rdo rje rgya gram bri/ ra kun nag por bya/ re khA tshil dang thal chen bsres pas bri/ de'i dbus su e gru gsum zabs su mdzub gang ba cig brus la/nang ro bsregs pa'i thal bas byug /gru gsum de'i phyi rol dmar por bya/ de ni dkyil 'khor bya ba'i thabs so/ /de nas ling+ga bca' ba'i thabs na/ spra tshil las ling+ga sor bzhi pa byas la de'i snying gar shog bu la dmar chen gyis rdo rje rgya gram bris la/bsgrub bya rang gi rten dang bral bar bsam/ gru gsum de'i dbus su ming bris la gzhug /de nas gru gsum nang du bcug la/ ske nas skud pa sngon dmar gyis btags la/ de'i sna la mi'i rje ngar gyi phur pa sor bzhi pa cig btags la/ 'jigs byed chen por mnga' gsol te/sngags nam phyed dam nyi ma phyed na brdeg go/ /phyi rol du 'gro ba la sogs pa byed na ling+ga las phur ba mi dbyung bar btab la gzhag go/ /maN+Dal dbus su lha'i gdan du byas la/ sum 'bum du bzlas la gdab/ de'i dus su gtor ma dang mchod pa dus drug tu dbul lo//de 'debs tsa na rang nyid phyag na rdo rje sku mdog sngo nag /zhal gcig pa phyag gnyis pa/ spyan gsum pa/ sbrul gyis brgyan pa/ stag lpags kyi sham thabs can/ bsgrub bya'i steng na 'dug pa/ phyag na phur bu dang sdigs mdzub mdzad pa cig tu bsgom zhing sngags bzlas la brdeg go//oM badzra tsaN+Da ma hA ro Sha Na hUM che ge mo shi ri kI la ye ta hUM phaT/ a mu ka staM b+ha ya/ hri staM b+ha ya kI la ye ta hUM phaT ces bzlas la brdeg go/ /de ltar drag po'i las byed pa'i dus su gtor ma gtong ba'i sngags so/ /oM badzra tsaN+Da ma hA ro Sha Na hUM phaT/ma ma sarba sha trUM/ a mu ka ma tsa ye ta pra ya mAM sa dzi bo/ bu ga ru d+hi ra pri yaM b+hak+She na ba liM yi daM gr-ih+Na gr-ih+Na/ khA hi khA hi b+huny+dza hoH/ rak+ta pi pa to/ Ar+ya pra tsa gr-ih+Na/ khA hi khA hi/ rak+ta pi pa to/ a ti kra mA ti sa ma ye swA hA/ phur bu'i las rdzogs nas mtshon rnon pos ling+ga stod smad du gtubs la/smad lha'i zhal du sbyin sreg bya/ stod ming byang dang bcas par mnan pa bya/ las kyi dus su rdo rje rgya gram gnyis kyi bar du gzugs brnyan de bcug la thod pa'i nang du skud pa sngon dmar gyis dkri'o/ /skud pa lag pa g.yon pas bzung la/ las kyi dus su gzugs brnyan la gnas lngar phur pas gdab/ de nas slar bcug la sngon dmar gyis dkris la lam rgya gram du sba'o/ /de'i steng du phye dang sre mog gis rgya gram bris la gzhag go/ /las 'gor na bskyar la bya'o/ /spra tshil las ling+ga sor bzhi pa byas la/ bsgrub bya'i ming dang bcas par bcug la tsher mas de'i kha la btsugs na/ phyir rgol ba'i kha tshums par 'gyur ro/ /lcags kyi phur bu dang mi'i rje ngar la ming nas smos te/ yan lag gang dang gang la btab pa de rengs par 'gyur ro/ /mtsho lkugs par sbas na ngag rengs par 'gyur ro//sgo rtsar sbas na 'byer bar 'gyur ro/ /ral gri la bsngags nas g.yul du zhugs na rgyal bar byed do/ /khros bas snying gar bsnun na 'chi bar 'gyur ro/ /me'i dur du sbas na rims kyis 'chi bar 'gyur ro/ /rabs chad kyi thod pa la ming dang sngags bris nas rabs chad kyi dur du sbas na rabs chad par 'gyur ro//mngon par bsngags la dur khrod kyi thal ba'i steng du bzhag na 'byer bar byed do/ /khyi nag po'i thod pa la sngags dang ming bcas pa bris nas klu'i gnas su sbas na mdzes zin par 'gyur ro/ /dbang ma thob cing man ngag med//tshad dang mi ldan 'di mi bya/ /'di la nyes pa yod pas na/ /shin tu gsang zhing spel mi bya/ /slob dpon las kyi rdo rjes mdzad pa'i gsang ba thugs kyi phur gcig ma'o// // /oM badzra tsaN+Da ma hA ro Sha Na ma g+ho mi sha hUM/ che ge mo shi raM kI la ye ta hUM phaT/shi raM s+t+waM b+ha ya hUM phaT/ ka ti mu la ye ta hUM phaT/ ka ti mu kha s+t+waM b+ha ya hUM phaT/ hrI ta staM b+ha ya hUM phaT/ pa ta kI la ye ta hUM phaT/ mchog phur gyis gnas lngar gdab bo/ /stong gsum snod kyi sems can rnams/ /khro bo gtum pa'i sku ru bsgom/ /'gro drug bcud kyi 'jig rten dag /bcom ldan gtum por bsam par bya/ /de la bsam rgyud ni/ rlung rdo rje rgya gram nas srid pa'i rtse mo'i bar du stong gi phyi mtha' dag rdo rje gtum po rdul snyed kyi sku'i rang bzhin du bsams te/ de'i dbus su zla ba'i dkyil 'khor la zhabs g.yo zhing brdabs pas stong gsum gyi stong chen po 'jig rten khams kyi tshad tsam zla ba'i dkyil 'khor 'dar ba dang /sku'i ba spu'i bu ga nas nyi ma stong gi 'od gzi brjid can gyi me'i 'od zer 'phro ba dang / ljags kyi rdo rje las bzlas pa'i sngags kyi 'od zer rim pa gsum 'phros stong gsum gyi stong rdo rje phra mo'i 'od zer gyis 'gengs pa dang /klu brgyad kyi rgyan gyis brgyan pas gdug pa du ba'i 'od kyis klu phra mo dang sa bdag rnams bsregs pa dang / thugs kyi rdo rje las khro bo du ma 'phros pas/ bskal pa chen po'i rlung bzhin du bgegs kun du 'thor ba dang / phyag gis rdo rje gsor bas gong du gnod par sems pa de'i sa phyogs su/ rdo rje chen po 'od zer sgyogs 'phen pa bzhin du yang dang yang bsnun par bsam/ de nas bzlas pa ma zin par du hUM 'brug gi sgra lta bu rgyun du gdon/ bsnun pa'i 'khor lo zangs lcags kyi phye ma dang / yungs kar ske tshe dug chus brab bo/ /yang rnam pa gcig la/ snying ga'i hUM las 'phros pas sangs rgyas thams cad phyag na rdo rjer gyur te/ 'jim pa mi dmigs pa las phyag na rdo rjer gyur/ sngags brgya rtsa brgyad bzlas nas/ shog bu la gnod pa'i gdon laM s+t+waM b+ha nan shAn+tiM staM b+ha naM ku ru naM hUM phaT sAts+tsha de mchod rten nag po 'od 'bar ba mthong ba tsam gyis skrag par byed pa/bum pa'i nang du phyag na rdo rje 'khor dang bcas pa thams cad mtshon cha thogs pa bzhugs par bsam mo/ /de nas snying ga'i 'od zer gyis gzhan gyi srung ma'i rigs rnams bkug nas mthu med par bsam zhing /gtum po'i zhabs 'og nas mi 'chor bar bsam/ de nas mchod pa dang bden pa'i byin rlabs brjod pa la sogs pa bya'o/ /de lta bu 'bum btab na/ drang srong dmod pa yang bzlog par 'gyur ro/ /rig sngags bcad pa dang mnan pa'i cho ga'o/