CLOSE WINDOW

D2190
བོད་ཡིག

shes rab dang / snying rje dang ldan zhing / khyad par du gang la dad pa cher yod pa de la myur du 'grub par 'gyur ro/ /gsang ba pa'i bdag po lag na rdo rje'i sgrub thabs/ slob dpon chen po nag po zhabs kyis mdzad pa rdzogs so// // @##/ /rgya gar skad du/ tsaN+Da badzra kro d+ha de ba pany+tsa nA ma maN+Dal bi d+hiH / bod skad du/ rdo rje khro bo gtum po lha lnga pa zhes bya ba'i dkyil 'khor gyi cho ga /bcom ldan 'das phyag na rdo rje la phyag 'tshal lo/ /gtum po khros pas zhe sdang 'joms/ /stong nyid snying rje dbyer med pa/ /rdo rje 'chang la rab btud nas//de yi dkyil 'khor cho ga bshad/ /dur khrod la sogs gnas chen du/ /gza' skar dus tshes bzang po la/ /bsnyen pa rdzogs pa'i slob dpon gyis/ /sa brtag pa dang bslang ba dang / /me tog sngon po lnga dor zhing / /byin dang ma byin ltas kyang brtag /phan tshun mang nyung ut+pal kha//oM badzra pA Ni puSh+pa pU dza hUM/ /sngags der bskyar zhing med dang mtshungs/ /btso ma gser mdog rin chen la/ /rngan pa byin la brko bar bya/ /sa sbyang ba dang bsrung bya ste/ /dri yi thig le me tog khar/ /dam tshig lha mo bskyed byas la/ /ye shes lha mo dgug gzhug bstim//sa yi cho ga rdzogs byas la/ / de nas lha yi sta gon ni/ /maN+Dal yid 'ong dri med khar/ /dri yi thig le me tog lnga/ /oM hUM trAM hrIH khaM dag las/ /dam tshig 'khor lo bskyed byas te/ /ye shes 'khor lo spyan drangs la/ /mchod gtor bstod pas mnyes byas la//bdug pa lag thogs pus btsugs te/ /dril bu'i sgra sgrogs lnga ldan hUM/ /de nas gsol ba gdab bya ba/ /bcom ldan rdo rje 'dzin pa'i mchog /rig sngags rgyal po dge ba'i mgon/ /gzungs sngags gsang sngags kun gyi gtso/ /gsang ba'i bdag po phyag 'tshal lo//thugs rje'i bdag nyid can rnams kyi/ /dkyil 'khor bdag nyid 'dri bar 'tshal/ /slob ma rnams la brtse ba dang / /khyed rnams mnyes par mchod phyir du/ /bcom ldan bdag nyid gus pa la/ /de yi gnang bar mdzad pa'i rigs/ /sangs rgyas 'gro don byas don gsol//byang chub sems dang gsang sngags lha / /'jig rten skyong dang mthu chen dang / /yang dag rdo rje'i spyan mnga' ba'i/ /sems can bstan la dga' rnams la/ /bdag ming 'di zhes bya ba yis/ /rdo rje gtum po'i dkyil 'khor ni/ /yo byad ci 'byor bas bri na//deng bdag slob mar bcas pa la/ /thugs ni brtse bar dgongs nas su/ /tshogs pa thams cad dkyil 'khor du/ /byin gyis brlab pa mdzad du gsol/ /de ltar lan gsum gsol btab nas/ /ra ba dra bas mtshams bcad do/ /hUM nyon cig bgegs dang log 'dren tshogs//nga ni bcom ldan gtum po yin/ /nga yi bka' las ma 'da' zhig /nga yi bka' las 'da' byed na/ /rdo rje khro bos mgo 'gems so/ /ma 'dug song shig log 'dren tshogs/ /oM suMb+ha ni suMb+ha hUM/ gr-ih+Na gr-ih+Na hUM/ gr-ih+NA pa ya gr-ih+NA pa ya hUM/ A na ya ho/b+ha ga bAn badzra pA Ni hUM/ /Ar+ya te tsar hi na hUM phaT/ de nas bum pa'i sta gon ni/ /gser la sogs pa'i bum pa ni/ /lto ba che la mgrin pa ring / /skyon la sogs pa dang bral bas/ /las kyi bum pa ma gtogs pa/ /yon tan ldan pas lha grangs bstun/ /nas dang gro dang so ba 'bras//til dang lan tshwa bu ram dang / /mar dang sbrang rtsi rnam pa lnga/ /gser dngul zangs lcags mu tig dang / /byA g+h+ra sing ha ha sa de ba dang / /kaN+Da ka ri ni dra sman lnga dang / /dri chen dri chu dmar zil mdangs/ /mi rta khyi bya glang po'i sha /dmar ser 'o ma gzhon nu'i chus/ / phyed mtho tsam du dgang bar bya/ /kha tshar ma nyams ras kyis bcings/ /'bras bu can gyis kha brgyan te/ /dris bdug maN+Dal khar bzhag la/ /mi dmigs b+h+rUM baM bdud rtsi yi/ /rgya mtsho'i dbus su ri rab che/ /sprin sgra bsnol bas sna tshogs sgra/ /lte bar b+h+rUM las gzhal yas khang //baM las chu skyes dam tshig bskyed/ /ye shes 'khor lo spyan drangs la/ /phyag rgya bzhi yis gnyis med bstim/ /sku gsung thugs su byin gyis brlab/ /spyan la sogs pas dbang bskur ro/ /mchod dang gtor mas bstod byas la/ /gzungs thag ldan pas bsnyen pa 'bum//de nas slob ma'i sta gon ni/ /rdo rje slob ma khrus byas la/ /slob ma sgo yi drung gnas nas/ /dga' chen khyod bdag ston pa po/ /slob dpon khyod ni dgongs su gsol/ /byang chub chen po'i tshul bstan pa/ /mgon po chen po bdag 'tshal lo/ / dam tshig de ni stsal du gsol/ /byang chub sems ni stsal du gsol/ /sangs rgyas chos dang dge 'dun te/ /dkon mchog gsum ni stsal du gsol/ /thar pa chen po'i grong mchog tu/ /mgon pos bdag ni 'jug par 'tshal/ /de ltar lan gsum gsol btab nas/ / slob dpon gtso bo'i ting 'dzin zhugs/ /tshigs bcad 'dis ni gsang sngags sbyin/ /bu tshur theg pa chen po yi / /gsang sngags tshul spyod cho ga ni/ /khyod la yang dag bstan par bya/ /khyod ni tshul chen snod yin te/ /dus gsum 'byung ba'i sangs rgyas rnams/ /sku gsung thugs kyi rdo rje dang //rdo rje gsang sngags rab bsgoms pas/ /dpa' bos byang chub shing drung du/ /thams cad mkhyen pa tshad med bskyed/ /gsang sngags sbyor ba mnyam med de/ /shAkya seng ge skyob pa yis/ /bdud sde shin tu mi bzad pa/ /dpung chen dag kyang de yis bcom/ / 'jig rten rjes 'jug par rtogs nas/ /'khor lo bskor nas mya ngan 'das/ /de bas kun mkhyen thob bya'i phyir/ /bu yis blo gros 'di gyis shig /de nas skyabs 'gro sdig bshags bya/ /bla ma rdo rje slob dpon gyi/ /mnyam nyid thugs la phyag 'tshal lo/ /sprul pa'i sku la phyag 'tshal lo//dus gsum sangs rgyas thams cad kyi/ /sku gsung thugs kyi ngor gnas pas/ /gsang ba'i bdag po phyag 'tshal lo/ /sangs rgyas chos dang dge 'dun gsum/ /byang chub sems dpa'i tshogs rnams la/ /bdag yid dang bas phyag 'tshal lo/ /bdag gis thog mtha' med pa nas//sdig pa bgyis pa ma lus kun/ /bcom ldan phyag na rdo rje yi / /spyan sngar da ltar mthol zhing bshags/ /bla ma dkon mchog gsum po dang / /gsang sngags kun bdag rdo rje can/ /de rigs 'dzin pa'i rnal 'byor kun/ /dge ba mdzad la rjes yi rang //bcom ldan phyag na rdo rje ni/ /dus gsum bde gshegs thams cad kyi/ /gsang sngags bdag por dbang bskur la/ /gsang sngags 'khor lo bskor bar bskul/ /skyon bral mthu ldan khyed rnams la/ /skye rga na 'chi mi mnga' yang / /'gro ba'i don du sku sprul la//mthun 'jug mya ngan mi 'da' gsol/ /bdag gis dge ba ci bsags kun/ /gcig tu bsdus te bsdoms nas su/ /bla med byang chub thob bya'i phyir/ /sems can kun gyi don du bsngo/ /byang chub mchog tu sems bskyed pa/ /bla ma rdo rje slob dpon dang / / bcom ldan phyag na rdo rje nyid/ /sangs rgyas byang chub sems dpa'i mchog /kun nas dang bas dgongs su gsol/ /bdag ming 'di zhes bgyi ba yis/ /dus 'di nas su bzung nas su/ /byang chub snying por gnas kyi bar/ /sems can kun gyi don gyi phyir/ /bla na med pa'i byang chub sems//dam pa bdag gis bskyed par bgyi/ /'gro ba sems can thams cad la/ /pha ma spun dang ming sring sems/ /bu pho bu mo'i sems bskyed de/ /ma bsgral ba rnams bsgral bar bgyi/ /ma grol ba rnams dgrol bar bgyi/ /dbugs ma phyung ba dbugs dbyung bgyi//srid pa chags pa zhi la sgrol/ /sbyin pa'i pha rol phyin pa btang / /tshul khrims pha rol phyin pa bsrung / /bzod pa'i pha rol tu phyin pa bsgom/ /brtson 'grus pha rol phyin pa spyad/ /bsam gtan pha rol phyin par gnas/ /shes rab pha rol phyin par phyin/ / pha rol phyin pa 'di drug po/ /mthar gyis bslab dang mthar gyis spyod / /mthar gyis bsgrub la nan tan bya/ /de nas sdom pa dpog bya ba/ /srog chags rnams ni gsad mi bya/ /ma byin pa yang blang mi bya/ /'dod pa dag ni spyad mi bya/ /brdzun pa dag kyang yang mi smra/ /nyes pa kun gyi rtsa ba yin //chang ni myos par btung ma yin/ /sems can gdul bya ma gtogs pa/ /bya ba ma yin thams cad spang / /dam pa nye bar mnyes byas shing / /rnal 'byor can la bsnyen bkur bya/ /lus kyi las ni rnam gsum dang / /ngag gi rnam pa bzhi dag dang / /yid kyi rnam pa gsum dag ni//ci nus pa yis rjes su bsrung / /sems can don la rgyab phyogs min/ /theg pa dman la dor mi bya/ /'khor ba dag kyang yong mi spang / /rtag tu mya ngan 'da' mi chags/ /lha dang lha min gsang ba pa/ /de la brnyas par mi bya zhing / / phyag rgya bzhon pa mtshon cha dang / /mtshan ma bgom par mi bya'o/ /bla ma la gus bka' mi 'da'/ /stong nyid snying rje rab bsgom zhing / /mdor na rtsa ba yan lag gi/ /dam tshig nyin mtshan grangs kyis bsrung / /de nas bla mas gsungs pa yi/ /sdom pa legs par bsrung bar bya//tshul khrims zhes bya sogs pa nas/ /dus 'di nas ni bzung nas ni/ /ji srid snying po byang chub bar/ /bdag ni rab tu sdom par bgyid/ /de nas slob ma'i gnas gsum du/ /rdo rje khu tshur dri yi chus/ /thig le nyi zla pad stengs su/ /yi ge gsum gyi sbyor ba las//sku gsung thugs kyis byin gyis brlabs / /las kyi chu yis gtor zhing bsrung / /oM badzra u da ka hUM phaT/ mchod pa lnga yis legs mchod de/ /spyi bor me tog spos byin la/ /mar me dri ni snying gar ro/ /dril bu dkrol zhing bshos gtsang mdun/ /de nas tshigs bcad sngags 'dis sbyin//dus 'di nas ni bzung nas su/ /'khor ba'i nyes pas ma gos par/ /mchod pa kun dang ldan pa yi/ /dus kun du ni bde legs shog /oM pany+tsa ling+ga a b+hi Shiny+tsA mi/ de nas so shing sbyin par bya/ /'o ma can gyi shing dag la/ /sor brgyad dang ni bcu gnyis pa//me tog can ni dor bar bya/ /'jig rten du ni kun mkhyen rnams/ /u dum+WA ra'i me tog bzhin/ /brgya lam na ni 'byung 'gyur ram/ /zhes pa la sogs chos bshad bya/ /oM tra ki sti ba hrI shud+d+ha sarba d+harmA swab+hA ba badzra At+ma kou0f85haM / de nas srung skud sngon po yis/ / mdud pa lnga ldan byin brlabs can/ /dpung pa g.yas g.yon dag tu bcing / /ku sha stan gding mtshan ma gdab/ /ngan na phur bu'i sbyin sreg bya/ /bzang na mkha' 'gro'i gtor ma btang / /de nas thig ni gdab bya ba/ /ma dang taM gi ting 'dzin gyis/ /bsnyen pa'i dkyil 'khor mkha' la bteg /gzhon nus srad bu bkal ba la/ /kha dog dkar po'i thig gdab ste/ /mdzes pa'i snod du bcug nas kyang / /las kyis bsang zhing lhar bskyed la/ /ye shes 'khor lo spyan drangs mchod/ /nyis 'gyur tshad la srad bu bstim/ /rang nyid rdor 'dzin lhar sprul nas//byin gyis brlab dang bsrung ba'i phyir/ /bde gshegs mchod phyir nam mkhar gdab/ /sgo dbye gsal phyir sa thig gdab/ /tshangs thig gdab ste bgegs bskrad do/ /oM badzra rak+Sha hUM phaT/ slob dpon shar bltas slob ma nub/ /dza gsum brjod la lag tu gtad//dang po nub ste de nas ni/ /lho byang gdab ste de nas shar/ /nub byang lho nas mtshams bzhir thig /rim pa bzhin du gdab par bya/ /cha bzhi cha brgyad rim bzhin du/ /dbye ba la sogs shes par bya/ /'khor lo rtsibs bzhi mu khyud bcas/ /khyams 'dod pa dang mi 'dod pa//de dag thams cad shes par gyis/ /sngags 'dis thig ni gdab par bya/ /oM badzra sa ma/ dmar ser smin ma sma ra khro/ /kham nag gyen brdzes dbu yi skra/ /zla tshes mche dkar ljags glog 'khyug /lto 'gros brgyan cing stag sham can/ /yum dang gnyis med thugs las 'khyud//sprul pa gdug pa'i tshogs rnams 'joms/ /bgegs chen bsnol ba'i gdan la bzhugs/ /drag po me dpung dbus na 'phro/ /bcom ldan thugs kyi sprul pa las/ /rigs bzhi gtum po rang nyid do/ /shar du rdo rje gtum po ni/ / bdud las rgyal byed dri za'i gdan/ /zhal gcig phyag gnyis sku mdog dkar/ /spyan gsum mche gtsigs zhabs bgrad pa/ /skra brdzes lto 'gro stag gis brgyan/ /g.yas pa rdo rje bsnun pa'i tshul/ /g.yon pa sdigs mdzub rab tu gdengs/ /me dpung 'bar ba'i rnam pa can//thugs la rdo rje'i khyung sprul lo/ /lho ru rin chen gtum po ni/ /gzi brjid 'bar ba gshin rje'i gdan/ /zhal gcig phyag gnyis sku mdog ser/ /spyan gsum zhabs bgrad mche ba can/ /skra brdzes lto 'gro stag gis brgyan/ /g.yas pa rdo rje bsnun pa'i tshul//g.yon pa sdigs mdzub rab tu gdengs / /me ri 'bar ba'i rnam pa can/ /thugs las rin chen khyung sprul lo/ /nub tu pad+ma gtum po ni/ /rngam pa'i sgra sgrogs klu dbang gdan/ /zhal gcig phyag gnyis sku mdog dmar/ /spyan gsum mche gtsigs zhabs bgrad pa//skra brdzes lto 'gro stag gis brgyan/ /g.yas pa rdo rje bsnun pa'i tshul/ /g.yon pa sdigs mdzub rab tu gdengs / /me dpung 'bar ba'i rnam pa can/ /thugs las pad+ma'i khyung sprul lo/ /byang du las kyi gtum po ni/ /bdud rtsi 'khyil pa gnod sbyin gdan//zhal gcig phyag gnyis sku mdog sngo/ /spyan gsum zhabs bgrad mche ba can/ /skra brdzes lto 'gro stag gis brgyan/ /g.yas pa rdo rje bsnun pa'i tshul/ /g.yon pa sdigs mdzub rab tu gdengs / /me ri 'bar ba'i rnam pa can/ /thugs las las kyi khyung sbrul lo//de ltar dam tshig bskyed byas la/ /dzaHhUM baM hoHsa phyag rgya bzhi/ /ye shes dkyil 'khor spyan drangs te/ /phyag 'tshal ba dang mchod cing bshags/ /rjes su yi rang bskul zhing gsol/ /dge ba ci bsags thams cad kun/ /byang chub thob phyir bdag gis bsngo / /phyag rgya bzhi yis gnyis med bstim//'bru gsum sngags kyis byin gyis brlab/ /spyan la sogs pas dbang bskur ro/ /de nas slob ma khrus byas la/ /yol bas bar bcad gdong g.yogs bcings/ /sngags 'di yis ni phyag byed gzhug /oM badzra na ma mi hUM/ oM badzra na ma ste hUM/ oM badzra na mo na ma hUM/ bde ba 'dod pa su zhig yin/ /bla mas don ni bri bar bya/ /skal ldan bde chen bdag cag lags/ /slob mas lan ni gdab par bya/ /de nas bla mas bde ba'i glu/ /dgyes pas blang bar bya ba 'di/ /oM a nut+ta rad+d+ha pU dza me g+ha ud+ga te s+pha ra Na i maM ga ga na khaM swa hA/de nas slob mas gsol gdab pa/ /ston pa khyod la bdag dga'o/ /bla ma dam pa dgongs su gsol/ /byang chub chen por tshul bstan pa'i/ /byang chub sems ni bdag la gsol / /de nyid dam tshig bdag la stsol/ /sangs rgyas chos dang dge 'dun te/ / dkon mchog gsum ni bdag la stsol/ /lus dang longs spyod 'di bzhis la/ /dbang bskur dam pa mdzad du gsol/ /thar pa chen po'i grong khyer du/ /mgon po bdag ni 'jug par 'tshal/ /de yi lan ni sbyin bya ba/ /bu tshur theg pa chen po'i snod/ /gsang sngags spyod pa'i tshul 'di ni//khyod la yang dag bshad par bya/ /tshul chen khyod kyis shes par gyis / /dkyil 'khor dam par dbang bskur gyis/ /bu yi blo gros brtan par byos/ /de nas yang ni sdig pa bshags/ /rjes su yi rang bskul zhing gsol/ /mya ngan mi 'da' gsol ba gdab//byang chub sems bskyed lus phul la / /sdom pa phog ste gzung du gzhug /bslab pa yi ni tshul khrims dang / /dge ba chos sdud tshul khrims dang / /sems can don byed tshul khrims gsum/ /de nas bzung ste gzung bar bya/ /rdo rje rigs mchog chen po yi//rdo rje dril bu phyag rgya dag /yang dag nyid du gzung bar bgyi/ /slob dpon dag kyang gzung bar bgyi/ / rin chen rigs mchog chen po yi/ /dam tshig yid du 'ong ba la/ /nyin re bzhin ni dus drug tu/ /sbyin pa rnam bzhi rtag tu sbyin/ /byang chub chen po las byung ba'i//pad+ma'i rigs mchog dag pa la/ /phyi nang gsang ba'i theg pa gsum/ /yang dag nyid du gzung bar bgyi/ /las kyi rigs mchog chen po yi / /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bya/ /de nas rdo rje'i lam khrid la//tshigs bcad sngags 'dis dam chu blud/ /spyi bor bcom ldan bskyed byas la/ /bdud rtsi'i chu ni blud par bya/ /'thungs shig rdo rje bdud rtsi'i chu/ /dam las 'das na dmyal bar bsreg /dam tshig bsrungs na dngos grub 'byung / /rdo rje bdud rtsi'i chu yis grub //oM badzra satwA hUM/ las kyi chu yis bgegs bskrad de/ /phreng bas mgul nas bcing bar bya/ /oM badzrod ka hUM/ rdo rje thugs kar bzung byas nas/ /dam tshig khro bo'i nga rgyal gyis/ /tshigs bcad sngags 'di brjod par bya/ /de ring phan chad khyod kyis ni//phyag na rdo rje nga yin pas/ /nga yi bka' nyan gsung sdod pas/ /khyod kyis byas na dngos grub 'byung / /ma byas rdo rje dmyal bar ltung / /de phyir bka' nyan gsung sdod cig /oM badzra sa ma ye hUM/ de nas rdo rje spyi bor gzhag /khyod kyis dkyil 'khor chen po 'di'i//de nyid ma mthong mi rnams mdun/ /dus kun du ni ma smra zhig /ma smras dngos grub myur ba yin/ /smras na khro bos mgo 'gems so/ /oM badzra kro d+ha ya hUM phaT/ de nas sngags 'dis yol ba bsal/ /oM badzra pra tIts+tsha ho/ /lan gsum brjod la mthong ngam dri/ / dbang thob phyir na yon kyang 'bul/ /sngags 'dis me tog dkyil 'khor dor/ /oM sarba ta thA ga te puSh+pa pU dza hUM/ /sngags 'dis slob ma'i mgo la gdags/ /oM rat+na me la a b+hi Shiny+tsA mi/ bla ma rdo rje slob dpon gyis/ /lha yi 'khor lo bskul byas la/ /slob ma'i snying gar gzhug par bya//oM maN+Dal de ba ba tiSh+Tha lhan/ /tshigs bcad sngags 'dis gdong g.yogs bkrol / /ji ltar mig mkhan rgyal po yis/ /ma rig ling thog bsal ba ltar/ /de bzhin de ring bu khyod kyi/ /ma rig ldongs pa'i mun pa bsal/ /oM badzra pA sha hUM/ ye shes khro bo'i ting 'dzin gyis//lcags kyu'i phyag rgyas dgrol bar bya / /de rnams las kyi bla mas bya/ /lha ngo bstan la dbang bskur ro/ /ji ltar dus gsum sangs rgyas la/ /rdo rje sems dpas dbang bskur ltar/ /bdag kyang rab tu bsgral slad du/ /bde gshegs bum pa'i dbang mchog s+col//de skad gsol ba gdab par bya/ /yab yum snyoms zhugs 'od zer las/ /bde gshegs 'od bskul bum par thim/ /cha 'dres 'od zhu bdud rtsi de/ /spyi bo chu yi dbang bskur ro/ /mi bskyod pa yi spro bsdu yis/ /tshigs bcad sngags 'dis bum pa sbyin/ /hUM sku gsum dam tshig las byung ba'i//ye shes bdud rtsi dri ma med/ /lha yi chu ni dag pa yis/ /mi bskyod pa yi dbang bskur ro/ /oM badzra A daR+sha shU n+ya tA dz+nyA na/ a b+hi Shiny+tsA mi/ rin chen 'byung ldan spro bsdu yis/ /tshigs bcad sngags 'dis cod pan sbyin/ /trAM sangs rgyas kun gyi rgyal srid do//dbu rgyan rin chen bla na med/ /dbu rgyan rin chen mchog 'gro ba/ /rdzogs sangs rgyas su dbang bskur ro/ /oM badzra sa mA tA dz+nyA na rat+na ma hUM ta ya a b+hi Shiny+tsA mi/ 'od dpag med kyi spro bsdu yis/ /tshigs bcad sngags 'dis rdo rje sbyin/ /hrIH sangs rgyas kun gyi rdo rje'i dbang //mi phyed rdo rje gsal ba las/ /chos rnams kun gyi sgor gyur pa/ /rdo rje chos kyi dbang bskur ro/ /oM pradz+nyA A be sha ya sa man+ta dz+nyA na pa ne badzra a b+hi Shiny+tsA mi/ /don rnams grub pa'i spro bsdu yis/ /tshigs bcad sngags 'dis dril bu sbyin/ / hUM thabs dang shes rab ldan pa yi / /'gro don mnyam med byed pa dang / /mchod pa'i las rnams rdzogs byed pa/ /dril bu las kyi dbang bskur ro/ /oM kri ta a nuSh+Tha na dz+nyA na pa ne badzra a b+hi Shiny+tsA mi/ rnam snang mdzad kyi spro bsdu yis/ /tshigs bcad sngags 'dis ming sbyin no//oM rdo rje'i ming du dbang bskur bas/ /byang chub snying po'i bar du ni/ /cis kyang mi chod mi shigs par/ /rdo rje'i ming du rab sgrogs shig /oM pa ri sho d+ha d+harma dz+nyA na nA ma dz+nyA na a b+hi Shiny+tsA mi/ chos rnams sgyu ma lta bu ste/ /dag cing gsal la dri ma med/ /me long gi ni gzugs brnyan bzhin//rang gi lha ni shes par gyis/ /oM AHhUM/ me long dag gi dbang yin no/ /rdo rje brtul zhugs dbang bskur ba/ /phreng ba chen po ske la skon / /'od zer 'phro 'dus byin brlabs la/ /tshigs bcad sngags 'dis sbyin par bya/ /ma skyes rdo rje gsang ba'i thugs//'gag med shes rab dril bu'i gsung / /gnyis med ye shes chos kyi sku/ /'di ni sangs rgyas thams cad dang / /dpal ldan rdo rje 'dzin pa 'chang / /khyod kyis kyang ni rtag tu 'chang / /phyag na rdo rje'i brtul zhugs brtan/ /oM a A/ i I/ ur Ur/ u A u A al Al/ be sha na ya na gre b+ha be shud+d+ha ni swA hA/ badzra pA Ni hUM phaT/ de nas lung bstan dbang bskur ni/ /yon gyis bla ma mnyes byas la/ /phyag 'tshal nas ni gsol ba gdab/ /byang chub rdo rje sangs rgyas la/ /ji ltar mchod cing gsol mdzad pa//bdag la gdung ba'i don gyi phyir/ /nam mkha'i rdo rje bdag la gsol/ /bu de seng ge'i khrir bzhag la/ /rdo rje dril bu lag byin te/ /'od zer spro bsdu ting 'dzin bya/ /de nas tshigs bcad sngags 'dis sbyin/ /bu tshur rdo rje'i slob dpon gyis //de bzhin gshegs pa'i 'khor lo bskor/ /rdo rje rin chen pad+ma las/ /'gro ba'i don du khyod kyis bskor/ /oM haM k+Sha d+harma tsa kra pra parta ka swA hA/ sarba ta thA ga ta d+harma tsa kra a b+hi Shiny+tsA mi/ /de nas gsang ba'i dbang bskur ni/ /stegs bu bdud rtsi lnga yis byug / pi parta 'am zhing gi khar/ /mtshan ldan rig ma'i b+ha ga la/ /dpa' bo seng ge bzhin du rol/ /tsaN+Da lI ni rab sbar bas/ /e waM zla ba haM las 'dzag /spro bsdu byang chub sems de sbyin/ /bu yis mgon la 'di skad gsol/ /rgyal ba thams cad rol pa yis/ /sangs rgyas chu bo rgyun bab ste//nyon mongs sdig pa sbyangs pa bzhin/ /bdag la byang chub sems dpa' stsol/ /bye ba phrag brgyas gang+gA'i klung / /ji snyed mgon po thams cad kyi/ /gnyis med sbyor ba'i bdud rtsi rgyun/ /mgon po bdag gi gsung la gsol/ /tshigs bcad sngags 'dis bu la sbyin//yab yum snyoms zhugs bde ba'i rgyun/ /gnyis med sems kyi ros gang ba/ /thabs dang shes rab bdud rtsi'i mchog /bu yi ngag la sbyin par bya/ /oM a mr-i ta gu h+ya a b+hi Shiny+tsA mi/ mgrin par gsung la sbyin par bya/ /des kyang a ho su khas btung //de nas shes rab ye shes dbang / /maN+Dal dris byugs dri med khar/ /bdud rtsi dkar dmar thig le gdab/ /steng du stag gi sham thabs khar/ /mtshan ldan rig ma khrus byas gzhag /gnas lnga ru ni lha lnga dgod/ /spyan drangs bstim zhing mchod bstod bya//de nas slob mas gsol ba gdab/ /phyogs dus bzhugs pa'i sangs rgyas kun/ /shes rab pha rol phyin pas 'grub/ /bdag kyang rab tu bsgral slad du/ /gsum pa'i dkyil 'khor bstan du gsol/ /mgon pos kyang ni lan sbyin pa/ /bu tshur shog cig rigs kyi bu/ / gang la dga' ba'i dngos grub ni/ /shes rab ma la brten pas grub / /rtag tu shes rab don 'dod pas/ /thabs la skrag par mi bya zhing / /pad+ma'i steng du lce yis reg /dri chen dri chu bza' bar bya/ /khu ba dkar dmar bdud rtsi mchog /lce yi dbus su brtan par bzung / / dka' thub med cing brtul zhugs che/ /'di dang ldan na 'grub par 'gyur/ /de nas slob ma'i mig phye ste/ /yum gyi gsang ba'i dkyil 'khor blta/ /rtag tu gcer bu'i tshul gyis ni/ /rdo rje dril bu kha phye nas/ /mthong ba'i blos ni gsol ba gdab/ /rmad byung btsun mo'i b+ha ga mchog /ye shes thams cad bskyed pa'i gnas/ /ma smin ma grol ba yi sar/ /ye shes dam pa bskyed du gsol/ /shes rab yum gyi b+ha ga la/ /slob ma dpa' bo'i tshul du rol/ /snyoms par zhugs pa'i bde ba yis/ /A li kA li gnyis med las/ /brkyang mas ro ma mnan pa bstan//bcu drug phyed phyed thig le ni/ /gtum mos ri bong can haM 'dzag /dkyil drangs bzlog dang dgram zhing bstim/ /dga' bzhi gnyug ma nyams su myong / /shes rab gsal ba'i ngang la gnas/ /tshigs bcad sngags 'dis byin gyis brlab/ /hUM thabs dang shes rab gnyis med pas//ye shes chen po mchog gi lam/ /srid dang zhi las rab grol pa'i/ /bde ba chen po bde ba'i mchog /yum la brten pa'i bde ba 'dis/ /bu la byin brlabs dbang bskur ro/ /oM pradz+nyA dz+nyA na a b+hi Shiny+tsA mi/ sangs rgyas kun gyi thabs chen po//bde ba chen po zab mo'i chos/ /dngos grub dam pa bdag gis blang / /oM dz+nyA na sid+d+hi hUM/ de yi dngos grub dam pa blang / /bzhi pa chos nyid mngon rtogs dbang / /lhan cig skyes pa bdud rtsi'i ro/ /mtshon du yod pa ma yin te/ /srid dang mya ngan 'das las grol/ / de nas bkra shis smon lam gdab/ /sngags 'dis bzod pa gsol bar bya/ /oM badzra tsaN+Da sa ma ya/ ma nu pA la ya/ badzra tsaN+Da twe no pa/ tiSh+Tha dr-i D+ho me b+ha ba/ su to Sh+yo me b+ha ba / a nu rak+to me b+ha ba/ su po Sh+yo me b+ha ba / sarba sid+d+him+mi pra yats+tsha/ sarba karma su tsa me tsit+taM shre yaM ku ru hUM/ ha ha ha ha hoHb+ha ga bAn /sarba ta thA ga ta/ badzra mA me muny+tsa badzrI b+ha ba / ma hA sa ma ya satwa AH / bum pa'i lha dang dkyil 'khor lha/ /spyan drangs nam mkhar gshegs su gsol/ /dam tshig 'khor lo rang la bsdu/ /de nas spyod lam rnam bzhi ni/ /'gro ba'i don du dge ba spyad//gnyis po mi 'bral nga rgyal ldan/ /'di brtsams pa yis dge ba gang / /zla ba rgyas pa dri med bzhin/ /'gro ba dug can thams cad ni/ /zhing mchog gtsang mar skye bar shog /phyag na rdo rje gtum po lha lnga pa zhes bya ba'i dkyil 'khor gyi cho ga 'phags pa klu sgrub kyi zhal snga nas mdzad pa rdzogs so/