40b1 @##/ /rgya gar skad du/ karma kra ma nA ma muk+ti kA ba li/ bod skad du/ las kyi rim pa mu tig phreng ba zhes bya ba/ 'jam pa'i dbyangs dang rdo rje bsnams/ /spyan ras gzigs la phyag 'tshal lo/ /sku gsung thugs kyi mthu ldan pas/ /nyon mongs gdung bzhi byed pa/ /
40b2 zhabs kyi pad+ma la btud nas/ /dang bas shin tu gus phyag 'tshal/ /sems can rnams la phan gdags phyir/ /las kyi rdo rje phreng ba 'di/ /rgyud rnams ma lus sna tshogs nas/ /man ngag dgos pa btus te bshad/ /rgyal bas sngon gyi dus dag tu/ /zhal nas gsungs pa tsam
40b3 gyis ni//sems can don grub glegs bam med/ /de ltar rtsod pa'i dus su ni/ /po ti dag la brten gyur pas/ /bla mas dgongs pa'i po ti la/ /dga' ba chen po bskyed par bya/ /de nas ma ga gang zag la/ /ston pa thugs rje che ldan pas/ /sdud pa rdo rje gsang bdag la/ /
40b4 brgyud pa rim gyis 'ongs pa 'di/ /bka' dang mi 'gal mthun pa ru/ /bka' yi don nyid dpyis phyin par/ /man ngag rim pa bstan pa la/ /dga' ba chen po bskyed par gyis/ /man ngag 'di ltar ston pa ni/ /slob dpon mkhas pa yang dag ldan/ /dus gsum bde gshegs dang
40b5 mtshungs pa//shin tu drin che gus pas bstod/ /sems can mun khang 'khyams pa la/ /mar me bstan pas lam rnyed bzhin/ /'khor bar 'khyams pa'i sems can la/ /man ngag rin chen 'di bstan pas/ /phyag rgya mchog gi lam rnyed 'gyur/ /de bas shin tu drin che bas/ /
40b6 yul zhing sne phran bcas pa dang / /rin chen la sogs nor rdzas dang / /bu dang chung ma bran 'khor bcas/ /srog lus man chad phul gyur kyang / /bla ma'i sku drin 'khor mi 'gyur/ /de bas 'bad pa thams cad kyis/ /bla ma mnyes par mi byed na/ /man ngag thob kyang ltung bar 'gyur/ /
40b7 gzhan yang rgyud ni sna tshogs las/ /bstan pa bsrung ba'i don slad du/ /mthu yi sbyor ba'i man ngag rnams/ /dgos pa bsdus te bstan par bya/ /de lta'i bla ma rin chen la/ /gong ma bzhin du shes par bya/ /man ngag bstan pa'i slob ma la/ /rnam pa bzhi ru shes byas la/ /phyi
41a1 ltar nang ltar gsang ba ltar//de kho na nyid bzhi ru bstan/ /phyi ltar bstan pa'i slob ma yang / /dang po dkyil 'khor bcug nas ni/ /bum pa'i dbang bskur rdzogs byas la/ /mi zad dbyings kyi chos rnams bshad/ /des su rtogs pa'i rim pa ni/ /thun mong
41a2 dam tshig nyams blangs la//nyams na bshags la brtson par bya/ /nyams pa chen po byung ba na/ /bshags nas rim par bskyar bar bya/ /de ni slob dpon nyid las blang / /gzhan gyi skabs dang sbyor shes bya/ /khrus la sogs pa'i rnal 'byor rnams/ /nyams su blangs te spyad
41a3 par bya//de yi rnal 'byor mos pa ni/ /mas mtha' thun tshod chung ngu gcig /nyin zhag 'das na nyams par 'gyur/ /dang por bskyed rim bsgom pa ni/ /rim gyis sam ni cig car du/ /bskyed pa brtan par gyur pa'i chad/ /thun tshod chen po brtan pa dang / /kha dog spros par shes
41a4 pa dang //lus ngag yid gsum skyon rnams ni/ /rim gyis bri bar gyur pa dang / /khyad par lus kyi skyon bri'o/ /lus kyi mdog bzang lus snyoms dang / /yun rings btang yang mi tshor na/ /bskyed pa'i rim pa brtan pa'i tshe/ /de nas gsang dbang bskur nas ni/ /nang ltar
41a5 bstan nas rim gyis bsgom//de ltar phyi yi gang zag ni/ /de nas mar la 'gro ba dkon/ /skye ba 'di rjes phyi ma ru/ /rten dang dbang po khyad par 'gyur/ /de ni rim gyis 'bras bu thob/ /nang ltar bshad pa'i slob ma ni/ /phyi ltar thun mong sngon du 'gro/ /nang ltar man ngag
41a6 khyad par bstan//de nas rlung dang gtum mo dang / /yig 'bru thig le rnams la bslab/ /de yang gsang dbang bskur nas ni/ /rlung dang yig 'bru bsgom par bya/ /de la brtan par gyur nas ni/ /snang ba gsum la rim gyis bslab/ /de nas tshe ni nam 'phos nas/ /
41a7 gong ma rnams la rim gyis bslab/ /gsang ba ltar ni bstan pa yis/ /slob ma de la gong ma gnyis/ /thun mong du ni sngon du 'gro/ /shes rab ye shes dbang bskur nas/ /gnyis po la ni zhugs nas su/ /man ngag stobs zhugs ting 'dzin gyis/ /bde ba ye shes rim skyes
41b1 nas//snang ba mched par gyur pas su/ /kun rdzob sgyu ma ji bzhin pa/ /thugs su chud pa'i stobs kyis ni/ /lhan cig dga' ba la zhugs pas/ /spros med 'od gsal de bzhin thob/ /de nas rim gyis mthar thugs/ /thob par de ni ma gyur kyang / /tshe dbang bsgrub pas thob
41b2 pa'am//yang na rdzas dang man ngag dang / /thabs kyi sbyor ba la sogs kyis/ /phung po bzhu btul byas nas su/ /gser 'gyur rtsi bzhin gyur nas kyang / /de nas rim gyis 'gro ba'am/ /yang na 'chi bar gyur na ni/ /byang chub sems kyi man ngag blang / /de ltar mi 'dod
41b3 man ngag blangs//skye ba phyi ma dag tu ni/ /mthar thug pa ni thob par 'gyur/ /de yang / /tshe dbang bsgrub pa'i man ngag ni/ /tshe dbang bsgrub pa'i rnal 'byor ni/ /dam tshig ldan zhing yon tan ldan/ /skyon spangs dbang thob man ngag thob/ /rgyud kyi don mkhas cha rkyen tshang / /dam can
41b4 mkha' 'gro bsten pa yis//lung bstan phra mo thob nas kyang / /tshe srog nyams pa 'tsho bar byed/ /de yang / tshe yi rang bzhin gnas dang ni/ /ming zhes bya ba'i rnam grangs ni/ /de yi tshe yi rang bzhin ni/ /'od zer kha dog lnga dkyil na/ /thig le byang chub sems zhes bya/ /dkar
41b5 la 'tsher zhing snum la 'gril//de yang che chung rab 'bring gsum/ /sran ma yungs 'bru shin tu phra/ /mu stegs dag gis de la 'khrul/ /rtag pa mi 'gyur gcig pur 'dzin/ /de ni dam pa'i don du 'dod/ /'jig rten pa yi skad du ni/ /bla dang tshe zhes kyang ni zer/ /bdag cag
41b6 rnal 'byor pa yi gzhung //de ni kun rdzob sgyu mar 'dod/ /dam pa'i don du rang bzhin med/ /gnas ni tsit+ta'i dkyil na gnas/ /de yang rtsa brgyad dkyil na gnas/ /shin tu rtogs dka' d+hU tI'i nang / /de nyid dbye na rnam gsum ste/ /de la brten pa'ang rnam pa gsum/ /gcig
41b7 ni 'chi ba'i dus tshe 'byung //gcig ni lus kun khyab par gnas/ /de la gzhan dag gnyis su 'dod/ /khyad par gnas dang las kun byed/ /kha cig khyad byed de kun la/ /lud cing zag pa thur du 'bab/ /gzhan ni kun du khyab cing rgyu/ /de la'ang las kyi 'phen shugs kyis/ /
42a1 mang po la ni rgyu ru 'dod/ /srog dang dbang po che zhes pa/ /ming gi rnam grangs nyid du 'dod/ /de yang rlung dang rtsa dang ni/ /byang chub sems su byas pas na/ /tha dad nyid du 'dod pa'ang yod/ /shes pa bsdus dang ma bsdus pa/ /gnas skabs don gyis 'jug
42a2 pa yin//tshe bsgrub pa'i cho ga ni/ rang gi snying gar 'od kyi gzhal yas khang / /de yi dkyil na a dkar gnyis/ /phra 'dus zla ba kha sbyor gyur/ /de nas hUM gnyis 'phro 'du las/ /rdo rjer gyur pas steng 'og mnan/ /tshe rnams 'phrog pa'i 'byung po de/ /drag po sbyor ba la sogs
42a3 kyis//sngags brjod phyag rgya bcas nas su/ /bcom zhing brlag nas med par byas/ /lha mo'i sprul pas tshe rnams dgug /sngags brjod phyag rgyas bkug nas kyang / /bsrung zhing ye shes che yang dbab/ /dbab pa'i phyag rgya bcing ba ni/ /rdo rje sor mo nang bsnol te/ /mthe
42a4 bong gnyis kyi nang du dpe ba//oM badzra A yu She hUM/ A be sha ya A A/ lus la mar rim bzhin du bstim/ khyad par snying gi dkyil du bstim/ /baM yig dmar po 'phros pa las/ /man ngag la sogs sbyor bas bcing / /bsdu zhing gzung ba'i man ngag ni/ /shes rab la sogs
42a5 thabs kyis bstan//tshe yi yon tan la sogs ni/ /rgyud la sogs las shes par bya/ /tshe dang dum bu rnam smin gsum/ /de gsum thabs sogs mthun pa yang / /gcig la gcig bstan mdung khyim 'dra/ /yi ge gsum gyi man ngag kyang / /gnas gsum dag tu
42a6 bcing ba yin//sbyor ba la sogs bcing bar bya/ /de ni tshe sgrub man ngag go/ /byang sems blang ba'i man ngag kyang / /de yang rnal 'byor spyod pa yi/ /mkhas pas 'chi rtags shes nas ni/ /rin chen 'bar ba'i snod nang du/ /blangs nas mtshal chen dang sbyar nas/ /sbyor
42a7 ba'i stobs kyi shangs su 'phang //rnam shes rlung la zhon pa de/ /dang po rten dang bral tsam na/ /sngags bzlas 'od zer stobs kyis su/ /snying ga nyid du bcing bar bya/ /de nas snga ma'i rten la gzhug /sbyor ba la sogs gzhan yang myur bar bya/ /gzhan yang gsang ba spyod pa ni/ /
42b1 mdzad pa'i dus ni rnam gsum ste/ /dang po bdud rtsi spyod pa la/ /mos pas 'jug dang dngos la 'jug /mos pas 'jug pa gzhan dang mthun/ /dngos su 'jug pa'i thabs bstan pa/ /bdud rtsi rtsa ba lnga btsal la/ /rang gi lus las btsal bar bya/ /btsal nas bsgrub pa'i
42b2 ri lu de//tshad du phyin nas bza' bar bya/ /bza' ba dang po rim gyis bslab/ /zas dang rjes zin rting nyid la/ /zhag gsum na ni ci ran bza'/ /btung ba'ang de bzhin de rting la/ /zhag lnga na ni bza' bar bya/ /de nas zla phyed zla gcig go/ /de rnams par gyi 'tsho ba ni/ /
42b3 nang gi bdud rtsi slar bsdams la/ /bza' zhing btung ba nyid du bya/ /de rnams bag la zha nas ni/ /bar bar gong bzhin bza' bar bya/ /yang na rim bzhin de bzhin lnga ba/ /de nas nang gi rgyun bzlog gis/ /rim bzhin lus rnams gso bar bya/ /lus ni shin tu rgyas gyur na/ /
42b4 ting 'dzin bogs ni skye bar 'gyur/ /man ngag stobs kyis zhugs pa yis/ /mi rtog ye shes skye bar 'gyur/ /yang na bogs ni dbyung ba'i thabs/ /nang gi gso thabs spo ba dang / /phyi yi gso thabs spo ba dang / /lus la rdzas rnams byugs pa yis/ /ting 'dzin bogs
42b5 rnams skye bar 'gyur//thabs des skye bar ma gyur na/ /man ngag bsgom pas spo bar bya/ /des kyang skye bar ma gyur na/ /gnas la sogs pa spo bar bya/ /spos kyang skye bar ma gyur na/ /'byung po'i gnod pa yod pa yin/ /'byung po bsal ba'i thabs rnams bya/ /
42b6 'byung po bsal kyang ma byung na/ /sngon gyi bag chags mthug pas ni/ /de nyid sbyang ba'i cho ga bya/ /des kyang skye bar ma gyur na/ /tha mi dad pa'i 'du shes kyis/ /dkyil 'khor la sogs spos pa yis/ /ting nge 'dzin ni skye bar 'gyur/ /des kyang skye bar ma gyur na/ /slob
42b7 dpon man ngag nyams pa yin//slob dpon dam tshig nyams pas kyang / /man ngag mthu ni chung bar byed/ /ye shes skye ba'i gnas rnams ni/ /slob dpon dam tshig nyams sogs la/ /dam tshig la sogs nongs pa dang / /rang gi man ngag nyams pa dang / /dam tshig nyams
43a1 pa'i the tshom zos//lta spyod nyams su ma lon dang / /dus dang rtags sogs ma shes dang / /man ngag bsgom rim ma shes dang / /sbyang ba la sogs ma shes dang / /sems 'dzin phra mo yod srid kyang / /ye shes skye bar mi 'gyur ro/ /de rnams skyon spangs
43a2 yon tan ldan//de ni ye shes ma skyes kyang / /tshogs chen khyad par bsags nas su/ /skye ba phyi mar ye shes kyi/ /nges pa don yin thogs med do/ /mtshan nyid la sogs gzhan dag tu/ /snga ma las kyi 'phel shugs kyis/ /ma nges pa dag bstan pa de/ /sngags kyi
43a3 nus mthu khyad par gyis//las kyi 'phen pa bcom nas kyang / /skye ba phyi mar nges pa'i don/ /phyi mar rkyen sogs thams cad kun/ /nges pa kho nar 'dzom par 'gyur/ /de ru rkyen rnams gzhan 'gyur na/ /dge bar bsngo ba legs 'gyur bar/ /ma 'tsham skye ba bdun la
43a4 nges//de bas gsang sngags mthu rnams ni/ /dug gis sman 'gyur ji bzhin no/ /de bas gsang sngags mthu rnams kyis/ /lan ni nye bar 'bras bu myur/ /sa dang pha rol phyin pa ni/ /de bas mthu chung bskal pa gsum/ /nyan thos de bas mthu chung bas/ /bskal pa bzhi ni
43a5 'gor ba yin//de dag kun la rab 'bring gsum/ /ring dang myur dang shin tu myur/ /gsang sngags la la'i gzhung dang ni/ /slob dpon la la'i gzhung gis ni/ /bcud kyis len gyi man ngag gis/ /lus sems las su rung gyur nas/ /man ngag stobs kyis ye shes
43a6 skye//des ni phyag rgya'i dngos grub thob/ /phyag rgya mchog ni 'dod pa na/ /tshe la dbang sgyur bsgrubs nas ni/ /man ngag bsgoms pa'i stobs kyis ni/ /phyag rgya mchog ni thob par 'gyur/ /slob dpon la la'i gzhung gis ni/ /bskyed rim brtan par gyur pa dang / /
43a7 bcud kyis len gyi man ngag bsgrub/ /des ni tshe la dbang sgyur 'grub/ /tshe dbang thob pa des kyang ni/ /phyag rgya phyag rgya mchog gnyis thob/ /bcud kyis len gyi man ngag kyang / /mkha' 'gro'i rgyud du shes par gyis/ /phyag rgya mchog gi man ngag cung zhig tsam/ /rnyed par
43b1 bya ba'i lus kyi phreng ba thabs kyi rim pa bkod pa'o//gzhan yang / /bstan pa bsrung ba'i don slad du/ /las kyi phreng ba gzhan yang bstan/ /bdag nyid lhag pa'i lhar bskyed la/ /mdun du mgon po nag po ni/ /sku gsung thugs las byung ba yi/ /hUM de nyid las bskyed pa
43b2 ni//zhal gcig phyag ni gnyis pa de/ /mdog gnag 'od 'bar chen po ni/ /gri gug thod pa lag na 'dzin/ /thod pa'i phreng ba'i do shal byas/ /mche ba gtsigs mdzad 'jigs byed pa/ /bong thung lus gnag gzi brjid che/ /kha nas khrag ni 'bab pa'o/ /de la
43b3 bzlas pa'i man ngag ni//oM ma hA kA la ha na ha na badzre na swA hA/ bzlas pa yi ni man ngag kyang / /rten dang brten pa'i gnas tshul des/ /gru gsum gzhal yas sgo gcig pa/ /de yi bdag po rigs dang bstun/ /'phro 'du bya ba'i tshul rnams kyang / /'khor lo tsha tsha gdab
43b4 pa'i tshul//lce yang rigs dang bstun pa yin/ /ngag gi bzlas pa byed tshul yang / /nyi ma shar dang ru chu brug /de yi bzlas pa'i grangs rnams kyang / /sum 'bum drug 'bum sa ya ru/ /bzlas pa byas pas mtshan ma rnyed/ /des su 'byung bar ma gyur na/ /sbyang ba byas te
43b5 bzla bar bya//sngags kyi nus pa che chung dang / /mos pa yi ni khyad par dang / /bag chags che chung khyad par gyis/ /rdo rje drag po'i rgyud rnams las/ /sngags kyi sbyor ba gzhan dag gis/ /bsnyen dang gsad pa'i las rnams bya/ /lha yi sbyor ba spo ba yang / /de bzhin du
43b6 ni shes par bya//gnas la sogs pa'i sbyor ba ni/ /gzhan pa dag kyang spo bar bya/ /lha rnams so so spo ba yang / /zhal gcig phyag ni bzhi pa dang / /zhal gsum phyag ni drug pa dang / /zhal bzhi phyag ni brgyad pa dang / /phyag mtshan rnams kyang 'gyur ba dang / /sku mdog la sogs
43b7 'gyur ba rnams//so so'i rgyud dang bstun pa yin/ /sngags la sogs pa'i sbyor ba yang / /de bzhin du ni shes par bya/ /khyad par las rnams so so'i sngags/ /oM ma hA kA lA ya/ ya ti pra ti dz+nyA sma ra si ta di daM/ ma ma ru shA/ kha kha khA hi khA hi/ ma ra ma ra/ gr-ih+Na gr-ih+Na/ ban+d+ha
44a1 ban+d+ha/ha na ha na/ da ha da ha/ pa tsa pa tsa/ di na mi ke na hUM hUM phaT/ hUM b+ha ga pA na/ oM bi laM ba hUM hUM phaT/ oM g+hu swA hA/ gsang ba'i sngags so/ /oM b+h+rUM/ mngon spyod kyi'o/ /oM dzr-IM swA hA/ dbye ba'o/ /oM khaM swA hA/ bskrad pa'o/ /oM hUM swA hA/ dgug pa'o/ /oM
44a2 a swA hA/dbang gi'o/ /oM hUM swA hA/ rengs byed kyi'o/ /sngags 'di dag thams cad yi ge 'bum bzlas pas 'grub par byed do/ /mgon po'i las ni thun mong pa'i las so/ /sbyin sreg dag gis gsad pa ni/ /gru gsum nag po'i thab khung du/ /shin tu drag po'i me
44a3 lha bsam//sbyang zhing byin gyis brlab pa dang / /bsdus rgyas myur ba'i rim pa rnams/ /man ngag la sogs shin tu gab/ /mchod pa dbul ba'i rim pa ni/ /tsha ba'i mar dang tsher ma can/ /til nag po dang dug chus byug /oM ma hA kA la ming 'di zhes bya ba sha trU na mA ra
44a4 ya hUM phaT/ces brgya rtsa brgyad dbul bar bya'o/ /mngon par bsgrub pa'i las drag shul shi ba'i ro bzung la/ de ni yang ni gtub par bya/ /stong par byin brlabs yi ge las/ /bsgrub bya ci 'dra de la bsam/ /lcags kyus snying drang rlung gis bteg /rnam par shes pa de
44a5 la bstim//rdo rje phur bus de la brdeg /bsad nas me la sbyin sreg bya/ /me yi lha la brgya rtsa brgyad/ /ming nas smos pa de la dbul/ /lha la rtsa ba'i sngags kyis ni/ /dbul bar dgra yi ming de gzhug /'bum la brgyad kyis bstabs la dbul/ /de ni dur khrod gdon
44a6 rnams kyis//'du zhing de nyid za bar bsam/ /de yang bsod nams rab 'bring gis/ /bcu gnyis phyed dang de yi phyed/ /'chi bar de ni gdon mi za/ /bsreg pas gsad pa'i las rim mo// //gzhan yang ting 'dzin rim pa yis/ /gsad pa rab tu brtsam par bya/ /
44a7 'di ni bsam pa tsam gyis kyang / /sangs rgyas nyid kyang nges par 'jig /ma hA kA la'i rnal 'byor gyis/ /gdug pa khro bo'i sems kyis ni/ /de yi lte ba'i rtsa ba la/ /rnal 'byor can gyis lag pa gcad/ /ming gi yi ge dang po las/ /gsad bya mdun du bsam
44b1 par bya//rnam shes de la bcug nas ni/ /kha sbyar nang nas gnas mthong nas/ /de phyung srog dang dbral mthong nas/ /ro ni dum bu stong du gtub/ /bza' 'am yang na gtor ma bya/ /de ma thag tu spyi gtsug bsam/ /khrag skyugs 'dar zhing mgo skyes kyang / /kha ni thur
44b2 du bub par bsam//sum rtse me yi gzugs can ni/ /bshang lam zhugs nas snying gar ni/ /the tshom med cing brtan gyur na/ /nges par 'dzin par 'gyur ba yin/ /ting nge 'dzin gyis gsad pa'i rim pa'o// //gzhan yang rab tu bshad par bya/ /thod pa ma chag ma gsal/ /
44b3 ma hA kA la'i snying po bri/ /bzlas pa'i yungs kar de ru blugs/ /dgra yi sgo khar sbas na ni/ /nor dang bcas pa zla drug gis/ /brlag par 'gyur ba gdon mi za/ /gang yin pa yi rigs rgyud kyi/ /thod pa de nyid blangs nas ni/ /cig shos kyi ni khrag gis bri/ /sngags ni
44b4 nag po nyid kyis bya//yang na ma hA kA la dang / /nag po nyid kyis bsres nas bya/ /ma hA kA las byed pa na/ /ming spel ba ni tshogs rgyur bcad/ /yang na gling bcad 'khor lo bcad/ /gro ga'am dur khrod ras ma la/ /gzugs dang ming ni bris pa gzhug /de steng de gshed
44b5 gzugs rnams gzhug /smin par byed pas kha bcad nas/ /de steng gzhan gyis dgag par bya/ /gnag dang dkar bas rgya gram bcing / /nag po yod pa'i sar sbas na/ /gdon mi za bar brlag par 'gyur/ /de ni thabs kyis gsad pa'i rim pa'o// //gzhan yang
44b6 gsang ba'i rim pa ni//gru gsum nag po'i snod nang du/ /khrag sna snying sna sbyar ba yi/ /mthun pa'i dam rdzas rnams kyis dgang / /dur khrod ras ma dag la ni/ /de yi ming dang gzugs bris la/ /brgya rtsa brgyad ni gtor mar dbul/ /nag po'i rten ni yod pa'i sar/ /
44b7 bstabs pa'i tshul gyis rbad par bya/ /de ltar byas pa'i gtor ma ni/ /brgya nas stong gi bar du ni/ oM ma hA kA la shA sa na u pa hA ri NaM e Sha a pa sh+tsi mA kA lo ya mi ti tad rat+na tra ya/ a pa ka ri NaM ya di pra ti dz+nyA sma ra si ta di daM/ duSh+TAM satwa kha kha khA hi khA hi/ ma ra ma ra/ gr-ih+Na gr-ih+Na/ ban+d+ha
45a1 ban+d+ha/ha na ha na/ da ha da ha/ pa tsa pa tsa/ di na me ke na hUM phaT/ ces pa'i sngags kyis gsad par bya'o/ /gzhan yang 'khor los gsad pa ni/ /bde gshegs sprul pa'i nag po ni/ /shin tu 'jigs pa'i sku 'chang ba/ /bskyed pa la sogs rdzogs
45a2 byas la//tshes grangs shis pa nyid la ni/ /'khor lo legs par bca' bar bya/ /'khor lo bca' ba'i lugs rnams ni/ /dur khrod ras ma dag la ni/ /'jig rten mgon po'i gzugs bris la/ /lto bar 'khor lo bca' bar bya/ /rtsibs ni bcu gnyis brgyad du bya/ /
45a3 le tshe re re por len bya/ /ming dang drag sngags spel te bri/ /sngon du cho ga rdzogs byas la/ /'khor lo bsgrub dang bsgrub bya gnyis/ /bskyed cing dgug pa'i las byas te/ /mchod pa la sogs rdzogs bya'o/ /de nas gsang pa'i las rnams bya/ /nyi ma bzhis bskor thim
45a4 par byed//sngags ni khri dang bzhi khrir bzlas/ /de nas bcing ba'i sbyor ba bya/ /dur khrod nag po'i gnas dag tu/ /gru gsum nag po'i gting brus la/ /gting brus sbas te mnan par bya/ /des su ma byung bskyar bar bya/ /oM ma hA kA la sha trUn mA ra ya phaT/ ces pa ming dang
45a5 spel bar bya//'khor los gsad pa'i rim pa'o// //gnod sbyin gyis ni gsad pa'i thabs/ /rang nyid lhag pa'i lhar gnas pa'i/ /cho ga thams cad rdzogs byas la/ /mdun du gru gsum dkyil 'khor la/ /gnod sbyin drag po bskyed par bya/ /de nyid nus pa bskyed
45a6 pa'i phyir//sbyor ba gzhan yang shes par bya/ /drag po'i gsang sngags bzlas pa yis/ /gang yang mi 'du rang dbang med/ /lcags kyi tsha tsha gdab pa bzhin/ /'phros pas thams cad brlag par byed/ /sum 'bum drug 'bum dgu 'bum du/ /bzlas pas don rnams
45a7 grub par byed//tshad du phyin pa'i dus su ni/ /shin tu dag cing pos pas su/ /rang dbang med par las rnams byed/ /oM badzra ma hA kA la yak+Sha hUM phaT/ dzaHmA ra ya/ sha trUn mA ra ya/ sngags kyi man ngag bsgyur shes bya/ /sbyin sreg ting 'dzin thabs dang ni/ /gtor ma
45b1 'khrul 'khor gsad la sogs//thabs kyis zin pa'i sbyor shes bya/ /gnod sbyin gyis gsad pa'i rim pa'o// //ro langs mas ni gsad pa'i thabs/ /rang nyid lhag pa'i lhar gnas pas/ /dur khrod chen po'i dkyil dag tu/ /ro langs ma ni bskyed byas la/ /rang
45b2 bzhin ma yang spyan drangs te//de gnyis cho ga rdzogs byas te/ /bsnyen pa tshad du phyin pa na/ /dur khrod ro yi thod pa ru/ /khrag thun rdzas la sogs pa la/ /drag po'i thun sngags bzla bar bya/ /khri yi bar du bzla bar bya/ /de nas gang yin sa ru brdeg /de ltar lan gsum byas pa
45b3 yis//gang yin de ni brlag par 'gyur/ /dur khrod 'bar ba'i gnas dag tu/ /nag po'i nang du 'khrul 'khor mnan/ /nag po'i nang du gtor mas dgang / /cig shos nang du bcas pa yis/ /nag po nyid la gtad par bya/ /tsha ba'i rdzas kyis bsreg par bya/ /de ltar
45b4 sbyor ba'i man ngag rnams//mkhas pas bsgrims te ma byas na/ /rang nyid la ni gnod par 'gyur/ /oM badzra be+e tA lI hUM phaT/ sha drUn mA ra ya hUM phaT/ kha kha khA hi khA hi/ sngags kyi man ngag sbyor shes bya/ /ro langs mas gsad pa'i rim pa'o// //mkha' 'gro ma yis
45b5 gsad pa'i thabs//chu ngogs thibs po'i gnas dag tu/ /mkha' 'gro ma ni bsgrub par bya/ /zhing chen gyi ni gdan bting la/ /drag po rol pa'i 'dug stangs bya/ /mkha' 'gro ma sku mdun gzhag la/ /zhing gi rgyus pa thugs kar gzung / /drag tu bzlas pa'i stobs kyis su/ /
45b6 sbyor ba gang 'dod 'grub par byed/ /khyad par sbyor ba bstan pa ni/ /gnag cing thibs po'i nang dag tu/ /gru gsum nag po brus nas kyang / /gzugs brnyan bca' ba'i thabs byas te/ /de ru gsad pa la sogs bya/ /yang na 'bab chu'i dogs dag tu/ /sba zhing mnan
45b7 pa'i thabs bya'o//oM badzra DA kI hUM phaT/ sha trU na mA ra ya hUM phaT/ oM laM hUM laM staM b+ha nan/ sngags kyi sdeb ni ma shes na/ /sbyor ba 'grub par mi 'gyur ro/ /mkha' 'gro mas gsad pa'i rim pa'o// //'jigs byed ma yis gsad pa'i thabs/ /shin tu 'jigs pa'i
46a1 gnas dag tu//drag cing gtum pa'i chas gos gon/ /dang por bsnyen sbyor tshang bas su/ /nag po 'gro mgyogs sgyur dka' dang / /bdag po sme brtsegs thod nang du/ /de rnams rigs mthun rdzas bsags te/ /chu gsum la sogs rdzas rnams la/ /
46a2 sngags kyi sbyor ba btab pas ni/ /nus pa'i mthu dang ldan par 'gyur/ /oM badzra b+hai ra wA ya hUM phaT/ sha trU na mA ra ya hUM phaT/ kha kha khA hi khA hi/ drag po'i sbyor ba mkhas pa yis/ /'byung po rnams ni brlag par 'gyur/ /sbyor ba gzhan yang sbyor shes bya/ /'jigs byed
46a3 mas gsad pa'i rim pa'o// //khro mo chen mo srog gcod ma yis gsad pa yi/ /man ngag thabs kyi rim pa bstan/ /sngon du bsnyen pa rdzogs pa yis/ /yi ge i yi gdan stengs su/ /bsgrub bya de ru bzhag nas ni/ /bzlas pa drag tu byas nas su/ /srog gcod pa
46a4 ni bskul bar bya//khri yi sngags kyis dgug par bya/ /khri yi sngags kyis gsad par bya/ /rang nyid lhag pa'i lhar gnas pas/ /srog gcod ma ni mdun du bskyed/ /grub pa mo yang spyan drangs te/ /mthu bskyed la sogs byas nas ni/ /sku dang gsung dang thugs rnams
46a5 las//drag po'i brgyud pa'i mthu rnams ni/ /mda' zam btags pa'i tshul du byung / /spyi bo mgrin pa snying ga nas/ /char bzhin du ni 'bab par 'gyur/ /oM pra ti ta na hUM phaT/ sha trU na mA ra ya hUM phaT/ kha kha khA hi khA hi/ sngags kyi sbyor ba gzhan dang mthun/ /drag
46a6 po'i las rnams gzhan po yang //man ngag stobs kyis sbyor shes bya'o/ /srog gcod mas gsad pa'i rim pa'o// //dbugs rngub mas gsad pa'i rim pa ni/ /rang nyid lhag pa'i lhar gnas nas/ /sngon du bsnyen pa rdzogs byas nas/ /drag po'i las kyi sbyor ba ni/ /
46a7 gru gsum 'bar ba'i gnas dag tu/ /'jigs pa'i rgyan cha gon nas ni/ /bram ze'am rgyal rigs nag po'i phyogs/ /mthun pa'i rdzas ni btsal nas kyang / /gru gsum steng du rten bcas nas/ /nag po 'bar ba'i sbyor ba brtsam/ /drag po'i rdzas la sngags bzlas te/ /bdun
46b1 dang nyi shu rtsa gcig dang //zla ba dang gcig gi bar du bsgrub/ /de nas 'khor lo ldan pa'am/ /shugs dang ldan pa'i sbyor ba yis/ /shin tu myur bar 'phang bar bya/ /de nyid bskor ba'i tshul du'am/ /ri mo'i tshul du byas pa yis/ /ting 'dzin sbyor ba'ang de bzhin bsam/ /oM
46b2 shwA sa gA pa ye hUM che ge mo sha tU na mA ra ya hUM phaT/yang na drag po'i 'brub khung du/ /tsher ma can gyi shid bkang ste/ /raM las drag po'i me dpung bsam/ /gro ga 'am ni shing shun la/ /bsgrub bya'i ming ni bris nas kyang / /khri'am 'bum du bzlas nas ni/ /bsgrub bya bkug
46b3 nas bstim par bya//drag po yi ni sngags kyis bsreg /'chi bar 'gyur ba gdon mi za/ /sbyor ba la sogs gzhan po yang / /man ngag can gyis sbyor shes bya'o/ /shwA sa gA pas gsad pa'i las kyi rim pa'o// //rak+ta'i las kyi phreng ba yis/ /gsad pa'i
46b4 las 'di brtsam par bya//dmar zhing chags pa'i rang bzhin can/ /khog pa'i rten ni btsal bar bya/ /'od ma'i gzhu ni lta bu yi/ /dkyil du de nyid bzhag nas kyang / /dus la de ni bab pa yi/ /smin byed dang po rgyug pa dang / /mdongs dang ldan pa'i mtshal chen gnyis/ /bsres
46b5 la sngags ni gdab par bya//dus tshod gsum du bsgrubs nas kyang / /bsgrub bya'i 'og tu sbas na ni/ /gang 'dod pa yi don rnams 'grub/ /yang na 'od ma lta bu'i dkyil/ /'dab brgyad dang ni ldan pa la/ /kha mthing la sogs mes spar la/ /dbang byed sngags ni bzlas pas
46b6 su//nges pa kho nar khugs par 'gyur/ /oM rak+ta pri ya ni hUM che ge mo ba shiM ku ru hUM/ sbyor ba la sogs gzhan po yang / /man ngag stobs kyis phye bar yang / /rak+ta bri ya nis gsad pa'i las kyi rim pa'o// //maM sa bag tris gsad pa ni/ /sngon du 'gro ba rdzogs byas la/ /
46b7 sha zan de ni stong dag gi /rten la sogs pa rdzogs byas la/ /bug pa can gyi snod nang du/ /rdo rje'i mchu ni sbyar nas kyang / /rlung gi shugs kyis sngags 'di 'phang / /de yi sbyor ba ma zhig par/ /gang la bya ba de ru brdeg /des ni grong rnams 'khrug cing 'gas/ /'di yi sbyin
47a1 sreg gtor ma dang //thabs dang 'khrul 'khor dag gis ni/ /gsad pa'i man ngag sbyor shes bya/ /oM mAM sa bag tri che ge mo sha trUn mA ra ya phaT/ maM sa bag tris gsad pa'i las kyi rim pa'o// //gzhan yang rdzas kyis gsad pa ni/ /da du ra dang 'ol ma se/ /
47a2 'gu phaT taM dang khu bar sbyar/ /thabs la mkhas pa'i sbyor ba yis/ /mi la blud na smyo bar 'gyur/ /gsol ba 'debs na gso bar bya/ /khu ba la sogs rnams kyis ni/ /lus la byugs shing khong du blud/ /des ni nges par thar par 'gyur/ /gsad pa'i sbyor ba'i las rnams
47a3 kyang //sangs rgyas la sogs bstan pa ni/ /'jig pa la sogs nges pa dang / /ru dra nag por gyur pa la/ /sbyor ba 'di ni bya bar gsungs/ /de las gzhan du byas pa na/ /rang nyid nyams te dmyal bar ltung / /de yi sbyor ba byed pa yang / /tshad med sngon du 'gro byas la/ /
47a4 man ngag the tshom med par ni/ /byas na gdon mi za bar 'grub/ /de yang bsgral bya'i yul de la/ /lus ngag yid gsum zhi bas ni/ /tshul dang mthun pa'i bden pa bdar/ /lan gsum byas kyang ma nyan na/ /ltung bar mi 'gyur bya bar gsungs/ /bsad pa las kyi phreng ba'o// //bcom ldan
47a5 'das de bzhin gshegs pa sku gsung thugs kyi mnga' bdag la phyag 'tshal lo//drag po sku yi sbyor ba dang / /gsung dang thugs kyi sbyor ba dang / /las ni gzhan sogs sbyor ba dang / /rdzogs pa mthar thug sbyor ba rnams/ /rim pa bzhin du bstan par bya/ /nag po 'jigs
47a6 pa'i cha lugs 'chang //zhal gcig gam ni gnyis pa'am/ /zhal gsum pa'am phyag drug pa/ /gang 'dod pa ni bskyed par bya/ /des su bsnyen pa rdzogs byas la/ /ro bsregs thal ba'i 'jim pa la/ /nag po'i gzugs brnyan byas pa la/ /de nyid sbyin sogs
47a7 bskyed byas la//sngags bzlas pa yi stobs kyis su/ /shin tu 'dar zhing 'gul bar 'gyur/ /gtor ma la sogs byin nas kyang / /bstod cing gsol ba btab pas su/ /dgra rnams nges par 'chi bar 'gyur/ /drag po'i gru gsum thab khung du/ /gdug pa can gyi me
47b1 sbar nas//mar nag tsha ba gsum dang ni/ /sha khrag gsum gyi rdzas bsregs la/ /bsgrub bya bkug ste de la bstim/ /drag po'i sngags ni bzlas nas kyang / /rdzas rnams me yi nang gtor bas/ /nges pa kho nar 'jig par 'gyur/ /thabs dang ting 'dzin 'khor lo dang / /
47b2 gtor ma la sogs sbyor ba yis/ /gsad pa'i man ngag sbyor ba ni/ /brtul zhugs can gyis sbyor shes byas/ /de nas gsung gi nag po yi/ /sbyor ba bstan pa gang yang mthun/ /thugs kyi nag po'i sbyor ba yang / /gzhan du brgal te bstan pa na/ /brtul zhugs can gyis
47b3 sbyor shes bya'o//gsum ka la yang bzhi bzhir bstan/ /dper na rgyal po blon po dang / /las byed 'khor dang mi mthun phyogs/ /de bzhin bde gshegs sprul pa dang / /sa nas rig pa 'dzin pa dang / /dam can dam la gnas pa dang / /des su gdul bar bya ba bzhin/ /
47b4 de bzhin mkhas pas shes par bya'o/ /de rnams sku gsung thugs kyi don/ /bsdus pa bstan pa'i rim pa'o/ /sku gsung thugs kyis gsad pa'i las kyi rim pa'o// //las kyi rim pa gzhan bstan par bya ste/ /grong khyer dkrug pa'i cho ga ni/ /rang nyid lhag pa'i lhar
47b5 gnas pas//sngon du bsnyen pa rdzogs byas te/ /nag po chen po lnga brtsal la/ /sngags kyi 'khor lo'i phreng ba bri/ /mthun pa'i rdzas kyis dgang bar bya/ /sngags bzlas pas na don rnams 'grub/ /oM a ka tsa Ta ta pa ya sha swA hA/ sngags ni khri tsho re re bzlas/ /nag po 'bar
47b6 ba kha bcad do//grong gi dkyil dang phyogs bzhi ru/ /rked nub tsam du brkos nas su/ /de dag sa gter sba bar bya/ /thod pa la sogs snod nang du/ /mthun pa'i rdzas ni bsag par bya/ /mkha' 'gro ma yi dgra sngags bzlas/ /de yang grong khyer gseb du bskyal/ /bdun
47b7 bdun bar ni bcad byas la//de ltar byas na grong khyer 'khrug /grong khyer dkrug pa'i las kyi rim pa'o// //char ni dbab pa'i rim pa yang / /dang por bsnyen sbyor goms pa yis/ /rang nyid lhag pa'i lhar bskyed la/ /rdzas rnams bsags pa'i thabs dag ni/ /yi ge
48a1 gnyis kyis sbyang byas la//klu yi rgyal po mtha' yas kyi/ /gzugs brnyan byas la kham phor du/ /bzhag nas bdud rtsi sogs kyis dgang / /ba nag 'o mas bkang nas ni/ /gzhon nu nag mos bkal ba yi/ /skud pa yis na bcing bar bya/ /rlung lha'i
48a2 phyogs su rdzing bu bya//klu yi rgyal po de ru bzhag /de yi 'gram du dkyil 'khor bya/ /sol ba rus pa ldong ros dang / /so phag lo ma rus phye la/ /nag po dkar po ser po dang / /dmar po ljang gu'i sa tshon bya/ /dur khrod srad bus thig gdab bo/ /dkyil 'khor gru gsum
48a3 byas nas ni//de yi dbus su mtha' yas bzhag /mgon po'i bdag po chen po bzhi/ /rgyud bzhi dang ni bstun nas kyang / /gang mos mgon pos gnan par bya/ /bdud rtsi me tog nag po dang / /'du byed khu ba glang po'i chang / /blugs dang mchod pa dbul bar bya/ /rang gis
48a4 rnal 'byor rnam pa yis//bzlas pa'i man ngag shes byas te/ /sngags bzlas pas ni char dbab pa'o/ /gal te mi 'bab de yi tshe/ /klu yi mgo ni 'gas par 'gyur/ /sprin dbral ba yi thabs rnams ni/ /dur khrod ras la nyer 'dug nas/ /sngags bzlas pas ni
48a5 'grub par 'gyur//oM AR+yA sh+ma shA na pri yA ya hUM hUM hUM phaT/ sngags las 'od zer 'phros pa yi/ /sprin pa bsdus shing sprin dral bas/ /gseb nas char ni 'bab par bsam/ /char dbab pa'i sngags bzlas pa/ oM g+hu ru g+hu ru/ /g+hu Du g+hu Du/ ma sha ma sha g+ha Ta g+ha Ta/ g+ho
48a6 Ta ya g+ho Ta ya/a nan+ta k+Sho b+ha ka rA ya nA gA d+hi pa ta ye he he ru ru kaM sa p+ta pA tA la ga tA na nA gA kaR+Sha ya baR+Sha ya gar+dz+dza ya gar+dz+dza ya/ tar+dz+dza ya tar+dz+dza ya phuHphuHphuHphuHphuHphuHphuHphuH/ hUM hUM hUM phaT swA hA/ des ni char rnams mi 'bab na/ /sngags bzlog nas bzlas pas char 'bab bo/ /des char
48a7 mi 'bab na mgo 'gas par 'gyur ro// //char sogs bzlog pa'i cho ga ni/ /rang nyid lhag pa'i lhar gnas pas/ /sngon du bsnyen pa rdzogs byas la/ /dur khrod sol ba'i rdzas dag la/ /sngags de bzlas shing btab pas su/ /de nas nam mkhar gtor bar bya/ /de ltar
48b1 byas pas bzlog par 'gyur//des ni bzlog par ma gyur na/ /gnas ni dben par gnas byas te/ /bdag nyid legs par bsrung byas la/ /bdag gi lus ni mer bsgoms te/ /gzhan nas kyang ni me byung nas/ /'jig rten thams cad mes gang bsam/ /sngags kyi 'od
48b2 zer las me byung //char pa la sogs bsregs par bsam/ /des kyang bzlog par ma gyur na/ /glog phreng gi ni sbyor ba las/ /ji ltar 'byung zhing bzlog par bya'o/ /des ni nges par bzlog par 'gyur/ /char dang ser ba la sogs pa bzlog pa'i cho ga rdzogs so// //
48b3 rnal 'byor pa la sogs pa ni/ /dus la bab nas 'chi 'gyur na/ /phung po bsreg par bya ba ni/ /rdo rje slob dpon mkhas pas su/ /sngon du bsnyen pa rdzogs byas te/ /lha yi gnang ba thob par bya/ /lha yi gnang thob ma gyur na/ /sems ni las su rung bar bya/ /sems 'dzin nus
48b4 par ma gyur na//dus dang grangs kyi bsnyen pa ni/ /mos dang ldan pas rdzogs byas la/ /de nas brtsam par bya ba yin/ /de yang thun mong sngon song nas/ /phyis ni bsnyen pa gso don du/ /bsdu na lnga dang gsum du bya/ /dang po 'chi rtags brtag par bya/ /bdag nyid phyag na rdo rjer
48b5 bskyed//skad cig tsam mos thugs kar ni/ /zla ba'i dkyil 'khor gyi steng du/ /yi ge hUM gi 'od zer gyis/ /bla ma la sogs spyan drangs la/ /phyag 'tshal mchod cing bshags pa dang / /rjes su yi rang bskul ba dang / /gsol ba gdab cing skyabs su 'gro/ /lus dbul
48b6 dge rtsa bsngo bar bya//tshad med bzhi dang stong nyid bsgom/ /stong pa'i ngang las cho ga ni/ /rnam pa lngas bskyed bde gshegs tshul/ /cho ga gsum bskyed sems dpa'i tshul/ /de yang myur bar bskyed 'dod na/ /stong pa'i ngang las sa bon byung / /de nyid 'phros pas sku bskyed
48b7 ngo //zhal gcig phyag gnyis ut+pal mdog /mche ba gtsigs pa sgeg dang bcas/ /rdo rje gsor zhing sdigs mdzub 'chang / /'od kyi sprul pa'i dkyil na gnas/ /pad+ma stong ldan 'dab dkyil na/ /nyi zla'i gdan la zhabs kyis brten/ /ye shes kyi ni mthu bskyed cing / /byin
49a1 gyis brlabs pa la sogs bya//sku de nyid ni brten par bsgom/ /gshin rje srog gcod de la yang / /bden pa'i tshig gis bka' bsgo bya/ /de dag 'ongs par gyur nas kyang / /gtor ma yang ni gtang bar bya/ /de nas rnam shes 'pho ba'i phyir/ /
49a2 man ngag stobs kyi sbyor ba yis/ /rna ba'i drung du sngags 'di bzlas/ /rdo rje 'dzin pa'i rdo rje bsam/ /oM na mo b+ha ga ba te/ sarba durga ti pa ri sho d+ha ne rA dzA ya/ ta thA ga tA ya yar+ha te samyak+saM bad+d+ha ya/ tad+ya thA/ oM b+h+ya ma b+h+ya bi ni/ byo ma rU pa ya/ /sarba bya pi ni shi pa ya hri/ brarma mA ta
49a3 hrim/baSh+ph+yi dang ya te/ hUM ru dra dang yi te/ k+Shu ru drak+Sha ra pi sarba ni hUM ru drak+Sha ra pi sarba ni hUM ru dre sa ru pe/ hri na da/ At+ma ke / hUM bin+du sha re re/ oM shag tri saM shag tri sam sha tri sa yo dza ni/ ma byo ma yo dza ni/ b+ho Sha ta kai ba l+ye ba de h+ma bid+h+ye na ma/ UM hUM hUM ltuM k+ShuM k+ShuM k+ShuM na/ oM oM I u/ byo ma
49a4 bya pi ni po sha Ta/de nas gsang sngags 'di yis ni/ /mi bskyod gnas ni nyams dga' ba/ /dga' dang 'chi ba rnam spangs par/ /rnam par shes pa byung nas 'gro/ /de yi tshangs pa'i sgo nas ni/ /rnam shes myur du 'byung bar 'gyur/ /bzhin ni rab tu 'dzum byed cing / /ro ni ngo
49a5 mtshar phyag rgyar ldan//de lta bu yi sems can de la ni/ /bar ma do yi gnas dag tu/ /'od kyi phreng ba'i 'khor lo yis/ /mi bskyod pa dang tha mi dad/ /'od kyis bzung nas 'khor lo yi/ /cha lugs 'dzin pa nyid du lta/ /de yi sdig pa bsdus nas kyang / /khog pa'i rten la
49a6 bsdu bar bya//ga phur gur kum la sogs pa'i/ /spos kyi chu yis bkru bar bya/ /dri ma med pa'i ras la ni/ /byin gyis brlabs nas g.yogs par bya/ /rol mo'i cha byad dang ldan pas/ /dur khrod dgon pa'i gnas su bskyal/ /de nas ro ni bsreg bya ste/ /sa dang sta gon
49a7 cho ga dang //slob dpon las dang dkyil 'khor bsgrub/ /de nas ro ni bsreg par bya/ /yang na sta gon byas rting la/ /bsreg par bya ba nyid du bya/ /sa ni brtag dang bslang ba dang / /sbyang dang byin gyis brlabs pa dang / /gzung dang bsrung ba nyid du bya/ /de rnams zhib tu bya ba
49b1 yang //dkyil 'khor spyi rgyud gzhan dang mthun/ /de nas maN+Dal steng du ni/ /thig le byas te tshom bu dgram/ /lha bskyed pa'am lha sprul pa/ /ye shes spyan drangs gnyis su bsre/ /byin brlabs dbang bskur byas nas ni/ /phyi mchod nang mchod gsang mchod dang / /rdo rje
49b2 glu dang gar sogs kyis//mchod cing bstod pa rgyas par bya/ /gsol ba btab ste snyan gsan dbab/ /de nas sbyin sreg dag gis sbyang / /bum pa byin gyis brlab pa yang / /bya dang mi bya gnyis su bstan/ /byed na cho ga gzhan dang mthun/ /slob ma sta gon gnas pa
49b3 yang //gshin dang gson ni gnyis su bstan/ /mi bskyod gnas na gnas pa der/ /dbang bskur byed na 'dir bkug la/ /sta gon yang ni rgyas par bya/ /sta gon byed pa'i tshul rnams kyang / /gson la byed pa ji bzhin bya/ /dbang bskur de ni mi byed na/ /sta gon de yang mi bya ste/ /mi bskyod gnas su
49b4 bzhag nas ni//byin brlabs byas te smon lam gdab/ /ro de nyid ni byin brlabs la/ /sreg khang thur la khru do'am/ /khru gang rko ba che chung tshad/ /rgyar yang gru bzhi khru do'am/ /mu ran sor brgyad bcu drug tshad/ /kha dog dkar po zlum zhing 'khyil/ /dbus su pad+ma 'dab brgyad
49b5 bri//phyi rol bri dang mi bri dang / /'bri bar rgyan rnams gzhan dang mthun/ /rgyan rnams thams cad rdzogs par dgram/ /shing rnams dri dang ldan pa dang / /'jag ma ku sha la sogs kyis/ /thab khung 'og tu gding bar bya/ /phung po shar du kha bstan te/ /tsog pur bcas te
49b6 gzhag par bya//shing rnams mchod rten dbyibs su brtsig /phyi ni mchod rten dbyibs 'dra la/ /kha dog dkar por byas nas kyang / /skar khung bzhi ni gtod par bya/ /mchod rdzas la sogs bkram nas kyang / /bdag nyid bskyed pa rdzogs byas la/ /pho brang byin gyis
49b7 brlabs nas kyang //me lha rgyal po bskyed par bya/ /ye shes me lha spyan drangs la/ /bgegs bstsal mchod cing bstod pa bya/ /ye shes dgug cing bstims byas la/ /rgyas gdab dam tshig bsgo ba dang / /dbang bskur byas nas mchod par bya/ /bstod pa la sogs rdzogs
50a1 nas kyang //me lha shar lhor bzhugs pa'am/ /yang na thugs kar pho brang bca'/ /ye shes dkyil 'khor spyan drangs bstim/ /byin brlabs la sogs rdzogs byas la/ /phyi mchod nang mchod gsang mchod bya/ /de nas rtsa ba'i sngags la ni/ /sdig pa
50a2 zhi byed sngags bzlas la//bar du ming ni gzhug par bya/ /nyi shu rtsa gcig brgya ru bzlas/ /mchod rdzas g.yon du bkram nas kyang / /sreg rdzas g.yas su dgram par bya/ /mar dang yam shing zho dang ni/ /mngar gsum 'bras chan la sogs pa/ /rim pa bzhin du dbul
50a3 bar bya//tha mar dgang blugs phul nas ni/ /mchod cing bstod de gsol ba gdab/ /badzra muHyi mtha' can gyis/ /gshegs su gsol te dam tshig bsdu/ /tha ma me yi lha la ni/ /cho ga gong bzhin bsdus te bya/ /ye shes me lha gshegs nas ni/ /dam tshig me lha bsdu
50a4 bar bya//de ltar rten dang sdig bshags la/ /brten po gong bzhin bkug nas ni/ /pho brang gnyis su bca' byas nas/ /rang nyid lhag pa'i lhar gnas pas/ /dkyil 'khor cho ga ji bzhin par/ /dkyil 'khor bcug la dbang bskur bya/ /de nas smon lam gdab par bya/ /
50a5 mi bskyod pa yi gnas dag tu/ /zla ba'i dkyil 'khor steng bzhag ste/ /rlung gi 'khor lo'i shugs kyis 'phang / /de ltar byed pa'i rnal 'byor gyis/ /man ngag lag len goms pa yis/ /sbyangs nas bde 'gror nges par skye/ /rim gyis byang chub thob par 'gyur/ /ngan song
50a6 gsum na 'khyams na yang //sngags la sogs pa'i mthu rnams kyis/ /dus de ru ni shin tu bde/ /de nas myur du thar bar byed/ /gzhan yang dur khrod rus pa ni/ /lo brgya'am lo stong lon pa la/ /bsreg pa la sogs byas pa na/ /sdug bsngal las ni thar bar 'gyur/ /
50a7 rus pa med na ming sogs la/ /cho ga byas na thar bar 'gyur/ /nyams su ma lon cho ga 'khrugs/ /rang nyid dmyal bar 'gro ba'i rgyu/ /de bas mkhas pas bsgrims te bya'o/ /phung po rten dang bcas pa yi/ /bsreg pa las kyi rim pa i thi// //rdzogs pa'i man ngag
50b1 bstan pa ni//rang nyid lhag pa'i lhar bsgoms la/ /lte ba snying ga mgrin pa dang / /mgo bo yi ni gnas dag tu/ /sprul pa chos kyi sku dang ni/ /longs spyod bde chen gnas zhes bya/ /lte bar drug cu rtsa bzhi la/ /gsal byed yi ge nyis lnga ba dgod/ /snying gar sde tshan
50b2 mang po brgyad//mgrin par A li bcu drug dgod/ /dung khang gi ni gnas dag tu/ /A li gnyis ni bzlas par bya/ /bde chen gyi ni gnas dag tu/ /a wa d+hU tI dbus su rgyug /la la nA dang ra sa nA/ /g.yas dang g.yon du rgyug pa yin/ /de rnams nang na rdo rje rlung / /phra mo
50b3 dag ni gnas pa yin//de la rten gyi byang chub sems/ /nyi ma'i zer bzhin khyab par gnas/ /bde chen tshangs pa'i mthongs khung nas/ /rdo rje nor bu mthar thug par/ /shin tu khyab par rgyas pa yin/ /gtum mo sbar ba'i stobs kyis ni/ /de nyid gsal ba rgyas pa dang / /byang
50b4 chub sems kyang shin tu gsal//de la brten pa'i byang chub sems/ /mi 'gyur stobs 'dzin sa legs la/ /bde chen 'khor lo'i gnas dag tu/ /dga' ba skyes pa bum pa'i dbang / /'bras bu yang ni bstan pa yin/ /la la dag gi bzhed kyis ni/ /rtsa dang rlung dang brten
50b5 pa la//bshad tshul bzhi yis bum pa'i dbang / /dngos su dga' ba'i don la yang / /dga' bde bzhi yi don tshang bas/ /bum pa'i dbang bzhi de la sbyar/ /mgrin pa longs spyod 'khor lo la/ /rtsa rlung rten dang brten pa la/ /shes pa'i dbang ni tshul bzhin bshad/ /de ni mchog
50b6 dga' skye ba'i sa//mchog dga' nyid dang dga' bzhi tshang / /gsang ba'i dbang bzhi de la sbyar/ /snying ga chos kyi 'khor lo la/ /khyad par dga' ba bskyed pa'i sa/ /rlung sogs shes rab ye shes dbang / /khyad par dga' ba de la yang / /dga' bzhi skyed pa'i rim pa la/ /shes rab
50b7 ye shes don shes bya//lte ba sprul pa'i 'khor lo la/ /lhan cig skyes pa dga' ba'i sa/ /mthar thug bzhi yi dbang 'di yin/ /de yi gzhung lugs gnyis po yang / /man ngag rim par sbyar bar bya/ /bzhi pa de la'ang gnyis su bstan/ /rten bcas dang ni rten med do/ /rten
51a1 bcas la yang gnyis su bstan//spros bcas dang ni spros med do/ /rten bcas gtum mo nyid la brten/ /spros bcas kun du bzang mo'i mkha'/ /rnam dag klong dkyil bstan pa'i phyir/ /ye shes thabs kyis mtshon byed ni/ /man ngag spros te bstan pas su/ /
51a2 mkha' dbyings rnam dag rtogs par 'gyur/ /spros med man ngag bstan pa ni/ /gong gi man ngag de dag kun/ /'di yis rtogs pa spang bya yin/ /dngos po gnas pa'i gnas lugs ni/ /rang gi byang chub sems nyid ni/ /dkar po la sogs ma yin zhing / /mtshon byed kun gyis
51a3 mtshon du med//shas brjod kun las 'das pas na/ /gang du yang ni bsam du med/ /yengs su yang ni rdul tsam med/ /chos rnams ye nas skye med la/ /skye ba med ces sgro mi 'dogs/ /chos su snang ba 'khrul pa'i sems/ /sems nyid ye nas skye med la/ /skye ba med ces
51a4 sgro mi 'dogs//blun po gang zhig mi shes pas/ /dper na nam mkha' 'di med ces/ /sgro 'dogs 'byes pas rtogs mi 'gyur/ /rnal 'byor mkhas pa rnams kyis su/ /skye ba med la sogs pa ru/ /ye nyid nas su sgro mi 'dogs/ /de lta bu yi don nyid la/ /the tshom med
51a5 par gtan la dbab//de nas rnal 'byor gdeng gyur pas/ /bsam med yengs med tsam du ni/ /bsgom pas man ngag rtogs par 'gyur/ /de ltar rtogs pas rdzogs rim gyi/ /dbang gi man ngag mthar thug yin/ /rab tu gnas pa'i rdzogs rim yang / /rnal 'byor mkhas
51a6 pas sbyor shes bya'o//mi mkhas pas ni dug tu 'gyur/ /de yang dus skabs bzhi ru ni/ /rim pa bzhin du rtogs par bya'o/ /dang po bya ba'i dus dag ni/ /sngon du 'gro ba rdzogs byas la/ /nam mkhar gnas pa de dag la/ /sngon gyi bzhin du gsol ba gdab/ /cho ga yan lag rdzogs
51a7 byas nas//dag pa la sogs byas pa la/ /dang po de la nus pa gzhug /nus mthu bskyed pa'i cho ga ni/ /byas nas de la tshogs bsag go/ /de nas dus ni gnyis pa ru/ /phra mo 'thob pa'i rnal 'byor gyis/ /snying ga'i pho brang gnas dag tu/ /de dang de ni tha mi dad/ /de nyid
51b1 la ni de nyid kyis//de nyid du ni cung zhig tu/ /de yi de yi thabs kyis su/ /de lta de ltar rdzogs par bya/ /dus ni gsum pa dag la ni/ /ye shes thob pa'i rnal 'byor pas/ /'khor lo rten gyi gnas dag tu/ /de nyid de ltar gnas pa na/ /de nyid la ni de nyid do/ /de nyid thabs
51b2 kyi sbyor bas su//de de man ngag rdzogs par thob/ /dus ni bzhi pa dag la yang / /rnam rgyud stobs kyi spyod yul yin/ /de ltar rab gnas rdzogs rim bya/ /rdo rje nor bu'i rtsa ba ru/ /dga' ba skyes pa bum pa'i dbang / /gsang ba'i pho brang gnas dag tu/ /mchog dga'
51b3 skyes pa gsang ba'i dbang //khyad par dga' ba'i gnas dag tu/ /khyad par dga' ba skyes pa ni/ /shes rab ye shes dbang nyid do/ /rin chen pho brang gnas dag tu/ /lhan cig dga' ba skyes pa ni/ /dbang ni bzhi par shes par bya/ /de la rdzogs rim las kyi rim/ /
51b4 phreng ba lta bur brgyud de 'ongs/ /de dag drag po'i las sogs rnams/ /rin chen phreng ba ltar brgyud 'di/ /srog lus rdzas rnams 'bul byed pa'i/ /rin chen lta bu'i gang zag la/ /btsa' dka' dam bzhag byas te gtad/ /de ltar mi byed rmongs pas su/ /dam med
51b5 rmongs pa'i lag shor na//dus min shi nas dmyal bar ltung / /de nas nan tan bskyed de btsa'/ /bdag gis sems can gdon pa'i phyir/ /man ngag rin chen 'di byas pas/ /bdag dang 'gro ba'i sems can rnams/ /phyag rgya mchog ni thob par shog /las kyi rim pa
51b6 mu tig phreng ba zhes bya ba slob dpon b+ha bas mdzad pa rdzogs so// //rgya gar gyi mkhan po rdo rje slob dpon bIr+ya gu pa sU trI zhal snga nas dang / lo tsA ba dge slong gzhon nu tshul khrims kyis bsgyur cing zhus te/ dur khrod nags tshal du brgyud pa'i slob dpon la shin tu gsang zhing
zhus pa'i don lags so/