CLOSE WINDOW

D2183
བོད་ཡིག

slob dpon b+ha bas mdzad pa rdzogs so//[ ]@#/ /dus bzhi rtsod pa rgyas dus su/ /sgrub pa po yang mang 'byung zhing / /dman la mos pa'ang mang du 'byung / /bla mar gus pa'ang dpag tu med/ /de 'dra'i sems can dpag med kyang / /bsdu na gsum du 'dus 'gyur te//sprul dang kha dog rjes 'jug pa'o/ /rjes 'jug gnyis su shes par bya'o/ /sprul la mthun 'jug sbyang ba med/ /sprul rjes 'jug gi gang zag la/ /dam tshig nyams pa mang 'byung yang / /nyams pa rnam pa gsum du 'dus/ /lus ngag yid du shes par bya//lus kyi dam tshig nyams pa ni/ /tsha tshas sbyongs te tshogs sbyor ltos/ /ngag gi nyams pa bzlas pas 'dag /yid kyi lha yi sbyor kar ltos/ /thun mong sbyin sreg tshogs gtor rnams/ /phan 'dogs sbyor kar blta bar gyis/ /nus pa chung ba'i rnal 'byor pas/ /ma bshags maN+Dal gyis sbyang bya//maN+Dal bsdu na rnam gnyis te/ /yid kyis bsams dang dngos byed pa'o/ /dngos byed skyon spangs gnyen bzhi la/ /brgya'am lnga bcu nyi shu lnga/ /lnga'am bsdus pa gcig kyang bya/ /dbyibs legs mdzes pa bsham par bya/ /kha dog kun nas sngo yang rung / / dkar po mthing ga ser dmar bya/ /yang na yid dang mthun pa'ang rung / /tshad ni khru gang yan chad bya/ /tshon ni dkar rtsi yung ba dang / /sngo rtsi gur gum mtshal gyis bya/ /ba yi rnam lnga bdud rtsi lnga/ /dum bu gcig par bzhag nas kyang / /dri zhim pa yi sman gyis bsgo/ /bdud rtsi lnga dang thun mong rdzas//gser sogs kha rgyan lnga ldan du/ /bcug la byin brlabs tshul bzhin bya/ /rang nyid cho ga gsum gyis bskyed/ /bdud rtsi 'khyil pa'i sngags 'dis gdab/ /oM a mr-i ta kuN+Da li hUM phaT/ byin brlabs bkra shis rdzas dang sreg /de yis thams cad bsang bar bya//oM a mr-i ta kuN+Da li ha na ha na hUM phaT/ yungs kar la gdab 'byung po bsrel/ /rang gi snying ga'i yig 'bru las/ /'od 'phros yi ge a ru gyur/ /de 'phros taM gi yi ge las/ /sa gzhi rin chen bzhi ru gyur/ /sngags 'di btab pas bzlas par 'gyur/ /oM a tsan+d+ra maN+Dal hUM/grangs nyi shu rtsa gcig tu bzlas/ oM rat+na traM maN+Dal hUM/ tsan+dan ga pur gla rtsi sogs/ /mdzes pa'i snod du bzhag pa la/ /'od 'phros pas ni d+hU yig thim/ /bdug pa'i mchog tu gyur par bsam/ /rnal 'byor 'byor pa chung gyur yang / /tsan+dan med du mi rung ngo //rgyan gyi me tog lnga gsum sogs/ /gcig sogs yang na lnga grangs bstun/ /de steng paM las pad+ma bya/ /sngags 'dis bdag po'i rkyen bya'o/ /oM pad+ma maN+Dal hUM/ stong ldan 'bum ldan du gyur bsam/ /de yi steng du b+h+rUM yig las/ /gzhal yas khang ni mdzes pa bsam/ / badzra re khA'i sngags ni kun la gdab/ /snying ga'i 'od kyis byin gyis brlabs/ /mchod rdzas pad+ma mdun du bskyed/ /rgyun ni gong gi yi ge las/ /de dag thams cad rdzogs pa ni/ /nyams pa dgos pa gzhan mos 'jug /de 'og dam tshig nyams pa kun/ /lus bkru gos bzang rgyan cha bgo//lhar bsam rdor dril sngags byin brlag /sa bon yi ge 'od zer gyis/ /lha mo bzhi bskyed lha spyan drangs/ /gsol ba gdab la rtsa sngags gdags/ /bla ma mi bskyod gyur sogs la/ /phyag 'tshal mchod pa thams cad bya/ /rgyud las byung ba'i bstod pa bya/ /mnyes pas 'od zer rang 'dus pas//rang gi snying ga'i pad+ma la/ /kaM dang na la sdig pa bsdu/ /sdom nag gzugs su gyur bsams te/ /phyir 'gro rlung gis mdun du dbyung / /sdig pa'i gzugs dbyung sngags kyis bsreg /lus ngag so so'i sdig sbyong ba/ /so so'i gnas su ni bsams te/ / so so'i sdig pa 'dus nas byung / /gsod pa khro ba'am gong sbyor bzhin/ /yang na lus kyi srog chags gzugs/ /ngag gi yig 'bru sems kyi 'od/ /gzugs su dbyung ste rgyud las 'byung / /yang na lha yi 'od zer gyis/ /ba spu'i bu ga kun khyab ste/ /rgyud kyi sdig pa bsregs par bsam/ / de 'og 'od zer dkar po'i rgyun/ /bdud rtsi lta bus lus khyab nas/ /gsos nas mchog tu gyur par bsam/ /yang na brgya rtsa rtsa ba'i sngags/ /bzlas pas gong bzhin sdig pa sbyong / /yi ge brgya pa'i dbang por bsgyur/ /brgya rtsa sngags 'bum bzlas pa dang //sum cha phyed phri rab nyams sbyong / /sum gnyis sum cha sum cha dang / /sum gnyis phri bas 'bring gsum sbyong / /de las phyed phyed phri bas ni/ /tha ma'i nyams pa rnam gsum spyod/ /sum brgya nyis brgya lnga bcu dang / /nyi shu rtsa gcig bzlas pas ni/ /yan lag che chung nyams pa sbyong //de 'og zhi ba'i sbyin sreg bya/ /nus pa yod na tshogs 'khor bya/ /de 'og bum pa rnams bsams te/ /gcig tu lha mo rnams bskyed de/ /gcig tu rdor 'dzin mi bskyod pa/ /bskyed nas byin brlab tshul bzhin bya/ /dang po lha mos khrus byas te/ /rdo rje 'dzin pas gnyis med bsam//mi bskyod bum pas dbang bskur bas/ /yang na gnyis kas dbang bskur bya/ /de 'og mchod nas 'od khrus bya/ /de 'og bkra shis tshigs bcad brjod/ /gong gi sbyor ba rdzogs pa kun/ /dam tshig nyams pa'i maN+Dal yin/ /de las gzhan du gcig kyang rung //rdzogs la brtan pa ma thob par/ /maN+Dal 'jog na mkha' 'gros gsod/ /rnal 'byor spyod lam ma zhugs par/ /gong ma'i maN+Dal de dag kun/ /yid kyis mdun du bsam byas nas/ /yid kyis dbul ba yid kyis yin/ /bdud rtsi rnam lnga'i dri zhim rdzas/ /bsku ba nang gi yin par 'dod//phyi ru phyi yi me tog yin/ /bla ma las brgyud maN+Dal sbyor ka 'di/ /blo zhan don du bdag gis cung zad bsdus/ /'khrul par gyur na mkhas rnams bzod par mdzod/ /'di byas dge bas gos sngon can thob shog /rnal 'byor dbang gis nyes par snang / / blun po legs par bshad pa dman/ /mthong rgya chung na yangs pa'ang dog /rgyud dang man ngag la brten nas/ /rnyed 'dod rnams kyis 'dod 'dod spyad du med/ /ma mthong dogs na skal rnams med par thal/ /slob dpon b+ha bas mdzad pa'i maN+Dal gyi sbyor ka rdzogs so// //