CLOSE WINDOW

D2178
བོད་ཡིག

/rnal 'byor can gyis brtson par bya/ /sbyin sreg gi sbyor ka slob dpon b+ha bas mdzad pa rdzogs so//[ ]@#/ /rgyas pa'i sbyin sreg bya ba ni/ /maN+Dal kha dog ser po la/ /khru do khru phyed khru gang du/ /bskor te gru bzhi'am zur brgyad du//byas nas sor gnyis sor bzhi can/ /dbus su rin chen 'bar bas mtshan/ /bar du me ri'i kha khyer steng / /rin chen rdo rjes bskor bar bri/ /ser po'i rgyan chas bgos nas ni/ /byang phyogs ngos su kha bltas la/ /bskyed pa'i rim pa'i tshul bsgoms nas/ /las kyi bum pa sbyang sogs bya'o//'bras bu 'o ma can gyi shing / /kha dog ser po dbus kyi cha/ /thab khung dbus su brtsegs par bya/ /khru gang khru phyed mdzub gang du/ /dri zhim spangs pa yam shing bya/ /las kyi bum pas bsangs nas ni/ /mchod rdzas ser po la sogs rnams/ /g.yon du mar sar zho la sogs//me sbar brtag cing thab khung sbyang / /thab bskyed me lha bskyed pa ni/ /sde tshan drug pa'i gsum pa dang / /gnyis pa lnga pa'i dang po ni/ /bskyed pa la ni bsngags par gsungs/ /me lha ser po zhal gcig ni/ /phyag bzhi zhabs gnyis dbang chen gdan//spyan drangs bstims te dbang bskur ro/ /mchod pa la sogs byas nas ni/ /de nas sreg rdzas rnams ni dbul/ /rtsa sngags nyid la mtha' bzhi ru/ /gzar bu rin chen rdo rjes bya'o/ /rgyas par bstan pa zhi dang mthun/ /man ngag nyis skor la sogs kyang / /zhi dang mthun te khyad par ni//'od zer sna bug zhugs nas ni/ /snying ga dag tu phyin nas ni/ /lus kun rtsa yi rlung rnams dang / /byang chub sems ni gsal zhing rgyas/ /yang na 'od zer lus kun la/ /khyab pas tshe dang bsod nams dang / /stobs rnams gang 'dod rgyas par 'gyur/ /tha ma dgang blugs bstod par bya//de ni 'bar ba'i rnam pa'am/ /thugs ka nyid du gos sngon can/ /bskyed nas spyan drangs bstim byas la/ /dbang bskur mchod pa la sogs bya/ /dgang blugs bstod nas bshags pa bya/ /ye shes gshegs nas ting 'dzin bsdu/ /yi ge bcu bdun mtha' bsgyur la//bdun nam nyi shu rtsa gcig tu/ /brgya rtsa brgyad du bzlas te bya/ /me lha rdzas rnams bsdus nas ni/ /cho ga la sogs gong bzhin bya/ /nyi shu rtsa gcig nas bzung nas/ /stong gi bar du tshun chad du/ /sbyor ba gnyis po gang byas kyang / /ji ltar 'dod pa rgyas par 'gyur/