35a4 thams cad byang chub thob par shog /tshogs kyi 'khor lo'i sbyor ka slob dpon b+ha bas mdzad pa rdzogs so// //lo tsA ba dge slong tshul khrims gzhon nus bsgyur cing gtan la phab pa'o/[ ]@##/ /rgya gar skad du/ ho tr-i bi d+hiH/ bod skad du/ sbyin sreg gi cho ga /
35a5 bcom ldan 'das rdo rje can la phyag 'tshal lo/ /sdig pa gzhil dang bsod nams 'phel/ /dgug dang dbang byed gsad pa'i sa/ /sgrub po rnams la phan btags phyir/ /bdag gis sbyin sreg bshad par bya/ /dang po bkra shis gnas dag tu/ /brtag sogs bsdus
35a6 rgyas rnam gsum bya//'bring ni rang nyid gos sngon gyi/ /ting 'dzin ldan pas bka' bsgo zhing / /shar du kha bltas 'byung po la/ /yid dang mthun pa'i gtor ma sbyin/ /yi ge nyi shu rtsa gnyis pa'am/ /hUM gis yang ni sbyang bar bya/ /rdo rje phyag rgya de bzhin shes/ /snying ga'i yi
35a7 ges skyon sbyangs shing //sngags dang phyag rgyas sbyang ba'o/ /de ni rgyas pa'i rtags sogs 'dod/ /'bring ni sngags dang phyag rgyas sbyangs/ /me tog tshom bu grangs mnyam pa/ /gzhung bzhin bris pa rdzogs par 'dod/ /tha ma mdzes pa'i snod dag la/ /yig 'bru
35b1 gsum gyis byin brlabs nas//ting 'dzin sbyang ba kho nar 'dod/ /sa skyon sbyang ba gsum shes bya/ /thab brtsigs rgyar ni khru gang la/ /zabs su khru phyed zlum pos bskor/ /sor bzhi gsum ni dor byas la/ /rdo rje dbus su brgyad pa'i tshad/ /thab
35b2 khung dkar po rgyab tu me ri'o//steng du rdo rje phyi rol 'od zer dkar/ /bud shing dkar po khru gang tshad/ /tsan+dan dkar po 'o mas spangs te bzhag /mchod sbyin shing ni mdzub gang tshad/ /'dab ma dang bcas rtse mo'i ngos/ /sngar bzhin spangs pas yam shing bya/
35b3 dkar gsum mngar gsum mar gyi 'og /'bras chan 'bru ni sna tshogs dang / /ku sha yon chab g.yas su gzhag /me tog la sogs bsang gtor dang / /zhal bsil rnams ni g.yon du gzhag /dgang gzar dang ni blugs gzar gnyis/ /mtshan nyid rgyas
35b4 par gzhan du bstan//yang na g.yas kyi sor mo bskum pa las/ /yi ge hUM gi 'od zer de yis ni/ /rdo rje can gyi 'od zer bkug pa yis/ /rdul ba shig ye shes gong bu las/ /rdo rje khro bo'i dgang gzar gyur/ /g.yon gyi mthe bos mthe chung mnan/ /gong bzhin
35b5 sbyangs nas blugs gzar gyur//de nyid rdo rje dril ni mdun/ /de nas dkar po'i rgyan cha bgo/ /yid dang mthun pa'i ku sha'i steng / /sems dpa'i skyil krung shar du blta/ /thab sogs tsan+dan chus gtor te/ /bud shing ma nor zlum por brtsig /de nas rtswa
35b6 ni ku sha la//oM a mr-i ta kuN+Da li sarba big+h+naM nA sha ya hUM phaT/ las kyi sngags kyis bsang gtor bya/ /bum sbyangs bskyed dgug bzlas pa yis/ /rtsa gcig bdun gyis 'od zer dgang / /thab kyi kho ra khor yug la/ /ku sha'i rtse mo phyi ru bstan/ /
35b7 de nas lha yi rnal 'byor ni/ /cho ga lnga'am cho ga gsum/ /skad cig bsdus rgyas shes par bya/ /thab la sogs pa'i man ngag kyang / /las kyi tshogs su shes par bya/ /de yang slob dpon man ngag gtso/ /bram ze'i khyim mam gtsub shing me/ /
36a1 rlung g.yab kyis sbar las kyis bsang / /sbyang zhing bskyed nas raM dkar pos/ /me lha dkar po drang srong zhi ba'i tshul/ /tshangs pa'i skud pa dkar por ldan/ /phyag na dbyug pa bgrang phreng dang / /gun+d+he skyabs sbyin bsnams pa'o/ /'od 'phros sngar bzhin
36a2 spyan drangs te//oM ba pa ka ag+na ye A gats+tsha ya A gats+tsha ya/ /ma ma shAn+tiM ku ru swA hA/ lcags kyu'i phyag rgya bcings te spyan drang ngo / /bgegs bskrad bstims te mchod pa dbul/ /rtsa sngags nyid la mchod sngags btags te dbul/ /oM ba pa ka ag+na ye/ che ge
36a3 mo shIn+taM ku ru swA hA/zhes sreg rdzas dbul bar bya'o/ /de yi man ngag 'od zer ni/ /sum skor du ni bya ba dang / /nyis skor du ni bya ba dang / /bdag nyid rab tu shes par bya/ /bzhi skor dag dang slob ma'o/ /'od zer dkar po 'phros pa las/ /thugs dang snying ga brgyud pa
36a4 dang //gsum nas ngag la brgyud pa dang / /dbu nas mgo la brgyud pa yi/ /lus ngag yid kyi sgrib pa sbyang / /rtsa ba gsum 'dus bskang bar bya/ /spyi bo'i gtsug nas brtsams nas ni/ /sdig dang srin bu zad pa'i phyir/ /dmar pos bsreg cing dkar pos bkru/ /sgo dgu
36a5 dag nas bsdu ba dang //thams cad kun nas bsdu ba dang / /snying gar bsdus nas dbyung ba dang / /til gyis gzugs brnyan byas nas ni/ /sdig pa'i gzugs la de gzhug bya/ /rdzas rnams bdud rtsis mchod pas ni/ /de nas sdig pa de bsreg bya/ /yang na rdzas la bstims te
36a6 bsreg /nad rnams zhi bar byed pa ni/ /nad kyi ming nas smos nas ni/ /gong ma de bzhin bsreg pa'am/ /nad kyi ming dang gzugs bris la/ /'od zer dmar pos bsregs nas ni/ /dkar pos sbyang zhing zhi bsams la/ /'byung ba'i dgra rnams de bzhin bsam/ /'byung
36a7 po kun dang dgra kun yang //'od zer bkye bas zhi bar bsam/ /gzugs dang ming bris zhi bar bya/ /sreg rdzas bdud rtsi 'od kyis mchod/ /mchod pas mnyes pas gong bzhin bskor/ /de lta min na 'og bzhin no/ /man ngag de la nan tan bya/ /mar dang dkar gsum
36b1 mngar gsum dang //yam shing dkar po zho can dang / /de la sogs pa'i thun rdzas rnams/ /rim pa bzhin du dbul bar bya/ /til ni med du mi rung ngo / /tha ma dgang blugs mthol bshags bya/ /bstod cing phrin las bcol bar bya/ /thugs ka nyid du pho brang bca'/ /skad cig
36b2 de gsal ye shes dgug /bstim la mchod pa rnam lnga bya/ /rtsa sngags mchod sngags btags te dbul/ /sreg rdzas kun kyang de bzhin bya/ /man ngag rim pa 'dir shes bya/ /slob dpon zhal nas shes par bya/ /bdun nam nyi shu rtsa gcig dag /brgya rtsa brgyad ni bsdus
36b3 rgyas pa'o//rtsa lnga lnga bcu brgya yis ni/ /ji ltar 'dod pa zhi bar 'gyur/ /sdig pa che bar gyur na ni/ /nyis 'gyur gsum ni brgyad brgya'o/ /shin tu che gyur stong gi bar/ /de yis sdig dang bsod nams ni/ /che chung rab 'bring shes par bya'o/ /de ltar byas na nges par
36b4 zhi//tha ma dgang blugs mthol bshags bya/ /bstod cing las bcol gshegs su gsol/ /ting 'dzin bsdus nas me lhag mas/ /mchod nas sreg rdzas gong bzhin dbul/ /dgang blugs la sogs rdzogs byas la/ /ting 'dzin bsdus te spyod lam bya/ /thun
gsum sbyor ka sbyin sreg la/