CLOSE WINDOW

D2173
བོད་ཡིག

@##/ /rgya gar skad du/ badzra karma saM g+ha kra mong+g+ha Ta pi d+hiH/ bod skad du/ rdo rje las kyi tshogs rim par phye ba'i cho ga /bcom ldan 'das rdo rje bsnams pa la dad cing gus pas phyag 'tshal lo/ /sems can la ni phan pa'i phyir/ /las kyi tshogs ni bdud rtsi mtshungs/ / rgyud rnams kun las btus nas ni/ /bdag gis sgrub pa'i don du bshad/ /las rnams thams cad ci byed kyang / /gtor ma'i las 'di grogs su 'gyur/ /de bas gtor ma sngon la bshad/ /gtor ma'i las rnams kun la yang / /ting 'dzin sngags dang phyag rgya dang / /tshigs bcad rdzas kyi nus pa'i mthus//de lnga tshogs na las rnams 'grub/ /de yang ting 'dzin rgyal po'i rgyal/ /bram ze sngags kyi nus mthu can/ /rje'u rigs phyag rgya nyid dang mthun/ /tshigs bcad tha mal spyod pa 'dra/ /rdzas ni kun gyi gzhi rten 'gyur/ /de yang spyi dang khyad par ro//spyi ni kun gyi nus mthu can/ /nus pa drag po 'byin pa yin/ /khyad par so so kun la yang / /nus pa che chung rim pa 'byung / /de yi rnal 'byor rim pa yang / /las dang po ni mos pa 'jog /dngos grub phra mo phrin las dbang / /ye shes phra mos phrin las rdzogs/ /ye shes can ni de nyid 'thob//yang dag pas ni bya ba rdzogs/ /rnal 'byor de lnga'i rim pas kyang / /gtor ma la sogs las rnams la/ /ting 'dzin la sogs 'jug thabs lnga/ /man ngag can gyis shes par bya/ /de bzhin las rnams kun la yang / /man ngag can gyis sbyar bar bya'o//gtor ma dbul ba'i rim pa yang / /mgron gyi lha ni gnyis su bya/ /'jig rten 'das dang 'jig rten pa/ /'jig rten 'das la gnyis yod de/ /bde gshegs sprul dang sa la gnas/ /de dag gnyis la'ang spyi dang ni/ /so so'i khyad par shes par bya/ /'jig rten pa la gnyis yod de//spyi dang so so'i khyad par ro/ /spyi ni khams gsum sems can kun/ /khyad par chos skyong srung ma rnams/ /de la khyad par so so la/ /dpag tu med pa yod mod kyang / /dgos pa bsdus pa bstan par bya/ /gtor ma'i rdzas rnams bstan pa ni/ /thun mong rdzas dang khyad par rdzas//thun mong drug cur sbyar zhes bya/ /khyad par bdud rtsi rnam lnga dang / /dkar gsum mngar gsum la sogs dang / /sha sna khrag la sogs pa dang / /mgrin gyi skabs dang sbyar bar bya/ /ting 'dzin bstan pa'i rim pa yang / /bdag nyid lhag pa'i lhar bskyed la//mtshan dang ldan pa'i snod mchog tu/ /nyi zla'i gdan bsam bdud rtsi bsam/ /sa bon las bskyed des su mtshan/ /de 'og me dang rlung ni bsam/ /de yi steng du rdo rje bsam/ /de yi steng du ri bong can/ /yi ge oM gyis mtshan pa yin/ /hUM bskyed pas ni rlung byung bas/ /me 'bar bdud rtsi dros par 'gyur//oM gyis ye shes bdud rtsi phab/ /rdo rjes dkrug cing 'bru gsum bzlas/ /dri med dag pa'i bdud rtsir gyur/ /de ni thun mong ting 'dzin yin/ /khyad par so so'i skabs su bstan/ /thun mong gi ni sngags bstan pa/ /oM bud+d+ha DA ki nI sarba bi laM ta kha kha khA hi/ oM badzra DA ki nI sarba ba liM ta kha kha khA hi/ oM rat+na DA ki nI sarba ba liM ta kha kha khA hi/ oM pad+ma DA ki nI sarba ba liM ta kha kha khA hi/ oM bi shwa DA ki nI sarba ba liM ta kha kha khA hi/ oM sarba DA ki nI sarba ba liM ta kha kha khA hi/ khyad par gyi sngags bstan pa ni/ oM badzra DA ki bya ba khyer tsi/ rU pa kA kA s+ya tsi la kA la rU pa/i maM ba liM gr-ih+naM tu sa ma yaM ra k+Sha n+tu ya thai Sh+Ta sarba sid+d+hi m+me pra yats+tshan+tu/ hUM hUM phaT swA hA/ tshigs bcad kyi ni rim pa yang / /spyi dang khyad par gnyis su bstan/ /spyi yi tshigs bcad bstan pa ni/ /mkha' dbyings rnam dag klong dkyil nas/ /smon lam thugs rje'i dbang gis na//mkha' 'gro mi bzad sku sprul nas/ /'jigs byed 'jigs pa'i sku 'chang ma/ /sku la bsgribs pa mi mnga' yang / /'gro ba sems can don slad du/ /bdud rtsi la sogs gsol mdzad ma/ /dgyes pa'i tshul gyis 'dir gshegs mchod pa bzhes/ /bud+d+hA mkha' 'gro dpal 'bar ba//smug nag 'bar ba'i ral pa can/ /stobs ldan drag shul sku 'chang ma/ /sku yi stobs ldan mthu chen las/ /sku yi lha mo'i sprul pa 'gyed/ /bud+d+hA mkha' 'gro 'khor bcas rnams/ /yang sprul smug mo 'bum gyis bskor/ /dgyes pa'i tshul gyis 'dir gshegs mchod pa bzhes//rdo rje mkha' 'gro dpal 'bar ma/ /mthing nag 'bar ba'i ral ba can/ /thugs mchog 'bar ba'i rigs ldan ma/ /mi 'gyur thugs kyi dpal be'u nas/ /thugs kyi lha mo sprul pa 'gyed/ /rdo rje mkha' 'gro 'khor bcas rnams/ /'khor du nag mo 'bum gyis bskor//dgyes pa'i tshul gyis 'dir gshegs mchod pa bzhes/ /rin chen mkha' 'gro dpal 'bar ma/ /ser nag 'bar ba'i ral pa can/ /yon tan rgyas pa'i rigs ldan ma/ /rin chen 'bar ba'i mdzod spu nas/ /rin chen rigs kyi sprul pa 'gyed/ /rin chen mkha' 'gro 'khor bcas rnams//'khor du ser mo 'bum gyis bskor/ /dgyes pa'i tshul gyis 'dir gshegs mchod pa bzhes/ /pad+ma mkha' 'gro dpal 'bar ma/ /dmar nag 'bar ba'i ral pa can/ /gsung mchog 'bar ba'i rigs ldan ma/ /dri med gsung gi bum pa nas//gsung gi lha mo'i sprul pa 'gyed/ /sgra rnams sgrogs pa'i mkha' 'gro ma/ /'khor du dmar mo 'bum gyis bskor/ /dgyes pa'i tshul gyis 'dir gshegs mchod pa bzhes/ /las kyi mkha' 'gro dpal 'bar ma/ /ljang nag 'bar ba'i ral pa can/ /las rnams mdzad pa'i rigs ldan ma//phyag zhabs pad+ma'i 'khor lo las/ /las kyi lha mo'i sprul pa 'gyed/ /drag shul las kyi mkha' 'gro ma/ /'khor du ljang nag 'bum gyis bskor/ /dgyes pa'i tshul gyis 'dir gshegs mchod pa bzhes/ /mkha' la 'gro ba'i mkha' 'gro ma/ /rdo rje nam mkhar 'gro ma rnams//sa la 'gro ba'i mkha' 'gro ma/ /rdo rje sa 'og 'gro ma dang / /bar snang 'gro ba'i mkha' 'gro ma/ /mkha' 'gro ma dang shugs 'gro ma/ /ma mo'i tshogs dang sring mo'i tshogs/ /nag mo dbang phyug tshogs rnams kun/ /dgyes pa'i tshul gyis 'dir gshegs mchod pa bzhes//gnod sbyin tshogs rnams ma lus dang / /zhes bya ba la sogs pa klog phreng nas 'byung ba'i rgyud bzhin du gtong ngo / /khyad par so so'i tshigs bcad ni/ /mkha' la spyod pa'i mkha' 'gro ma/ /bya rog gzugs can 'jigs pa'i gzugs/ /pad+ma la gnas khwa gdong ma//thod pa kha T+wAM ga yis brgyan/ /gri gug gcod mdzad thod khrag 'thung / /phyag bzhi de bzhin rol pa mdzad/ /zhal gyi nga ros bdud rnams brgyal/ /spyan gsum smin ma'i dkyus ldan ma/ /spyan gsum 'od kyis khams gsum gsal/ /rol pa'i 'dug stangs gar dang ldan//sgeg pa la sogs ro ldan pa/ /gar gyi spyod ldan mkha' 'gro ma/ /khro bo'i rgyal po stongs chen rnams/ /sbyor ldan tshul gyi 'khor gyis bskor/ /'khor bcas ma lus thams cad kyang / /dgyes pa'i tshul gyis 'dir gshegs mchod pa bzhes/ /mkha' 'gro chen mo sa spyod ma//khyi yi gdong can 'jigs pa'i gzugs/ /spyan mig glog 'gyu stong mdzad ma/ /zhal gdangs bas ni khams gsum rngub/ /phyag gi gar gyis dgyes par mdzad/ /sku yi sgeg pas rol par ldan/ /zhabs kyis 'byung po zil gyis gnon/ /drag po 'khor dang bcas pa rnams//dgyes pa'i tshul gyis 'dir gshegs mchod pa bzhes/ /sa 'og gnas pa'i mkha' 'gro ma/ /gau rI nag mo chen mo ni/ /nya yi gdong can 'jigs pa'i gzugs/ /spyan gsum 'od zer 'bar ba yis/ /khams gsum ma lus skrag par byed//zhal gyis sa 'og sems can gsol/ /phyag gi gri yis nyams rnams gtubs/ /zhabs rnams rol pas sa 'og gnon/ /gar gyi 'gying tshul la brtson pa/ /ha ha hi hi sgra sgrogs ma/ /drag po'i 'khor dang bcas pa rnams/ /dgyes pa'i tshul gyis 'dir gshegs mchod pa bzhes//phyogs skyong gnas pa'i mkha' 'gro ma/ /thod pa 'bar ba'i gzhal yas nas/ /rdo rje hUM bdag gtso bdag mdzad/ /sdigs mdzub rdo rje 'gying bag can/ /shin tu mi bzad 'jigs mdzad ma/ /spyan ni sngon po'i mdog dang ldan/ /'bar ba sngon por rab tu khyab//zhabs bskum tshul gnas ma mo gnon/ /de 'khor phyogs skyong mkha' 'gro ma/ /shar gyi phyogs kyi tshangs pa mo/ /zhal gcig spyan gsum gar la brtson/ /rngub dang skrag dang 'dzin pa'i las/ /phreng ba spyi blugs bsnams pa'i mkha' 'gro ma/ / dgyes pa'i tshul gyis 'dir gshegs mchod pa bzhes/ /lho na gnas pa'i khyab 'jug ma/ /zhal gcig spyan gsum gar la brtson/ /rngub dang skrag dang 'dzin pa'i las/ /'khor lo pad+ma bsnams pa'i mkha' 'gro ma/ /dgyes pa'i tshul gyis 'dir gshegs mchod pa bzhes//nub na gnas pa'i gzhon nu ma/ /zhal gcig spyan gsum gar la brtson/ /rngub dang skrag dang 'dzin pa'i las/ /rtse gsum phreng ba bsnams pa'i mkha' 'gro ma/ /dgyes pa'i tshul gyis 'dir gshegs mchod pa bzhes/ /byang na gnas pa'i gshin rje ma//zhal gcig spyan gsum gar la brtson/ /rngub dang skrag dang 'dzin pa'i las/ /dbyug pa mi mgo bsnams pa'i mkha' 'gro ma/ /dgyes pa'i tshul gyis 'dir gshegs mchod pa bzhes/ /me yi phyogs na gnas pa'i tsa mu N+DI/ /zhal gcig spyan gsum gar la brtson//rngub dang skrag dang 'dzin pa'i las/ /'khor lo seng ge bsnams pa'i mkha' 'gro ma/ /dgyes pa'i tshul gyis 'dir gshegs mchod pa bzhes/ /srin po'i phyogs na gnas pa'i tsa muN+DI/ /zhal gcig spyan gsum gar la brtson/ /rngub dang skrag dang 'dzin pa'i las//ral gri rgyal mtshan bsnams pa'i mkha' 'gro ma/ /dgyes pa'i tshul gyis 'dir gshegs mchod pa bzhes/ /dbang ldan mtshams na gnas pa'i dbang ldan ma/ /zhal gcig spyan gsum gar la brtson/ /rngub dang skrag dang 'dzin pa'i las/ /mdung thung thod pa bsnams pa'i mkha' 'gro ma//dgyes pa'i tshul gyis 'dir gshegs mchod pa bzhes/ /rlung gi phyogs na gnas pa'i rlung lha mo/ /zhal gcig spyan gsum gar la brtson/ /rngub dang skrag dang 'dzin pa'i las/ /gos dang thod pa bsnams pa'i mkha' 'gro ma/ /ma mo mkha' 'gro 'khor bcas rnams//dgyes pa'i tshul gyis 'dir gshegs mchod pa bzhes/ /mkha' 'gro chen mo thang spyod ma/ /khyu mchog rdo rje 'jigs pa'i gzugs/ /de yis thugs las sprul pa mo/ /mkha' 'gro drag mo mthu mo che/ /ro langs ma ni za la dga'/ / gtum mo 'jigs pa'i cha lugs can/ /seng ge chen mo mchod byed ma/ /stag mo chen mo 'khyug byed ma/ /'ug gdong chen mo mun pa 'joms/ /ce sbyang ma ni khrag tu za/ /mkha' 'gro chen mo 'khor bcas kyang / /dgyes pa'i tshul gyis 'dir gshegs mchod pa bzhes/ / mkha' 'gro chen mo gzhon nu ma/ /sku mdog ser mo 'od zer 'bar/ /'od zer phreng ba stong phrag 'phro/ /mdzes pa'i rgyan rnams kun gyis brgyan/ /rnam snang mdzad kyi dbu rgyan can/ /mya ngan med pa'i me tog phreng / /dbu la mdzes pa'i rgyan du byas/ /zhal gsum phyag drug mthu mo che//sgeg cing rol dang bcas pa mo/ /gzhon nu chen mo 'khor bcas kyang / /dgyes pa'i tshul gyis 'dir gshegs mchod pa bzhes/ /mkha' 'gro chen mo lhag sdud ma/ /dur khrod brgyad kyi dbus gnas pa/ /bcom ldan 'khor ba sgrol ba'i mchog /dar bab lo yi na tshod gnas//ljang bu'i mdog can 'gying bag can/ /gru gsum nang gi phyogs dag na/ /ye shes can dang mkha' 'gro ma/ /skyon ma gos pa'i gos dkar mo/ /nyon mongs 'khru byed mA ma kI/ /'bar ba'i phreng bas khyab cing drag /mkha' 'gro chen mo khyed bzhi yang / / lhag sdud rnams kyi gtso mor grags/ /mkha' 'gro chen mo lhag sdud rnams/ /dur khrod brgyad kyi phyogs dag na/ /kha T+wAM ga dang mgo la sogs/ /thod pa rnams kyis yongs su brgyan/ /shing gcig dang ni ldan pa nyid/ /khra dang khyi dang spyang ki dang / /seng ge stag dang byi la dang //bya rgod la sogs 'khor gyis bskong / /dpa' bo rnal 'byor ma tshogs kyis/ /mnyes par spras pa'i gzugs 'dzin ma/ /mkha' 'gro chen mo keng rus ma/ /drag po gri gug snod thogs pa/ /gri gug gcod pa'i las mdzod cig /thod pa'i khrag ni 'thung bar byed/ / skra bshig pa la spyan gsum pa/ /yi dwags zhal du rngub par byed/ /drag po mi bzad gsus pa 'phyang / /thod pa 'bar ba'i rgyan dang ldan/ /rgyu ma'i phreng bas nges par brgyan/ /stag gi pags pa'i sham thabs can/ /mi yi rus pa'i phreng ldan pa'i/ /ska rags khrag gi thig le can//yi dwags klad pa tshil dang zhag /lus la byug pa la dgyes pa/ /lag 'gro chen mo'i rna cha can/ /brang 'gro'i rkang gdub 'jigs rung ba/ /kha dog dkar po 'bar ba'i tshogs/ /gzi brjid thub pa dag pa yis/ /shin tu mi bzad khros bas ni//gnod sbyin la sogs sdigs par byed/ /ha ha chen po'i sgra sgrogs pa/ /mkha' 'gro chen mo dud sol gdong / /de 'dra'i mkha' 'gro dpag med dang / /sha za la sogs 'khor gyis bskor/ /'khor bcas ma lus thams cad kyis/ /'dir gshegs lhag ma'i gtor ma bzhes//lhag ma'i gtor ma 'di bzhes la/ /las rnams ma lus myur du mdzod/ /khyed kyis las rnams mdzad tshul ni/ /rgyal ba shAka thub bstan pa la/ /gnas pa'i rnal 'byor bsrung ba dang / /bstan pa gnyen po bsrung ba dang / /nad rnams ma lus bzlog pa dang //de la sogs pa'i las rnams kun/ /myur du mdzad cing srung du gsol/ /gzhan yang bcol ba'i las rnams ni/ /rdo rje slob dpon smod pa dang / /sangs rgyas bstan pa bshig pa dang / /rgyal khams yongs su smod pa dang / /dge 'dun 'du ba'i sgo 'phrog dang / / gsang sngags theg chen smod pa dang / /rnal 'byor spyi yi dgar gyur rnams/ /mkha' 'gro khyed kyis myur du sgrol/ /sha za mo ni 'jigs pa'i gzugs/ /dur khrod gnas pa'i shing gcig la/ /rtse mor gnas bcas kun du blta/ /gcer bu skra bshig sha za ma/ /rtag tu sha ni za bar byed//sha za 'khor dang bcas pa rnams/ /'dir gshegs mchod pa dam pa bzhes/ /mkha' lding rgyal po gser mig can/ /gdong gcig pa la lag bzhi pa/ /kha dog dkar po'i 'od chen ldan/ /gser gyi gshog pa'i dbu rgyan can/ /nor bu bai DUr+ya yi mchu/ / rkang gzer byi ru las byung ba/ /shel ltar dkar ba'i mdog dang ldan/ /skye ba'i gnas su bdud rtsis bkang / /phyag gis bum 'dzin phyag 'tshal bstod/ /'od zer dmar po'i tshogs kyis ni/ /mkha' lding dbang phyug 'khor bcas spros/ /gshog zur brgyab pas rgya mtsho skems//klu rnams ma lus zas su za/ /mkha' lding rgyal po 'khor bcas rnams/ /'dir gshegs mchod pa dam pa bzhes/ /klu yi rgyal po gzi brjid can/ /klu chen brgyad du skus sprul pa/ /klu chen rgyal po nor rgyas bu/ /sku mdog dkar po skyon mgos/ / shar phyogs klu rnams 'dul mdzad pa/ /sbrul mgo can la phyag 'tshal bstod/ /klu yi rgyal po 'jog po ni/ /sku mdog ser po sbrul mgo can/ /byang phyogs klu rnams 'dul mdzad pa/ /sbrul zhags bsnams la phyag 'tshal bstod/ /klu chen rgyal po stobs kyi rgyu/ /sku mdog dmar po sbrul mgo can//nub phyogs klu rnams 'dul mdzad pa/ /mthu chen khyod la phyag 'tshal bstod/ /klu chen rgyal po pad+ma'i rgyal/ /sku mdog sngon po sbrul mgo can/ /lho phyogs klu rnams 'dul mdzad pa/ /yon tan rgyal la phyag 'tshal bstod/ /klu chen rgyal po pad+ma che//sku mdog dkar ser sbrul mgo can/ /dbang ldan klu rnams 'dul mdzad pa/ /skyon ma gos la phyag 'tshal bstod/ /klu chen rgyal po dud skyong ni/ /sku mdog dkar sngo sbrul mgo can/ /shar lho'i klu rnams 'dul mdzad pa/ /dug rnams 'joms la phyag 'tshal bstod/ / klu chen rgyal po rigs ldan ni/ /sku mdog sngon dmar sbrul mgo can/ /lho nub klu rnams 'dul mdzad pa/ /stobs po che la phyag 'tshal bstod/ /klu chen rgyal po pad+ma 'khyil/ /sku mdog dmar ser sbrul mgo can/ /nub byang klu rnams 'dul mdzad pa/ /nad rnams sel la phyag 'tshal bstod//oM mtha' yas dang ni nor rgyas bu/ /'jog po dang ni stobs kyi rgyu/ /pad+ma pad+ma chen po dang / /dung skyong dang ni rigs ldan dang / /lha mo lha mo chen mo dang / /zla ba spyi gtsug spyi gtsug che/ /be con 'dzin dang be con che/ /snying bo med dang gu la ti/ /dga' bo dang ni nyer dga' dang //rgya mtsho dang ni rgya mtsho che/ /gdung ba dang ni gdung chen mo/ /dpal gyi 'od dang 'od po che/ /rin chen 'od dang gzugs bzang dang / /gzugs chen sbrul bzangs lto 'phye che/ /smig rgyu dang ni smig rgyu che/ /klu chen brgyad po 'khor bcas rnams/ /'dir gshegs mchod sbyin gtor ma bzhes//dpal ldan mgon po nag po che/ /sku mdog mthing nag zhal gcig pa/ /g.yon brkyang g.yas bskum 'byung po 'dul/ /mthu stobs can la phyag 'tshal lo/ /nam mkha'i gos can mthu bo che/ /stag gi pags pa'i sham thabs can//sbrul dang thod pa'i phreng bar ldan/ /mthu chen thob la phyag 'tshal bstod/ /mche ba gtsigs pa mi bzad pa/ /thod pa'i phreng ba bkod pa yis/ /mgrin pa rkang pa rnam brgyan pa/ /mi bzang thod phreng can la bstod/ /smin ma kham pa'i smin 'khyug can/ /spyan gsum gyis ni rnam par spras//khams gsum la ni gzigs pa'i rtags/ /sku gsung thugs ldan khyod la bstod/ /dang po spyan ni nag po mtshungs/ /g.yas pa sngon por snang ba ste/ /g.yon pa dmar por shin tu mdzes/ /gsal bar mkhyen la phyag 'tshal bstod/ /ye shes spyan ni gsum po yang //mi 'gyur phrin las chags pa'i rtags/ /nyi ma khri dang mtshungs pa'i 'od/ /'od ldan khyod la phyag 'tshal bstod/ /pha rol phyin bcu'i mthu ldan pa'i/ /phyogs bcu'i 'gro ba'i don mdzad pa'i/ /shes rab ral gri rnon po yis/ /nyon mongs gcod mdzad khyod phyag 'tshal//thugs rjes 'bar ba'i tho ba yis/ /dgra bgegs thal bar rlog mdzad pa/ /rtse gsum 'bar ba'i 'od zer gyis/ /dug gsum rtsad gcod khyod phyag 'tshal/ /rgyud sbreng la ni brtson gyur pa/ /mkha' 'gro rnams ni bskul ba'i rtags/ /g.yas kyi thabs kyi phyag rnams ni//las rnams mdzad pa khyod phyag 'tshal/ /g.yon gyi thod pas khrag bkang ba/ /dgra bgegs zhal du rngub mdzad pa/ /kha T+wAM rtse gsum bsnams pa ni/ /nyon mongs gdung ba sel mdzad pa/ /gar gyi thabs kyi phyag rgya ni/ /las la skul mdzad khyod phyag 'tshal/ /mi yi pags pa khrag 'dzag pa//steng gi phyag ni gnyis na bsnams/ /drag po'i las la rol pa'i rtags/ /drag po'i las mdzad khyod phyag 'tshal/ /de yi bka' stod pho nya mo/ /mkha' 'gro chen mo mi sdug gdong / /khyod kyis drag po'i las mdzod cig /drag po'i las mdzad khyod phyag 'tshal//seng gdong chen mo rtsal mo che/ /'byung po thams cad 'jigs mdzad ma/ /'byung po bsgral ba'i las mdzod cig /sgrol mdzad khyod la phyag 'tshal bstod/ /mkha' 'gro chen mo glang po'i gdong / /khyod kyi stobs kyis bdud rnams 'dul/ /bdud rnams ma lus khyod kyis 'dul//bdud 'dul chen mo khyod phyag 'tshal/ /mkha' 'gro chen mo dred mo'i gdong / /rdo rje'i brag kyang 'gas par byed/ /brag 'gas chen mo mthu rtsal can/ /mthu rtsal can la phyag 'tshal bstod/ /mkha' 'gro chen mo sbrul gyi gdong / /gsod byed gsod byed mthu mo che//sman dang dug gi sbyor mkhan ma/ /sbyor mkhan ma la phyag 'tshal bstod/ /mkha' 'gro chen mo byi la'i gdong / /mgyogs byed rtsal dang ldan pa mo/ /gang la bya ba'i don grub ma/ /don grub ma la phyag 'tshal bstod/ /mkha' 'gro chen mo khyi yi gdong / / gtsang sme med par za ba'i mchog /sha khrag dus gsum gsol mdzad ma/ /gsol mdzad ma la phyag 'tshal bstod/ /mkha' 'gro chen mo stag gi gdong / /dpal brtul chen mo mthu mo che/ /gsod la dga' ba'i mkha' 'gro ma/ /gsod bdag chen mo khyod phyag 'tshal/ / mkha' 'gro chen mo khyod rnams kyang / /'khor du yang sprul 'bum gyis bskor/ /ha ha zhes pa'i sgra sgrogs shing / /rmongs pa rnams ni skrag byed cing / /thod pa'i nang du blugs pa'i khrag /'thung bar byed pa'i mkha' 'gro ma/ /skad cig yud la sgrol bar byed/ /'khor bcas khyed la phyag 'tshal bstod//dpal ldan mgon po nag po la/ /mchod pa dam pa 'bul ba ni/ /me tog spos dang mar me dang / /dri la sogs pa 'bul gyis bzhes/ /mthun pa'i gtor ma 'bul ba ni/ /thug pa nag po'i 'o thug dang / /sbyar ba la sogs mi bzad dbul/ / bstan pa bsrung ba'i las mdzod cig /rlon pa dang ni btsos pa dang / /bsregs pa'i sha yi bye brag rnams/ /mi bzad dbul gyis bzhes su gsol/ /bstan pa bsrung ba'i las mdzod cig /zhag dang klad pa'i tshil rnams dang / /khrag dang glo ba la sogs pa/ /nya la sogs pa mi bzad dbul//bstan pa bsrung ba'i las mdzod cig /rgun chang dang ni sbyar ba'i chang / /'bru yi chang la sogs pa dang / /'breng bu'i chun po mi bzad dbul/ /sgog pa'i bye brag bdun rnams dang / /snam khur 'bru la sogs pa dang / /zangs lcags la sogs mi bzad dbul//bstan pa bsrung ba'i las mdzod cig /gzhan yang mkha' 'gro chen mo rnams/ /sbyang gdong ma dang seng gdong ma/ /glang po'i gdong dang byi la'i gdong / /khyi gdong ma dang stag gdong ma/ /mkha' 'gro chen mo 'khor bcas la/ /sha khrag gtor ma mi bzad dbul//mchod pa dam pa 'di bzhes la/ /khyed la bcol ba'i phrin las ni/ /rdo rje slob dpon smod pa dang / /sangs rgyas bstan pa bshig pa dang / /rgyal khams yongs la gnod pa dang / /dge 'dun 'du ba'i sgo 'phrog dang / /theg chen chos la smod pa dang / /rnal 'byor spyi yi dgrar gyur rnams//ma thogs myur du bsgral du gsol/ /phyi nang tshul du sku sprul pa'i/ /rgyal po chen po bzhi rnams ni/ /so so'i phyogs kyi 'khor skyong ba/ /drag po'i las mdzad rgyal po bzhi/ /yul 'khor skyong gi rigs rnams kun/ /chang spangs pa yi gtor ma long / / rgyal po chen po rnam thos sras/ /gnod sbyin stong la mnga' mdzad pa/ /khyed kyi mthun pa'i dam rdzas ni/ /sha chang la sogs gtor ma long / /rgyal po chen po 'phags skyes po/ /grul bum stong la mnga' mdzad pa'i/ /shin tu khrag la dgyes pa'o/ /khrag gis bkang ba'i gtor ma long //rgyal po chen po spyan mi bzang / /klu rnams stong la mnga' mdzad pa/ /'o ma dag la shin tu dgyes/ /'o mas bkang ba'i gtor ma long / /rgyal po chen po 'khor bcas kyang / /'dir gshegs mchod sbyin gtor ma bzhes/ /dri za'i rgyal po zur phud can/ /spos ngad ldan pa'i rtse la gnas//dri rnams zhim pas lus la byugs/ /me tog phreng bas lus ni brgyan/ /dri za'i bu mo lus la 'khril/ /sa 'dzin la sogs glu yi ni/ /bye brag bdun gyi sgra rnams sgrogs/ /zas su dri rnams za bar byed/ /dri za 'khor dang bcas pa rnams/ /'dir gshegs tshul bzhin gtor ma bzhes//sha za'i rgyal po mthu bo che/ /shin tu 'jigs pa'i nga ro sgrogs/ /zhal gdangs pas ni sha rnams gsol/ /sha za 'khor dang bcas pa rnams/ /'dir gshegs tshul bzhin gtor ma bzhes/ /rnal 'byor chen mo 'phrog ma'i gdong / / mche ba gtsigs pa 'jigs su rung / /kha nas lce 'dril mthu mo che/ /gar gyi tshul du mchod mdzad ma/ /gnod sbyin 'phrog ma 'khor bcas rnams/ /'dir gshegs mchod pa dam pa bzhes/ /lha dang lha min rgyal po ni/ /rgyu ba dang ni cher rgyu ba/ /yi dags rgyu ba nyi ma zla/ /dngos grub gdong dang rgyal po dang //rta yi rgyal po zla ba'i rgyal/ /lha mo klu mo 'ga' 'ga' dang / /gzugs mdzes skar ma 'dus pa dang / /gza' rnams kun dang tshogs kyi gtso/ /karti ka dang dpal ldan ma/ /lha mo ri bong 'dzin pa nyid/ /lhag ma dang ni lhag ma che/ /lha yi rgyal po lha min rgyal//puk+ka sI dang sbom chen mo/ /lha dang lha min rgyal po che/ /'khor bcas ma lus thams cad kyang / /'dir gshegs mchod pa dam pa bzhes/ /gnod sbyin rgyal po chen po ni/ /nor bu bzang dang gang ba bzang / /rgyal ba bzang po dga' byed phur/ /phur bu che dang pad+ma'i gtsug /thung gi gtsug phud gar dang ni/ /gar chen 'bigs par byed pa dang / /gcod par byed dang gang bar byed/ /nor dang nor min shin tu nor/ /gzugs bzang rol pa rol chen po/ /dgong dang rtse ldan rnam par spyod/ /dpal bzangs dang ni gzugs mdzes rnams/ /bde ba chen po'i bka' 'di yis//gnod sbyin gnod sbyin ma 'dir shog /gnod sbyin 'khor bcas ma lus kyang / /'dir gshegs mchod sbyin gtor ma long / /mkha' 'gro nag mo chen mo ni/ /oM shing gcig dang ni dur khrod dang / /ri bo dang ri ri sul phug /grong dang bzhi mdo zhing dang ni//khyad par du ni khang stong dang / /sems can gnod dang thang dang ni/ /khyad par du ni chu la gnas/ /nag po chen po drag chen po/ /lha sbyin mnyam du ston pa dang / /nag po gtsigs dang 'jigs byed dang / /dga' las 'das dang log 'dren rnams/ /rgan byed mo dang drag mo dang //'jigs byed mo dang u ma dang / /rgyal dang rnam par rgyal ba dang / /mi thub gzhan gyis mi thub ma/ /nag mo bzang mo nag mo che/ /nag mo sbom dang rnal 'byor ma/ /dbang mo dang ni zla ba che/ /drag tu sdang dang 'chang ba mo/ /'phrog byed ma dang mar me ma//'jigs byed grong gnas rnal 'byor ma/ /drag mo'i gzugs dang gzugs chen mo/ /mche ba gtsigs dang thod chen ma/ /thod phreng phreng can kha T+wAM ga /sbrul chen ral gri dgra sta can/ /rdo rje de bzhin gzhu can ma/ /de nyid chen mo mkha' 'gro ma/ /lus kun rjes su grub byed ma//sbyor ba'i dkyil 'khor rgya chen mo/ /de bzhin rdo rje dbang phyug gtso/ /de bzhin gshegs pa'i sku chen te/ /rdul med rnal 'byor 'byin pa mo/ /rdo rje dbang po'i bka' 'di yis/ /thams cad kun nas 'dir spyon cig /mkha' 'gro nag mo 'jigs pa'i gdong //nag mo chen mo'i tshogs kyis bskor/ /dur khrod kun du rgyug mdzad ma/ /dpag tshad brgyad khri bzhi stong nas/ /skad cig yud la phyin mdzad ma/ /khrag gi dri snom mthu mo che/ /'khor bcas 'dir gshegs gtor ma long / /khyed la bcol ba'i phrin las ni/ / rdo rje slob dpon smod pa dang / /sangs rgyas bstan pa 'jig pa dang / /rgyal khams yongs su gnod pa dang / /dge 'dun 'du ba'i sgo 'phrog dang / /gsang sngags theg chen smod pa dang / /rnal 'byor spyi yi dgrar gyur rnams/ /ma thogs myur du bsgral du gsol/ /rnal 'byor lcam dral bsrung ba dang //rims nad yams nad bcad pa dang / /mi mthun rkyen dbang bzlog tu gsol/ /de nas gsang sngags bstan bya ste/ /sngags rnams nus pa'i mthu yis ni/ /dug rnams 'joms shing thams cad sbyang / /sngags rnams so so'i tshigs bcad dang / / sbyar ba ru ni shes par bya/ /yang na sngags rnams phyogs gcig gtang / /tshigs bcad kyang ni phyogs gcig gtang / /de ni man ngag skabs shes bya'o/ /skabs rnams de ni ma shes na/ /nus pa'i mthu ni nyams par 'gyur/ /yang na tshigs bcad gcig pus kyang / / gang yin don rnams 'grub par 'gyur/ /rdo rje'i tshigs bcad don ldan ni/ /sngags dang 'dra ba nyid du gsungs/ /rdo rje tshig gi khyad par gyi/ /sngags kyi lha yi yon tan gyi/ /don rnams kun ni brjod pas su/ /don dam kun rdzob las mi 'da'/ /don dam kun rdzob brjod tshig tu//sngags mtshon byed pa'i rdo rje'i tshig /de la sngags zhes bya ba yin/ /oM na maHshrI badzra DA ki ya/ /oM ka kA s+ye hUM hUM phaT/ oM a yan twa yan+du DA ki bya shan rbag tra ma ho/ /bra b+hi ma wa/ i sha i maM ba liM/ b+huny+dza dzig+h+ra pi pa gr-i h+na ta/ At+ma kaM puSh+TiM ku ru/ sa ma ya ma nu sma ra a hUM phaT swA hA/oM shwa na se b+hU tsa ri ye i maM ba liM/ gr-ih+na gr-i h+na/ hUM hUM phaT/ oM e h+ye hi ma hA pA la bir+ya bar gra ma yo dza na sa hA sra pra laM barba pu shaM/ ti li ti mi gi li ma hA ti mid+hi la bri b+hi ta yo ma hA mi na a d+hI pa ti ya a san+ni hi to b+ha ban+tu/ ma ma a ba ma be ta wa sid+d+hi ma bi ta ra na tu swA hA/oM a A i I u U r-i r-I l-i l-I e ai o au o au aM aHswA hA/ oM na mo b+ha ga ba te badzra hUM ka ra/ hriM Sh+TaM sarba b+hU ta ni stam+b+ha swA hA/ oM bra h+mai hraM hUM hUM phaT/ oM ba sha bi hUM phaT/ oM kau mA rI ya hri hUM phaT/ oM ya me hri hUM phaT/ oM ko bI rI ye hUM phaT/ oM tsa mu N+DI ye hri ye hUM phaT/oM ai shA n+yai hri hUM phaT/ oM ma b+hai hriM hUM phaT/ oM a A aM a a kA ro mu khaM sarba d+ha rmA NAM Ad+ya nut+pan+na twAd+mA oM AHhUM phaT swA hA/ oM tA re tut+tA re AHhUM phaT swA hA/ oM mA rI ts+yai ba ra li ba dA li bA ra hA mu khi sarba duSh+Ta naM mu khaM/ ban+d+ha ban+d+ha hUM hUM phaT/ i maM ba liM pra tIts+tsha sa ma ya ma nu sma ra hUM phaT swA hA/oM ma hA kA la a ya hi a A hi/ ma hA bi ha ra pa la na barba DA ki nI ya k+Sha rA k+Sha sa pa ri ba ro/ /ad tra san+ni hi to b+ha ba swA hA/ oM a da sha di ka tri A r+ya saM bya bya ba tiSh+Tha ta/ sarba da sha di ka lo ka d+hA tu ba ra ma n+ya pa ran tad pa ra ting / sarba tig lo ka pa ya/ma hA kA la badzra A yu d+ha mA ya badzra/ badzra na ma/ badzra ga la/ badzra mu sa la/ nA ga badzra/ badzra a ni la/ badzra sho na DA/ badzra kro d+ha/ badzra bra la/ badzra kan+d+ha li/ mon badzra/ me ma tsi tra/ pr-i thi bi bad+h+yai ba hA/ sarba i t+yu ba sa ra ga u pa shan+te ye/ sarba gan+d+ha pu Sh+pa d+hU pa/ dI ba/ nai bi d+ye/ sarba pa ta a laM kA ra d+ha ni sh+na pra tI ts+tsha u pa du dza/ sarba du Sh+Ta nAM/ kA ya bA ka tsit+taM/ staM b+ha ya staM b+ha ya/ ma ma sarba a shaM pa ri pu ra/ ya thA ya bA/ hA sAM sa raM ma ma sarba sa sa taM naM tsa/ sat+su kha sid+d+hi ye swA hA/ A kA b+hA ban+du hUM hUM phaT swA hA/ oM badzra DA ki sa ma ya ma nu pA la ya/ badzra DA ki twe no pa tiSh+Tha dr-i D+ho me b+ha ba/su to Sh+yo me b+ha ba/ a nu ra k+to me b+ha ba/ supoSh+yo me b+ha ba/ sarba sid+d+hi m+me pra yats+tsha/ sarba karma su tsa me/ tsit+taM shre yaHku ru hUM/ ha ha ha ha hoH/ b+ha ga wA na/ sarba ta thA ga ta DA ki ma me muny+tsa/ DA ki b+ha ba ma hA sa ma ya sa twa aHmuHoM dri ta raSh+Ta ya ga ga na d+ha wa se nA d+hi pa ta ye mi maM ba liM pra tI ts+tsha sa ma ya ma nu sma ra ya hUM hUM phaT swA hA oM bai sha ra ma Na ya yak+Sha se nA d+hi pa ta ye i maM ba liM pra tI ts+tsha sa ma ye ma nu sma ra aHhUM hUM phaT swA hA/oM bI ru DA ka ya ma hA kum+b+ha d+hA d+hi pa ta ye/ i maM ba liM pra tI ts+tsha sa ma ya ma nu sma ra AHhUM hUM phaT swA hA/ oM bi ru pa k+Sha ma hA nA gA d+hi pa ta ye i maM ba liM bra tI ts+tsha/ sa ma ya ma nu sma ra aHhUM hUM phaT swA hA/ oM gan d+ha rba a d+hi pa ta ye bi tsa tra/ a gan+d+ha yo/ ma ma kar+ya sa ta ye/ i ha yan+tu/ b+ha ga bAM badzra d+ha ra sha sa ne tiSh+Tha n+tu/ a tra san+ni hi to b+ha baN swA hA/ oM swa b+hA wa shud+d+ha rmAHswa b+hA wa shud+d+hou0f85haM/ oM a kA ro mu khaM sarba d+ha rmA NAM aM d+ya nu t+pan+na twA ta oM AHhUM phaT swA hA/oM a ral+li ho dzaHhUM baM hoH/ badzra DA ki n+ya sa ma ya s+t+waM dr-i sh+ya ho/ /oM bi tsi pi tsi sma shan rba si b+h+yo/ /ma hA pi shA tsa b+h+ya/ i maM ba liM gr-i h+na ta b+hu ny+dza tha pi pa tha/ ma me Sh+Ta sid+d+hi m+me pra yats+tsha n+tu swA hA/ oM d+hi pa k+Shi rA dza ya/ A gats+tsha A gats+tsha sarba duSh+TAM naM mu khaM b+han+d+ha ku ru ma hA kA la ku ta bi sha pa hi ri shrI gra sa ma ye tiSh+Tha/stuM stuM stuM sa sa sa hUM hUM hUM phaT phaT phaT swA hA/ oM sarba ta thA ga ta nai bi t+ye sa ma ya sa mu dra/ s+pha ra Na shri ye hUM oM na mo b+ha ga ba te A r+ya ba ra ma a shrA ya ta thA ga tA ya/ ar+ha te samya k+saM bud+d+hA ya oM tA t+tA re ru re swA hA/ oM gr-i h+Na gr-i h+Na puSh+pa d+hU pa pa liM i maM sarba u pa tsa ra sam+ba n+na ma/kha gA d+hi ba te kha kha khA hi sa ma ya ma nu sma ra aHhUM phaT swA hA/ oM e dza h+ya dza hi sh+ma shA na wa se ni ma ma sa pa ri bA ra rak+Sha ku ru i ha san+ni hi to b+ha ba swa ba swA hA/ oM ku ru wa da tra li/ sid+d+hi mu khi sh+ma sha na kha si ni/ /pre ta wa ta ni tsaN+Di ka ra li/ /ru d+hi ra pri ye/ sam ya rak+Sha ti/ go gad tsi/ /ki li ki li/ /ra be badzra pri ti wa na mi d+ha b+hu ny+dza ti/ b+ha ga ni gu h+ya na du te/ d+hu maM ga ri/ caN+Da kA ra li/ tiSh+Tha tiSh+Tha/ i maM u ts+tsha Sh+Tha/ ba liM gri h+na sarba du Sh+Ta b+ha k+Sha ya/ hUM phruM phaT swA hA/ oM ba le pa ta le ma hA pa ta le hUM hUM dz+ha swA hA/ hUM hUM ho ho A ka R+Sha ya/ A ka R+Sha ya/ sa ma ya ad+hi ba te hUM phaT swA hA/oM A gats+tsha A gats+tsha ma hA nA ga ad+hi pa te sarba b+hu r+b+hu ba hUM phaT swA hA/ hUM a brda ra a brda ra/ oM pa ta le ba ta le b+ha k+Sha pri ya/ a ki ni ma d+he hUM hUM swa hA/ oM d+ha na a d+hi pa ta ye pa ta la bruM swA hA/ oM ka ka kan+d+ha ba ba ban+d+ha na/ kha kha khan+d+ha na/ sarba du Sh+TAM naM/ ha na ha na/ ga ga ga ta ya/ a mu ka s+ya/ shAn+tiM ku ru hUM hUM phaT dza swA hA/ oM tiSh+Tha hUM bak+Sha bak+Sha dz+dza dz+dza swA hA// //de ltar sngags rnams bstan nas ni/ /khyad par byin rlabs bstan pa ni/ /de nas blo dang ldan pa yis/ /gal te sbyor ba gzhan dang bcas/ /tshon chen gyis ni gos dag gam/ / dar la sogs pa gon nas ni/ /rdo rje dril bu de bzhin du/ /rgyan rnams kun gyis mdzes par brgyan/ /shar la sogs pa'i phyogs rnams su/ /las kyi skabs dang bstun te blta/ /'dug stangs la sogs de bzhin sbyar/ /bskyed pa'i rim pa tshul bzhin bsgom/ /myur bar 'dod na rdzus skyes tshul//mchod bya sprul dang spyan drang ba/ /gang 'dod pa ni bya ba yin/ /gnyis kas bya bar 'dod pa'ang yod/ /thun mong byin rlabs gong bzhin no/ /khyad par byin rlabs bstan pa ni/ /zla ba oM ni bsams nas su/ /'od zer stobs kyis rnam rtog sbyong / /nyi mar a ni bsams nas kyang //dri ma med par bsam par blta/ /gnyis ka'i hUM gis 'od du 'bar/ /has su bdud rtsi zhu bar bsam/ /yi ge raM gyis mtshan ma bsregs/ /yaM gis bdud rtsi dri med 'gyur/ /oM gyis gang 'dod don rnams 'grub/ /hUM gis sbyangs nas AHsa su 'bar/ / oM gyis rtogs par bya ba yin/ /has su gzugs bcom hrIHyig ni/ /rol sogs pa bcom pa yin/ /hos su bdud rtsi 'bar bar bsam/ /yang na/ hrIHsa su ro dang hos su dri/ /bdud rtsi'i rang bzhin nyid du blta/ /ri rab rdo rjes dkrugs nas kyang / /ye shes bdud rtsi bstim pa'am//hUM ni gcig pus sbyang zhing bsreg /ye shes kyang ni nges su dbab/ /so so rtsa ba'i sngags kyis ni/ /lan gsum lan bdun brjod pas su/ /sbyang zhing byin gyis brlab pa dang / /sngags rnams so so'i nus mthu ni/ /rgyud rnams so sor dag nas ni//'byung ba dag gis brlab pa'am/ /sngags ni gong ma len zhes bya/ /so so lha yi yig 'brus kyang / /lan gsum lan bdun sbyang ba yin/ /de ltar byin rlabs man ngag rnams/ /'jig rten 'das dang 'jig rten pa'i/ /byin rlabs man ngag skabs dang sbyar//byin gyis brlabs pa'i las rnams so/ /phyag rgya bcings pa'i sbyor ba ni/ /thun mong phyag rgya thams cad ni/ /rdo rje thal mo'i tshul du ni/ /bcangs nas kha ni dbye ba dang / /rdo rje se gol gtogs la'o/ /lag pa g.yon pa'i gung mo bsgreng / /mthe chung mthe bos so sor bkug /mdzub mo srin lag cung zad dgug /mkha' lding dgug pa'i phyag rgya'o/ /rtse gsum phyag rgyas byin gyis brlab/ /rdo rje khu tshur gnyis bcings nas/ /rgyab dang rgyab tu sbyar bar bya/ /pad+ma sa gdugs sprel nas su/ /dkar po dang ni gi wang bsgreng / /dkar po cung zad bkug pa yis//lha min dgug pa'i phyag rgya yin/ /zla ba snod la reg nas ni/ /nyi ma rdo rje khu tshur bcing / /dkar po bsgrengs te byin gyis brlab/ /zla ba khu tshur bstan bcings la/ /rnam shes kyang ni sa gdugs brkyang / /nyi ma lag pa legs brkyang ste/ gdengs pa'i tshul du steng du sbyar/ /phyag rgyas snod la reg par bya/ /khu tshur gnyis ni sbyar nas su/ /snying ga'i phyogs su sbyar bar bya/ /rdo rje khu tshur gnyis sbyangs nas/ /rgyab dang rgyab tu sbyar bar bya/ /pad+ma dag ni sa gdugs sbrel/ /dkar po'i gi wang sgrog tu bya/ / de bzhin phyag rgyas byin brlab cing / /dgug pa yang ni shes par bya/ /phyag rgya'i man ngag gzhan sogs kyang / /skabs dang sbyar te shes par bya/ /gtor ma'i rdzas rnams so so dang / /maN+Dal la sogs cho ga dang / /de la sogs pa'i man ngag rnams/ /thabs rnams thob pa'i slob dpon gyis//sna tshogs gtor mas rgyas par bstan/ /de dang mthun par shes par gtor ma'i las sna tshogs pa'i cho ga ste dang po'o// //tshogs kyi las kyi sbyor ka bstan pa ni/ /tshogs kyi bya ba'i rim pa rnams/ /tshogs kyi 'khor lor shes par bya//cho ga'i las rnams 'di ru bstan/ /'khor lo phyi nang gsal ba la/ /cho ga'i rim pa skabs dang sbyar/ /phyi mchod nang mchod gsang ba'i mchod/ /phyi mchod rim pa bstan pa ni/ /phyi la yang ni gnyis su bstan/ /mi zad dbyibs kyi mchod pa ni/ /rnal 'byor rgyud du shes par bya//mtshan ldan dri med snod mchog tu/ /byang chub sems kyi dri med chu/ /dkyil 'khor bzhugs pa'i lha la dbul/ /thugs rjes dgongs la bzhes su gsol/ /zhes bya ba la sogs pas btang ngo / /oM na mo nI lam+ba ra d+ha ra badzra pA Ni maN+Dal de ba ta nan tA nA na/a ha pU dza me g+ha sa mu dra s+pha ra Na sa ma ye hUM/ d+hU pa ni r+ya mi hUM/ A ro l-i ka ni R+YA mi hUM/ puSh+pe/ d+hU pe/ A lo ke/ gan+d+he/ nai bi d+ye/ sha p+de/ nr-i ta/ na ma pa sa/spaR+sha/ nan nan rad na/ sarba bstu/ gan+d+ha rba/ badzra lA s+ye hUM/ badzra mA le hUM/ badzra gI ti hUM/ badzra nr-i t+ya hUM/ badzra d+hU pe hUM/ badzra puSh+pe hUM/ badzra A lo ke hUM hUM/ badzra gan+d+he hUM/ re re la yang rdo rje'i glu gsum gsum brjod la/ /lha mo dpag med sprul nas kyang / /dkyil 'khor lha la mchod pa dbul/ /de nas mchod pa nyi shu ni/ /rdo rje glu ni phra mo yis/ /hUM gi glu dang sbyar bar bya//de nas pad kor sngon 'gro ba'i/ /sgeg pa'i tshul gyis sgeg pa dang / /pi wang tshul gyis 'bud pa dang / /gling bu'i tshul gyis 'bud pa dang / /sil snyan tshul gyis dkrol ba dang / /brdab pa'i tshul gyis rdebs pa dang / /gar gyi tshul gyis yan lag bskyod/ / rlung gi tshul gyis g.yob pa dang / /rgyal mtshan tshul gyis bsgreng ba dang / /bla re'i tshul gyis bre ba dang / /ba dan tshul gyis sgeg pa dang / /cang te'u'i tshul gyis rdebs pa dang / /gdugs kyi tshul gyis dbub pa dang / /rnga yi tshul gyis 'dzum pa dang / /gar gyi tshul gyis gar byed dang //khro bo'i tshul gyis khro ba dang / /sgeg pa'i tshul gyis sgeg pa dang / /'gying ba'i tshul gyis 'gying ba dang / /mda' 'dren bum pa 'khyud pa dang / /rdo rje gsor zhing phyag 'tshal ba'i/ /tshul gyis 'dud par byed pa ste/ /phyag rgya'i mchod pa nyi shu nyid/ /rdo rje dril bu rol bcas pa'i//glu yi sgra yis dga' bar bya/ /lha mo dpag med sprul nas ni/ /ji ltar mnyes pa'i mchod pa dbul/ /de nas bdud rtsi lnga po nyid/ /lha gsum gyis ni bsgrubs nas kyang / /mtshan ldan snod mchog bkram nas kyang / /nyi ma pad+mar gzhag par bya/ / rdo rje srin mtheb sbyar nas kyang / /thigs pa'i gtor ma kun la dbul/ /rnal 'byor shes rab gar rnams bskor/ /yang na bzlog pas thabs kyang de/ /lan gsum mchod pas gnas gsum gyi/ /sku gsung thugs kyi lha gsum mnyes/ /rdo rje glu dang ldan pa yis/ /sngags ni lan gsum brjod par bya//so so'i rtsa ba'i sngags mtha' la/ /bdud rtsi'i sngags ni gdab par bya/ /de nas lcags kyu lnga po ni/ /gong ma bzhin du dbul bar bya/ /lha mo drug gi mchod pa ni/ /gzugs kyi rdo rje'i lha mo ni/ /gzugs brnyan bzhin du rgyas mdzad ma/ /kha dog dbyibs ldan mchod pa dbul/ / bde gshegs spyan mchog rgyas gyur cig /sgra yi rdo rje lha mo ni/ /gsung dbyangs yan lag brgyad ldan pa'i/ /sgra snyan yid 'ong mchod pa dbul/ /bde gshegs snyan mchog rgyas gyur cig /rdo rje lha mo dri ldan ma/ /dri zhim bdug spos ngad bsung ldan/ /dri zhim yid 'ong mchod dbul bas//shangs kyi mchog rnams rgyas gyur cig /rdo rje lha mo ro ldan ma/ /ro mchog rgyas ldan mdzes pa 'di/ /yid 'ong dpag med mchod pa 'bul/ /bde gshegs ljags ni rgyas gyur cig /rdo rje lha mo reg ldan ma/ /na bza' li ka mdzes pa bsnams/ /yid 'ong dpag med mchod pa 'bul//bde gshegs sku rnams rgyas gyur cig /rdo rje lha mo chos ldan ma/ /rin chen 'bar ba'i chos sgrogs ma/ /yid 'ong dpag med mchod pa 'bul/ /bde gshegs thugs mchog rgyas gyur cig /sems dpa' chen po dang po mchog /dgyes chen rnams kyi dga' ba che//kun du bzang po kun gyi bdag /rdo rje snyems pa bdag po'i bdag /thugs kyi sems dpa' ting 'dzin mchog /rdo rje'i rdo rje stobs po che/ /kun du bzang po spyod pa'i mchog /bdud kyi bdud sde 'joms pa po/ /sems dpa' kun gyi sems byang chub/ /sangs rgyas byang chub mchog skyes mchog /rdo rje hUM ste hUM mdzad pa/ /'jig rten dbang phyug nor sbyin pa/ /'dod chags chen po bde ba che/ /'dod dang thar pa nor che ba/ /dus gsum srid gsum mchog gsum ste/ /'jig rten gsum mchog khams gsum pa/ /mi rgyu ba ni mchog tu gsol//shin tu phra dang sbom po'i tshogs/ /rgyu ba rnams kyi rab mchog brnyes/ /srid pa'i 'khor lo sbyong mdzad pa/ /thog mtha' med cing gsal ba min/ /shes rab sbud la rnam par gnas/ /thugs kyi phyag rgya snyoms zhugs pa/ /de nyid rdo rje sems dpa' yi/ /rdo rje khro bo khro chen po//'jigs pa'i me ni 'dul mdzad pa/ /gdug pa'i mchog ni 'dul ba che/ /drag po'i drag mchog 'jigs byed pa/ /de bzhin gshegs pa'i dngos grub che/ /chos kyi las chen 'dzin pa po/ /dam chos las ni bzang pa'i lam/ /byang chub sems ni spyod par mdzad//thams cad dag tu pad+ma che/ /shes rab thabs kyi nor che ba/ /'dod chags dag pa'i ting 'dzin mchog /sna tshogs chags pa'i dbang phyug che/ /nam mkha' mtha' las brtags pa'i don/ /sems can kun gyi gnas chen po/ /dpal gyi 'byor pa 'byor pa'i rgyal/ / bsam pa thams cad rdzogs mdzad pa/ /phyag 'tshal phyag 'tshal phyag 'tshal 'dud/ /phyag 'tshal 'dud cing phyag 'tshal 'dud/ /dad pas khyed la 'dud bgyis pas/ /bdag sems rdo rje sems grub mdzod/ /rdo rje lha mo'i mchod pa dang / /te na te te hUM zhes bya ba la sogs pa yang gtang ngo //dang po 'dren pa'i tshigs bcad ni/ /'khor lo nyid dang mthun par bya/ /bstod pa la sogs rgyas par bya'o/ /tha ma 'dren pa'i tshigs bcad ni/ /dam tshig spyod pa thams cad la/ /tshigs bcad 'dis ni sbyin par bya/ /ltos shig mdzes pa dam pa'i chos/ / 'di la the tshom byar mi rung / /khyi dang bram ze gdol pa gsum/ /rang bzhin gcig pas lhan cig bza'/ /pad+ma'i gar skor sngon 'gro bas/ /gzhan gyis de bzhin bzung nas kyang / /sbom pos chung ngu mnan nas kyang / /lhag ma rtse gsum lta bur bya//nyi mar zla ba bzhag nas ni/ /tshigs bcad 'di ni rjes su bzla/ rin thang med pa'i dam pa'i chos/ /'dod chags dri bral legs 'ong cing / /gzung dang mtshan ma rnam spangs pa/ /de nyid gnas la phyag 'tshal lo/ /de nas rnal 'byor so so yis/ / nang gi 'khor lo gsal bsgoms nas/ /khrus ni rnam gsum bya bar gsungs/ /de nas rnal 'byor ci dgar rol/ /rdo rje sme gdung bshags pa ni/ /bdag cag rnal 'byor sgrub pa pos/ /bla ma yi dam lha dang ni/ /dkyil 'khor bzhugs pa'i spyan lam du/ /sdom pa gsum la gnas pa dang //khyad par nang gi sdom pa ni/ /bsngo zhing bgrang bar khas blangs nas/ /tshul bzhin ma gyur bshags par bgyi/ /bla ma rdo rje slob dpon la/ /gshe zhing smad pa la sogs bshags/ /bde gshegs bka' yi chos rnams la/ /gzhung bzhin ma gyur 'khrul pa bshags//rnal 'byor lam gcig spun rnams la/ /rtsod pa la sogs bgyis pa bshags/ /snying rje'i yul gyur sems can la/ /snying rje la sogs spangs pa bshags/ /chos rnams kun gyi rtsa ba ste/ /byang sems phyi nang spangs pa bshags/ /rang dang gzhan gyi grub mtha' la//smad cing spangs par gyur pa bshags/ /ma smin pa yi sems can la/ /man ngag gsang ba bsgrags pa bshags/ /phung po lha yi dkyil 'khor la/ /smad cing spangs pa la sogs bshags/ /rang bzhin dag pa'i chos rnams la/ /the tshom la sogs bgyis pa bshags//bstan pa la gnod sems can la/ /ma bsgral byams pa bgyis pa bshags/ /chos nyid spros dang bral ba la/ /yod med mtshan mar brtags pa bshags/ /sems can dad dang ldan pa la/ /sems sun phyung bar byas pa bshags/ / dam tshig rnams las thams cad 'byung / /ma brten bgrang bsngo ma bgyis bshags/ /bud med shes rab rang bzhin la/ /ma smin spangs pa la sogs bshags/ /rtsa ba'i dam tshig ji snyed kun/ /tshul bzhin ma bsrungs rngo ma thog /bde gshegs bka' dang ma mthun pa/ / ji snyed bgyis pa de dag kun/ /rdo rje slob dpon yi dam lha/ /gsang ba'i dkyil 'khor lha rnams dang / /ma mo mkha' 'gro'i tshogs bcas la/ /'gyod pa'i sems kyis mthol lo bshags/ /rnal 'byor byin rlabs ma bgyis par/ /nan rtags 'jug pa bgyis pa bshags//bla ma'i man ngag ma thob par/ /nan rtags chos rnams bgyis pa bshags/ /mi zab lam gcig spun rnams la/ /rtsod pa la sogs bgyis pa bshags/ /gsang ba'i man ngag shes gyur kyang / /snod ldan rnams la ma bstan bshags/ /dad dang ldan pa'i sems can la//chos rnams log par bstan pa bshags/ /rnal 'byor la sogs mi shes par/ /sngags par nga rgyal bgyis pa bshags/ /lta ba spyod pa mi gcig pa'i/ /nyan thos lam du zhag 'das bshags/ /phyi yi chos bshad yin pa la//gsang ba'i chos rnams bshad pa bshags/ /mdor na yan lag dam tshig rnams/ /nyin mtshan bgrang bsngo ma bgyis dang / /bla ma mchod pa la sogs dang / /bshags pa la sogs ma bgyis rnams/ /rdo rje slob dpon yi dam lha/ /dkyil 'khor gsang ba'i lha rnams dang //ma mo mkha' 'gro'i tshogs la bshags/ /mtshams med mi dge bshags pa dang / /mkha' 'gro ma yi bshags pa ni/ /mkha' 'gro'i gsang rgyud de bzhin bya/ /de la sogs pa'i cho ga rnams/ /man ngag bsdebs su shes par bya//tshogs kyi las kyi sbyor ka ste gnyis pa'o// //sbyin sreg las kyi cho ga ni/ /spyir na sbyin sreg las rnams la/ /sems can rnam rtog ma zad par/ /bsam gyis mi khyab gsungs mod kyang / /bsdus na bcu drug dag tu 'dus/ / de yang bzhi ru 'dus pa na/ /bzhi po re re dag la yang / /rgyas dang bsdus dang shin tu bsdus/ /gsum gsum dag tu shes par bya/ /dang po sa yi cho ga ni/ /brtag pa la sogs rgyas pa yang / /cho ga la sogs gzhan dang mthun/ / bsdus pa'i cho ga bstan pa ni/ /lhag pa'i lha yi ting 'dzin gnas/ /sa yi bdag po rnams la ni/ /gtor ma phul bas sa rnams blang / /khro bo'i las rnams thams cad pa'i/ /phyag rgya bcas nas sngags rnams brjod/ /thugs kyi 'od zer dag gis ni/ / sa rnams sbyang zhing byin gyis brlab/ /shin tu bsdus pa'i cho ga ni/ /'od zer stobs kyi byin rlabs kyis/ /thab khung gang 'dod byin gyis brlab/ /mtshan ma la sogs dga' ba dang / /rgyas par spro ba'i gang zag dang / /las dang po yi gang zag gis/ /thab rnams bru ba rgyas par bstan//mtshan ma la sogs mi dga' la/ /thab rnams bri 'am me tog dgram/ /rnal 'byor nus pa thob pa yis/ /rin chen snod du bya yang bzod/ /yang na de dag shes rab chung / /rgyas pa mi nus dag la bstan/ /thab rnams bru ba'i rim pa yang //rgya ru ji tsam yod pa'i tshad/ /de yi phyed ni thur la bru/ /yang na sum cha bru ba'am/ /mtho gang dag tu bru ba'am/ /rgya yi tshad tsam bru ba ni/ /rgyud rnams kun dang mthun par ni/ /mkhas pa yis ni shes par bya/ /kha khyer mu ran tshad sogs kyang / / so so'i gzhung dang mthun par bya/ /thab kyi dbyibs rnams bstan pa yang / /zhi ba la ni zlum por ro/ /rgyas pa gru bzhi'am rin chen dbyibs/ /dbang la zla gam tshul du'o/ /drag po gru gsum rnam par bstan/ /mdor na dbang dang drag po gnyis/ /go bzlog par yang bstan pa yang //de yis dgongs pas shes par bya/ /gzhan yang thun mong las rnams la/ /zla ba kham pa lta bu'am/ /go cha rin chen pad+ma dang / /rdo rje lcags kyu la sogs su/ /mi 'dra thab kyi dbyibs bstan pa/ /rgyud rnams kun du shes par bya//tshe bsring la sogs las la bsngags/ /thab kyi rgya yi tshad rnams kyang / /khru bzhi khru gsum khru do dang / /khru gang khru phyed sum cha'o/ /de la sogs pa'i tshad rnams kyang / /rgyud dang mthun par shes par bya/ /tshon rnams bri ba'i rim pa yang / /gzhan dang mthun te khyad par ni//zhi la dkar te rgyas la ser/ /dbang la dmar po drag la gnag /las ni thams cad thab khung la/ /kha dog lnga tshar tshang ba'am/ /yang na las kyi skabs dang sbyar/ /las ni thams cad pa yi dbyibs/ /a shwad lo ma lta bu dang / / pad+ma 'dab gcig lta bu'am/ /pad+ma kha phye lta bu'am/ /kha yi ge sar lta bu'am/ /de sogs gzhung ni mang yod kyang / /rnal 'byor mos la gtso zhes bya/ /gzar bu'i mtshan nyid bstan pa ni/ /yu ba chang ba lnga yi tshad/ /gzar bu'i kong bu sor bzhi'i tshad//mchu yang sor bzhi'i tshad du bya/ /zabs su sor gcig brko ba'am/ /sor gnyis brko ba so so'i gzhung / /de ni rab yin 'bring ni phyed/ /tha ma de bas cung zad chung / /khung bu che chung mtshan nyid do/ /yu ba'i tshad ni mnyam zhes bya/ /rgyud gzhan dag la brten nas ni//slob dpon gzhan gyi gzhung dag gis/ /yu ba yang ni che chung 'dod/ /snyoms 'jug rgyud la brten nas kyang / /yu ba sor ni nyi shu bzhi/ /khung bur rgyar ni sor bzhi la/ /zabs su sor gnyis kho na ste/ /mchu yang rdo rje rtse gsum dbyibs//sor bzhi'i tshad du shes par bya/ /las ni thams cad gzar bu yang / /pad+ma'i dbyibs sam 'dab ma'i dbyibs/ /mchu yang pad+ma'i 'dab 'dra dang / /a shwa rdo rje'i rnam par ro/ /zhi ba la ni zlum po ste/ /rgyas pa la ni gru bzhi'o/ /dbang ni zla gam lta bu ste//drag po gru gsum rnam par bya/ /pad+ma khro bo rdo rje bri/ /yang na/ rgyud gzhan dag la brten nas ni/ /slob dpon gzhan dag 'dod gzhung ni/ /sum cha sum cha phri bas su/ /rab 'bring gsum du 'dod pa yin/ /de ni dgang gzar mtshan nyid do//blugs gzar mtshan nyid bstan pa ni/ /yu ba chang ba lnga yi tshad/ /khung bur rgyur ni sor gnyis la/ /zabs su sor gcig shes par bya/ /de ni rab yin 'bring ni phyed/ /tha ma cung zad chung ba'o/ /yang na slob dpon gzhan dag ni//mthe bo sen mo gang las ni/ /rab 'bring gsum ni dbye bar bya'o/ /de rnams so so'i mtshan ma yang / /gong ma bzhin du shes par bya/ /me lha'i mtshan nyid bstan pa ni/ /pa ba ka zhes bya ba yi/ /zhi ba'i me lha sku mdog dkar/ /chu yi dkyil 'khor dag la gnas//rgyas pa'i me lha sku mdog ser/ /dbang chen dkyil 'khor dag la gnas/ /dbang gi me lha sku mdog dmar/ /me yi dkyil 'khor dag la gnas/ /drag po'i me lha sku mdog gnag /rlung gi dkyil 'khor dag la gnas/ / de dag kun kha mthun par ni/ /zhal gcig phyag ni bzhi pa ste/ /phyag g.yas dbyug pa mchod sbyin can/ /g.yon pas phreng ba ril ba bsnams/ /mi tra zhes pa'i me lha ni/ /las rnams kun la bsngags pa ste/ /mid pa ring la gzi mdangs can/ /thor tshugs ser po'i spu can las//las la rjes mthun kha dog gam/ /dud pa lta bu'i mdog tu ste/ /phyag ni bgrang phreng ril ba ni/ /spyi blugs dag ni bsnams pa yin/ /'jig rten pa yi me lha dang / /'jig rten 'das pa'i me lha dang / /bcu gnyis bzhi ru rtsa sogs ni//rgyud kyi nang du shes par bya/ /'jig rten me lha'i thugs kar ni/ /'jig rten 'das pa bskyed pa dang / /'jig rten pa ni sbyangs nas kyang / /dam tshig me lha bskyed pa dang / /ye shes me lha bskyed pa dang / /'jig rten me lha'i khong pa ru/ / dam tshig me lha bskyed nas kyang / /ye shes me lha bstim pa'am/ /'jig rten 'das pa nyid la yang / /dam tshig bskyed dang ye shes bstim/ /sprul pa'i me lha nyid kyis kyang / /'jig rten pa dang mthun pa'i phyir/ /'jig rten pa dang mthun par bstan/ / de la sogs pa'i the tshom dang / /me nyid cho ga zin pa dang / /shar lho mtshams su gnas pa dang / /me lha'i thugs kar bskyed pa dang / /'bar dang gshegs dang stong pa rnams/ /slob dpon man ngag nyid kyis bshad/ /dang pos sa cho ga rdzogs byas la/ / de nas thab kyi cho ga bya/ /de nas rdzas rnams rim pa dang / /mchod yon gyi ni cho ga bstan/ /de nas bud shing yam shing dang / bsags dang dgram pa la sogs kun/ /gzhan dang mthun par shes par bya/ /tshes grangs dus dang 'dug stangs dang / /rgyan tshal sogs bgo ba yang //las kyi skabs dang sbyar bar bya/ /bdag nyid lhag pa'i lhar bskyed nas/ /me lha'i cho ga rgyas par bya/ /me yi cho ga zin nas kyang / /de nas lha yi cho ga bya/ /tham me yi cho gas bsdu/ /me yi rgyas 'debs bzhi po yang / /bsam dang bcings dang brjod pa gsum//bzhi ka la ni sbyar bar bya/ /thugs kar rdo rje bsams nas kyang / /lag pa'i sor mo bcings nas kyang / /g.yas pa 'bar ba lta bur bya/ /sngags ni/ oM badzra a na lam hA b+hU ta dz+wa la sarba b+ha smi ku ru sarba duSh+TAM hUM/ /sa ma ya s+t+waM/ sa ma ya s+t+waM/ /A hUM/ lce la rdo rje rtse lnga bsams la/ oM dz+wa la dz+wa la hUM zhes brjod cing bsam par bya'o/ /rdo rje rgya gram thugs kar bsams nas/ phyag mtshan med par bsam zhing / bcings pa ni las kyi phyag rgya'o/ /rdo rje rtse lnga pa thugs kar bsams te/ phyag mtshan dang bcas shing bsams pa ni phyag rgya chen po'o/ /phyag rgya bzhi yis rgyas gdab pa ni/ bsam pa tsam du 'dod pa'ang yod/ /thams cad tshang bar 'dod pa'ang yod/ /rgyas 'debs gcig tu 'dod pa'ang yod/ /tha dad rtog pa med pas su/ /ji ltar mos pa gtso bor bya//dbang bskur la yang de bzhin no/ /me lha'i bstod pa bya ba yang / /gzi brjid chen po me yi lha/ /bdag gzhan don grub sa la gnas/ /'dod pa thams cad stsol mdzad pa/ /'dzin byed me lha nyid la 'dud/ /me lha'i rgyal po drang srong mchog /bskal pa'i me dpung gzi brjid 'bar/ /nyon mongs thams cad sreg pa'i mchog /ye shes me lha khyod la 'dud/ /me lha rnams kyi gtso chen po/ /'khor rnams 'dul zhing skyong mdzad pa/ /dug rnams 'joms shing mthu ldan pa//dug 'joms sman pa khyod la 'dud/ /me lha'i rgyal po gzi brjid can/ /'gro ba mi mthun gdul slad du/ /'dod dgur bsgyur ba'i gzugs ston pa/ /las rnams kun mdzad khyod la 'dud/ /de ni thun mong gi bstod pa'o/ /khyad par gyi bstod pa ni rgyud du shes par bya'o//sbyin sreg gi las kyi rim pa ste bzhi pa'o// //dang po yi ni rnal 'byor dang / /rdo rje slob dpon byed pas su/ /bdag gzhan tshogs ni bsags pa'i phyir/ /slob dpon la ni srog lus dang / /yul zhing sne bran chung mar bcas//sgyu ma'i sems kyis phul nas su/ /yang dang yang du gsol btab la/ /man ngag las kyi rim pa 'di/ /nyams su blang zhing the tshom gcad/ /de nas gzhung bzhin spyad par bya/ /de ltar byas na nges par ni/ /dngos grub rnam gnyis thob par 'gyur/ / drang ba'i don ni ma yin no/ /de ltar mi byed ser sna can/ /bdag 'dzin dam pos bzung nas su/ /slob dpon mnyes par mi 'gyur te/ /slob dpon mnyes par ma gyur na/ /dbang dang man ngag thob mi 'gyur/ /yang na man ngag thob nas kyang / /slob dpon la ni rgyab kyis phyogs/ / dam tshig med par nyams pa ste/ /rdo rje dmyal bar 'tshed par 'gyur/ /de nas rang gi rgyud brtags la/ /skyon de yod na spang bar bya'o/ /bdag gis 'gro ba'i don du ni/ /cho ga 'di brtsams dge ba yis/ /bdag dang mtha' yas sems can rnams/ /bla med byang chub thob par shog /rdo rje las kyi tshogs rim par phye ba'i cho ga /slob dpon b+ha bas mdzad pa rdzogs so// //lo tsA ba khu ba bIr+ya dang / dge slong gzhon nu tshul khrims kyis bsgyur cing gtan la phab pa lags so// //