| བོད་ཡིག |
270a4 / //rgya gar gyi paN+Di ta chen po de ba pUr+Na ma ti dang / bod kyi lo tsA ba dge slong 'gar chos kyi bzang pos bsgyur ba'o//[ ]@##/ /rgya gar skad du/ pra t+ya sa mut+pa da s+ya nA ma rak+Sha/ bod
270a5 skad du/rten cing 'brel par 'byung ba'i srung ba zhes bya ba/ dpal phyag na rdo rje la phyag 'tshal lo/ /bde gshegs mthu dang sems can las/ /bsam gyis mi khyab par bshad pas/ /de bzhin rten 'brel nus pa'i mthu/ /bsam gyis mi khyab pa yin pas/ /
270a6 gnod byed rnams kyi dgrar gyur pa/ /mdor bsdus bdag gis bshad par bya/ /srung byed rnam rgyal a ru ra/ /bcangs sam lus la brten pa yis/ /mar me'i snang bas mun sel ltar/ /phyogs su gnas par mi nus so/ /don kun grub byed nor bu dang / /de bzhin tshe
270a7 bsring nor bu dang //in+d+ra nI la sbur long dang / /rin chen nor bu sna tshogs nor/ /gang zhig lus la 'chang byed pa/ /nor bu'i mthu ni bsam mi khyab/ /nyi ma shar sar grib mi gnas/ /de bzhin gdon de mi gnas so/ /bde gshegs dgra bcom byang chub sems/ /de
270b1 bzhin rnal 'byor pa yi gdung //mchod cing bcangs pa tsam gyis ni/ /zhe sdang zhi nas mchod byed 'gyur/ /lnga brgya stong du lon pa yi/ /rmang gi sa'am thab kyis/ /sngags btab bskus pa tsam gyis ni/ /dpag tshad bye ba brgya ru 'bros/ /dug dgra'i mkhris pa ma rul ba/ /
270b2 man ngag gis ni brten byas na/ /klu yi rgyal po 'jog po yis/ /bzung ba yang ni gtong bar 'gyur/ /gser chu dngul chu mu zi yi/ /bcud len la sogs sbyor bas ni/ /gdon de nye bar mi 'gyur ro/ /'di la ma dad rigs ma yin/ /'bras bu gsum dang b+h+r-i ng+ga ra/ /sbrang rtsi
270b3 mar dang ldan pa dang //sna tshogs pa yi sman rnams kyi/ /nus pa brjod kyis mi lang bas/ /rtag tu goms par byas pas ni/ /gdon de bzlog par 'gyur ba yin/ /ga pur la sogs bdud rtsi lnga/ /rgyun du lus la bsten pa yis/ /gdon de phyogs su mi nye'o/ /
270b4 'di yi nus pa bsam mi khyab/ /ga pur dzA ti tsan+dan dang / /gla rtsi gur gum dri lnga ni/ /rtag tu lus la brten pa yis/ /tshor ba tsam gyis bye bar 'bros/ /gu gul la sogs sbyar ba'i spos/ /bcangs sam bdugs pa tsam gyis ni/ /klad pa 'gas shing 'thoms gyur
270b5 pas//skad cig tsam yang mi gnas so/ /gsum lnga bdun dgu lon pa yi/ /shin tu skyur ba'i sbyor ba yis/ /me yi phung po'i rtse mo la/ /sbrang bu la sogs mi gnas ltar/ /shin tu 'jigs pas 'bros par 'gyur/ /sbyor ba 'di ni bsngags pa yin/ /dgu gsum
270b6 nyi shu lnga bcu gcig /brgya la sogs pa lon pa yin/ /rtsi mar gyi ni 'khru sman bzhin/ /mod la de ni 'byung 'gyur ro/ /zla ba'i shel las chu 'byung dang / /nyi ma'i shel las me 'byung ba/ /mi rigs par ni smra min pas/ /de bzhin sna tshogs rten 'brel mthu/ /med pa
270b7 ru ni mi smra'o//mthu ni mngon du 'byung bas na/ /ma dad pa ni rigs med pas/ /de la yid ches brtan par bzung / /rten 'brel sbyor ba bcu gnyis la/ /dad pas bla ma mnyes byas te/ /man ngag rim pa blang bar bya/ /mnyes pa yis ni gzhan du min/ /rten 'brel
271a1 nus pa brjod mi lang //rang nyid kyis mthong 'ga' tsam smras/ /'di la dge rtsa ci yod pas/ /gdug pa rnams ni srung byed shog /rten cing 'brel par 'byung ba'i srung ba zhes bya ba/ nam gru'i rigs las byung ba/ dngos grub brnyes pa dzA ba
ri'i zhal snga nas mdzad pa rdzogs so/