254b5 lo tsA ba chos kyi bzang pos bcos pa'o//[ ]@##/ /rgya gar skad du/ nA ga ku la tsa ri staM b+ha bi d+hi nA ma/ bod skad du/ klu rigs bzhi mnan pa'i cho ga zhes bya ba/ dpal phyag na rdo rje la phyag 'tshal lo/ /gang zhig dbang
254b6 du 'dus gyur pas//bskal pa bye ba'i mtha' ru yang / /ldang bar mi nus bya ba'i phyir/ /rdo rje can la gus btud nas/ /sgrub pa po la phan gdags phyir/ /de yi mnan pa'i cho ga bstan/ /gser las byas pa'i mchod rten nam/ /yang na rin chen lnga las byas/ /khru gang tshad kyi
254b7 mchod rten brtsig /bum pa khog stong byas pa'i nang / /ku la tsa ri'i gzugs byas te/ /khong stong phyogs bzhir dgod par bya/ /de 'og phyogs bzhi'i rmang du ni/ /ku la tsa ri'i bran rnams gzhug /de nas lha yi rnal 'byor gyis/ /phreng ba'i sngags kyis bzlas pa las/ /sngags kyi 'od zer
255a1 lcags kyu yis//bsgrub bya bkug ste gnyis med bstim/ /yang na rang lha'i sa bon las/ /khro bo sna tshogs spros pa yis/ /bsgrub bya bkug ste snga ma bzhin/ /mngon sum lta bur khugs par bsam/ /ku la tsa ri'i spyi steng du/ /rdo rje rgya gram me ri 'bar/ /de yi lte ba'i
255a2 dkyil du ni//mi 'khrugs rgyal po g.yon brkyang bzhugs/ /bskal pa'i mtha' ru mnan par bsam/ /de nas bdud rtsi lngar bcas pa/ /rang gi 'dod pa'i lha la dbul/ /dam la gnas par bya ba'i phyir/ /sbrul dang sbal pa'i sha dang tshil/ /glang dmar ba dmar la sogs pa'i/ /khrag
255a3 la sogs pa rnams kyis ni//bsgrub bya la ni gtor ma sbyin/ /dbyar gyi khyim gsum tha ma yi/ /drug gnyis bzhi yi nyin phyed na/ /sgrub khang them rtsa'i 'og tu ni/ /shin tu dam par sba bar bya/ /phyag na rdo rje khro bo che/ /rab tu khros pa'i mthu stobs kyis/ /ri rab klad la bskor nas ni/ /
255a4 de 'og ku la tsa ri ni/ /rigs de rnams ni mnan byas kyis/ /thar ba yi ni dus med par/ /dam tshig gnyan gyis ma 'da' cig /nyes pa 'di las ma ldog cig /lus 'di rul cing myags gyur nas/ /snying ni 'gems shing zags par byed/ /tshe yi 'du byed byas nas
255a5 ni//mnar med par ni 'gro ba yin/ /byang chub sems bskyed byams pa'i sems/ /skyes pa'i tshe na gtang bar bya/ /phreng ba'i sngags ni brgya rtsa brgyad/ /shin tu khros pas bzlas par bya/ /mthu stobs drag po'i nga ro yis/ /stang stabs kyis kyang mnan par bya/ /ngang tshul
255a6 bzang zhing shes rab can//bla ma la gus gtong phod pa/ /gal te rmongs pas gzhan du sbyin/ /tsha ba chen por yun ring gnas/ /oM nI lAM ba ra badzra pA Ni sa ma ya nA ga ku la tsa ri i mAM ba liM khA hi khA hi swA hA/ gtor ma sbyin pa'i sngags so/ /klu rigs bzhi'i mnan pa nam gru'i rigs
las byung ba'i slob dpon dzA ba ri pas mdzad pa rdzogs so/