CLOSE WINDOW

D2153
བོད་ཡིག

lo tsA ba ban+de chos kyi bzang pos bsgyur ba'o//[ ]@##/ /rgya gar skad du/ /kuSh+maN+DotshA d+ha pre ta pi shA tsa ye bi sho d+ha ya har sA d+ha nA ma/ bod skad du/ yi dwags dang sha za dang grul bum dang srul bo rnams rnam par sbyong zhing sel ba'i sgrub thabs shes bya ba/ /'phags pa lag na rdo rje la phyag 'tshal lo//sku gsum pha rol phyin drug ldan/ /sdug bsngal rgya mtsho las sgrol ba'i/ /rdo rje can la gus btud de/ /sems can rnams la phan phyir bri/ /sngon du bsnyen pa rab rdzogs pas/ /yan lag tshon snas rab bcings nas/ /lha yi rnam pa gsal bsgoms te/ /rtags ni rab tu gsal ba brtag /brtags zin nas ni sgrub pa brtsam/ /sa yi cho ga rdzogs byas la/ /sta gon legs par rdzogs nas ni/ /dkyil 'khor thig skud byin rlabs gdab/ /ye shes thig gdab sa thig ni/ /tshangs thig nas bzung sgo rgyan bar/ /legs shing rdzogs par gdab par bya/ / de nas tshon dgye dbus nyi dkyil/ /pad+ma 'dab brgyad ge sar bcas/ /kha dog so so gru chad ljang / /rdo rje ra ba lha snam rigs/ /mtshan ma sa bon rab tu dgod/ /shar nas brtsams te 'khor lo ral gri dang / /dgra sta rdo rje kha dog so sor bri/ /shar lho nas bzung lcags kyu gri gug dang / /mi mgo dang ni rgyu ma'i zhags pa bri//mtshams su gtor ma phyogs su thod pa bkram/ /dbus su sku gdung gur dang bla re bre/ /lha snam phyogs skyong gtor ma so sor dgram/ /bum pa phyogs bzhir las bum shar sgor gzhag /mdun du bla ma yi dam lha/ /spyan drangs mchod nas stong nyid bsgom//de nas hUM las sa gzhi ra ba gur du gyur pa'i rdo rje me 'od bcas/ /de nas b+hUM las gru bzhi sgo bzhi rta babs bcas shing dbang po nyi zla'i gdan/ /de steng bdag nyid gsum gyi tshul gyis zhal gsum phyag drug bskyed/ /mdun du hUM las dga' rab dbang phyug thod phreng can dang bum rna sha zan sen dgu bskyed//thal dkar mdog dang gnag dang sngo dang shin tu gnag /g.yas na 'khor lo ral gri dgra sta rdo rje dang / /g.yon na bsdigs pa'i sdigs mdzub bo/ /shin tu 'jigs pa'i bdag nyid can/ /thal bas lus byugs khrag 'dzag pa'o/ /mtshams rnams su ni me tog ma dang mdzes ldan dang ni 'od zer 'phrog dang mdangs 'phrog ma'o//g.yas na lcags kyu gri gug mi mgo rgyu ma'i zhags/ /g.yon na thod pa khrag gis bkang ba'o/ /smug nag mthing nag dmar nag ljang nag 'jigs pa'i gzugs can bdud mo bzhi'o/ /thugs ka'i re pha'i hUM las spyan drangs bstim sogs rdzogs byas nas/ /gsang ba'i sngags ni rab tu bzlas//oM kuSh+maN bi d+ha ra ya hUM phaT/ Dod+sA d+ha na kro d+ha ya hUM phaT/ pre ta bi sa na ya phaT/ pi shA tsa ha ta ba ba phaT swA hA/ ku Sh+maN kra mA ya phaT/ Dot+sA ta na kri tA na ya phaT/ pre ta kri tAn+ta rU pa ya phaT/ pi shA tse ro Sha Na ya phaT swA hA/ zhes pa bzlas te/ sngon du bsnyen pas bsgrub bya'i rtags ni rim pa drug par brtag /rtags byung bskrad pa'i las brtsam mo/ / yaM las rlung bsams steng du bskyed/ /dgug cing uts+tsha ta yas bskrad/ /las bcol phrin las gzhan yang brtsam/ /rabs chad nag po'i thod par ni/ /gzugs gzhug bsad pas dur khrod sba/ /hUM me dpung 'bar ba brjid pa'i sku/ /gad rgyangs bzhad mdzad thal mo rdebs/ /rgya mtshor zhabs nub dbang po mnan/ /sku gsum don ldan zhal 'dzum bzhad//phyag drug bdud 'dul mtshon cha 'dzin/ /rdo rje can la phyag 'tshal 'dud/ /oM badzra muHzhes pas gshegs su gsol nas bsdu ba'o/ /bdag gis gzhan la phan phyir brtsams/ /dge ba de yis 'gro ba kun/ /bla med byang chub thob par shog /nam gru'i rigs las byung ba'i slob dpon dzA ba ri pas mdzad pa'i bdud bzlog pa'i cho ga rdzogs so/