CLOSE WINDOW

D2150
བོད་ཡིག

/ //bal po'i mkhan po de ba pUr+Na ma ti dang / bod kyi lo tsA ba chos kyi bzang pos bsgyur ba'o//[ ]@##/ /rgya gar skad du/ nI lAM ba ra d+ha ra badzra pA Ni sA d+ha na no pi ka tsan+d+ha nA ma/ bod skad du/ lag na rdo rje gos sngon po can gyi sgrub pa'i thabs mdor bsdus pa zhes bya ba/dpal phyag na rdo rje la phyag 'tshal lo/ /sngar nyid don dam thugs chud 'gro ba'i don du rdo rje'i sku/ /gnas mdzad mthu stobs khyad 'phags gdug pa rnams kyi dgrar gyur pa/ /rgya mtshor zhabs gzhag 'jig dus me dpung dang ldan snying rjes khros//rtog pa'i sdug bsngal thar mdzad khyod la dngos po kun gyis 'dud/ /rtsod pa'i dus gang phrad gyur brtson 'grus chung zhing blo zhen pas/ /shin tu bsdus la dga' zhing ma btsal 'bras bu 'dod la gzud phyir dran/ /de la snying rje chen po dang ldan pa'i rnal 'byor pas khrus byas te/ yid du 'ong ba'i bsam gtan gyi khang par stan bde ba la 'dug nas rang gi snying ga'i sa bon gyi 'od zer gyis phyogs bcu gang+gA'i klung gi sangs rgyas rnams dang de'i sras rnams mdun du spyan drangs te/ mchod pa'i yo byad lngas yang dag par mchod pa/ sdig pa bshags pa la sogs pa bya'o/ /de'i rjes su oM ma hA shU n+ya tA dz+nyA na badzra swa b+hA wa At+ma kou0f85haM zhes brjod pa dang bcas pas stong pa nyid du bsgom mo//de nas paM las pad+ma'i steng du zla ba'i dkyil 'khor hUM dang bcas pa bsams te/ de yang ring po'i sgra dang ldan zhing 'od zer 'phro ba can no/ /de yongs su gyur pa las rdo rje rtse lnga dang ldan pa'i sa bon las 'od 'phros te/phyogs bcu gang+gA'i klung gi bye ma snyed kyi sangs rgyas spyan drangs te/ de nyid la thim nas/ de yongs su gyur pa las sangs rgyas gos sngon po can/ zhal gcig phyag gnyis pa/ g.yon brkyang ba g.yas bskum pa/ sku mdog mthing nag spyan me'i phung po 'dra ba/ya sos ma mchu mnan pa/ 'brug sgra can gyi dbugs tsha ba/ skra gyen du brdzes pa/ phyag g.yas na rdo rje rtse lnga pa bsnams pa/ g.yon na sdigs mdzub mdzad pa/ gos sngon po can la ltos 'gro brgyad kyis brgyan pa/ bdud la sogs pa tshar gcod pa'i tshul can du bdag nyid bsam mo//rang gi snying ga'i sa bon gyis rang dang 'dra ba'i ye shes sems dpa' spyan drangs te/ snying po bzhis tha mi dad par bya/ de nas byin gyis brlab cing dbang bskur ro/ /ji srid skyo bar ma gyur gyi bar du bsgom zhing / skyo ba'i tshe sangs rgyas gang+gA'i klung gi rjes su gnang ba'i phreng ba'i sngags kho na bzlas par bya'o//bsdus pa dag la dga' bas ni/ oM nI lAM bar d+ha ra badzra pA Ni hr-i da ya ma ho kro d+ha sA d+ha hUM phaT/ snying po'i sngags nyi shu rtsa gcig pa'o/ /oM nI lAM bar d+ha ra badzra pA Ni d+har ma hA kro d+ha sA d+ha hUM/ nye ba'i snying po dang / yang snying ste bcu bdun pa'o/ /gtong bar 'dod pa'i tshe gtor ma phul la/ye shes sems dpa' phyung ste gshegs su gsol lo/ /spyod lam thams cad du yang rang lha'i nga rgyal dang ldan pas gnas par bya'o/ /kha zas gos sogs zas skom dang / /dbul ba kun zad nad med dang / /'jigs chen brgyad dang sdug bsngal sogs/ /'jigs pa med cing gang bsam pa'i/ /'dod pa'i don rnams thams cad ni/sgrub thabs 'di las 'byung 'gyur ro/ /'gro rnams 'dod pa tha dad pas/ /de la dgongs nas bde gshegs kyis/ /byang chub lam ni sna tshogs gsungs/ /rang 'dod lam ni thob bya'i phyir/ /dad pas bla ma bzang btsal te/ /ji srid bla ma mnyes byas nas/ /'dod don man ngag blang bar bya/ mnyes pas yin gyi gzhan gyis min//bdag gis sgrub thabs mdor bsdus smras/ /smras pas zla ba lngar gsal ba'i/ /dag cing nam mkhar mi shong ba'i/ /dge ba gang gis thob pa gang / /'dir bzhugs 'dod lha'i zhal mthong shog /dpal phyag na rdo rje'i sgrub thabs mdor bsdus pa zhes bya ba/ nam gru'i rigs las byung ba/ dngos grub brnyes pa'i slob dpon chen po dzA ba ri pas mdzad pa rdzogs so/