CLOSE WINDOW

D2149
བོད་ཡིག

/ //paN+Di ta de ba pUr+Na ma ti dang / lo tsA ba dge slong chos kyi bzang pos bsgyur ba'o//[ ]@##/ /rgya gar skad du/ nI lAM ba ra d+ha ra badzra pA Ni ma hA ya k+Sha ka lpaM nA ma d+hA ra Ni sA d+ha na a mr-i ta bi n+du/ bod skad du/ gnod sbyin gyi sde dpon chen po lag na rdo rje gos sngon po can gyi gzungs kyi sgrub thabs bdud rtsi thigs pa zhes bya ba/ /dpal phyag na rdo rje la phyag 'tshal lo/ /sems can rnams ni sa bon gnas dang rtsol rkyen gyis/ /gdug pas zin gyur dug dang khrag ni 'dras gyur pa/ /thabs gzhan du mas dbye zhing bsal bar mi nus te/'dab bzang rgyal pos chu dang 'o ma 'byed pa ltar/ /gdul bya gdul phyir dbang bskur ji srid mnyes gyur pas/ /des ni 'byed cing gsal bar phod pa yin pa ste/ /rgya mtshor zhabs nub 'jig dus me dpung nang 'dug pa/ /gdug pa'i dgrar gyur ljags 'dril dbugs tsha mi shigs 'dzin//de la btud de ji srid mnyes byas man ngag bri/ /rang nyams myong bas dug zin sgrub pa rjes dran gzung / /rgyal po dang / rkun po dang / stag la sogs pa'i 'jigs pa thams cad dang bral ba'i ri bo'am/ yid du 'ong ba 'du 'dzi med pa'i gnas su byams pa dang ldan pa'i sgrub pa pos khrus nye bar byas te/stan bde ba la 'dug nas/ rang gi snying gar nyi ma'i dkyil 'khor la gnas pa'i yi ge hUM bsams te/ de'i 'od zer gyis phyogs bcu na gnas pa'i gang+gA'i klung gi bye ma snyed kyi sangs rgyas rnams dang / bla ma dang byang chub sems dpa' rnams la bskul nas mchod pa rnam lngas yang dag par mchod de/sdig pa bshags pa la sogs pa bya'o/ /de'i rjes la byams pa dang / snying rje dang / dga' ba dang / btang snyoms zhes bya ba tshangs pa'i gnas bzhi la 'dris par bya'o/ /de nas gcig dang du ma dang bral ba'i blos phyi nang gi dngos po thams cad stong zhing bdag med par bsam mo//oM ma hA shU n+ya tA dz+nyA na badzra swa b+hA ba At+ma kou0f85haM zhes bya bas mi g.yo bar bya'o/ /de nas paM las pad+ma'i lte ba la/ a las zla ba dang nyi ma'i dkyil 'khor dbang po gnyis kyi steng du bsams te/ yi ge hUM ring po'i sgra dang bcas pa 'od 'phros pa las khro b o'i rdo rje rtse lnga pa bsams te/de'i 'od zer gyis phyogs bcu gang+gA'i klung gi bye ma snyed 'bum phrag gi sangs rgyas rnams spyan drangs la/ de'i 'od zer de nyid du thim ste/ de yongs su gyur pa las/ sangs rgyas gos sngon po can/ zhal gsum phyag drug dang ldan pa/ zhabs g.yon brkyang ba/ g.yas bskum pa/ sku mdog mthing nag tu 'dug pa/ spyan gsum me'i phung po 'dra ba/ dbu skra kham pa gyen du brdzes pa ral pa'i cod pan la/ sbrul mgo brgyad kyi cod pan yod pa/ smin ma dang dpral ba'i mtshams su khro gnyer bsdus pa/ ljags 'dril zhing mche ba gtsigs pa/kha rlangs tsha zhing nga ro'i sgra 'byung ba/ de'i dkyil na sangs rgyas mi bskyod pa sku mdog sngon po g.yon brkyang bas bzhugs pa/ gdug pa zhe la mnan nas sdigs mdzub mdzad pa can no/ /lto ba yangs shing gsus pa'i smad 'khyil pa/ zhal g.yas dung dang 'dra ba/ g.yon pad+ma rA ga 'dra ba dbus sku dang mthun pa/zla ba'i dkyil 'khor ltar rgyas pa'o/ /phyag dang po khro bo'i rdo rje rtse lnga pa 'dzin pa/ g.yon sdigs mdzub mdzad pa/ bar ma gnyis thal mo brdebs pa'i sgra sgrogs pa/ tha ma gnyis sbrul gdug pa'i rked pa nas bzung zhing mgo nas za ba'o/ /rang gi snying gar nyi ma la gnas pa'i yi ge hUM dang ldan pa'o//gos sngon po'i stod g.yogs dang / sham thabs stag gi ris can bsnams pa'o/ /lta ba phyin ci log thams cad kyi gzhung 'joms pa'i rtags su nyi ma dang zla ba'i steng na bzhugs pa/ tshangs pa dang brgya byin gyi steng na rigs bzhi'i klu yis rgyan du byas pa ni dga' bo dang nye dga' 'bar bas snyan cha byas pa/lag pa dang dpung pa pad+ma dang chu lhas brgyan pa/ stobs kyi rgyu dang rigs ldan khar za ba'i ska rags can nor rgyas dang dung skyong gis dbul brgyan zhing rgyan du byas pa ni ser po dang dmar po dang dkar po dang nag po ste/ rin po che spyi bo'i steng du na yod pa'o/ /de ltar bdud la sogs pa rlog par byed pa can du bdag nyid rnam par bsam mo//de nas rang gi snying ga'i hUM las 'od 'phros pas/ rang 'dra'i ye shes sems dpa' spyan drangs te/ snying ga las 'phros pa'i 'od zer gyis mchod pa'i lha mo rnams kyis yang dag par mchod de/ dzaHhUM baM hoH bzhis dgug pa dang /gzhug pa dang / bcing ba dang / tha mi dad pa'i phyir dbang du bya'o/ /de'i rjes la sangs rgyas gang+gA'i klung gis sku dang gsung dang thugs byin gyis brlab pa'i phyir/ oM dang AHdang hUM mthing ga dang / dmar po dang / dkar po'i rim pas spyi bo dang / snying ga dang / mgrin par nyi ma'i dkyil 'khor la rnam par bsam mo//de nas dus gsum gyi sangs rgyas lag na bdud rtsi'i bum pa khro bo'i rdo rje rtse lnga pas mtshan pas dbang bskur ro/ /de nas ji srid skyo bar ma gyur gyi bar du bsgom par bya'o/ /skyo bar gyur na sangs rgyas gang+gA'i klung gis rjes su gnang ba'i gzungs kyi phreng ba kho na bzlas par bya ste/nyung du 'dod pa rnams kyis ni/ oM nA+e lAM ba ra d+ha ra badzra pA Ni hr-i da ya ma hA kro d+ha sA d+ha hUM phaT ces snying po'i sngags yi ge nyi shu rtsa gcig pa'o/ /ngag gi brjod pas kyang skyo bar gyur na/ oM a kA ro mu khaM zhes bya ba la sogs pas gtor ma nye bar phul te/ rdo rje sems dpa'i snying pos lhag pa dang mtshang ba dag par bya'o//de nas ldang bar 'dod na ye shes sems dpa' phyung ste/ yang dag par mchod la oM kr-i to ba zhes bya ba'i sngags kyis gshegs su gsol lo/ /de nas de'i nga rgyal gyis ldang bar bya'o/ /bla ma mnyes byas dang ldan snying rjer bcas/ /brtson 'grus drag ldan dran ldan brtan blo can//skad cig tsam yang gnyid ni log pa min/ /de bzhin gnyid las rgyal byed shes rab gyis/ /tak+Sha ka yis zin par gyur pa yang / /zla ba drug gis nges par bzung 'gyur zlogs/ /bla ma la gus brtse bas bdud rtsi thigs pa lhung / /bdag gis blangs te mid pas lus rgyas te/ /lus rgyas stobs kyis sgrub po rjes gzung sgrub thabs dran//bsod nams gang yod sgrub po'i rtog pa'i nad med shog /gnod sbyin gyi sde dpon chen po lag na rdo rje gos sngon po can gyi gzungs kyi sgrub thabs bdud rtsi thigs pa zhes bya ba/ nam gru'i rigs las byung ba dngos grub brnyes pa'i slob dpon dzA ba ri pas mdzad pa rdzogs so/